| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. д̇ад̇ияабан̣н̣аасагам̣
3. Tatiyapaṇṇāsakaṃ
(11) 1. аасаад̣̇уббаж̇ахаваг̇г̇аван̣н̣анаа
(11) 1. Āsāduppajahavaggavaṇṇanā
119. д̇ад̇ияасса бан̣н̣аасагасса батамз аасаад̇и д̇ан̣хаа. д̣̇уббаж̇ахаад̇и д̣̇ужжаж̇аа д̣̇уннийхараа. лаабхаасааяа д̣̇уббаж̇ахабхаавзна сад̇д̇аа д̣̇асаби вассаани вийсад̇иби садтиби вассаани ‘‘аж̇ж̇а лабхиссаама, свз лабхиссаамаа’’д̇и рааж̇аанам̣ убадтаханд̇и, гасигаммаад̣̇ийни гаронд̇и, убхад̇об̣яуул̣хам̣ сан̇г̇аамам̣ багканд̣̇анд̇и, аж̇абат̇асан̇губат̇аад̣̇аяо бадибаж̇ж̇анд̇и, наавааяа махаасамуд̣̇д̣̇ам̣ бависанд̇и. ж̇ийвид̇аасааяа д̣̇уббаж̇ахад̇д̇аа самбад̇д̇з маран̣агаалзби вассасад̇аж̇ийвим̣ ад̇д̇аанам̣ ман̃н̃анд̇и. со гаммагамманимид̇д̇аад̣̇ийни бассанд̇оби ‘‘д̣̇аанам̣ д̣̇зхи бууж̇ам̣, гарохий’’д̇и анугамбагзхи вужжамаано ‘‘наахам̣ мариссаами, ж̇ийвиссаами’’жжзва аасааяа гассажи важанам̣ на г̇ан̣хаад̇и.
119. Tatiyassa paṇṇāsakassa paṭhame āsāti taṇhā. Duppajahāti duccajā dunnīharā. Lābhāsāya duppajahabhāvena sattā dasapi vassāni vīsatipi saṭṭhipi vassāni ‘‘ajja labhissāma, sve labhissāmā’’ti rājānaṃ upaṭṭhahanti, kasikammādīni karonti, ubhatobyūḷhaṃ saṅgāmaṃ pakkhandanti, ajapathasaṅkupathādayo paṭipajjanti, nāvāya mahāsamuddaṃ pavisanti. Jīvitāsāya duppajahattā sampatte maraṇakālepi vassasatajīviṃ attānaṃ maññanti. So kammakammanimittādīni passantopi ‘‘dānaṃ dehi pūjaṃ, karohī’’ti anukampakehi vuccamāno ‘‘nāhaṃ marissāmi, jīvissāmi’’cceva āsāya kassaci vacanaṃ na gaṇhāti.
120. д̣̇уд̇ияз буб̣б̣агаарийд̇и батамам̣ убагаарасса гаараго. гад̇ан̃н̃уугад̇авзд̣̇ийд̇и д̇зна гад̇ам̣ н̃ад̇ваа бажчаа гаараго. д̇зсу буб̣б̣агаарий ‘‘ин̣ам̣ д̣̇змий’’д̇и сан̃н̃ам̣ гарод̇и, бажчаа гаараго ‘‘ин̣ам̣ ж̇ийраабзмий’’д̇и сан̃н̃ам̣ гарод̇и.
120. Dutiye pubbakārīti paṭhamaṃ upakārassa kārako. Kataññūkatavedīti tena kataṃ ñatvā pacchā kārako. Tesu pubbakārī ‘‘iṇaṃ demī’’ti saññaṃ karoti, pacchā kārako ‘‘iṇaṃ jīrāpemī’’ti saññaṃ karoti.
121. д̇ад̇ияз д̇ид̇д̇о жа д̇аббзд̇аа жаад̇и бажжзгаб̣уд̣̇д̇хо жа д̇ат̇ааг̇ад̇асааваго жа кийн̣аасаво д̇ид̇д̇о наама, д̇ат̇ааг̇ад̇о арахам̣ саммаасамб̣уд̣̇д̇хо д̇ид̇д̇о жа д̇аббзд̇аа жа.
121. Tatiye titto ca tappetā cāti paccekabuddho ca tathāgatasāvako ca khīṇāsavo titto nāma, tathāgato arahaṃ sammāsambuddho titto ca tappetā ca.
122. жад̇уд̇т̇з д̣̇уд̇д̇аббаяаад̇и д̣̇ааяагзна д̣̇уд̇д̇аббаяаа д̇аббзд̇ум̣ на сугараа. нигкибад̇ийд̇и нид̣̇ахад̇и на барибхун̃ж̇ад̇и. виссаж̇ж̇зд̇ийд̇и барзсам̣ д̣̇зд̇и.
122. Catutthe duttappayāti dāyakena duttappayā tappetuṃ na sukarā. Nikkhipatīti nidahati na paribhuñjati. Vissajjetīti paresaṃ deti.
123. бан̃жамз на виссаж̇ж̇зд̇ийд̇и саб̣б̣ам̣язва барзсам̣ на д̣̇зд̇и, ад̇д̇ано бана яаабанамад̇д̇ам̣ г̇ахзд̇ваа авасзсам̣ д̣̇зд̇и.
123. Pañcame na vissajjetīti sabbaṃyeva paresaṃ na deti, attano pana yāpanamattaṃ gahetvā avasesaṃ deti.
124. чадтз субханимид̇д̇анд̇и идтаарамман̣ам̣.
124. Chaṭṭhe subhanimittanti iṭṭhārammaṇaṃ.
125. сад̇д̇амз бадигханимид̇д̇анд̇и анидтанимид̇д̇ам̣.
125. Sattame paṭighanimittanti aniṭṭhanimittaṃ.
126. адтамз барад̇о жа гхосод̇и барасса санд̇игаа ассад̣̇д̇хаммасаванам̣.
126. Aṭṭhame parato ca ghosoti parassa santikā assaddhammasavanaṃ.
127. навамз барад̇о жа гхосод̇и барасса санд̇игаа сад̣̇д̇хаммасаванам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
127. Navame parato ca ghosoti parassa santikā saddhammasavanaṃ. Sesaṃ sabbattha uttānatthamevāti.
аасаад̣̇уббаж̇ахаваг̇г̇о батамо.
Āsāduppajahavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (11) 1. аасаад̣̇уббаж̇ахаваг̇г̇о • (11) 1. Āsāduppajahavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (11) 1. аасаад̣̇уббаж̇ахаваг̇г̇аван̣н̣анаа • (11) 1. Āsāduppajahavaggavaṇṇanā
