| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਤਤਿਯਪਣ੍ਣਾਸਕਂ
3. Tatiyapaṇṇāsakaṃ
(੧੧) ੧. ਆਸਾਦੁਪ੍ਪਜਹવਗ੍ਗવਣ੍ਣਨਾ
(11) 1. Āsāduppajahavaggavaṇṇanā
੧੧੯. ਤਤਿਯਸ੍ਸ ਪਣ੍ਣਾਸਕਸ੍ਸ ਪਠਮੇ ਆਸਾਤਿ ਤਣ੍ਹਾ। ਦੁਪ੍ਪਜਹਾਤਿ ਦੁਚ੍ਚਜਾ ਦੁਨ੍ਨੀਹਰਾ। ਲਾਭਾਸਾਯ ਦੁਪ੍ਪਜਹਭਾવੇਨ ਸਤ੍ਤਾ ਦਸਪਿ વਸ੍ਸਾਨਿ વੀਸਤਿਪਿ ਸਟ੍ਠਿਪਿ વਸ੍ਸਾਨਿ ‘‘ਅਜ੍ਜ ਲਭਿਸ੍ਸਾਮ, ਸ੍વੇ ਲਭਿਸ੍ਸਾਮਾ’’ਤਿ ਰਾਜਾਨਂ ਉਪਟ੍ਠਹਨ੍ਤਿ, ਕਸਿਕਮ੍ਮਾਦੀਨਿ ਕਰੋਨ੍ਤਿ, ਉਭਤੋਬ੍ਯੂਲ਼੍ਹਂ ਸਙ੍ਗਾਮਂ ਪਕ੍ਖਨ੍ਦਨ੍ਤਿ, ਅਜਪਥਸਙ੍ਕੁਪਥਾਦਯੋ ਪਟਿਪਜ੍ਜਨ੍ਤਿ, ਨਾવਾਯ ਮਹਾਸਮੁਦ੍ਦਂ ਪવਿਸਨ੍ਤਿ। ਜੀવਿਤਾਸਾਯ ਦੁਪ੍ਪਜਹਤ੍ਤਾ ਸਮ੍ਪਤ੍ਤੇ ਮਰਣਕਾਲੇਪਿ વਸ੍ਸਸਤਜੀવਿਂ ਅਤ੍ਤਾਨਂ ਮਞ੍ਞਨ੍ਤਿ। ਸੋ ਕਮ੍ਮਕਮ੍ਮਨਿਮਿਤ੍ਤਾਦੀਨਿ ਪਸ੍ਸਨ੍ਤੋਪਿ ‘‘ਦਾਨਂ ਦੇਹਿ ਪੂਜਂ, ਕਰੋਹੀ’’ਤਿ ਅਨੁਕਮ੍ਪਕੇਹਿ વੁਚ੍ਚਮਾਨੋ ‘‘ਨਾਹਂ ਮਰਿਸ੍ਸਾਮਿ, ਜੀવਿਸ੍ਸਾਮਿ’’ਚ੍ਚੇવ ਆਸਾਯ ਕਸ੍ਸਚਿ વਚਨਂ ਨ ਗਣ੍ਹਾਤਿ।
119. Tatiyassa paṇṇāsakassa paṭhame āsāti taṇhā. Duppajahāti duccajā dunnīharā. Lābhāsāya duppajahabhāvena sattā dasapi vassāni vīsatipi saṭṭhipi vassāni ‘‘ajja labhissāma, sve labhissāmā’’ti rājānaṃ upaṭṭhahanti, kasikammādīni karonti, ubhatobyūḷhaṃ saṅgāmaṃ pakkhandanti, ajapathasaṅkupathādayo paṭipajjanti, nāvāya mahāsamuddaṃ pavisanti. Jīvitāsāya duppajahattā sampatte maraṇakālepi vassasatajīviṃ attānaṃ maññanti. So kammakammanimittādīni passantopi ‘‘dānaṃ dehi pūjaṃ, karohī’’ti anukampakehi vuccamāno ‘‘nāhaṃ marissāmi, jīvissāmi’’cceva āsāya kassaci vacanaṃ na gaṇhāti.
੧੨੦. ਦੁਤਿਯੇ ਪੁਬ੍ਬਕਾਰੀਤਿ ਪਠਮਂ ਉਪਕਾਰਸ੍ਸ ਕਾਰਕੋ। ਕਤਞ੍ਞੂਕਤવੇਦੀਤਿ ਤੇਨ ਕਤਂ ਞਤ੍વਾ ਪਚ੍ਛਾ ਕਾਰਕੋ। ਤੇਸੁ ਪੁਬ੍ਬਕਾਰੀ ‘‘ਇਣਂ ਦੇਮੀ’’ਤਿ ਸਞ੍ਞਂ ਕਰੋਤਿ, ਪਚ੍ਛਾ ਕਾਰਕੋ ‘‘ਇਣਂ ਜੀਰਾਪੇਮੀ’’ਤਿ ਸਞ੍ਞਂ ਕਰੋਤਿ।
120. Dutiye pubbakārīti paṭhamaṃ upakārassa kārako. Kataññūkatavedīti tena kataṃ ñatvā pacchā kārako. Tesu pubbakārī ‘‘iṇaṃ demī’’ti saññaṃ karoti, pacchā kārako ‘‘iṇaṃ jīrāpemī’’ti saññaṃ karoti.
