| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
асаад̇хааран̣абаарааж̇игам̣
Asādhāraṇapārājikaṃ
5. уб̣бхаж̇аан̣уман̣д̣алигаасигкаабад̣̇аван̣н̣анаа
5. Ubbhajāṇumaṇḍalikāsikkhāpadavaṇṇanā
асаад̇хааран̣зсу бана жад̇уннам̣ д̇аава баарааж̇игаанам̣ батамз авассуд̇аад̇и гааяасам̣саг̇г̇арааг̇зна д̇инд̇аа, гилиннаад̇и ад̇т̇о. д̣̇уд̇ияабад̣̇зби зсзва наяо. бурисабуг̇г̇алассаад̇и гааяасам̣саг̇г̇ам̣ самаабаж̇ж̇ид̇ум̣ вин̃н̃усса мануссаж̇аад̇игасса бурисасан̇каад̇асса буг̇г̇аласса. ад̇хагкаганд̇и ад̇д̇ано агкагаанам̣ ад̇хо. уб̣бхаж̇аан̣уман̣д̣аланд̇и ж̇аан̣уман̣д̣алаанам̣ убари, зд̇т̇а жа уб̣бхагаббарамби уб̣бхаж̇аан̣уман̣д̣алзнзва сан̇г̇ахид̇ам̣. аамасананд̇и аамаж̇ж̇анам̣ пудтогаасам̣ анад̇иггамид̇ваа д̇ад̇т̇зва сан̇гхадданам̣. бараамасананд̇и ид̇о жид̇о жа сан̃жаран̣ам̣. г̇ахан̣анд̇и г̇ахид̇амад̇д̇ам̣. чубананд̇и асан̇гхаддзд̇ваа пудтамад̇д̇ам̣. бадибийл̣ананд̇и ан̇г̇з г̇ахзд̇ваа ниббийл̣анам̣. саад̣̇иязяяаад̇и яаа бхигкуний ад̇д̇ано яат̇аабарижчиннз гааяз бурисасса зд̇ам̣ аамасанаад̣̇им̣ саад̣̇ияад̇и, саяам̣ ваа бана д̇зна гааязна бурисасса яам̣гин̃жи гааяаббад̣̇зсам̣ саад̣̇аяамаанаа чубад̇и, аяам̣ уб̣бхаж̇аан̣уман̣д̣алигаа наама баарааж̇игаад̇и аяамзд̇т̇а сан̇кзбо.
Asādhāraṇesu pana catunnaṃ tāva pārājikānaṃ paṭhame avassutāti kāyasaṃsaggarāgena tintā, kilinnāti attho. Dutiyapadepi eseva nayo. Purisapuggalassāti kāyasaṃsaggaṃ samāpajjituṃ viññussa manussajātikassa purisasaṅkhātassa puggalassa. Adhakkhakanti attano akkhakānaṃ adho. Ubbhajāṇumaṇḍalanti jāṇumaṇḍalānaṃ upari, ettha ca ubbhakapparampi ubbhajāṇumaṇḍaleneva saṅgahitaṃ. Āmasananti āmajjanaṃ phuṭṭhokāsaṃ anatikkamitvā tattheva saṅghaṭṭanaṃ. Parāmasananti ito cito ca sañcaraṇaṃ. Gahaṇanti gahitamattaṃ. Chupananti asaṅghaṭṭetvā phuṭṭhamattaṃ. Paṭipīḷananti aṅge gahetvā nippīḷanaṃ. Sādiyeyyāti yā bhikkhunī attano yathāparicchinne kāye purisassa etaṃ āmasanādiṃ sādiyati, sayaṃ vā pana tena kāyena purisassa yaṃkiñci kāyappadesaṃ sādayamānā chupati, ayaṃ ubbhajāṇumaṇḍalikā nāma pārājikāti ayamettha saṅkhepo.
