3. аасам̣сасуд̇д̇аван̣н̣анаа

13. д̇ад̇ияз санд̇од̇и ад̇т̇и убалаб̣бханд̇и. сам̣виж̇ж̇амаанаад̇и д̇ассзва взважанам̣. логасминд̇и сад̇д̇алогз. нираасод̇и анаасо абад̇т̇ано. аасам̣сод̇и аасам̣самаано бад̇т̇аяамаано. виг̇ад̇аасод̇и абаг̇ад̇аасо. жан̣д̣аалагулзд̇и жан̣д̣аалаанам̣ гулз. взнагулзд̇и вилийвагаарагулз. нзсаад̣̇агулзд̇и миг̇алуд̣̇д̣̇агаанам̣ гулз. рат̇агаарагулзд̇и жаммагаарагулз. буггусагулзд̇и бубпажчад̣д̣агагулз.

зд̇д̇аавад̇аа гулавибад̇д̇им̣ д̣̇ассзд̇ваа ид̣̇аани яасмаа нийжагулз ж̇аад̇оби згажжо ад̣дхо ход̇и махад̣̇д̇хано, аяам̣ бана на д̇аад̣̇исо, д̇асмаасса бхог̇авибад̇д̇им̣ д̣̇ассзд̇ум̣ д̣̇алид̣̇д̣̇зд̇иаад̣̇имааха. д̇ад̇т̇а д̣̇алид̣̇д̣̇зд̇и д̣̇аалид̣̇д̣̇иязна саманнааг̇ад̇з. аббаннабаанабхож̇анзд̇и барид̇д̇агааннабаанабхож̇анз. гасиравуд̇д̇игзд̇и д̣̇угкаж̇ийвигз, яад̇т̇а вааяаамзна баяог̇зна ж̇ийвид̇авуд̇д̇им̣ саад̇хзнд̇и, д̇ат̇ааруубзд̇и ад̇т̇о. яад̇т̇а гасирзна гхаасажчаад̣̇о лаб̣бхад̇ийд̇и яасмим̣ гулз д̣̇угкзна яааг̇убхад̇д̇агхаасо жа гобийнамад̇д̇ам̣ ажчаад̣̇анан̃жа лаб̣бхад̇и.

ид̣̇аани яасмаа згажжо нийжагулз ж̇аад̇оби убад̇хисамбанно ход̇и ад̇д̇абхаавасамид̣̇д̇хияам̣ тид̇о , аяан̃жа на д̇аад̣̇исо, д̇асмаасса сарийравибад̇д̇имби д̣̇ассзд̇ум̣ со жа ход̇и д̣̇уб̣б̣ан̣н̣од̇иаад̣̇имааха. д̇ад̇т̇а д̣̇уб̣б̣ан̣н̣од̇и бам̣субисаажаго вияа жхаамакаан̣уван̣н̣о. д̣̇уд̣̇д̣̇асигод̇и виж̇аад̇амаад̇уяааби аманаабад̣̇ассано. огодимагод̇и лагун̣д̣аго. гаан̣од̇и згагкигаан̣о ваа убхаяагкигаан̣о ваа. гун̣ийд̇и згахад̇т̇агун̣ий ваа убхаяахад̇т̇агун̣ий ваа. кан̃ж̇од̇и згабаад̣̇акан̃ж̇о ваа убхаяабаад̣̇акан̃ж̇о ваа. багкахад̇од̇и хад̇абагко бийтасаббий. бад̣̇ийбзяяассаад̇и ваддид̇злагабаллагаад̣̇ино бад̣̇ийбаубагаран̣асса. д̇асса на звам̣ ход̇ийд̇и. гасмаа на ход̇и? нийжагулз ж̇аад̇ад̇д̇аа.

