| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. аасам̣сасуд̇д̇аван̣н̣анаа
3. Āsaṃsasuttavaṇṇanā
13. д̇ад̇ияз санд̇од̇и зд̇т̇а санд̇а-сад̣̇д̣̇о ‘‘д̣̇ийгхам̣ санд̇асса яож̇ана’’нд̇иаад̣̇ийсу (д̇ха. ба. 60) гиланд̇абхаавз ааг̇ад̇о. ‘‘аяан̃жа вид̇агго, аяан̃жа вижааро санд̇о хонд̇и самид̇аа’’д̇иаад̣̇ийсу (вибха. 576) нируд̣̇д̇хабхаавз. ‘‘ад̇хиг̇ад̇о ко мяааяам̣ д̇хаммо, г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о’’д̇иаад̣̇ийсу (д̣̇ий. ни. 2.67; ма. ни. 1.281; сам̣. ни. 1.172; махаава. 7-8) санд̇ан̃аан̣аг̇ожарад̇ааяам̣. ‘‘убасанд̇асса сад̣̇аа сад̇имад̇о’’д̇иаад̣̇ийсу (уд̣̇аа. 27) гилзсавуубасамз. ‘‘санд̇о хавз саб̣бхи бавзд̣̇аяанд̇ий’’д̇иаад̣̇ийсу (д̇ха. ба. 151) саад̇хуусу. ‘‘бан̃жимз, бхигкавз, махаажораа санд̇о сам̣виж̇ж̇амаанаа’’д̇иаад̣̇ийсу (баараа. 195) ад̇т̇ибхаавз. ид̇хааби ад̇т̇ибхаавзязваад̇и ааха ‘‘санд̇од̇и ад̇т̇и убалаб̣бханд̇ий’’д̇и. д̇ад̇т̇а ад̇т̇ийд̇и логасан̇гзд̇авасзна сам̣виж̇ж̇анд̇и. ад̇т̇ибхааво хзд̇т̇а буг̇г̇аласамб̣анд̇хзна вуд̇д̇ад̇д̇аа логасаман̃н̃аавасзнзва взд̣̇ид̇аб̣б̣о, на барамад̇т̇авасзна. ад̇т̇ийд̇и жзд̇ам̣ нибаад̇абад̣̇ам̣ д̣̇адтаб̣б̣ам̣ ‘‘ад̇т̇и имасмим̣ гааяз гзсаа’’д̇иаад̣̇ийсу (ма. ни. 1.110) вияа.
13. Tatiye santoti ettha santa-saddo ‘‘dīghaṃ santassa yojana’’ntiādīsu (dha. pa. 60) kilantabhāve āgato. ‘‘Ayañca vitakko, ayañca vicāro santo honti samitā’’tiādīsu (vibha. 576) niruddhabhāve. ‘‘Adhigato kho myāyaṃ dhammo, gambhīro duddaso duranubodho santo paṇīto’’tiādīsu (dī. ni. 2.67; ma. ni. 1.281; saṃ. ni. 1.172; mahāva. 7-8) santañāṇagocaratāyaṃ. ‘‘Upasantassa sadā satimato’’tiādīsu (udā. 27) kilesavūpasame. ‘‘Santo have sabbhi pavedayantī’’tiādīsu (dha. pa. 151) sādhūsu. ‘‘Pañcime, bhikkhave, mahācorā santo saṃvijjamānā’’tiādīsu (pārā. 195) atthibhāve. Idhāpi atthibhāveyevāti āha ‘‘santoti atthi upalabbhantī’’ti. Tattha atthīti lokasaṅketavasena saṃvijjanti. Atthibhāvo hettha puggalasambandhena vuttattā lokasamaññāvaseneva veditabbo, na paramatthavasena. Atthīti cetaṃ nipātapadaṃ daṭṭhabbaṃ ‘‘atthi imasmiṃ kāye kesā’’tiādīsu (ma. ni. 1.110) viya.
сам̣виж̇ж̇амаанаад̇и убалаб̣бхамаанаа. яан̃хи сам̣виж̇ж̇ад̇и, д̇ам̣ убалаб̣бхад̇и. д̇знааха ‘‘сам̣виж̇ж̇амаанаад̇и д̇ассзва взважана’’нд̇и. анаасод̇и бад̇т̇анаарахид̇о. д̇знааха ‘‘абад̇т̇ано’’д̇и. аасам̣сад̇и бад̇т̇зд̇ийд̇и аасам̣со. взн̣увзд̇д̇аад̣̇ивилийвзхи суббаад̣̇ибхааж̇анагаарагаа вилийвагаарагаа. миг̇амажчаад̣̇ийнам̣ нисаад̣̇анад̇о нзсаад̣̇аа, мааг̇авигамажчаб̣анд̇хаад̣̇аяо. рат̇зсу жаммзна наханагаран̣ад̇о рат̇агаараа , д̇хаммагаараа. буид̇и гарийсасса наамам̣, д̇ам̣ гусзнд̇и абанзнд̇ийд̇и буггусаа, бубпажчад̣д̣агаа.
