| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
4. асад̣̇исаваг̇г̇о
4. Asadisavaggo
[181] 1. асад̣̇исаж̇аад̇агаван̣н̣анаа
[181] 1. Asadisajātakavaṇṇanā
д̇хануг̇г̇ахо асад̣̇исод̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманам̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ саннисиннаа бхаг̇авад̇о махаанигкамабаарамим̣ ван̣н̣знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва махаабхинигкаманам̣ нигканд̇о, буб̣б̣зби сзд̇ажчад̇д̇ам̣ бахааяа нигканд̇оязваа’’д̇и вад̇ваа ад̇ийд̇ам̣ аахари.
Dhanuggahoasadisoti idaṃ satthā jetavane viharanto mahābhinikkhamanaṃ ārabbha kathesi. Ekadivasañhi bhikkhū dhammasabhāyaṃ sannisinnā bhagavato mahānikkhamapāramiṃ vaṇṇentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva mahābhinikkhamanaṃ nikkhanto, pubbepi setacchattaṃ pahāya nikkhantoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи бадисанд̇хим̣ г̇ан̣хи, д̇асса сод̇т̇инаа ж̇аад̇асса наамаг̇г̇ахан̣ад̣̇ивасз ‘‘асад̣̇исагумааро’’д̇и наамам̣ агам̣су. ат̇асса аад̇хаавид̇ваа барид̇хаавид̇ваа вижаран̣агаалз ан̃н̃о бун̃н̃аваа сад̇д̇о д̣̇звияаа гужчимхи бадисанд̇хим̣ г̇ан̣хи, д̇асса сод̇т̇инаа ж̇аад̇асса наамаг̇г̇ахан̣ад̣̇ивасз ‘‘б̣рахмад̣̇ад̇д̇агумааро’’д̇и наамам̣ агам̣су. д̇зсу б̣од̇хисад̇д̇о сол̣асавассагаалз д̇аггасилам̣ г̇анд̇ваа д̣̇исаабаамогкасса аажарияасса санд̇игз д̇аяо взд̣̇з адтаараса жа сиббаани уг̇г̇ан̣хид̇ваа д̇зсу иссаасасиббз асад̣̇исо худ̇ваа б̣аараан̣асим̣ бажжааг̇ами. рааж̇аа гаалам̣ гаронд̇о ‘‘асад̣̇исагумаарасса раж̇ж̇ам̣ д̣̇ад̇ваа б̣рахмад̣̇ад̇д̇асса обараж̇ж̇ам̣ д̣̇зт̇аа’’д̇и вад̇ваа гааламагааси. д̇асмим̣ гаалагад̇з б̣од̇хисад̇д̇о ад̇д̇ано раж̇ж̇з д̣̇ийяамаанз ‘‘на маяхам̣ раж̇ж̇знад̇т̇о’’д̇и бадигкиби, б̣рахмад̣̇ад̇д̇ам̣ раж̇ж̇з абхисин̃жим̣су. б̣од̇хисад̇д̇о ‘‘маяхам̣ раж̇ж̇зна ад̇т̇о над̇т̇ий’’д̇и гин̃жиби на ижчи, ганидтз раж̇ж̇ам̣ гаарзнд̇з багад̇ияаа васанаагаарзнзва васи. рааж̇абаад̣̇амуулигаа ‘‘асад̣̇исагумааро раж̇ж̇ам̣ бад̇т̇зд̇ий’’д̇и вад̇ваа ран̃н̃о санд̇игз б̣од̇хисад̇д̇ам̣ барибхинд̣̇им̣су. соби д̇зсам̣ важанам̣ г̇ахзд̇ваа барибхиннажид̇д̇о ‘‘бхаад̇арам̣ мз г̇ан̣хат̇аа’’д̇и мануссз баяож̇зси.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi paṭisandhiṃ gaṇhi, tassa sotthinā jātassa nāmaggahaṇadivase ‘‘asadisakumāro’’ti nāmaṃ akaṃsu. Athassa ādhāvitvā paridhāvitvā vicaraṇakāle añño puññavā satto deviyā kucchimhi paṭisandhiṃ gaṇhi, tassa sotthinā jātassa nāmaggahaṇadivase ‘‘brahmadattakumāro’’ti nāmaṃ akaṃsu. Tesu bodhisatto soḷasavassakāle takkasilaṃ gantvā disāpāmokkhassa ācariyassa santike tayo vede aṭṭhārasa ca sippāni uggaṇhitvā tesu issāsasippe asadiso hutvā bārāṇasiṃ paccāgami. Rājā kālaṃ karonto ‘‘asadisakumārassa rajjaṃ datvā brahmadattassa oparajjaṃ dethā’’ti vatvā kālamakāsi. Tasmiṃ kālakate bodhisatto attano rajje dīyamāne ‘‘na mayhaṃ rajjenattho’’ti paṭikkhipi, brahmadattaṃ rajje abhisiñciṃsu. Bodhisatto ‘‘mayhaṃ rajjena attho natthī’’ti kiñcipi na icchi, kaniṭṭhe rajjaṃ kārente pakatiyā vasanākāreneva vasi. Rājapādamūlikā ‘‘asadisakumāro rajjaṃ patthetī’’ti vatvā rañño santike bodhisattaṃ paribhindiṃsu. Sopi tesaṃ vacanaṃ gahetvā paribhinnacitto ‘‘bhātaraṃ me gaṇhathā’’ti manusse payojesi.