‘‘нид̣̇аанам̣ буг̇г̇алам̣ вад̇т̇у’’нд̇иаад̣̇игз (ган̇каа. адта. батамабаарааж̇игаван̣н̣анаа) д̇зна вид̇т̇ааравинижчаяз яасмаа саб̣б̣аанзва асаад̇хааран̣абан̃н̃ад̇д̇ияо хонд̇и, д̇асмаа ид̇о бадтааяа санд̇им̣ анубан̃н̃ад̇д̇им̣ вад̇ваа саад̇хааран̣абан̃н̃ад̇д̇ийд̇и ваа асаад̇хааран̣абан̃н̃ад̇д̇ийд̇и ваа на вагкаама, аан̣ад̇д̇ияам̣ яад̇т̇а аан̣ад̇д̇и над̇т̇и, д̇ад̇т̇а гин̃жи авад̇ваа яад̇т̇а ад̇т̇и, д̇ад̇т̇зва вагкаама, вибад̇д̇ивижааран̣аа вуд̇д̇ааязва.
‘‘Nidānaṃ puggalaṃ vatthu’’ntiādike (kaṅkhā. aṭṭha. paṭhamapārājikavaṇṇanā) tena vitthāravinicchaye yasmā sabbāneva asādhāraṇapaññattiyo honti, tasmā ito paṭṭhāya santiṃ anupaññattiṃ vatvā sādhāraṇapaññattīti vā asādhāraṇapaññattīti vā na vakkhāma, āṇattiyaṃ yattha āṇatti natthi, tattha kiñci avatvā yattha atthi, tattheva vakkhāma, vipattivicāraṇā vuttāyeva.
авасзсам̣ бана саб̣б̣ад̇т̇а вад̇д̇аб̣б̣ам̣, д̇аяид̣̇ам̣ вужжад̇и, ид̣̇ам̣ д̇аава сигкаабад̣̇ам̣ саавад̇т̇ияам̣ сунд̣̇арийнанд̣̇ам̣ аараб̣бха гааяасам̣саг̇г̇ам̣ самаабаж̇ж̇анавад̇т̇усмим̣ бан̃н̃ад̇д̇ам̣, згад̇оавассуд̇з яат̇аабарижчиннзна гааязна бурисасса гааяам̣, убхад̇оавассуд̇зби гааязна гааяаббадиб̣ад̣̇д̇хам̣, яат̇аабарижчиннагааяаббадиб̣ад̣̇д̇хзна ваа авасзсагааязна ваа д̇асса гааяам̣ аамасанд̇ияаа т̇уллажжаяам̣, яагкабзд̇абан̣д̣агад̇иражчаанаг̇ад̇амануссавиг̇г̇ахаанам̣ убхад̇оавассуд̇з яат̇аабарижчиннзна гааязна гааяам̣ аамасанд̇ияааби т̇уллажжаяам̣, сажз бана бурисасса гааяасам̣саг̇г̇арааг̇о над̇т̇и, баарааж̇игагкзд̇д̇зби т̇уллажжаяамзва. авасзсз бана гааяаббадиб̣ад̣̇д̇хзна гааяаббадиб̣ад̣̇д̇хаад̣̇ибхзд̣̇з, мзт̇унарааг̇аг̇зхасид̇абзмзсу жа саб̣б̣ад̇т̇а д̣̇уггадам̣. асан̃жижжа, ассад̇ияаа, аж̇аананд̇ияаа, асаад̣̇ияанд̇ияаа , уммад̇д̇игаад̣̇ийнан̃жа анаабад̇д̇и. ан̇г̇аани самудтаанаад̣̇ийни жа бхигкубаад̇имогкз гааяасам̣саг̇г̇з вуд̇д̇анаязнзва взд̣̇ид̇аб̣б̣аанийд̇и.
Avasesaṃ pana sabbattha vattabbaṃ, tayidaṃ vuccati, idaṃ tāva sikkhāpadaṃ sāvatthiyaṃ sundarīnandaṃ ārabbha kāyasaṃsaggaṃ samāpajjanavatthusmiṃ paññattaṃ, ekatoavassute yathāparicchinnena kāyena purisassa kāyaṃ, ubhatoavassutepi kāyena kāyappaṭibaddhaṃ, yathāparicchinnakāyappaṭibaddhena vā avasesakāyena vā tassa kāyaṃ āmasantiyā thullaccayaṃ, yakkhapetapaṇḍakatiracchānagatamanussaviggahānaṃ ubhatoavassute yathāparicchinnena kāyena kāyaṃ āmasantiyāpi thullaccayaṃ, sace pana purisassa kāyasaṃsaggarāgo natthi, pārājikakkhettepi thullaccayameva. Avasese pana kāyappaṭibaddhena kāyappaṭibaddhādibhede, methunarāgagehasitapemesu ca sabbattha dukkaṭaṃ. Asañcicca, assatiyā, ajānantiyā, asādiyantiyā , ummattikādīnañca anāpatti. Aṅgāni samuṭṭhānādīni ca bhikkhupātimokkhe kāyasaṃsagge vuttanayeneva veditabbānīti.
