| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. д̇ад̇ияабан̣н̣аасагам̣
3. Tatiyapaṇṇāsakaṃ
(11) 1. аасаад̣̇уббаж̇ахаваг̇г̇аван̣н̣анаа
(11) 1. Āsāduppajahavaggavaṇṇanā
119. д̇ад̇ияабан̣н̣аасагасса батамз д̣̇угкзна баж̇ахид̇аб̣б̣аад̇и д̣̇уббаж̇ахаа. д̣̇ужжаж̇аад̇иаад̣̇ийсуби зсзва наяо. д̣̇виннам̣ аасаанам̣ д̣̇ужжаж̇абхааво гат̇ам̣ ж̇аанид̇аб̣б̣од̇и батамам̣ д̇аава лаабхаасааяа д̣̇ужжаж̇абхаавам̣ вибхаавзд̇и ‘‘лаабхаасааяаа’’д̇иаад̣̇инаа. убхад̇об̣яуул̣ханд̇и яуд̣̇д̇хад̇т̇ааяа убхад̇о саннибад̇ид̇ам̣. багканд̣̇анд̇ийд̇и ануббависанд̇и. ж̇ийвид̇аасааяа д̣̇уббаж̇ахад̇д̇аад̇иаад̣̇инаа ж̇ийвид̇аасааяа д̣̇ужжаж̇абхаавам̣ вибхаавзд̇и.
119. Tatiyapaṇṇāsakassa paṭhame dukkhena pajahitabbāti duppajahā. Duccajātiādīsupi eseva nayo. Dvinnaṃ āsānaṃ duccajabhāvo kathaṃ jānitabboti paṭhamaṃ tāva lābhāsāya duccajabhāvaṃ vibhāveti ‘‘lābhāsāyā’’tiādinā. Ubhatobyūḷhanti yuddhatthāya ubhato sannipatitaṃ. Pakkhandantīti anuppavisanti. Jīvitāsāya duppajahattātiādinā jīvitāsāya duccajabhāvaṃ vibhāveti.
120. д̣̇уд̇ияз д̣̇уллабхаад̇и на сулабхаа. ин̣ам̣ д̣̇змийд̇и сан̃н̃ам̣ гарод̇ийд̇и звам̣ сан̃н̃ам̣ гаронд̇о вияа ход̇ийд̇и ад̇т̇о. зд̇т̇а жа ‘‘буб̣б̣агаарийд̇и батамам̣ убагаарасса гаараго. гад̇ан̃н̃уу гад̇авзд̣̇ийд̇и д̇зна гад̇ам̣ н̃ад̇ваа бажчаа гаараго. д̇зсу буб̣б̣агаарий ‘ин̣ам̣ д̣̇змий’д̇и сан̃н̃ам̣ гарод̇и, бажчаа гаараго ‘ин̣ам̣ ж̇ийраабзмий’д̇и сан̃н̃ам̣ гарод̇ий’’д̇и зд̇д̇агамзва ид̇ха вуд̇д̇ам̣. буг̇г̇алабан̣н̣ад̇д̇исам̣ван̣н̣анааяам̣ (бу. ба. адта. 83) бана –
120. Dutiye dullabhāti na sulabhā. Iṇaṃ demīti saññaṃ karotīti evaṃ saññaṃ karonto viya hotīti attho. Ettha ca ‘‘pubbakārīti paṭhamaṃ upakārassa kārako. Kataññū katavedīti tena kataṃ ñatvā pacchā kārako. Tesu pubbakārī ‘iṇaṃ demī’ti saññaṃ karoti, pacchā kārako ‘iṇaṃ jīrāpemī’ti saññaṃ karotī’’ti ettakameva idha vuttaṃ. Puggalapaṇṇattisaṃvaṇṇanāyaṃ (pu. pa. aṭṭha. 83) pana –