ат̇зго б̣од̇хисад̇д̇асса ад̇т̇ажараго д̇ам̣ гааран̣ам̣ б̣од̇хисад̇д̇асса аарожзси. б̣од̇хисад̇д̇о ганидтабхаад̇игасса гуж̇жхид̇ваа наг̇араа нигкамид̇ваа ан̃н̃ам̣ радтам̣ г̇анд̇ваа ‘‘зго д̇хануг̇г̇ахо ааг̇анд̇ваа рааж̇ад̣̇ваарз тид̇о’’д̇и ран̃н̃о аарожаабзси. рааж̇аа ‘‘гид̇д̇агам̣ бхог̇ам̣ ижчасий’’д̇и бужчи . ‘‘згасам̣важчарзна сад̇асахасса’’нд̇и. ‘‘саад̇ху ааг̇ажчад̇уу’’д̇и. ат̇а нам̣ ааг̇анд̇ваа самийбз тид̇ам̣ бужчи – ‘‘д̇вам̣ д̇ханаг̇г̇ахосий’’д̇и? ‘‘аама, д̣̇зваа’’д̇и. ‘‘саад̇ху мам̣ убадтахассуу’’д̇и. со д̇ад̇о бадтааяа рааж̇аанам̣ убадтахи. д̇асса бариб̣б̣аяам̣ д̣̇ийяамаанам̣ д̣̇исваа ‘‘ад̇иб̣ахум̣ лабхад̇ий’’д̇и бораан̣агад̇хануг̇г̇ахаа уж̇жхааяим̣су. ат̇згад̣̇ивасам̣ рааж̇аа уяяаанам̣ г̇анд̇ваа ман̇г̇аласилаабаддасамийбз саан̣ибаагаарам̣ баригкибаабзд̇ваа амб̣аругкамуулз махаасаяанз нибанно уд̣̇д̇хам̣ ологзнд̇о ругкаг̇г̇з згам̣ амб̣абин̣д̣им̣ д̣̇исваа ‘‘имам̣ на саггаа абхирухид̇ваа г̇ан̣хид̇у’’нд̇и д̇хануг̇г̇ахз баггосаабзд̇ваа ‘‘имам̣ амб̣абин̣д̣им̣ сарзна чинд̣̇ид̇ваа баад̇зд̇ум̣ сагкиссат̇аа’’д̇и ааха. на д̇ам̣, д̣̇зва, амхаагам̣ г̇ару, д̣̇звзна бана но б̣ахуваарз гаммам̣ д̣̇идтабуб̣б̣ам̣, ад̇хунааг̇ад̇о д̇хануг̇г̇ахо амхзхи б̣ахуд̇арам̣ лабхад̇и, д̇ам̣ баад̇аабзт̇аад̇и.
