| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༨. ཨཊྛམཝགྒོ
8. Aṭṭhamavaggo
(༨༠) ༨. ཨརཱུཔེ རཱུཔཀཐཱ
(80) 8. Arūpe rūpakathā
༥༢༤. ཨཏྠི རཱུཔཾ ཨརཱུཔེསཱུཏི? ཨཱམནྟཱ། རཱུཔབྷཝོ རཱུཔགཏི རཱུཔསཏྟཱཝཱསོ རཱུཔསཾསཱརོ རཱུཔཡོནི རཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ནནུ ཨརཱུཔབྷཝོ ཨརཱུཔགཏི ཨརཱུཔསཏྟཱཝཱསོ ཨརཱུཔསཾསཱརོ ཨརཱུཔཡོནི ཨརཱུཔཏྟབྷཱཝཔཊིལཱབྷོཏི? ཨཱམནྟཱ། ཧཉྩི ཨརཱུཔབྷཝོ…པེ॰… ཨརཱུཔཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔེསཱུ’’ཏི།
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
ཨཏྠི རཱུཔཾ ཨརཱུཔེསཱུཏི? ཨཱམནྟཱ། པཉྩཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ནནུ ཙཏུཝོཀཱརབྷཝོ…པེ॰… ཨཏྟབྷཱཝཔཊིལཱབྷོཏི? ཨཱམནྟཱ། ཧཉྩི ཙཏུཝོཀཱརབྷཝོ གཏི…པེ॰… ཨཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔེསཱུ’’ཏི།
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
༥༢༥. ཨཏྠི རཱུཔཾ རཱུཔདྷཱཏུཡཱ, སོ ཙ རཱུཔབྷཝོ རཱུཔགཏི རཱུཔསཏྟཱཝཱསོ རཱུཔསཾསཱརོ རཱུཔཡོནི རཱུཔཏྟབྷཱཝཔཊིལཱབྷོཏི? ཨཱམནྟཱ། ཨཏྠི རཱུཔཾ ཨརཱུཔེསུ, སོ ཙ རཱུཔབྷཝོ རཱུཔགཏི…པེ॰… རཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ཨཏྠི རཱུཔཾ རཱུཔདྷཱཏུཡཱ, སོ ཙ པཉྩཝོཀཱརབྷཝོ གཏི…པེ॰… ཨཏྟབྷཱཝཔཊིལཱབྷོཏི? ཨཱམནྟཱ ། ཨཏྠི རཱུཔཾ ཨརཱུཔེསུ, སོ ཙ པཉྩཝོཀཱརབྷཝོ གཏི…པེ॰… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰…། ཨཏྠི རཱུཔཾ ཨརཱུཔེསུ, སོ ཙ ཨརཱུཔབྷཝོ ཨརཱུཔགཏི ཨརཱུཔསཏྟཱཝཱསོ ཨརཱུཔསཾསཱརོ ཨརཱུཔཡོནི ཨརཱུཔཏྟབྷཱཝཔཊིལཱབྷོཏི? ཨཱམནྟཱ། ཨཏྠི རཱུཔཾ རཱུཔདྷཱཏུཡཱ 1, སོ ཙ ཨརཱུཔབྷཝོ ཨརཱུཔགཏི…པེ॰… ཨརཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰… ཨཏྠི རཱུཔཾ ཨརཱུཔེསུ, སོ ཙ ཙཏུཝོཀཱརབྷཝོ གཏི…པེ॰… ཨཏྟབྷཱཝཔཊིལཱབྷོཏི? ཨཱམནྟཱ། ཨཏྠི རཱུཔཾ རཱུཔདྷཱཏུཡཱ 2, སོ ཙ ཙཏུཝོཀཱརབྷཝོ གཏི…པེ॰… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ॰…།
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
རཱུཔཱནཾ ནིསྶརཎཾ ཨརཱུཔཾ ཝུཏྟཾ བྷགཝཏཱ, ཨཏྠི རཱུཔཾ ཨརཱུཔེསཱུཏི? ཨཱམནྟཱ ། ཀཱམཱནཾ ནིསྶརཎཾ ནེཀྑམྨཾ ཝུཏྟཾ བྷགཝཏཱ, ཨཏྠི ནེཀྑམྨེསུ ཀཱམཱ, ཨཏྠི ཨནཱསཝེསུ ཨཱསཝཱ, ཨཏྠི ཨཔརིཡཱཔནྣེསུ པརིཡཱཔནྣཱཏི? ན ཧེཝཾ ཝཏྟབྦེ…པེ॰…།
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
ཨརཱུཔེ རཱུཔཀཐཱ ནིཊྛིཏཱ།
Arūpe rūpakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༨. ཨརཱུཔེ རཱུཔཀཐཱཝཎྞནཱ • 8. Arūpe rūpakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༨. ཨརཱུཔེརཱུཔཀཐཱཝཎྞནཱ • 8. Arūperūpakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༨. ཨརཱུཔེརཱུཔཀཐཱཝཎྞནཱ • 8. Arūperūpakathāvaṇṇanā