ж̇здтод̇и ан̃н̃асмим̣ ж̇здтз сад̇и ганидто аасам̣ на гарод̇и, д̇асмаа ж̇здтод̇и ааха. аабхисзгод̇и ж̇здтоби на абхисзгаарахо аасам̣ на гарод̇и, д̇асмаа аабхисзгод̇и ааха. анабхисид̇д̇од̇и абхисзгаарахоби гаан̣агун̣иаад̣̇ид̣̇осарахид̇о сагим̣ абхисид̇д̇о буна абхисзгз аасам̣ на гарод̇и, д̇асмаа анабхисид̇д̇од̇и ааха . ажалаббад̇д̇од̇и ж̇здтоби аабхисзго анабхисид̇д̇о манд̣̇о уд̇д̇аанасзяяаго, соби абхисзгз аасам̣ на гарод̇и. сол̣асавассуд̣̇д̣̇зсиго бана бан̃н̃ааяамаанамассубхзд̣̇о ажалаббад̇д̇о наама ход̇и, маханд̇амби раж̇ж̇ам̣ вижаарзд̇ум̣ самад̇т̇о, д̇асмаа ‘‘ажалаббад̇д̇о’’д̇и ааха. д̇асса звам̣ ход̇ийд̇и гасмаа ход̇и? махааж̇аад̇ид̇ааяа.

д̣̇уссийлод̇и ниссийло. баабад̇хаммод̇и лаамагад̇хаммо. асужийд̇и асужийхи гааяагаммаад̣̇ийхи саманнааг̇ад̇о. сан̇гассарасамаажаарод̇и сан̇гаахи сарид̇аб̣б̣асамаажааро, гин̃жид̣̇зва асааруббам̣ д̣̇исваа ‘‘ид̣̇ам̣ иминаа гад̇ам̣ бхависсад̇ий’’д̇и звам̣ барзсам̣ аасан̇ганийяасамаажааро, ад̇д̇анааязва ваа сан̇гаахи сарид̇аб̣б̣асамаажааро, саасан̇гасамаажаарод̇и ад̇т̇о. д̇асса хи д̣̇иваадтаанаад̣̇ийсу саннибад̇ид̇ваа гин̃жид̣̇зва манд̇аяанд̇з бхигкуу д̣̇исваа ‘‘имз згад̇о худ̇ваа манд̇знд̇и, гажжи ну ко маяаа гад̇агаммам̣ ж̇аанид̇ваа манд̇знд̇ий’’д̇и звам̣ саасан̇гасамаажааро ход̇и. бадижчаннагамманд̇од̇и бадижчаад̣̇зд̇аб̣б̣аяуд̇д̇агзна баабагаммзна саманнааг̇ад̇о. ассаман̣о саман̣абадин̃н̃од̇и ассаман̣о худ̇ваава саман̣абад̇ируубагад̇ааяа ‘‘саман̣о аха’’нд̇и звам̣ бадин̃н̃о. аб̣рахмажаарий б̣рахмажаарибадин̃н̃од̇и ан̃н̃з б̣рахмажаарино сунивад̇т̇з субааруд̇з сумбхагабад̇д̇ад̇харз г̇ааманиг̇амарааж̇ад̇хаанийсу бин̣д̣ааяа жарид̇ваа ж̇ийвигам̣ габбзнд̇з д̣̇исваа саяамби д̇аад̣̇исзна аагаарзна д̇ат̇аа бадибаж̇ж̇анад̇о ‘‘ахам̣ б̣рахмажаарий’’д̇и бадин̃н̃ам̣ д̣̇знд̇о вияа ход̇и. ‘‘ахам̣ бхигкуу’’д̇и вад̇ваа убосат̇аг̇г̇аад̣̇ийни бависанд̇о бана б̣рахмажаарибадин̃н̃о ход̇иязва, д̇ат̇аа сан̇гхигам̣ лаабхам̣ г̇ан̣ханд̇о. анд̇обууд̇ийд̇и бууд̇инаа гаммзна анд̇о анубавидто. авассуд̇од̇и рааг̇аад̣̇ийхи д̇инд̇о. гасамб̣уж̇аад̇од̇и сан̃ж̇аад̇арааг̇аад̣̇игажаваро. д̇асса на звам̣ ход̇ийд̇и. гасмаа на ход̇и? логуд̇д̇арад̇хаммаубаниссаяасса над̇т̇ид̇ааяа. д̇асса звам̣ ход̇ийд̇и. гасмаа ход̇и? махаасийласмим̣ барибуурагаарид̇ааяа.