Atheko bodhisattassa atthacarako taṃ kāraṇaṃ bodhisattassa ārocesi. Bodhisatto kaniṭṭhabhātikassa kujjhitvā nagarā nikkhamitvā aññaṃ raṭṭhaṃ gantvā ‘‘eko dhanuggaho āgantvā rājadvāre ṭhito’’ti rañño ārocāpesi. Rājā ‘‘kittakaṃ bhogaṃ icchasī’’ti pucchi . ‘‘Ekasaṃvaccharena satasahassa’’nti. ‘‘Sādhu āgacchatū’’ti. Atha naṃ āgantvā samīpe ṭhitaṃ pucchi – ‘‘tvaṃ dhanaggahosī’’ti? ‘‘Āma, devā’’ti. ‘‘Sādhu maṃ upaṭṭhahassū’’ti. So tato paṭṭhāya rājānaṃ upaṭṭhahi. Tassa paribbayaṃ dīyamānaṃ disvā ‘‘atibahuṃ labhatī’’ti porāṇakadhanuggahā ujjhāyiṃsu. Athekadivasaṃ rājā uyyānaṃ gantvā maṅgalasilāpaṭṭasamīpe sāṇipākāraṃ parikkhipāpetvā ambarukkhamūle mahāsayane nipanno uddhaṃ olokento rukkhagge ekaṃ ambapiṇḍiṃ disvā ‘‘imaṃ na sakkā abhiruhitvā gaṇhitu’’nti dhanuggahe pakkosāpetvā ‘‘imaṃ ambapiṇḍiṃ sarena chinditvā pātetuṃ sakkhissathā’’ti āha. Na taṃ, deva, amhākaṃ garu, devena pana no bahuvāre kammaṃ diṭṭhapubbaṃ, adhunāgato dhanuggaho amhehi bahutaraṃ labhati, taṃ pātāpethāti.
рааж̇аа б̣од̇хисад̇д̇ам̣ баггосаабзд̇ваа ‘‘сагкиссаси, д̇аад̇а, зд̇ам̣ баад̇зд̇у’’нд̇и бужчи. ‘‘аама, махаарааж̇а, згам̣ огаасам̣ лабхамаано сагкиссаамий’’д̇и. ‘‘гад̇арогааса’’нд̇и? ‘‘д̇умхаагам̣ саяанасса анд̇огааса’’нд̇и. рааж̇аа саяанам̣ хараабзд̇ваа огаасам̣ гаарзси. б̣од̇хисад̇д̇асса хад̇т̇з д̇хану над̇т̇и, ниваасананд̇арз д̇ханум̣ саннаяхид̇ваа вижарад̇и, д̇асмаа ‘‘саан̣им̣ лад̣̇д̇хум̣ ваддад̇ий’’д̇и ааха. рааж̇аа ‘‘саад̇хуу’’д̇и саан̣им̣ аахараабзд̇ваа баригкибаабзси. б̣од̇хисад̇д̇о анд̇осаан̣им̣ бависид̇ваа убаринивад̇т̇ам̣ сзд̇авад̇т̇ам̣ харид̇ваа згам̣ рад̇д̇абадам̣ ниваасзд̇ваа гажчам̣ б̣анд̇хид̇ваа згам̣ рад̇д̇абадам̣ уд̣̇арз б̣анд̇хид̇ваа басиб̣б̣агад̇о санд̇хияуд̇д̇ам̣ каг̇г̇ам̣ нийхарид̇ваа ваамабассз саннаяхид̇ваа суван̣н̣аган̃жугам̣ бадимун̃жид̇ваа жаабанаал̣им̣ бидтияам̣ саннаяхид̇ваа санд̇хияуд̇д̇амзн̣д̣агамахаад̇ханум̣ аад̣̇ааяа баваал̣аван̣н̣ам̣ ж̇ияам̣ ааробзд̇ваа ун̣хийсам̣ сийсз бадимун̃жид̇ваа д̇икин̣акураббам̣ накзхи баривад̇д̇аяамаано саан̣им̣ д̣̇вид̇хаа гад̇ваа бат̇авим̣ паалзд̇ваа алан̇гад̇анааг̇агумааро вияа нигкамид̇ваа саракибанадтаанам̣ г̇анд̇ваа кураббам̣ саннаяхид̇ваа рааж̇аанам̣ ааха – ‘‘гим̣, махаарааж̇а, зд̇ам̣ амб̣абин̣д̣им̣ уд̣̇д̇хам̣ аароханаган̣д̣зна баад̇зми, уд̣̇ааху ад̇хо ороханаган̣д̣знаа’’д̇и . ‘‘д̇аад̇а, б̣ахуу маяаа аароханаган̣д̣зна баад̇знд̇аа д̣̇идтабуб̣б̣аа, ороханаган̣д̣зна бана баад̇знд̇аа маяаа на д̣̇идтабуб̣б̣аа, ороханаган̣д̣зна баад̇зхий’’д̇и. ‘‘махаарааж̇а, ид̣̇ам̣ ган̣д̣ам̣ д̣̇уурам̣ аарохиссад̇и, яаава жаад̇умахаарааж̇игабхаванам̣, д̇аава г̇анд̇ваа саяам̣ орохиссад̇и, яаавасса ороханам̣, д̇аава д̇умхзхи ад̇хиваасзд̇ум̣ ваддад̇ий’’д̇и. рааж̇аа ‘‘саад̇хуу’’д̇и самбадижчи.