‘‘буб̣б̣агаарийд̇и батамамзва гаараго. гад̇авзд̣̇ийд̇и гад̇ам̣ взд̣̇зд̇и, вид̣̇ид̇ам̣ баагадам̣ гарод̇и. д̇з аг̇аарияаанаг̇аариязхи д̣̇ийбзд̇аб̣б̣аа. аг̇ааригзсу хи маад̇аабид̇аро буб̣б̣агаарино наама, буд̇д̇ад̇хийд̇аро бана маад̇аабид̇аро бадиж̇аг̇г̇анд̇аа абхиваад̣̇анаад̣̇ийни д̇зсам̣ гурумаанаа гад̇авзд̣̇ино наама. анаг̇аариязсу аажарияубаж̇жхааяаа буб̣б̣агаарино наама, анд̇зваасигасад̣̇д̇хивихааригаа аажарияубаж̇жхааяз бадиж̇аг̇г̇анд̇аа абхиваад̣̇анаад̣̇ийни жа д̇зсам̣ гурумаанаа гад̇авзд̣̇ино наама. д̇зсам̣ аавибхаавад̇т̇ааяа убаж̇жхааяабосагасон̣ад̇т̇зраад̣̇ийнам̣ вад̇т̇ууни гат̇зд̇аб̣б̣аани.
‘‘Pubbakārīti paṭhamameva kārako. Katavedīti kataṃ vedeti, viditaṃ pākaṭaṃ karoti. Te agāriyānagāriyehi dīpetabbā. Agārikesu hi mātāpitaro pubbakārino nāma, puttadhītaro pana mātāpitaro paṭijaggantā abhivādanādīni tesaṃ kurumānā katavedino nāma. Anagāriyesu ācariyupajjhāyā pubbakārino nāma, antevāsikasaddhivihārikā ācariyupajjhāye paṭijaggantā abhivādanādīni ca tesaṃ kurumānā katavedino nāma. Tesaṃ āvibhāvatthāya upajjhāyaposakasoṇattherādīnaṃ vatthūni kathetabbāni.
‘‘абаро наяо – барзна агад̇зязва убагаарз ад̇д̇ани гад̇ам̣ убагаарам̣ анабзгкид̇ваа гаараго буб̣б̣агаарий, сзяяат̇ааби маад̇аабид̇аро жзва аажарияубаж̇жхааяаа жа. со д̣̇уллабхо сад̇д̇аанам̣ д̇ан̣хаабхибхууд̇ад̇д̇аа. барзна гад̇асса убагаарасса ануруубаббавад̇д̇им̣ ад̇д̇ани гад̇ам̣ убагаарам̣ убагаарад̇о ж̇аананд̇о взд̣̇ияанд̇о гад̇ан̃н̃угад̇авзд̣̇ий сзяяат̇ааби маад̇аабид̇уаажарияубаж̇жхааязсу саммаабадибанно. соби д̣̇уллабхо сад̇д̇аанам̣ авиж̇ж̇аабхибхууд̇ад̇д̇аа. абижа агааран̣аважчало буб̣б̣агаарий, сагааран̣аважчало гад̇ан̃н̃угад̇авзд̣̇ий. ‘гариссад̇и мз’д̇и звамаад̣̇игааран̣анирабзгкагирияо буб̣б̣агаарий, ‘гариссад̇и мз’д̇и звамаад̣̇игааран̣асаабзгкагирияо гад̇ан̃н̃угад̇авзд̣̇ий. д̇амож̇од̇ибарааяан̣о буб̣б̣агаарий, ж̇од̇иж̇од̇ибарааяан̣о гад̇ан̃н̃угад̇авзд̣̇ий. д̣̇зсзд̇аа буб̣б̣агаарий, бадибаж̇ж̇ид̇аа гад̇ан̃н̃угад̇авзд̣̇ий. сад̣̇звагз логз арахам̣ саммаасамб̣уд̣̇д̇хо буб̣б̣агаарий, арияасааваго гад̇ан̃н̃угад̇авзд̣̇ий’’д̇и вуд̇д̇ам̣.