уб̣бхаж̇аан̣уман̣д̣алигаасигкаабад̣̇аван̣н̣анаа нидтид̇аа.
Ubbhajāṇumaṇḍalikāsikkhāpadavaṇṇanā niṭṭhitā.
6. важ̇ж̇аббадижчаад̣̇игаасигкаабад̣̇аван̣н̣анаа
6. Vajjappaṭicchādikāsikkhāpadavaṇṇanā
д̣̇уд̇ияз г̇ан̣ассаад̇и ан̃н̃аасам̣ бхигкунийнам̣. тид̇аад̇и салин̇г̇з тид̇аа. жуд̇аад̇и гаалан̇гад̇аа. наасид̇аад̇и лин̇г̇анаасанааяа саяам̣ ваа надтаа, ан̃н̃зхи ваа наасид̇аа. авассадаад̇и д̇ид̇т̇ааяад̇анам̣ сан̇ганд̇аа. буб̣б̣зваахам̣ аяяз ан̃н̃аасинд̇и ид̣̇ам̣ д̇ассаа важанагаалад̣̇ассанам̣, салин̇г̇з тид̇ааяа бана баарааж̇игабхаавам̣ н̃ад̇ваа ‘‘на д̣̇аани нам̣ гассажи аарожзссаамий’’д̇и д̇хурз нигкид̇д̇амад̇д̇зязва аяам̣ важ̇ж̇аббадижчаад̣̇игаа наама баарааж̇игаа ход̇ийд̇и.
Dutiye gaṇassāti aññāsaṃ bhikkhunīnaṃ. Ṭhitāti saliṅge ṭhitā. Cutāti kālaṅkatā. Nāsitāti liṅganāsanāya sayaṃ vā naṭṭhā, aññehi vā nāsitā. Avassaṭāti titthāyatanaṃ saṅkantā. Pubbevāhaṃ ayye aññāsinti idaṃ tassā vacanakāladassanaṃ, saliṅge ṭhitāya pana pārājikabhāvaṃ ñatvā ‘‘na dāni naṃ kassaci ārocessāmī’’ti dhure nikkhittamatteyeva ayaṃ vajjappaṭicchādikā nāma pārājikā hotīti.
саавад̇т̇ияам̣ т̇уллананд̣̇ам̣ аараб̣бха нзваад̇д̇анаабадижод̣̇анаа наг̇ан̣асса аарожанавад̇т̇усмим̣ бан̃н̃ад̇д̇ам̣, сзсамзд̇т̇а саббаан̣агаваг̇г̇амхи д̣̇удтуллаабад̇д̇иббадижчаад̣̇анасигкаабад̣̇з вуд̇д̇анаязнзва взд̣̇ид̇аб̣б̣ам̣. д̇ад̇ра хи баажид̇д̇ияам̣, ид̇ха баарааж̇иганд̇и аяамзва висзсо, сзсам̣ д̇аад̣̇исамзваад̇и.
Sāvatthiyaṃ thullanandaṃ ārabbha nevaattanāpaṭicodanā nagaṇassa ārocanavatthusmiṃ paññattaṃ, sesamettha sappāṇakavaggamhi duṭṭhullāpattippaṭicchādanasikkhāpade vuttanayeneva veditabbaṃ. Tatra hi pācittiyaṃ, idha pārājikanti ayameva viseso, sesaṃ tādisamevāti.
важ̇ж̇аббадижчаад̣̇игаасигкаабад̣̇аван̣н̣анаа нидтид̇аа.
Vajjappaṭicchādikāsikkhāpadavaṇṇanā niṭṭhitā.