Rājā bodhisattaṃ pakkosāpetvā ‘‘sakkhissasi, tāta, etaṃ pātetu’’nti pucchi. ‘‘Āma, mahārāja, ekaṃ okāsaṃ labhamāno sakkhissāmī’’ti. ‘‘Katarokāsa’’nti? ‘‘Tumhākaṃ sayanassa antokāsa’’nti. Rājā sayanaṃ harāpetvā okāsaṃ kāresi. Bodhisattassa hatthe dhanu natthi, nivāsanantare dhanuṃ sannayhitvā vicarati, tasmā ‘‘sāṇiṃ laddhuṃ vaṭṭatī’’ti āha. Rājā ‘‘sādhū’’ti sāṇiṃ āharāpetvā parikkhipāpesi. Bodhisatto antosāṇiṃ pavisitvā uparinivatthaṃ setavatthaṃ haritvā ekaṃ rattapaṭaṃ nivāsetvā kacchaṃ bandhitvā ekaṃ rattapaṭaṃ udare bandhitvā pasibbakato sandhiyuttaṃ khaggaṃ nīharitvā vāmapasse sannayhitvā suvaṇṇakañcukaṃ paṭimuñcitvā cāpanāḷiṃ piṭṭhiyaṃ sannayhitvā sandhiyuttameṇḍakamahādhanuṃ ādāya pavāḷavaṇṇaṃ jiyaṃ āropetvā uṇhīsaṃ sīse paṭimuñcitvā tikhiṇakhurappaṃ nakhehi parivattayamāno sāṇiṃ dvidhā katvā pathaviṃ phāletvā alaṅkatanāgakumāro viya nikkhamitvā sarakhipanaṭṭhānaṃ gantvā khurappaṃ sannayhitvā rājānaṃ āha – ‘‘kiṃ, mahārāja, etaṃ ambapiṇḍiṃ uddhaṃ ārohanakaṇḍena pātemi, udāhu adho orohanakaṇḍenā’’ti . ‘‘Tāta, bahū mayā ārohanakaṇḍena pātentā diṭṭhapubbā, orohanakaṇḍena pana pātentā mayā na diṭṭhapubbā, orohanakaṇḍena pātehī’’ti. ‘‘Mahārāja, idaṃ kaṇḍaṃ dūraṃ ārohissati, yāva cātumahārājikabhavanaṃ, tāva gantvā sayaṃ orohissati, yāvassa orohanaṃ, tāva tumhehi adhivāsetuṃ vaṭṭatī’’ti. Rājā ‘‘sādhū’’ti sampaṭicchi.
ат̇а нам̣ буна ааха – ‘‘махаарааж̇а, ид̣̇ам̣ ган̣д̣ам̣ бана аарохамаанам̣ амб̣абин̣д̣иван̣дам̣ яаавамаж̇жхам̣ ганд̇амаанам̣ аарохиссад̇и, орохамаанам̣ гзсаг̇г̇амад̇д̇амби ид̇о ваа зд̇д̇о ваа аг̇анд̇ваа уж̇ун̃н̃зва бад̇ид̇ваа амб̣абин̣д̣им̣ г̇ахзд̇ваа од̇ариссад̇и, басса, махаарааж̇аа’’д̇и взг̇ам̣ ж̇анзд̇ваа ган̣д̣ам̣ киби. д̇ам̣ ган̣д̣ам̣ амб̣абин̣д̣иван̣дам̣ яаавамаж̇жхам̣ ганд̇амаанам̣ абхирухи. б̣од̇хисад̇д̇о ‘‘ид̣̇аани д̇ам̣ ган̣д̣ам̣ яаава жаад̇умахаарааж̇игабхаванам̣ г̇ад̇ам̣ бхависсад̇ий’’д̇и н̃ад̇ваа батамам̣ кид̇д̇аган̣д̣ад̇о ад̇хигад̇арам̣ взг̇ам̣ ж̇анзд̇ваа ан̃н̃ам̣ ган̣д̣ам̣ киби, д̇ам̣ г̇анд̇ваа буримаган̣д̣абун̇кз бахарид̇ваа нивад̇д̇ид̇ваа саяам̣ д̇аавад̇им̣сабхаванам̣ абхирухи. д̇ад̇т̇а нам̣ д̣̇звад̇аа аг̇г̇ахзсум̣, нивад̇д̇анаган̣д̣асса ваад̇ачиннасад̣̇д̣̇о асанисад̣̇д̣̇о вияа ахоси. махааж̇анзна ‘‘гим̣ зсо сад̣̇д̣̇о’’д̇и вуд̇д̇з б̣од̇хисад̇д̇о ‘‘нивад̇д̇анаган̣д̣асса сад̣̇д̣̇о’’д̇и вад̇ваа ад̇д̇ано