| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
අසාධාරණාදිවණ්‌ණනා
Asādhāraṇādivaṇṇanā
338. ‘‘ධොවනඤ්‌ච පටිග්‌ගහො’’ති ගාථා අට්‌ඨකථාචරියානං. තත්‌ථ ධොවනඤ්‌ච පටිග්‌ගහොති අඤ්‌ඤාතිකාය භික්‌ඛුනියා චීවරධොවාපනං චීවරපටිග්‌ගහණඤ්‌ච. කොසෙය්‍ය…පෙ.… ද්‌වෙ ලොමාති එළකලොමවග්‌ගෙ ආදිතො සත්‌ත සික්‌ඛාපදානි වුත්‌තානි. වස්‌සිකාති වස්‌සිකසාටිකසික්‌ඛාපදං. ආරඤ්‌ඤකෙන චාති සාසඞ්‌කසික්‌ඛාපදං වුත්‌තං. පණීතන්‌ති පණීතභොජනවිඤ්‌ඤත්‌ති. ඌනන්‌ති ඌනවීසතිවස්‌සසික්‌ඛාපදං. නිසීදනෙ ච යා සික්‌ඛා, වස්‌සිකා යා ච සාටිකාති නිසීදනවස්‌සිකසාටිකානං පමාණාතික්‌කමො.
338. ‘‘Dhovanañca paṭiggaho’’ti gāthā aṭṭhakathācariyānaṃ. Tattha dhovanañca paṭiggahoti aññātikāya bhikkhuniyā cīvaradhovāpanaṃ cīvarapaṭiggahaṇañca. Koseyya…pe… dve lomāti eḷakalomavagge ādito satta sikkhāpadāni vuttāni. Vassikāti vassikasāṭikasikkhāpadaṃ. Āraññakena cāti sāsaṅkasikkhāpadaṃ vuttaṃ. Paṇītanti paṇītabhojanaviññatti. Ūnanti ūnavīsativassasikkhāpadaṃ. Nisīdane ca yā sikkhā, vassikā yā ca sāṭikāti nisīdanavassikasāṭikānaṃ pamāṇātikkamo.
ආපත්‌තික්‌ඛන්‌ධා චෙව උපොසථාදීනි ච ‘‘පාරාජිකසඞ්‌ඝාදිසෙසා’’තිආදිනා විභත්‌තත්‌තා ‘‘විභත්‌තියො’’ති වුත්‌තානි. තෙවීසති සඞ්‌ඝාදිසෙසාති භික්‌ඛුනීනං ආගතානි දස, භික්‌ඛූනං තෙරසාති තෙවීසති. ද්‌වෙචත්‌තාලීස නිස්‌සග්‌ගියාතිආදීසුපි එසෙව නයො. ද්‌වීහි…පෙ.… කිච්‌චං එකෙන සම්‌මතීති ද්‌වීහි විවාදාධිකරණං, චතූහි අනුවාදාධිකරණං, තීහි ආපත්‌තාධිකරණං, එකෙන කිච්‌චාධිකරණං සම්‌මතීති අත්‌ථො.
Āpattikkhandhā ceva uposathādīni ca ‘‘pārājikasaṅghādisesā’’tiādinā vibhattattā ‘‘vibhattiyo’’ti vuttāni. Tevīsati saṅghādisesāti bhikkhunīnaṃ āgatāni dasa, bhikkhūnaṃ terasāti tevīsati. Dvecattālīsa nissaggiyātiādīsupi eseva nayo. Dvīhi…pe… kiccaṃ ekena sammatīti dvīhi vivādādhikaraṇaṃ, catūhi anuvādādhikaraṇaṃ, tīhi āpattādhikaraṇaṃ, ekena kiccādhikaraṇaṃ sammatīti attho.
339. නිරඞ්‌කතොති සඞ්‌ඝම්‌හා අපසාරිතො.
339.Niraṅkatoti saṅghamhā apasārito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
4. අසාධාරණාදි • 4. Asādhāraṇādi
5. පාරාජිකාදිආපත්‌ති • 5. Pārājikādiāpatti
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
අසාධාරණාදිවණ්‌ණනා • Asādhāraṇādivaṇṇanā
පාරාජිකාදිආපත්‌තිවණ්‌ණනා • Pārājikādiāpattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
අසාධාරණාදිවණ්‌ණනා • Asādhāraṇādivaṇṇanā
පාරාජිකාදිආපත්‌තිවණ්‌ණනා • Pārājikādiāpattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā
සත්‌තනගරෙසු පඤ්‌ඤත්‌තසික්‌ඛාපදවණ්‌ණනා • Sattanagaresu paññattasikkhāpadavaṇṇanā
පාරාජිකාදිආපත්‌තිවණ්‌ණනා • Pārājikādiāpattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
අසාධාරණාදිවණ්‌ණනා • Asādhāraṇādivaṇṇanā
පාරාජිකාදිආපත්‌තිවණ්‌ණනා • Pārājikādiāpattivaṇṇanā
