| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
асаад̇хааран̣аад̣̇иван̣н̣анаа
Asādhāraṇādivaṇṇanā
338. ид̣̇аани ‘‘саад̇хааран̣ам̣ асаад̇хааран̣а’’нд̇и имам̣ буримабан̃хам̣ виссаж̇ж̇знд̇о ‘‘вийсам̣ д̣̇вз сад̇ааний’’д̇иаад̣̇имааха. д̇ад̇т̇а бхигкунийхи асаад̇хааран̣зсу ча сан̇гхаад̣̇исзсаад̇и виссадти, гааяасам̣саг̇г̇о, д̣̇удтуллам̣, ад̇д̇агаама, гуди, вихаарод̇и. д̣̇вз анияад̇зхи адтаад̇и д̣̇вийхи анияад̇зхи сад̣̇д̇хим̣ адта имз.
338. Idāni ‘‘sādhāraṇaṃ asādhāraṇa’’nti imaṃ purimapañhaṃ vissajjento ‘‘vīsaṃ dve satānī’’tiādimāha. Tattha bhikkhunīhi asādhāraṇesu cha saṅghādisesāti vissaṭṭhi, kāyasaṃsaggo, duṭṭhullaṃ, attakāma, kuṭi, vihāroti. Dve aniyatehi aṭṭhāti dvīhi aniyatehi saddhiṃ aṭṭha ime.
ниссаг̇г̇ияаани д̣̇ваад̣̇асаад̇и –
Nissaggiyāni dvādasāti –
д̇хованан̃жа бадиг̇г̇ахо, госзяяасуд̣̇д̇хад̣̇взбхааг̇аа;
Dhovanañca paṭiggaho, koseyyasuddhadvebhāgā;
чаб̣б̣ассаани нисийд̣̇анам̣, д̣̇вз ломаа батамо бад̇д̇о;
Chabbassāni nisīdanaṃ, dve lomā paṭhamo patto;
вассигаа ааран̃н̃агзна жаад̇и – имз д̣̇ваад̣̇аса.
Vassikā āraññakena cāti – ime dvādasa.
д̣̇взвийсад̇и куд̣̇д̣̇агаад̇и –
Dvevīsati khuddakāti –
сагало бхигкунийваг̇г̇о, барамбаран̃жа бхож̇анам̣;
Sakalo bhikkhunīvaggo, paramparañca bhojanaṃ;
анад̇ирид̇д̇ам̣ абхихадам̣, бан̣ийд̇ан̃жа ажзлагам̣;
Anatirittaṃ abhihaṭaṃ, paṇītañca acelakaṃ;
уунам̣ д̣̇удтуллачаад̣̇анам̣.
Ūnaṃ duṭṭhullachādanaṃ.
маад̇уг̇аамзна сад̣̇д̇хин̃жа, яаа жа анигканд̇арааж̇агз;
Mātugāmena saddhiñca, yā ca anikkhantarājake;
санд̇ам̣ бхигкум̣ анаабужчаа, вигаалз г̇аамаббавзсанаа.
Santaṃ bhikkhuṃ anāpucchā, vikāle gāmappavesanā.
нисийд̣̇анз жа яаа сигкаа, вассигаа яаа жа саадигаа;
Nisīdane ca yā sikkhā, vassikā yā ca sāṭikā;
д̣̇ваавийсад̇и имаа сигкаа, куд̣̇д̣̇агзсу багаасид̇аад̇и.
Dvāvīsati imā sikkhā, khuddakesu pakāsitāti.
бхигкуухи асаад̇хааран̣зсуби сан̇гхамхаа д̣̇аса ниссарзд̇и ‘‘сан̇гхамхаа ниссаарийяад̇ий’’д̇и звам̣ вибхан̇г̇з вуд̇д̇аа, маад̇игааяам̣ бана ‘‘ниссааран̣ийяам̣ сан̇гхаад̣̇исзса’’нд̇и звам̣ ааг̇ад̇аа д̣̇аса. ниссаг̇г̇ияаани д̣̇ваад̣̇асаад̇и бхигкунивибхан̇г̇з вибхад̇д̇аани ниссаг̇г̇ияаанзва. куд̣̇д̣̇агааби д̇ад̇т̇а вибхад̇д̇акуд̣̇д̣̇агаа зва. д̇ат̇аа жад̇д̇ааро баадид̣̇зсанийяаа, ид̇и сад̇ан̃жзва д̇им̣сан̃жа сигкаа вибхан̇г̇з бхигкунийнам̣ бхигкуухи асаад̇хааран̣аа. сзсам̣ имасмим̣ саад̇хааран̣аасаад̇хааран̣ависсаж̇ж̇анз уд̇д̇аанамзва.