ад̇д̇ано сарийрз ган̣д̣асса бад̇анабхаавам̣ н̃ад̇ваа бхийд̇ад̇асид̇ам̣ махааж̇анам̣ ‘‘маа бхааяид̇т̇аа’’д̇и самассаасзд̇ваа ‘‘ган̣д̣асса бхуумияам̣ бад̇ид̇ум̣ на д̣̇ассаамий’’д̇и ааха. ган̣д̣ам̣ од̇арамаанам̣ гзсаг̇г̇амад̇д̇амби ид̇о ваа зд̇д̇о ваа аг̇анд̇ваа уж̇ун̃н̃зва бад̇ид̇ваа амб̣абин̣д̣им̣ чинд̣̇и. б̣од̇хисад̇д̇о амб̣абин̣д̣ияаа жа ган̣д̣асса жа бхуумияам̣ бад̇ид̇ум̣ ад̣̇ад̇ваа аагаасзязва самбадижчанд̇о згзна хад̇т̇зна амб̣абин̣д̣им̣, згзна хад̇т̇зна ган̣д̣ам̣ аг̇г̇ахзси. махааж̇ано д̇ам̣ ажчарияам̣ д̣̇исваа ‘‘на но зваруубам̣ д̣̇идтабуб̣б̣а’’нд̇и махаабурисам̣ басам̣сад̇и уннад̣̇ад̇и абподзд̇и ан̇г̇улияо вид̇хуунад̇и, жзлугкзбасахассаани бавад̇д̇зд̇и. рааж̇абарисааяа д̇удтабахадтааяа б̣од̇хисад̇д̇асса д̣̇иннад̇ханам̣ годимад̇д̇ам̣ ахоси. рааж̇аабисса д̇ханавассам̣ вассзнд̇о вияа б̣ахум̣ д̇ханам̣ маханд̇ан̃жа яасам̣ ад̣̇ааси.
Atha naṃ puna āha – ‘‘mahārāja, idaṃ kaṇḍaṃ pana ārohamānaṃ ambapiṇḍivaṇṭaṃ yāvamajjhaṃ kantamānaṃ ārohissati, orohamānaṃ kesaggamattampi ito vā etto vā agantvā ujuññeva patitvā ambapiṇḍiṃ gahetvā otarissati, passa, mahārājā’’ti vegaṃ janetvā kaṇḍaṃ khipi. Taṃ kaṇḍaṃ ambapiṇḍivaṇṭaṃ yāvamajjhaṃ kantamānaṃ abhiruhi. Bodhisatto ‘‘idāni taṃ kaṇḍaṃ yāva cātumahārājikabhavanaṃ gataṃ bhavissatī’’ti ñatvā paṭhamaṃ khittakaṇḍato adhikataraṃ vegaṃ janetvā aññaṃ kaṇḍaṃ khipi, taṃ gantvā purimakaṇḍapuṅkhe paharitvā nivattitvā sayaṃ tāvatiṃsabhavanaṃ abhiruhi. Tattha naṃ devatā aggahesuṃ, nivattanakaṇḍassa vātachinnasaddo asanisaddo viya ahosi. Mahājanena ‘‘kiṃ eso saddo’’ti vutte bodhisatto ‘‘nivattanakaṇḍassa saddo’’ti vatvā attano attano sarīre kaṇḍassa patanabhāvaṃ ñatvā bhītatasitaṃ mahājanaṃ ‘‘mā bhāyitthā’’ti samassāsetvā ‘‘kaṇḍassa bhūmiyaṃ patituṃ na dassāmī’’ti āha. Kaṇḍaṃ otaramānaṃ kesaggamattampi ito vā etto vā agantvā ujuññeva patitvā ambapiṇḍiṃ chindi. Bodhisatto ambapiṇḍiyā ca kaṇḍassa ca bhūmiyaṃ patituṃ adatvā ākāseyeva sampaṭicchanto ekena hatthena ambapiṇḍiṃ, ekena hatthena kaṇḍaṃ aggahesi. Mahājano taṃ acchariyaṃ disvā ‘‘na no evarūpaṃ diṭṭhapubba’’nti mahāpurisaṃ pasaṃsati unnadati apphoṭeti aṅguliyo vidhūnati, celukkhepasahassāni pavatteti. Rājaparisāya tuṭṭhapahaṭṭhāya bodhisattassa dinnadhanaṃ koṭimattaṃ ahosi. Rājāpissa dhanavassaṃ vassento viya bahuṃ dhanaṃ mahantañca yasaṃ adāsi.