‘‘Aparo nayo – parena akateyeva upakāre attani kataṃ upakāraṃ anapekkhitvā kārako pubbakārī, seyyathāpi mātāpitaro ceva ācariyupajjhāyā ca. So dullabho sattānaṃ taṇhābhibhūtattā. Parena katassa upakārassa anurūpappavattiṃ attani kataṃ upakāraṃ upakārato jānanto vediyanto kataññukatavedī seyyathāpi mātāpituācariyupajjhāyesu sammāpaṭipanno. Sopi dullabho sattānaṃ avijjābhibhūtattā. Apica akāraṇavacchalo pubbakārī, sakāraṇavacchalo kataññukatavedī. ‘Karissati me’ti evamādikāraṇanirapekkhakiriyo pubbakārī, ‘karissati me’ti evamādikāraṇasāpekkhakiriyo kataññukatavedī. Tamojotiparāyaṇo pubbakārī, jotijotiparāyaṇo kataññukatavedī. Desetā pubbakārī, paṭipajjitā kataññukatavedī. Sadevake loke arahaṃ sammāsambuddho pubbakārī, ariyasāvako kataññukatavedī’’ti vuttaṃ.
д̇ад̇т̇а гааран̣зна винаа бавад̇д̇ахид̇ажид̇д̇о агааран̣аважчало. анааг̇ад̇амхи баяож̇анам̣ абзгкамаано ‘‘гариссад̇и мз’’д̇иаад̣̇инаа жид̇д̇зна батамам̣ г̇ахид̇ам̣ д̇аад̣̇исам̣ гад̇ам̣ убаад̣̇ааяа гад̇ан̃н̃уу зва наама ход̇и, на буб̣б̣агаарийд̇и ад̇хиббааязна ‘‘гариссад̇и мзд̇и звамаад̣̇игааран̣асаабзгкагирияо гад̇ан̃н̃угад̇авзд̣̇ий’’д̇и вуд̇д̇ам̣. д̇амож̇од̇ибарааяан̣о бун̃н̃апалаани анубаж̇ийванд̇о зва бун̃н̃аани гарод̇ийд̇и ‘‘буб̣б̣агаарий’’д̇и вуд̇д̇о. бун̃н̃апалам̣ убаж̇ийванд̇о хи гад̇ан̃н̃убагкз д̇идтад̇и.
Tattha kāraṇena vinā pavattahitacitto akāraṇavacchalo. Anāgatamhi payojanaṃ apekkhamāno ‘‘karissati me’’tiādinā cittena paṭhamaṃ gahitaṃ tādisaṃ kataṃ upādāya kataññū eva nāma hoti, na pubbakārīti adhippāyena ‘‘karissati meti evamādikāraṇasāpekkhakiriyo kataññukatavedī’’ti vuttaṃ. Tamojotiparāyaṇo puññaphalāni anupajīvanto eva puññāni karotīti ‘‘pubbakārī’’ti vutto. Puññaphalaṃ upajīvanto hi kataññupakkhe tiṭṭhati.