Saṃvijjamānāti upalabbhamānā. Yañhi saṃvijjati, taṃ upalabbhati. Tenāha ‘‘saṃvijjamānāti tasseva vevacana’’nti. Anāsoti patthanārahito. Tenāha ‘‘apatthano’’ti. Āsaṃsati patthetīti āsaṃso. Veṇuvettādivilīvehi suppādibhājanakārakā vilīvakārakā. Migamacchādīnaṃ nisādanato nesādā, māgavikamacchabandhādayo. Rathesu cammena nahanakaraṇato rathakārā, dhammakārā. Puiti karīsassa nāmaṃ, taṃ kusenti apanentīti pukkusā, pupphacchaḍḍakā.
д̣̇уб̣б̣ан̣н̣од̇и вируубо. огодимагод̇и аарохаабхаавзна хздтимаго, рассагааяод̇и ад̇т̇о. д̇знааха ‘‘лагун̣д̣аго’’д̇и. лагу вияа гхадигаа вияа д̣зд̇и бавад̇д̇ад̇ийд̇и хи лагун̣д̣аго, рассо. ган̣ад̇и нимийлад̇ийд̇и гаан̣о. д̇ам̣ банасса нимийланам̣ згзна агкинаа д̣̇вийхиби жаад̇и ааха ‘‘згагкигаан̣о ваа убхаяагкигаан̣о ваа’’д̇и. гун̣анам̣ гун̣о, хад̇т̇авзгаллам̣. д̇ам̣ зд̇асса ад̇т̇ийд̇и гун̣ий. кан̃ж̇о вужжад̇и баад̣̇авигало. хздтимагааяасан̇каад̇о сарийрасса багко бад̣̇зсо хад̇о ассаад̇и багкахад̇о. д̇знааха ‘‘бийтасаббий’’д̇и. бад̣̇ийбз бад̣̇ийбанз зд̇аб̣б̣ам̣ нзд̇аб̣б̣анд̇и бад̣̇ийбзяяам̣, д̇злаад̣̇иубагаран̣ам̣.
Dubbaṇṇoti virūpo. Okoṭimakoti ārohābhāvena heṭṭhimako, rassakāyoti attho. Tenāha ‘‘lakuṇḍako’’ti. Laku viya ghaṭikā viya ḍeti pavattatīti hi lakuṇḍako, rasso. Kaṇati nimīlatīti kāṇo. Taṃ panassa nimīlanaṃ ekena akkhinā dvīhipi cāti āha ‘‘ekakkhikāṇo vā ubhayakkhikāṇo vā’’ti. Kuṇanaṃ kuṇo, hatthavekallaṃ. Taṃ etassa atthīti kuṇī. Khañjo vuccati pādavikalo. Heṭṭhimakāyasaṅkhāto sarīrassa pakkho padeso hato assāti pakkhahato. Tenāha ‘‘pīṭhasappī’’ti. Padīpe padīpane etabbaṃ netabbanti padīpeyyaṃ, telādiupakaraṇaṃ.
аасам̣ на гарод̇ийд̇и раж̇ж̇аабхисзгз ганидто бад̇т̇анам̣ на гарод̇и ж̇здтз сад̇и ганидтасса анад̇хигаарад̇д̇аа. абхисзгам̣ арахад̇ийд̇и абхисзгаарахо, на абхисзгаарахо гаан̣агун̣иаад̣̇ид̣̇осасаманнааг̇ад̇о.
Āsaṃ na karotīti rajjābhiseke kaniṭṭho patthanaṃ na karoti jeṭṭhe sati kaniṭṭhassa anadhikārattā. Abhisekaṃ arahatīti abhisekāraho, na abhisekāraho kāṇakuṇiādidosasamannāgato.