звам̣ б̣од̇хисад̇д̇з д̇зна ран̃н̃аа саггад̇з г̇аругад̇з д̇ад̇т̇а васанд̇з ‘‘асад̣̇исагумааро гира б̣аараан̣асияам̣ над̇т̇ий’’д̇и сад̇д̇а рааж̇аано ааг̇анд̇ваа б̣аараан̣асинаг̇арам̣ бариваарзд̇ваа ‘‘раж̇ж̇ам̣ ваа д̣̇зд̇у яуд̣̇д̇хам̣ ваа’’д̇и ран̃н̃о бан̣н̣ам̣ бзсзсум̣. рааж̇аа маран̣абхаяабхийд̇о ‘‘гухим̣ мз бхаад̇аа васад̇ий’’д̇и бужчид̇ваа ‘‘згам̣ сааманд̇арааж̇аанам̣ убадтахад̇ий’’д̇и суд̇ваа ‘‘мама бхаад̇игз анааг̇ажчанд̇з маяхам̣ ж̇ийвид̇ам̣ над̇т̇и, г̇ажчат̇а д̇асса мама важанзна баад̣̇з ванд̣̇ид̇ваа камаабзд̇ваа г̇ан̣хид̇ваа ааг̇ажчат̇аа’’д̇и д̣̇ууд̇з баахзси. д̇з г̇анд̇ваа б̣од̇хисад̇д̇асса д̇ам̣ бавад̇д̇им̣ аарожзсум̣. б̣од̇хисад̇д̇о д̇ам̣ рааж̇аанам̣ аабужчид̇ваа б̣аараан̣асим̣ бажжааг̇анд̇ваа рааж̇аанам̣ ‘‘маа бхааяий’’д̇и самассаасзд̇ваа ган̣д̣з агкараани чинд̣̇ид̇ваа ‘‘ахам̣ асад̣̇исагумааро ааг̇ад̇о, ан̃н̃ам̣ згаган̣д̣ам̣ кибанд̇о саб̣б̣зсам̣ во ж̇ийвид̇ам̣ хариссаами, ж̇ийвид̇зна ад̇т̇игаа балааяанд̇уу’’д̇и аддаалагз тад̇ваа сад̇д̇аннам̣ рааж̇уунам̣ бхун̃ж̇анд̇аанам̣ ган̃жанабаад̇имагулзязва ган̣д̣ам̣ баад̇зси. д̇з агкараани д̣̇исваа маран̣абхаяабхийд̇аа саб̣б̣зва балааяим̣су. звам̣ махаасад̇д̇о куд̣̇д̣̇агамагкигааяа биванамад̇д̇амби лохид̇ам̣ ануббаад̣̇зд̇ваа сад̇д̇а рааж̇аано балаабзд̇ваа ганидтабхаад̇арам̣ абалогзд̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа ж̇ийвид̇абарияосаанз б̣рахмалогуубаг̇о ахоси.