7. угкид̇д̇аанувад̇д̇игаасигкаабад̣̇аван̣н̣анаа
7. Ukkhittānuvattikāsikkhāpadavaṇṇanā
д̇ад̇ияз угкид̇д̇анд̇и аабад̇д̇ияаа ад̣̇ассанаад̣̇ийсу угкид̇д̇ам̣. д̇хаммзнаад̇и бхууд̇зна вад̇т̇унаа. винаязнаад̇и жод̣̇зд̇ваа саарзд̇ваа. сад̇т̇усаасанзнаад̇и ид̇хааби жод̣̇зд̇ваа саарзд̇ваа гаран̣амзва сад̇т̇усаасанам̣ наама. анаад̣̇аранд̇и язна сан̇гхзна угкзбанияагаммам̣ гад̇ам̣, д̇асмим̣ ваа, д̇ад̇т̇а барияаабаннаг̇ан̣з ваа згабуг̇г̇алз ваа д̇асмим̣ ваа гаммз аад̣̇аравирахид̇ам̣, саммаавад̇д̇анааяа авад̇д̇амаананд̇и ад̇т̇о. аббадигааранд̇и бадигаарарахид̇ам̣, аносаарид̇анд̇и ад̇т̇о. агад̇асахааяанд̇и згагаммаад̣̇игз сам̣ваасз саха аяанабхаавзна самаанасам̣ваасагаа бхигкуу сахааяаа наама, яасса бана со сам̣ваасо д̇зхи сад̣̇д̇хим̣ над̇т̇и на д̇зна д̇з сахааяаа гад̇аа хонд̇и , ид̇и со агад̇асахааяо наама, д̇ам̣ агад̇асахааяам̣, самаанасам̣ваасагабхаавам̣ анубаг̇ад̇анд̇и ад̇т̇о. д̇аманувад̇д̇зяяаад̇и д̇ам̣ угкид̇д̇агам̣ угкид̇д̇агабхаавзязва тид̇ам̣ бхигкум̣ яаа бхигкуний яам̣д̣̇идтиго со ход̇и, д̇ааяа д̣̇идтияаа г̇ахан̣абхаавзна анувад̇д̇зяяа. саа бхигкуний бхигкунийхи сан̇гхабхзд̣̇асигкаабад̣̇аад̣̇ийсу вуд̇д̇анаязна висум̣ сан̇гхамаж̇жхз жа вужжамаанаа д̇ам̣ вад̇т̇ум̣ аббадиниссаж̇ж̇анд̇ий саманубхаасанагаммабарияосаанз угкид̇д̇аанувад̇д̇игаа наама баарааж̇игаа ход̇ийд̇и.
Tatiye ukkhittanti āpattiyā adassanādīsu ukkhittaṃ. Dhammenāti bhūtena vatthunā. Vinayenāti codetvā sāretvā. Satthusāsanenāti idhāpi codetvā sāretvā karaṇameva satthusāsanaṃ nāma. Anādaranti yena saṅghena ukkhepaniyakammaṃ kataṃ, tasmiṃ vā, tattha pariyāpannagaṇe vā ekapuggale vā tasmiṃ vā kamme ādaravirahitaṃ, sammāvattanāya avattamānanti attho. Appaṭikāranti paṭikārarahitaṃ, anosāritanti attho. Akatasahāyanti ekakammādike saṃvāse saha ayanabhāvena samānasaṃvāsakā bhikkhū sahāyā nāma, yassa pana so saṃvāso tehi saddhiṃ natthi na tena te sahāyā katā honti , iti so akatasahāyo nāma, taṃ akatasahāyaṃ, samānasaṃvāsakabhāvaṃ anupagatanti attho. Tamanuvatteyyāti taṃ ukkhittakaṃ ukkhittakabhāveyeva ṭhitaṃ bhikkhuṃ yā bhikkhunī yaṃdiṭṭhiko so hoti, tāya diṭṭhiyā gahaṇabhāvena anuvatteyya. Sā bhikkhunī bhikkhunīhi saṅghabhedasikkhāpadādīsu vuttanayena visuṃ saṅghamajjhe ca vuccamānā taṃ vatthuṃ appaṭinissajjantī samanubhāsanakammapariyosāne ukkhittānuvattikā nāma pārājikā hotīti.
