| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. කම්‌මපථවග්‌ගො
3. Kammapathavaggo
1. අසමාහිතසුත්‌තං
1. Asamāhitasuttaṃ
107. සාවත්‌ථියං විහරති…පෙ.… ‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; අහිරිකා අහිරිකෙහි සද්‌ධිං සංසන්‌දන්‌ති සමෙන්‌ති; අනොත්‌තප්‌පිනො අනොත්‌තප්‌පීහි සද්‌ධිං සංසන්‌දන්‌ති සමෙන්‌ති; අසමාහිතා අසමාහිතෙහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති’’.
107. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; asamāhitā asamāhitehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; හිරිමනා හිරිමනෙහි සද්‌ධිං සංසන්‌දන්‌ති සමෙන්‌ති; ඔත්‌තප්‌පිනො ඔත්‌තප්‌පීහි සද්‌ධිං සංසන්‌දන්‌ති සමෙන්‌ති; සමාහිතා සමාහිතෙහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌තී’’ති. පඨමං.
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; samāhitā samāhitehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-2. අසමාහිතසුත්‌තාදිවණ්‌ණනා • 1-2. Asamāhitasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. අසමාහිතසුත්‌තාදිවණ්‌ණනා • 1-2. Asamāhitasuttādivaṇṇanā