Evaṃ bodhisatte tena raññā sakkate garukate tattha vasante ‘‘asadisakumāro kira bārāṇasiyaṃ natthī’’ti satta rājāno āgantvā bārāṇasinagaraṃ parivāretvā ‘‘rajjaṃ vā detu yuddhaṃ vā’’ti rañño paṇṇaṃ pesesuṃ. Rājā maraṇabhayabhīto ‘‘kuhiṃ me bhātā vasatī’’ti pucchitvā ‘‘ekaṃ sāmantarājānaṃ upaṭṭhahatī’’ti sutvā ‘‘mama bhātike anāgacchante mayhaṃ jīvitaṃ natthi, gacchatha tassa mama vacanena pāde vanditvā khamāpetvā gaṇhitvā āgacchathā’’ti dūte pāhesi. Te gantvā bodhisattassa taṃ pavattiṃ ārocesuṃ. Bodhisatto taṃ rājānaṃ āpucchitvā bārāṇasiṃ paccāgantvā rājānaṃ ‘‘mā bhāyī’’ti samassāsetvā kaṇḍe akkharāni chinditvā ‘‘ahaṃ asadisakumāro āgato, aññaṃ ekakaṇḍaṃ khipanto sabbesaṃ vo jīvitaṃ harissāmi, jīvitena atthikā palāyantū’’ti aṭṭālake ṭhatvā sattannaṃ rājūnaṃ bhuñjantānaṃ kañcanapātimakuleyeva kaṇḍaṃ pātesi. Te akkharāni disvā maraṇabhayabhītā sabbeva palāyiṃsu. Evaṃ mahāsatto khuddakamakkhikāya pivanamattampi lohitaṃ anuppādetvā satta rājāno palāpetvā kaniṭṭhabhātaraṃ apaloketvā kāme pahāya isipabbajjaṃ pabbajitvā abhiññā ca samāpattiyo ca nibbattetvā jīvitapariyosāne brahmalokūpago ahosi.
сад̇т̇аа ‘‘звам̣, бхигкавз, асад̣̇исагумааро сад̇д̇а рааж̇аано балаабзд̇ваа виж̇ид̇асан̇г̇аамо исибаб̣б̣аж̇ж̇ам̣ баб̣б̣аж̇ид̇о’’д̇и абхисамб̣уд̣̇д̇хо худ̇ваа имаа г̇аат̇аа авожа –
Satthā ‘‘evaṃ, bhikkhave, asadisakumāro satta rājāno palāpetvā vijitasaṅgāmo isipabbajjaṃ pabbajito’’ti abhisambuddho hutvā imā gāthā avoca –
61.
61.
‘‘д̇хануг̇г̇ахо асад̣̇исо, рааж̇абуд̇д̇о махаб̣б̣ало;
‘‘Dhanuggaho asadiso, rājaputto mahabbalo;
д̣̇уурзбаад̇ий агкан̣авзд̇хий, махаагааяаббад̣̇аалано.
Dūrepātī akkhaṇavedhī, mahākāyappadālano.
62.
62.
‘‘саб̣б̣аамид̇д̇з ран̣ам̣ гад̇ваа, на жа ган̃жи вихзтаяи;
‘‘Sabbāmitte raṇaṃ katvā, na ca kañci viheṭhayi;
бхаад̇арам̣ сод̇т̇им̣ гад̇ваана, сам̣яамам̣ аж̇жхубааг̇амий’’д̇и.
Bhātaraṃ sotthiṃ katvāna, saṃyamaṃ ajjhupāgamī’’ti.
д̇ад̇т̇а асад̣̇исод̇и на гзвалам̣ наамзнзва, б̣алавийрияабан̃н̃аахиби асад̣̇исова. махаб̣б̣алод̇и гааяаб̣алзнаби бан̃н̃ааб̣алзнаби махаб̣б̣ало. д̣̇уурзбаад̇ийд̇и яаава жаад̇умахаарааж̇игабхаванаа д̇аавад̇им̣сабхаванаа жа ган̣д̣ам̣ бзсзд̇ум̣ самад̇т̇ад̇ааяа д̣̇уурзбаад̇ий. агкан̣авзд̇хийд̇и авираад̇хид̇авзд̇хий. ат̇а ваа агкан̣аа вужжад̇и виж̇ж̇у, яаава згаа виж̇ж̇у нижчарад̇и, д̇аава д̇знобхаасзна сад̇д̇адта ваарз ган̣д̣аани г̇ахзд̇ваа виж̇жхад̇ийд̇и агкан̣авзд̇хий. махаагааяаббад̣̇ааланод̇и маханд̇з гааяз бад̣̇аалзд̇и. жаммагааяо, д̣̇ааругааяо, лохагааяо, аяогааяо, ваалигагааяо, уд̣̇агагааяо, палагагааяод̇и имз сад̇д̇а махаагааяаа наама. д̇ад̇т̇а ан̃н̃о жаммагааяабад̣̇аалано махим̣сажаммам̣ винивиж̇жхад̇и, со бана сад̇амби