੧੨੧. ਤਤਿਯੇ ਤਿਤ੍ਤੋ ਚ ਤਪ੍ਪੇਤਾ ਚਾਤਿ ਪਚ੍ਚੇਕਬੁਦ੍ਧੋ ਚ ਤਥਾਗਤਸਾવਕੋ ਚ ਖੀਣਾਸવੋ ਤਿਤ੍ਤੋ ਨਾਮ, ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ ਤਿਤ੍ਤੋ ਚ ਤਪ੍ਪੇਤਾ ਚ।
121. Tatiye titto ca tappetā cāti paccekabuddho ca tathāgatasāvako ca khīṇāsavo titto nāma, tathāgato arahaṃ sammāsambuddho titto ca tappetā ca.
੧੨੨. ਚਤੁਤ੍ਥੇ ਦੁਤ੍ਤਪ੍ਪਯਾਤਿ ਦਾਯਕੇਨ ਦੁਤ੍ਤਪ੍ਪਯਾ ਤਪ੍ਪੇਤੁਂ ਨ ਸੁਕਰਾ। ਨਿਕ੍ਖਿਪਤੀਤਿ ਨਿਦਹਤਿ ਨ ਪਰਿਭੁਞ੍ਜਤਿ। વਿਸ੍ਸਜ੍ਜੇਤੀਤਿ ਪਰੇਸਂ ਦੇਤਿ।
122. Catutthe duttappayāti dāyakena duttappayā tappetuṃ na sukarā. Nikkhipatīti nidahati na paribhuñjati. Vissajjetīti paresaṃ deti.
੧੨੩. ਪਞ੍ਚਮੇ ਨ વਿਸ੍ਸਜ੍ਜੇਤੀਤਿ ਸਬ੍ਬਂਯੇવ ਪਰੇਸਂ ਨ ਦੇਤਿ, ਅਤ੍ਤਨੋ ਪਨ ਯਾਪਨਮਤ੍ਤਂ ਗਹੇਤ੍વਾ ਅવਸੇਸਂ ਦੇਤਿ।
123. Pañcame na vissajjetīti sabbaṃyeva paresaṃ na deti, attano pana yāpanamattaṃ gahetvā avasesaṃ deti.
੧੨੪. ਛਟ੍ਠੇ ਸੁਭਨਿਮਿਤ੍ਤਨ੍ਤਿ ਇਟ੍ਠਾਰਮ੍ਮਣਂ।
124. Chaṭṭhe subhanimittanti iṭṭhārammaṇaṃ.
੧੨੫. ਸਤ੍ਤਮੇ ਪਟਿਘਨਿਮਿਤ੍ਤਨ੍ਤਿ ਅਨਿਟ੍ਠਨਿਮਿਤ੍ਤਂ।
125. Sattame paṭighanimittanti aniṭṭhanimittaṃ.
੧੨੬. ਅਟ੍ਠਮੇ ਪਰਤੋ ਚ ਘੋਸੋਤਿ ਪਰਸ੍ਸ ਸਨ੍ਤਿਕਾ ਅਸ੍ਸਦ੍ਧਮ੍ਮਸવਨਂ।
126. Aṭṭhame parato ca ghosoti parassa santikā assaddhammasavanaṃ.
੧੨੭. ਨવਮੇ ਪਰਤੋ ਚ ਘੋਸੋਤਿ ਪਰਸ੍ਸ ਸਨ੍ਤਿਕਾ ਸਦ੍ਧਮ੍ਮਸવਨਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
127. Navame parato ca ghosoti parassa santikā saddhammasavanaṃ. Sesaṃ sabbattha uttānatthamevāti.
ਆਸਾਦੁਪ੍ਪਜਹવਗ੍ਗੋ ਪਠਮੋ।
Āsāduppajahavaggo paṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੧੧) ੧. ਆਸਾਦੁਪ੍ਪਜਹવਗ੍ਗੋ • (11) 1. Āsāduppajahavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੧੧) ੧. ਆਸਾਦੁਪ੍ਪਜਹવਗ੍ਗવਣ੍ਣਨਾ • (11) 1. Āsāduppajahavaggavaṇṇanā