121. д̇ад̇ияз д̇ид̇д̇од̇и сухид̇о барияосид̇о нидтид̇агижжад̇ааяа нируссугго. г̇ун̣абаарибуурияаа хи барибун̣н̣о яаавад̣̇ад̇т̇о ид̇ха д̇ид̇д̇о вуд̇д̇о. д̇аббзд̇аад̇и ан̃н̃зсамби д̇ид̇д̇игаро. бажжзгаб̣уд̣̇д̇хо жа д̇ат̇ааг̇ад̇асааваго жа кийн̣аасаво д̇ид̇д̇од̇и зд̇т̇а бажжзгаб̣уд̣̇д̇хо навалогуд̇д̇арад̇хаммзхи саяам̣ д̇ид̇д̇о барибун̣н̣о, ан̃н̃ам̣ бана д̇аббзд̇ум̣ на саггод̇и. д̇асса хи д̇хаммагат̇ааяа абхисамаяо на ход̇и, саавагаанам̣ бана д̇хаммагат̇ааяа абаримаан̣аанам̣ д̣̇звамануссаанам̣ абхисамаяо ход̇и. звам̣ санд̇зби яасмаа д̇з д̇хаммам̣ д̣̇зсзнд̇аа на ад̇д̇ано важанам̣ гад̇ваа гат̇знд̇и, б̣уд̣̇д̇хаанам̣ важанам̣ гад̇ваа гат̇знд̇и, сод̇ум̣ нисиннабарисааби – ‘‘аяам̣ бхигку на ад̇д̇анаа бадивид̣̇д̇хам̣ д̇хаммам̣ гат̇зд̇ий’’д̇и жид̇д̇ийгаарам̣ гарод̇и. ид̇и со жид̇д̇ийгааро б̣уд̣̇д̇хаанам̣язва ход̇и. звам̣ д̇ад̇т̇а саммаасамб̣уд̣̇д̇хова д̇аббзд̇аа наама. яат̇аа хи ‘‘асугасса наама ид̣̇ан̃жид̣̇ан̃жа д̣̇зт̇аа’’д̇и ран̃н̃аа аан̣ад̇д̇з гин̃жааби аанзд̇ваа д̣̇знд̇и, ат̇а ко рааж̇аава д̇ад̇т̇а д̣̇ааяаго. язхиби лад̣̇д̇хам̣ ход̇и, д̇з ‘‘ран̃н̃аа амхаагам̣ таананд̇арам̣ д̣̇иннам̣, иссарияавибхаво д̣̇инно’’д̇взва г̇ан̣ханд̇и, на ‘‘рааж̇абурисзхий’’д̇и звам̣самбад̣̇амид̣̇ам̣ взд̣̇ид̇аб̣б̣ам̣.
121. Tatiye tittoti suhito pariyosito niṭṭhitakiccatāya nirussukko. Guṇapāripūriyā hi paripuṇṇo yāvadattho idha titto vutto. Tappetāti aññesampi tittikaro. Paccekabuddho ca tathāgatasāvako ca khīṇāsavo tittoti ettha paccekabuddho navalokuttaradhammehi sayaṃ titto paripuṇṇo, aññaṃ pana tappetuṃ na sakkoti. Tassa hi dhammakathāya abhisamayo na hoti, sāvakānaṃ pana dhammakathāya aparimāṇānaṃ devamanussānaṃ abhisamayo hoti. Evaṃ santepi yasmā te dhammaṃ desentā na attano vacanaṃ katvā kathenti, buddhānaṃ vacanaṃ katvā kathenti, sotuṃ nisinnaparisāpi – ‘‘ayaṃ bhikkhu na attanā paṭividdhaṃ dhammaṃ kathetī’’ti cittīkāraṃ karoti. Iti so cittīkāro buddhānaṃyeva hoti. Evaṃ tattha sammāsambuddhova tappetā nāma. Yathā hi ‘‘asukassa nāma idañcidañca dethā’’ti raññā āṇatte kiñcāpi ānetvā denti, atha kho rājāva tattha dāyako. Yehipi laddhaṃ hoti, te ‘‘raññā amhākaṃ ṭhānantaraṃ dinnaṃ, issariyavibhavo dinno’’tveva gaṇhanti, na ‘‘rājapurisehī’’ti evaṃsampadamidaṃ veditabbaṃ.
