| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
অসাধারণসমুট্ঠানৰণ্ণনা
Asādhāraṇasamuṭṭhānavaṇṇanā
অচিত্তকানীতি (সারত্থ॰ টী॰ পাচিত্তিয ৩.১২১৪) ‘‘নচ্চ’’ন্তিআদিনা অজানিত্ৰা দস্সনাদিং করোন্তিযা আপত্তিসম্ভৰতো ৰত্থুঅজাননচিত্তেন অচিত্তকানি। লোকৰজ্জানীতি ‘‘নচ্চ’’ন্তিআদিনা জানিত্ৰা দস্সনাদিং করোন্তিযা অকুসলেনেৰ আপজ্জনতো লোকৰজ্জানি। তেনাহ ‘‘অযং পনেত্থ অধিপ্পাযো’’তিআদি সচিত্তকানীতি ‘‘চোরী’’তিআদিনা ৰত্থুং জানিত্ৰা করণেযেৰ আপত্তিসম্ভৰতো সচিত্তকানি। উপসম্পদাদীনং একন্তাকুসলচিত্তেনেৰ অকত্তব্বত্তা পণ্ণত্তিৰজ্জানি। ‘‘ইধ সচিত্তকাচিত্তকতা পণ্ণত্তিজাননাজাননতায অগ্গহেট্ঠা ৰত্থুজাননাজাননতায গহেতব্ব’’ন্তি ৰদন্তি।
Acittakānīti (sārattha. ṭī. pācittiya 3.1214) ‘‘nacca’’ntiādinā ajānitvā dassanādiṃ karontiyā āpattisambhavato vatthuajānanacittena acittakāni. Lokavajjānīti ‘‘nacca’’ntiādinā jānitvā dassanādiṃ karontiyā akusaleneva āpajjanato lokavajjāni. Tenāha ‘‘ayaṃ panettha adhippāyo’’tiādi sacittakānīti ‘‘corī’’tiādinā vatthuṃ jānitvā karaṇeyeva āpattisambhavato sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggaheṭṭhā vatthujānanājānanatāya gahetabba’’nti vadanti.
অসাধারণসমুট্ঠানৰণ্ণনা নিট্ঠিতা।
Asādhāraṇasamuṭṭhānavaṇṇanā niṭṭhitā.