саавад̇т̇ияам̣ т̇уллананд̣̇ам̣ аараб̣бха угкид̇д̇аанувад̇д̇анавад̇т̇усмим̣ бан̃н̃ад̇д̇ам̣, н̃ад̇д̇ияаа д̣̇уггадам̣, д̣̇вийхи гаммаваажаахи д̣̇вз т̇уллажжаяаа, ‘‘яассаа нагкамад̇и, саа бхаасзяяаа’’д̇и звам̣ яяа-гаараббад̇д̇ааяа д̇ад̇ияагаммаваажааяа баарааж̇игам̣, ад̇хаммагаммз д̇игад̣̇уггадам̣, сзсам̣ сан̇гхабхзд̣̇асигкаабад̣̇аад̣̇ийсу вуд̇д̇анаязнзва взд̣̇ид̇аб̣б̣ам̣.
Sāvatthiyaṃ thullanandaṃ ārabbha ukkhittānuvattanavatthusmiṃ paññattaṃ, ñattiyā dukkaṭaṃ, dvīhi kammavācāhi dve thullaccayā, ‘‘yassā nakkhamati, sā bhāseyyā’’ti evaṃ yya-kārappattāya tatiyakammavācāya pārājikaṃ, adhammakamme tikadukkaṭaṃ, sesaṃ saṅghabhedasikkhāpadādīsu vuttanayeneva veditabbaṃ.
угкид̇д̇аанувад̇д̇игаасигкаабад̣̇аван̣н̣анаа нидтид̇аа.
Ukkhittānuvattikāsikkhāpadavaṇṇanā niṭṭhitā.
8. адтавад̇т̇угаасигкаабад̣̇аван̣н̣анаа
8. Aṭṭhavatthukāsikkhāpadavaṇṇanā
жад̇уд̇т̇з авассуд̇аад̇и логассаад̣̇амид̇д̇асант̇ававасзна гааяасам̣саг̇г̇арааг̇зна д̇инд̇аа. аяамзва хи ад̇т̇о сийхал̣амаад̇игаадтагат̇ааяам̣ вуд̇д̇о, саманд̇абаасаад̣̇игааяам̣ (баажи. адта. 675) банасса вижааран̣аа гад̇аа, д̣̇уд̇ияабад̣̇зби зсзва наяо. бурисабуг̇г̇аласса хад̇т̇аг̇г̇ахан̣ам̣ ваад̇иаад̣̇ийсу бана яам̣ бурисабуг̇г̇алзна хад̇т̇з г̇ахан̣ам̣ гад̇ам̣, д̇ам̣ ‘‘бурисабуг̇г̇аласса хад̇т̇аг̇г̇ахан̣а’’нд̇и вуд̇д̇ам̣, зсзва наяо сан̇гхаадиган̣н̣аг̇г̇ахан̣зби. хад̇т̇аг̇г̇ахан̣анд̇и зд̇т̇а жа яасса гассажи абаарааж̇игагкзд̇д̇абхууд̇асса ан̇г̇асса г̇ахан̣ам̣ хад̇т̇аг̇г̇ахан̣ам̣, яасса гассажи нивад̇т̇асса ваа бааруд̇асса ваа г̇ахан̣ам̣ сан̇гхаадиган̣н̣аг̇г̇ахан̣ам̣. санд̇идтзяяа ваад̇иаад̣̇ийсу гааяасам̣саг̇г̇асан̇каад̇асса асад̣̇д̇хаммасса бадисзванад̇т̇ааяа бурисасса хад̇т̇абаасз санд̇идтзяяа ваа, д̇ад̇т̇а тид̇аа саллабзяяа ваа, бурисзна ваа ‘‘ид̇т̇аннаамам̣ таанам̣ ааг̇ажчаа’’д̇и вуд̇д̇аа д̇ам̣ сан̇гзд̇ам̣ г̇ажчзяяа, д̇асса ваа бурисасса аб̣бхааг̇аманам̣ саад̣̇иязяяа, язна гзнажи ваа бадижчаннам̣ огаасам̣ бависзяяа, бурисасса хад̇т̇абаасз тад̇ваа гааяам̣ убасам̣харзяяаад̇и звамад̇т̇о д̣̇адтаб̣б̣о. аяамби баарааж̇игаад̇и яат̇аа буримааяо, звам̣ аяамби бхигкуний зд̇асса гааяасам̣саг̇г̇асан̇каад̇асса асад̣̇д̇хаммасса бадисзванад̇т̇ааяа зд̇аани адта вад̇т̇ууни бадибаадияаа ваа уббадибаадияаа ваа буурзд̇ваа адтавад̇т̇угаа наама баарааж̇игаа ход̇ийд̇и.