122. жад̇уд̇т̇з д̣̇уд̇д̇аббаяаад̇и ад̇аббаяаа, на саггаа гзнажи д̇аббзд̇ум̣. яо хи убадтаагагулам̣ ваа н̃аад̇игулам̣ ваа ниссааяа васамаано жийварз ж̇ин̣н̣з д̇зхи д̣̇иннам̣ жийварам̣ нигкибад̇и, на барибхун̃ж̇ад̇и . бунаббунам̣ д̣̇иннамби г̇ахзд̇ваа нигкибад̇зва. яо жа д̇знзва наязна лад̣̇д̇хам̣ лад̣̇д̇хам̣ виссаж̇ж̇зд̇и, барасса д̣̇зд̇и, бунаббунам̣ лад̣̇д̇хамби д̇ат̇зва гарод̇и. имз д̣̇вз буг̇г̇алаа сагадзхиби бажжаяз убанзнд̇зна д̇аббзд̇ум̣ на саггаад̇и д̣̇уд̇д̇аббаяаа.
122. Catutthe duttappayāti atappayā, na sakkā kenaci tappetuṃ. Yo hi upaṭṭhākakulaṃ vā ñātikulaṃ vā nissāya vasamāno cīvare jiṇṇe tehi dinnaṃ cīvaraṃ nikkhipati, na paribhuñjati . Punappunaṃ dinnampi gahetvā nikkhipateva. Yo ca teneva nayena laddhaṃ laddhaṃ vissajjeti, parassa deti, punappunaṃ laddhampi tatheva karoti. Ime dve puggalā sakaṭehipi paccaye upanentena tappetuṃ na sakkāti duttappayā.
123. бан̃жамз на виссаж̇ж̇зд̇ийд̇и ад̇д̇ано агад̇ваа барасса на д̣̇зд̇и, ад̇ирзгз бана сад̇и на нигкибад̇и, барасса д̣̇зд̇и. д̇знзвааха ‘‘саб̣б̣ам̣язва барзсам̣ на д̣̇зд̇ий’’д̇иаад̣̇и. ид̣̇ам̣ вуд̇д̇ам̣ ход̇и ‘‘яо бхигку убадтаагагулаа ваа н̃аад̇игулаа ваа ж̇ин̣н̣ажийваро саадагам̣ лабхид̇ваа жийварам̣ гад̇ваа барибхун̃ж̇ад̇и на нигкибад̇и, аг̇г̇ал̣ам̣ д̣̇ад̇ваа баарубанд̇оби бунаби д̣̇ияяамаанз сахасаа наббадиг̇г̇ан̣хаад̇и. яо жа лад̣̇д̇хам̣ лад̣̇д̇хам̣ ад̇д̇анаа барибхун̃ж̇ад̇и, барзсам̣ на д̣̇зд̇и. имз д̣̇взби сукзна саггаа д̇аббзд̇унд̇и суд̇аббаяаа’’д̇и.
123. Pañcame na vissajjetīti attano akatvā parassa na deti, atireke pana sati na nikkhipati, parassa deti. Tenevāha ‘‘sabbaṃyeva paresaṃ na detī’’tiādi. Idaṃ vuttaṃ hoti ‘‘yo bhikkhu upaṭṭhākakulā vā ñātikulā vā jiṇṇacīvaro sāṭakaṃ labhitvā cīvaraṃ katvā paribhuñjati na nikkhipati, aggaḷaṃ datvā pārupantopi punapi diyyamāne sahasā nappaṭiggaṇhāti. Yo ca laddhaṃ laddhaṃ attanā paribhuñjati, paresaṃ na deti. Ime dvepi sukhena sakkā tappetunti sutappayā’’ti.
124-127. чадтасад̇д̇амаад̣̇ийни уд̇д̇аанад̇т̇аанзва.
124-127. Chaṭṭhasattamādīni uttānatthāneva.
аасаад̣̇уббаж̇ахаваг̇г̇аван̣н̣анаа нидтид̇аа.
Āsāduppajahavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (11) 1. аасаад̣̇уббаж̇ахаваг̇г̇о • (11) 1. Āsāduppajahavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (11) 1. аасаад̣̇уббаж̇ахаваг̇г̇аван̣н̣анаа • (11) 1. Āsāduppajahavaggavaṇṇanā