махим̣сажаммаанам̣ винивиж̇жхад̇иязва. ан̃н̃о адтан̇г̇улаб̣ахалам̣ уд̣̇умб̣арабад̣̇арам̣, жад̇уран̇г̇улаб̣ахалам̣ асанабад̣̇арам̣ винивиж̇жхад̇и, со бана палагасад̇амби згад̇о б̣ад̣̇д̇хам̣ винивиж̇жхад̇и, д̇ат̇аа д̣̇ван̇г̇улаб̣ахалам̣ д̇амб̣алохабаддам̣, ан̇г̇улаб̣ахалам̣ аяабаддам̣. ваалигасагадасса б̣ад̣̇арасагадасса балааласагадасса ваа бажчаабхааг̇зна ган̣д̣ам̣ бавзсзд̇ваа бурзбхааг̇зна ад̇ибаад̇зд̇и, багад̇ияаа уд̣̇агз жад̇уусабхадтаанам̣ ган̣д̣ам̣ бзсзд̇и, т̇алз адтаусабханд̇и звам̣ имзсам̣ сад̇д̇аннам̣ махаагааяаанам̣ бад̣̇ааланад̇о махаагааяаббад̣̇аалано. саб̣б̣аамид̇д̇зд̇и саб̣б̣з амид̇д̇з. ран̣ам̣ гад̇ваад̇и яуд̣̇д̇хам̣ гад̇ваа балаабзсийд̇и ад̇т̇о. на жа ган̃жи вихзтаяийд̇и згамби на вихзтзси. авихзтаяанд̇оязва бана д̇зхи сад̣̇д̇хим̣ ган̣д̣абзсанзнзва ран̣ам̣ гад̇ваа. сам̣яамам̣ аж̇жхубааг̇амийд̇и сийласам̣яамам̣ баб̣б̣аж̇ж̇ам̣ убаг̇ад̇о.
Tattha asadisoti na kevalaṃ nāmeneva, balavīriyapaññāhipi asadisova. Mahabbaloti kāyabalenapi paññābalenapi mahabbalo. Dūrepātīti yāva cātumahārājikabhavanā tāvatiṃsabhavanā ca kaṇḍaṃ pesetuṃ samatthatāya dūrepātī. Akkhaṇavedhīti avirādhitavedhī. Atha vā akkhaṇā vuccati vijju, yāva ekā vijju niccharati, tāva tenobhāsena sattaṭṭha vāre kaṇḍāni gahetvā vijjhatīti akkhaṇavedhī. Mahākāyappadālanoti mahante kāye padāleti. Cammakāyo, dārukāyo, lohakāyo, ayokāyo, vālikakāyo, udakakāyo, phalakakāyoti ime satta mahākāyā nāma. Tattha añño cammakāyapadālano mahiṃsacammaṃ vinivijjhati, so pana satampi mahiṃsacammānaṃ vinivijjhatiyeva. Añño aṭṭhaṅgulabahalaṃ udumbarapadaraṃ, caturaṅgulabahalaṃ asanapadaraṃ vinivijjhati, so pana phalakasatampi ekato baddhaṃ vinivijjhati, tathā dvaṅgulabahalaṃ tambalohapaṭṭaṃ, aṅgulabahalaṃ ayapaṭṭaṃ. Vālikasakaṭassa badarasakaṭassa palālasakaṭassa vā pacchābhāgena kaṇḍaṃ pavesetvā purebhāgena atipāteti, pakatiyā udake catuusabhaṭṭhānaṃ kaṇḍaṃ peseti, thale aṭṭhausabhanti evaṃ imesaṃ sattannaṃ mahākāyānaṃ padālanato mahākāyappadālano. Sabbāmitteti sabbe amitte. Raṇaṃ katvāti yuddhaṃ katvā palāpesīti attho. Na ca kañci viheṭhayīti ekampi na viheṭhesi. Aviheṭhayantoyeva pana tehi saddhiṃ kaṇḍapesaneneva raṇaṃ katvā. Saṃyamaṃ ajjhupāgamīti sīlasaṃyamaṃ pabbajjaṃ upagato.
звам̣ сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ганидтабхаад̇аа аананд̣̇о ахоси, асад̣̇исагумааро бана ахамзва ахоси’’нд̇и.
Evaṃ satthā imaṃ dhammadesanaṃ āharitvā jātakaṃ samodhānesi – ‘‘tadā kaniṭṭhabhātā ānando ahosi, asadisakumāro pana ahameva ahosi’’nti.
асад̣̇исаж̇аад̇агаван̣н̣анаа батамаа.
Asadisajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 181. асад̣̇исаж̇аад̇агам̣ • 181. Asadisajātakaṃ