Catutthe avassutāti lokassādamittasanthavavasena kāyasaṃsaggarāgena tintā. Ayameva hi attho sīhaḷamātikāṭṭhakathāyaṃ vutto, samantapāsādikāyaṃ (pāci. aṭṭha. 675) panassa vicāraṇā katā, dutiyapadepi eseva nayo. Purisapuggalassa hatthaggahaṇaṃ vātiādīsu pana yaṃ purisapuggalena hatthe gahaṇaṃ kataṃ, taṃ ‘‘purisapuggalassa hatthaggahaṇa’’nti vuttaṃ, eseva nayo saṅghāṭikaṇṇaggahaṇepi. Hatthaggahaṇanti ettha ca yassa kassaci apārājikakkhettabhūtassa aṅgassa gahaṇaṃ hatthaggahaṇaṃ, yassa kassaci nivatthassa vā pārutassa vā gahaṇaṃ saṅghāṭikaṇṇaggahaṇaṃ. Santiṭṭheyya vātiādīsu kāyasaṃsaggasaṅkhātassa asaddhammassa paṭisevanatthāya purisassa hatthapāse santiṭṭheyya vā, tattha ṭhitā sallapeyya vā, purisena vā ‘‘itthannāmaṃ ṭhānaṃ āgacchā’’ti vuttā taṃ saṅketaṃ gaccheyya, tassa vā purisassa abbhāgamanaṃ sādiyeyya, yena kenaci vā paṭicchannaṃ okāsaṃ paviseyya, purisassa hatthapāse ṭhatvā kāyaṃ upasaṃhareyyāti evamattho daṭṭhabbo. Ayampi pārājikāti yathā purimāyo, evaṃ ayampi bhikkhunī etassa kāyasaṃsaggasaṅkhātassa asaddhammassa paṭisevanatthāya etāni aṭṭha vatthūni paṭipāṭiyā vā uppaṭipāṭiyā vā pūretvā aṭṭhavatthukā nāma pārājikā hotīti.
саавад̇т̇ияам̣ чаб̣б̣аг̇г̇ияаа бхигкунияо аараб̣бха адтамам̣ вад̇т̇ум̣ барибууран̣авад̇т̇усмим̣ бан̃н̃ад̇д̇ам̣, сан̇гзд̇аг̇аманз бад̣̇з бад̣̇з д̣̇уггадам̣, бурисасса хад̇т̇абаасам̣ огганд̇амад̇д̇з т̇уллажжаяам̣, бурисасса аб̣бхааг̇аманасаад̣̇аяамаанзби д̣̇уггадам̣. хад̇т̇абаасоггаманз т̇уллажжаяам̣, сзсзсу згзгасмим̣ т̇уллажжаяамзва, адтамз барибун̣н̣з баарааж̇игам̣. згзгасмим̣ бана вад̇т̇усмим̣ сад̇агкад̇д̇умби вийд̇игганд̇з д̇аа аабад̇д̇ияо д̣̇зсзд̇ваа мужжад̇и, абижзд̇т̇а г̇ан̣ануубигаа аабад̇д̇и взд̣̇ид̇аб̣б̣аа, ‘‘ид̣̇аани наабаж̇ж̇иссаамий’’д̇и хи д̇хуранигкзбам̣ гад̇ваа д̣̇зсид̇аа г̇ан̣ануубигаа, д̣̇зсид̇аг̇ан̣анам̣ убзд̇и, баарааж̇игасса ан̇г̇ам̣ на ход̇и. д̇асмаа яаа згам̣ аабаннаа д̇хуранигкзбам̣ гад̇ваа д̣̇зсзд̇ваа буна гилзсавасзна аабаж̇ж̇ад̇и, бунаби д̣̇зсзд̇и, звам̣ адтамам̣ барибуурзнд̇ийби баарааж̇игаа на ход̇и. яаа бана аабаж̇ж̇ид̇ваа ‘‘бунаби ан̃н̃ам̣ вад̇т̇ум̣ аабаж̇ж̇иссаамий’’д̇и сауссаахаава д̣̇зсзд̇и, д̇ассаа саа аабад̇д̇и аг̇ан̣ануубигаа, д̣̇зсид̇ааби ад̣̇зсид̇аа ход̇и, баарааж̇игасса ан̇г̇ам̣ ход̇и. асан̃жижжа, ассад̇ияаа, аж̇аананд̇ияаа асаад̣̇ияанд̇ияаа, уммад̇д̇игаад̣̇ийнан̃жа анаабад̇д̇и. гааяасам̣саг̇г̇арааг̇о, сауссаахад̇аа, адтамасса вад̇т̇усса бууран̣анд̇и имаанзд̇т̇а д̇ийн̣и ан̇г̇аани. саманубхаасанасамудтаанам̣, гирияаагирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇вивзд̣̇ананд̇и.
