| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
៨. អដ្ឋមវគ្គោ
8. Aṭṭhamavaggo
(៨០) ៨. អរូបេ រូបកថា
(80) 8. Arūpe rūpakathā
៥២៤. អត្ថិ រូបំ អរូបេសូតិ? អាមន្តា។ រូបភវោ រូបគតិ រូបសត្តាវាសោ រូបសំសារោ រូបយោនិ រូបត្តភាវបដិលាភោតិ? ន ហេវំ វត្តព្ពេ…បេ.… ននុ អរូបភវោ អរូបគតិ អរូបសត្តាវាសោ អរូបសំសារោ អរូបយោនិ អរូបត្តភាវបដិលាភោតិ? អាមន្តា។ ហញ្ចិ អរូបភវោ…បេ.… អរូបត្តភាវបដិលាភោ, នោ ច វត រេ វត្តព្ពេ – ‘‘អត្ថិ រូបំ អរូបេសូ’’តិ។
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
អត្ថិ រូបំ អរូបេសូតិ? អាមន្តា។ បញ្ចវោការភវោ គតិ សត្តាវាសោ សំសារោ យោនិ វិញ្ញាណដ្ឋិតិ អត្តភាវបដិលាភោតិ? ន ហេវំ វត្តព្ពេ…បេ.… ននុ ចតុវោការភវោ…បេ.… អត្តភាវបដិលាភោតិ? អាមន្តា។ ហញ្ចិ ចតុវោការភវោ គតិ…បេ.… អត្តភាវបដិលាភោ, នោ ច វត រេ វត្តព្ពេ – ‘‘អត្ថិ រូបំ អរូបេសូ’’តិ។
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
៥២៥. អត្ថិ រូបំ រូបធាតុយា, សោ ច រូបភវោ រូបគតិ រូបសត្តាវាសោ រូបសំសារោ រូបយោនិ រូបត្តភាវបដិលាភោតិ? អាមន្តា។ អត្ថិ រូបំ អរូបេសុ, សោ ច រូបភវោ រូបគតិ…បេ.… រូបត្តភាវបដិលាភោតិ? ន ហេវំ វត្តព្ពេ…បេ.… អត្ថិ រូបំ រូបធាតុយា, សោ ច បញ្ចវោការភវោ គតិ…បេ.… អត្តភាវបដិលាភោតិ? អាមន្តា ។ អត្ថិ រូបំ អរូបេសុ, សោ ច បញ្ចវោការភវោ គតិ…បេ.… អត្តភាវបដិលាភោតិ? ន ហេវំ វត្តព្ពេ…បេ.…។ អត្ថិ រូបំ អរូបេសុ, សោ ច អរូបភវោ អរូបគតិ អរូបសត្តាវាសោ អរូបសំសារោ អរូបយោនិ អរូបត្តភាវបដិលាភោតិ? អាមន្តា។ អត្ថិ រូបំ រូបធាតុយា 1, សោ ច អរូបភវោ អរូបគតិ…បេ.… អរូបត្តភាវបដិលាភោតិ? ន ហេវំ វត្តព្ពេ…បេ.… អត្ថិ រូបំ អរូបេសុ, សោ ច ចតុវោការភវោ គតិ…បេ.… អត្តភាវបដិលាភោតិ? អាមន្តា។ អត្ថិ រូបំ រូបធាតុយា 2, សោ ច ចតុវោការភវោ គតិ…បេ.… អត្តភាវបដិលាភោតិ? ន ហេវំ វត្តព្ពេ…បេ.…។
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
រូបានំ និស្សរណំ អរូបំ វុត្តំ ភគវតា, អត្ថិ រូបំ អរូបេសូតិ? អាមន្តា ។ កាមានំ និស្សរណំ នេក្ខម្មំ វុត្តំ ភគវតា, អត្ថិ នេក្ខម្មេសុ កាមា, អត្ថិ អនាសវេសុ អាសវា, អត្ថិ អបរិយាបន្នេសុ បរិយាបន្នាតិ? ន ហេវំ វត្តព្ពេ…បេ.…។
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
អរូបេ រូបកថា និដ្ឋិតា។
Arūpe rūpakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៨. អរូបេ រូបកថាវណ្ណនា • 8. Arūpe rūpakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៨. អរូបេរូបកថាវណ្ណនា • 8. Arūperūpakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៨. អរូបេរូបកថាវណ្ណនា • 8. Arūperūpakathāvaṇṇanā