Bhikkhūhi asādhāraṇesupi saṅghamhā dasa nissareti ‘‘saṅghamhā nissārīyatī’’ti evaṃ vibhaṅge vuttā, mātikāyaṃ pana ‘‘nissāraṇīyaṃ saṅghādisesa’’nti evaṃ āgatā dasa. Nissaggiyāni dvādasāti bhikkhunivibhaṅge vibhattāni nissaggiyāneva. Khuddakāpi tattha vibhattakhuddakā eva. Tathā cattāro pāṭidesanīyā, iti satañceva tiṃsañca sikkhā vibhaṅge bhikkhunīnaṃ bhikkhūhi asādhāraṇā. Sesaṃ imasmiṃ sādhāraṇāsādhāraṇavissajjane uttānameva.
ид̣̇аани вибад̇д̇ияо жа ‘‘язхи самат̇зхи самманд̇ий’’д̇и ид̣̇ам̣ бан̃хам̣ виссаж̇ж̇знд̇о адтзва баарааж̇игаад̇иаад̣̇имааха. д̇ад̇т̇а д̣̇ураасад̣̇аад̇и иминаа д̇зсам̣ саббадибхаяад̇ам̣ д̣̇ассзд̇и. ган̣хасаббаад̣̇аяо вияа хи зд̇з д̣̇ураасад̣̇аа д̣̇уруубаг̇аманаа д̣̇ураасаж̇ж̇анаа, аабаж̇ж̇ияамаанаа муулажчзд̣̇ааяа сам̣вад̇д̇анд̇и. д̇аалавад̇т̇усамуубамаад̇и саб̣б̣ам̣ д̇аалам̣ уд̣̇д̇харид̇ваа д̇ааласса вад̇т̇умад̇д̇агаран̣зна самуубамаа. яат̇аа вад̇т̇умад̇д̇агад̇о д̇аало на буна баагад̇иго ход̇и, звам̣ на буна баагад̇игаа хонд̇и.
Idāni vipattiyo ca ‘‘yehi samathehi sammantī’’ti idaṃ pañhaṃ vissajjento aṭṭheva pārājikātiādimāha. Tattha durāsadāti iminā tesaṃ sappaṭibhayataṃ dasseti. Kaṇhasappādayo viya hi ete durāsadā durūpagamanā durāsajjanā, āpajjiyamānā mūlacchedāya saṃvattanti. Tālavatthusamūpamāti sabbaṃ tālaṃ uddharitvā tālassa vatthumattakaraṇena samūpamā. Yathā vatthumattakato tālo na puna pākatiko hoti, evaṃ na puna pākatikā honti.
звам̣ саад̇хааран̣ам̣ убамам̣ д̣̇ассзд̇ваа буна згзгасса вуд̇д̇ам̣ убамам̣ д̣̇ассзнд̇о бан̣д̣убалаасод̇иаад̣̇имааха. авирул̣хий бхаванд̇и д̇зд̇и яат̇аа зд̇з бан̣д̣убалаасаад̣̇аяо бунахарид̇аад̣̇ибхаавзна авирул̣хид̇хаммаа хонд̇и; звам̣ баарааж̇игааби буна багад̇исийлаабхаавзна авирул̣хид̇хаммаа хонд̇ийд̇и ад̇т̇о. зд̇д̇аавад̇аа ‘‘вибад̇д̇ияо жа язхи самат̇зхи самманд̇ий’’д̇и зд̇т̇а имаа д̇аава адта баарааж̇игавибад̇д̇ияо гзхижи самат̇зхи на самманд̇ийд̇и звам̣ д̣̇ассид̇ам̣ ход̇и. яаа бана вибад̇д̇ияо самманд̇и, д̇аа д̣̇ассзд̇ум̣ д̇звийсад̇и сан̇гхаад̣̇исзсаад̇иаад̣̇и вуд̇д̇ам̣. д̇ад̇т̇а д̇ийхи самат̇зхийд̇и саб̣б̣асан̇г̇аахигаважанамзд̇ам̣. сан̇гхаад̣̇исзсаа хи д̣̇вийхи самат̇зхи самманд̇и, на д̇ин̣авад̇т̇аарагзна. сзсаа д̇ийхиби самманд̇и.
Evaṃ sādhāraṇaṃ upamaṃ dassetvā puna ekekassa vuttaṃ upamaṃ dassento paṇḍupalāsotiādimāha. Aviruḷhī bhavanti teti yathā ete paṇḍupalāsādayo punaharitādibhāvena aviruḷhidhammā honti; evaṃ pārājikāpi puna pakatisīlābhāvena aviruḷhidhammā hontīti attho. Ettāvatā ‘‘vipattiyo ca yehi samathehi sammantī’’ti ettha imā tāva aṭṭha pārājikavipattiyo kehici samathehi na sammantīti evaṃ dassitaṃ hoti. Yā pana vipattiyo sammanti, tā dassetuṃ tevīsati saṅghādisesātiādi vuttaṃ. Tattha tīhi samathehīti sabbasaṅgāhikavacanametaṃ. Saṅghādisesā hi dvīhi samathehi sammanti, na tiṇavatthārakena. Sesā tīhipi sammanti.