Sāvatthiyaṃ chabbaggiyā bhikkhuniyo ārabbha aṭṭhamaṃ vatthuṃ paripūraṇavatthusmiṃ paññattaṃ, saṅketagamane pade pade dukkaṭaṃ, purisassa hatthapāsaṃ okkantamatte thullaccayaṃ, purisassa abbhāgamanasādayamānepi dukkaṭaṃ. Hatthapāsokkamane thullaccayaṃ, sesesu ekekasmiṃ thullaccayameva, aṭṭhame paripuṇṇe pārājikaṃ. Ekekasmiṃ pana vatthusmiṃ satakkhattumpi vītikkante tā āpattiyo desetvā muccati, apicettha gaṇanūpikā āpatti veditabbā, ‘‘idāni nāpajjissāmī’’ti hi dhuranikkhepaṃ katvā desitā gaṇanūpikā, desitagaṇanaṃ upeti, pārājikassa aṅgaṃ na hoti. Tasmā yā ekaṃ āpannā dhuranikkhepaṃ katvā desetvā puna kilesavasena āpajjati, punapi deseti, evaṃ aṭṭhamaṃ paripūrentīpi pārājikā na hoti. Yā pana āpajjitvā ‘‘punapi aññaṃ vatthuṃ āpajjissāmī’’ti saussāhāva deseti, tassā sā āpatti agaṇanūpikā, desitāpi adesitā hoti, pārājikassa aṅgaṃ hoti. Asañcicca, assatiyā, ajānantiyā asādiyantiyā, ummattikādīnañca anāpatti. Kāyasaṃsaggarāgo, saussāhatā, aṭṭhamassa vatthussa pūraṇanti imānettha tīṇi aṅgāni. Samanubhāsanasamuṭṭhānaṃ, kiriyākiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dvivedananti.
адтавад̇т̇угаасигкаабад̣̇аван̣н̣анаа нидтид̇аа.
Aṭṭhavatthukāsikkhāpadavaṇṇanā niṭṭhitā.
уд̣̇д̣̇идтаа ко аяяааяо адта баарааж̇игаа д̇хаммаад̇и бхигкуу аараб̣бха бан̃н̃ад̇д̇аа саад̇хааран̣аа жад̇д̇ааро, имз жад̇д̇аарод̇и звам̣ баад̇имогкуд̣̇д̣̇зсамаг̇г̇зна адта баарааж̇игаа д̇хаммаа уд̣̇д̣̇идтаад̇и звамзд̇т̇а ад̇т̇о взд̣̇ид̇аб̣б̣о, сзсам̣ бхигкубаад̇имогкаван̣н̣анааяам̣ вуд̇д̇анаяамзваад̇и.
Uddiṭṭhā kho ayyāyo aṭṭha pārājikā dhammāti bhikkhū ārabbha paññattā sādhāraṇā cattāro, ime cattāroti evaṃ pātimokkhuddesamaggena aṭṭha pārājikā dhammā uddiṭṭhāti evamettha attho veditabbo, sesaṃ bhikkhupātimokkhavaṇṇanāyaṃ vuttanayamevāti.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
бхигкунибаад̇имогкз
Bhikkhunipātimokkhe
баарааж̇игаван̣н̣анаа нидтид̇аа.
Pārājikavaṇṇanā niṭṭhitā.
