| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
6. чадтаваг̇г̇о
6. Chaṭṭhavaggo
(56) 4. ааруббагат̇аа
(56) 4. Āruppakathā
455. аагаасаанан̃жааяад̇анам̣ асан̇кад̇анд̇и? ааманд̇аа. ниб̣б̣аанам̣ д̇аан̣ам̣ лзн̣ам̣ саран̣ам̣ барааяанам̣ ажжуд̇ам̣ амад̇анд̇и? на хзвам̣ вад̇д̇аб̣б̣з…бз… аагаасаанан̃жааяад̇анам̣ асан̇кад̇ам̣, ниб̣б̣аанам̣ асан̇кад̇анд̇и? ааманд̇аа. д̣̇вз асан̇кад̇аанийд̇и? на хзвам̣ вад̇д̇аб̣б̣з…бз… д̣̇вз асан̇кад̇аанийд̇и? ааманд̇аа. д̣̇вз д̇аан̣аани…бз… анд̇аригаа ваад̇и? на хзвам̣ вад̇д̇аб̣б̣з…бз….
455. Ākāsānañcāyatanaṃ asaṅkhatanti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… ākāsānañcāyatanaṃ asaṅkhataṃ, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
аагаасаанан̃жааяад̇анам̣ асан̇кад̇анд̇и? ааманд̇аа. аагаасаанан̃жааяад̇анам̣ бхаво г̇ад̇и сад̇д̇ааваасо сам̣сааро яони вин̃н̃аан̣адтид̇и ад̇д̇абхаавабадилаабход̇и? ааманд̇аа. асан̇кад̇ам̣ бхаво г̇ад̇и сад̇д̇ааваасо сам̣сааро яони вин̃н̃аан̣адтид̇и ад̇д̇абхаавабадилаабход̇и? на хзвам̣ вад̇д̇аб̣б̣з…бз….
Ākāsānañcāyatanaṃ asaṅkhatanti? Āmantā. Ākāsānañcāyatanaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Āmantā. Asaṅkhataṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe….
ад̇т̇и аагаасаанан̃жааяад̇ануубаг̇ам̣ гамманд̇и? ааманд̇аа. ад̇т̇и асан̇кад̇уубаг̇ам̣ гамманд̇и? на хзвам̣ вад̇д̇аб̣б̣з…бз… ад̇т̇и аагаасаанан̃жааяад̇ануубаг̇аа сад̇д̇аад̇и? ааманд̇аа. ад̇т̇и асан̇кад̇уубаг̇аа сад̇д̇аад̇и? на хзвам̣ вад̇д̇аб̣б̣з…бз….
Atthi ākāsānañcāyatanūpagaṃ kammanti? Āmantā. Atthi asaṅkhatūpagaṃ kammanti? Na hevaṃ vattabbe…pe… atthi ākāsānañcāyatanūpagā sattāti? Āmantā. Atthi asaṅkhatūpagā sattāti? Na hevaṃ vattabbe…pe….
аагаасаанан̃жааяад̇анз сад̇д̇аа ж̇ааяанд̇и ж̇ийяанд̇и мийяанд̇и жаванд̇и убабаж̇ж̇анд̇ийд̇и? ааманд̇аа. асан̇кад̇з сад̇д̇аа ж̇ааяанд̇и ж̇ийяанд̇и мийяанд̇и жаванд̇и убабаж̇ж̇анд̇ийд̇и? на хзвам̣ вад̇д̇аб̣б̣з…бз… аагаасаанан̃жааяад̇анз ад̇т̇и взд̣̇анаа сан̃н̃аа сан̇каараа вин̃н̃аан̣анд̇и? ааманд̇аа. асан̇кад̇з ад̇т̇и взд̣̇анаа сан̃н̃аа сан̇каараа вин̃н̃аан̣анд̇и? на хзвам̣ вад̇д̇аб̣б̣з…бз… аагаасаанан̃жааяад̇анам̣ жад̇увогаарабхавод̇и? ааманд̇аа. асан̇кад̇ам̣ жад̇увогаарабхавод̇и? на хзвам̣ вад̇д̇аб̣б̣з…бз….
Ākāsānañcāyatane sattā jāyanti jīyanti mīyanti cavanti upapajjantīti? Āmantā. Asaṅkhate sattā jāyanti jīyanti mīyanti cavanti upapajjantīti? Na hevaṃ vattabbe…pe… ākāsānañcāyatane atthi vedanā saññā saṅkhārā viññāṇanti? Āmantā. Asaṅkhate atthi vedanā saññā saṅkhārā viññāṇanti? Na hevaṃ vattabbe…pe… ākāsānañcāyatanaṃ catuvokārabhavoti? Āmantā. Asaṅkhataṃ catuvokārabhavoti? Na hevaṃ vattabbe…pe….
456. на вад̇д̇аб̣б̣ам̣ – ‘‘жад̇д̇ааро ааруббаа асан̇кад̇аа’’д̇и? ааманд̇аа. нану жад̇д̇ааро ааруббаа анзж̇аа вуд̇д̇аа бхаг̇авад̇аад̇и? ааманд̇аа. хан̃жи жад̇д̇ааро ааруббаа анзж̇аа вуд̇д̇аа бхаг̇авад̇аа, д̇зна вад̇а рз вад̇д̇аб̣б̣з ‘‘жад̇д̇ааро ааруббаа асан̇кад̇аа’’д̇и.
456. Na vattabbaṃ – ‘‘cattāro āruppā asaṅkhatā’’ti? Āmantā. Nanu cattāro āruppā anejā vuttā bhagavatāti? Āmantā. Hañci cattāro āruppā anejā vuttā bhagavatā, tena vata re vattabbe ‘‘cattāro āruppā asaṅkhatā’’ti.
ааруббагат̇аа нидтид̇аа.
Āruppakathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. ааруббагат̇ааван̣н̣анаа • 4. Āruppakathāvaṇṇanā