д̣̇вз убосат̇аа д̣̇вз бавааран̣аад̇и ид̣̇ам̣ бхигкуунан̃жа бхигкунийнан̃жа васзна вуд̇д̇ам̣. вибхад̇д̇имад̇д̇ад̣̇ассанзнзва жзд̇ам̣ вуд̇д̇ам̣, на самат̇зхи вуубасаманавасзна. бхигкуубосат̇о, бхигкуниубосат̇о, бхигкубавааран̣аа, бхигкунибавааран̣аад̇и имааби хи жад̇ассо вибхад̇д̇ияо ; вибхаж̇анаанийд̇и ад̇т̇о. жад̇д̇аари гаммаанийд̇и ад̇хаммзнаваг̇г̇аад̣̇ийни убосат̇агаммаани. бан̃жзва уд̣̇д̣̇зсаа жад̇уро бхаванд̇и анан̃н̃ат̇аад̇и бхигкуунам̣ бан̃жа уд̣̇д̣̇зсаа бхигкунийнам̣ жад̇уро бхаванд̇и, ан̃н̃ат̇аа на бхаванд̇и; имаа абарааби вибхад̇д̇ияо. аабад̇д̇игканд̇хаа жа бхаванд̇и сад̇д̇а, ад̇хигаран̣аани жад̇д̇аарийд̇и имаа бана вибхад̇д̇ияо самат̇зхи самманд̇и, д̇асмаа сад̇д̇ахи самат̇зхийд̇иаад̣̇имааха. ат̇а ваа ‘‘д̣̇вз убосат̇аа д̣̇вз бавааран̣аа жад̇д̇аари гаммаани бан̃жзва уд̣̇д̣̇зсаа жад̇уро бхаванд̇и, анан̃н̃ат̇аа’’д̇и имааби жад̇ассо вибхад̇д̇ияо ниссааяа ‘‘нассанд̇зд̇з винассанд̇зд̇з’’д̇иаад̣̇инаа наязна яаа аабад̇д̇ияо аабаж̇ж̇анд̇и, д̇аа яасмаа вуд̇д̇аббагаарзхзва самат̇зхи самманд̇и, д̇асмаа д̇ам̣муулагаанам̣ аабад̇д̇ийнам̣ самат̇ад̣̇ассанад̇т̇амби д̇аа вибхад̇д̇ияо вуд̇д̇аад̇и взд̣̇ид̇аб̣б̣аа. гижжам̣ згзнаад̇и гижжаад̇хигаран̣ам̣ згзна самат̇зна саммад̇и.
Dve uposathā dve pavāraṇāti idaṃ bhikkhūnañca bhikkhunīnañca vasena vuttaṃ. Vibhattimattadassaneneva cetaṃ vuttaṃ, na samathehi vūpasamanavasena. Bhikkhuuposatho, bhikkhuniuposatho, bhikkhupavāraṇā, bhikkhunipavāraṇāti imāpi hi catasso vibhattiyo ; vibhajanānīti attho. Cattāri kammānīti adhammenavaggādīni uposathakammāni. Pañceva uddesā caturo bhavanti anaññathāti bhikkhūnaṃ pañca uddesā bhikkhunīnaṃ caturo bhavanti, aññathā na bhavanti; imā aparāpi vibhattiyo. Āpattikkhandhā ca bhavanti satta, adhikaraṇāni cattārīti imā pana vibhattiyo samathehi sammanti, tasmā sattahi samathehītiādimāha. Atha vā ‘‘dve uposathā dve pavāraṇā cattāri kammāni pañceva uddesā caturo bhavanti, anaññathā’’ti imāpi catasso vibhattiyo nissāya ‘‘nassantete vinassantete’’tiādinā nayena yā āpattiyo āpajjanti, tā yasmā vuttappakāreheva samathehi sammanti, tasmā taṃmūlakānaṃ āpattīnaṃ samathadassanatthampi tā vibhattiyo vuttāti veditabbā. Kiccaṃ ekenāti kiccādhikaraṇaṃ ekena samathena sammati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 4. асаад̇хааран̣аад̣̇и • 4. Asādhāraṇādi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / асаад̇хааран̣аад̣̇иван̣н̣анаа • Asādhāraṇādivaṇṇanā
