| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੫੬) ੪. ਆਰੁਪ੍ਪਕਥਾ
(56) 4. Āruppakathā
੪੫੫. ਆਕਾਸਾਨਞ੍ਚਾਯਤਨਂ ਅਸਙ੍ਖਤਨ੍ਤਿ? ਆਮਨ੍ਤਾ। ਨਿਬ੍ਬਾਨਂ ਤਾਣਂ ਲੇਣਂ ਸਰਣਂ ਪਰਾਯਨਂ ਅਚ੍ਚੁਤਂ ਅਮਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਆਕਾਸਾਨਞ੍ਚਾਯਤਨਂ ਅਸਙ੍ਖਤਂ, ਨਿਬ੍ਬਾਨਂ ਅਸਙ੍ਖਤਨ੍ਤਿ? ਆਮਨ੍ਤਾ। ਦ੍વੇ ਅਸਙ੍ਖਤਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦ੍વੇ ਅਸਙ੍ਖਤਾਨੀਤਿ? ਆਮਨ੍ਤਾ। ਦ੍વੇ ਤਾਣਾਨਿ…ਪੇ॰… ਅਨ੍ਤਰਿਕਾ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
455. Ākāsānañcāyatanaṃ asaṅkhatanti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… ākāsānañcāyatanaṃ asaṅkhataṃ, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
ਆਕਾਸਾਨਞ੍ਚਾਯਤਨਂ ਅਸਙ੍ਖਤਨ੍ਤਿ? ਆਮਨ੍ਤਾ। ਆਕਾਸਾਨਞ੍ਚਾਯਤਨਂ ਭવੋ ਗਤਿ ਸਤ੍ਤਾવਾਸੋ ਸਂਸਾਰੋ ਯੋਨਿ વਿਞ੍ਞਾਣਟ੍ਠਿਤਿ ਅਤ੍ਤਭਾવਪਟਿਲਾਭੋਤਿ? ਆਮਨ੍ਤਾ। ਅਸਙ੍ਖਤਂ ਭવੋ ਗਤਿ ਸਤ੍ਤਾવਾਸੋ ਸਂਸਾਰੋ ਯੋਨਿ વਿਞ੍ਞਾਣਟ੍ਠਿਤਿ ਅਤ੍ਤਭਾવਪਟਿਲਾਭੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ākāsānañcāyatanaṃ asaṅkhatanti? Āmantā. Ākāsānañcāyatanaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Āmantā. Asaṅkhataṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe….
ਅਤ੍ਥਿ ਆਕਾਸਾਨਞ੍ਚਾਯਤਨੂਪਗਂ ਕਮ੍ਮਨ੍ਤਿ? ਆਮਨ੍ਤਾ। ਅਤ੍ਥਿ ਅਸਙ੍ਖਤੂਪਗਂ ਕਮ੍ਮਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਆਕਾਸਾਨਞ੍ਚਾਯਤਨੂਪਗਾ ਸਤ੍ਤਾਤਿ? ਆਮਨ੍ਤਾ। ਅਤ੍ਥਿ ਅਸਙ੍ਖਤੂਪਗਾ ਸਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi ākāsānañcāyatanūpagaṃ kammanti? Āmantā. Atthi asaṅkhatūpagaṃ kammanti? Na hevaṃ vattabbe…pe… atthi ākāsānañcāyatanūpagā sattāti? Āmantā. Atthi asaṅkhatūpagā sattāti? Na hevaṃ vattabbe…pe….
ਆਕਾਸਾਨਞ੍ਚਾਯਤਨੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚવਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ। ਅਸਙ੍ਖਤੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚવਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਆਕਾਸਾਨਞ੍ਚਾਯਤਨੇ ਅਤ੍ਥਿ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ? ਆਮਨ੍ਤਾ। ਅਸਙ੍ਖਤੇ ਅਤ੍ਥਿ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਆਕਾਸਾਨਞ੍ਚਾਯਤਨਂ ਚਤੁવੋਕਾਰਭવੋਤਿ? ਆਮਨ੍ਤਾ। ਅਸਙ੍ਖਤਂ ਚਤੁવੋਕਾਰਭવੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ākāsānañcāyatane sattā jāyanti jīyanti mīyanti cavanti upapajjantīti? Āmantā. Asaṅkhate sattā jāyanti jīyanti mīyanti cavanti upapajjantīti? Na hevaṃ vattabbe…pe… ākāsānañcāyatane atthi vedanā saññā saṅkhārā viññāṇanti? Āmantā. Asaṅkhate atthi vedanā saññā saṅkhārā viññāṇanti? Na hevaṃ vattabbe…pe… ākāsānañcāyatanaṃ catuvokārabhavoti? Āmantā. Asaṅkhataṃ catuvokārabhavoti? Na hevaṃ vattabbe…pe….
੪੫੬. ਨ વਤ੍ਤਬ੍ਬਂ – ‘‘ਚਤ੍ਤਾਰੋ ਆਰੁਪ੍ਪਾ ਅਸਙ੍ਖਤਾ’’ਤਿ? ਆਮਨ੍ਤਾ। ਨਨੁ ਚਤ੍ਤਾਰੋ ਆਰੁਪ੍ਪਾ ਅਨੇਜਾ વੁਤ੍ਤਾ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਚਤ੍ਤਾਰੋ ਆਰੁਪ੍ਪਾ ਅਨੇਜਾ વੁਤ੍ਤਾ ਭਗવਤਾ, ਤੇਨ વਤ ਰੇ વਤ੍ਤਬ੍ਬੇ ‘‘ਚਤ੍ਤਾਰੋ ਆਰੁਪ੍ਪਾ ਅਸਙ੍ਖਤਾ’’ਤਿ।
456. Na vattabbaṃ – ‘‘cattāro āruppā asaṅkhatā’’ti? Āmantā. Nanu cattāro āruppā anejā vuttā bhagavatāti? Āmantā. Hañci cattāro āruppā anejā vuttā bhagavatā, tena vata re vattabbe ‘‘cattāro āruppā asaṅkhatā’’ti.
ਆਰੁਪ੍ਪਕਥਾ ਨਿਟ੍ਠਿਤਾ।
Āruppakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਆਰੁਪ੍ਪਕਥਾવਣ੍ਣਨਾ • 4. Āruppakathāvaṇṇanā