сийласса д̣̇удту наама над̇т̇и, д̇асмаа абхаавад̇т̇о ид̇ха д̣̇у-сад̣̇д̣̇од̇и ааха ‘‘ниссийло’’д̇и. ‘‘баабам̣ баабзна сугара’’нд̇иаад̣̇ийсу (уд̣̇аа. 48; жуул̣ава. 343) вияа бааба-сад̣̇д̣̇о нихийнабарияааяод̇и ааха ‘‘лаамагад̇хаммо’’д̇и. сийлавибад̇д̇ияаа ваа д̣̇уссийло. д̣̇идтивибад̇д̇ияаа баабад̇хаммо. гааяаваажаасам̣варабхзд̣̇зна ваа д̣̇уссийло, маносам̣варабхзд̣̇зна, сад̇исам̣вараад̣̇ибхзд̣̇зна ваа баабад̇хаммо. асуд̣̇д̇хаббаяог̇ад̇ааяа д̣̇уссийло, асуд̣̇д̇хаасаяад̇ааяа баабад̇хаммо. гусаласийлавирахзна д̣̇уссийло, агусаласийласаманнааг̇амзна баабад̇хаммо. асужийхийд̇и абарисуд̣̇д̇хзхи. сан̇гаахи сарид̇аб̣б̣асамаажаарод̇и ‘‘имасса ман̃н̃з ид̣̇ам̣ гамма’’нд̇и звам̣ барзхи сан̇гааяа сарид̇аб̣б̣асамаажааро. д̇знааха ‘‘гин̃жид̣̇зваа’’д̇иаад̣̇и. ад̇д̇анааязва ваа сан̇гаахи сарид̇аб̣б̣асамаажаарод̇и зд̇знаби гаммасаад̇ханад̇ам̣язва сан̇гассарасад̣̇д̣̇асса д̣̇ассзд̇и. ад̇д̇ано сан̇гааяа барзсам̣ самаажаарагирияам̣ сарад̇и аасан̇гад̇и вид̇хаавад̇ийд̇иби сан̇гассарасамаажаарод̇и звамзд̇т̇а гад̇д̇усаад̇ханад̇ааби д̣̇адтаб̣б̣аа. д̇асса хи д̣̇вз д̇аяо ж̇анз гат̇знд̇з д̣̇исваа ‘‘мама д̣̇осам̣ ман̃н̃з гат̇знд̇ий’’д̇и д̇зсам̣ самаажаарам̣ сан̇гааяа сарад̇и д̇хаавад̇и.
Sīlassa duṭṭhu nāma natthi, tasmā abhāvattho idha du-saddoti āha ‘‘nissīlo’’ti. ‘‘Pāpaṃ pāpena sukara’’ntiādīsu (udā. 48; cūḷava. 343) viya pāpa-saddo nihīnapariyāyoti āha ‘‘lāmakadhammo’’ti. Sīlavipattiyā vā dussīlo. Diṭṭhivipattiyā pāpadhammo. Kāyavācāsaṃvarabhedena vā dussīlo, manosaṃvarabhedena, satisaṃvarādibhedena vā pāpadhammo. Asuddhappayogatāya dussīlo, asuddhāsayatāya pāpadhammo. Kusalasīlavirahena dussīlo, akusalasīlasamannāgamena pāpadhammo. Asucīhīti aparisuddhehi. Saṅkāhi saritabbasamācāroti ‘‘imassa maññe idaṃ kamma’’nti evaṃ parehi saṅkāya saritabbasamācāro. Tenāha ‘‘kiñcidevā’’tiādi. Attanāyeva vā saṅkāhi saritabbasamācāroti etenapi kammasādhanataṃyeva saṅkassarasaddassa dasseti. Attano saṅkāya paresaṃ samācārakiriyaṃ sarati āsaṅkati vidhāvatītipi saṅkassarasamācāroti evamettha kattusādhanatāpi daṭṭhabbā. Tassa hi dve tayo jane kathente disvā ‘‘mama dosaṃ maññe kathentī’’ti tesaṃ samācāraṃ saṅkāya sarati dhāvati.
звам̣бадин̃н̃од̇и салаагаг̇г̇ахан̣аад̣̇ийсу ‘‘гид̇д̇агаа вихаарз саман̣аа’’д̇и г̇ан̣анааяа аарад̣̇д̇хааяа ‘‘ахамби саман̣о, ахамби саман̣о’’д̇и бадин̃н̃ам̣ д̣̇ад̇ваа салаагаг̇г̇ахан̣аад̣̇ийни гарод̇ийд̇и саман̣о аханд̇и звам̣саман̣аббадин̃н̃о. сумбхагабад̇д̇ад̇харзд̇и мад̇д̇игаабад̇д̇ад̇харз. бууд̇инаа гаммзнаад̇и сам̣гилидтагаммзна, ниг̇г̇ун̣ад̇ааяа ваа г̇ун̣асааравирахид̇ад̇д̇аа анд̇обууд̇и. гасамб̣угажаваро ж̇аад̇о сан̃ж̇аад̇о ассаад̇и гасамб̣уж̇аад̇од̇и ааха ‘‘сан̃ж̇аад̇арааг̇аад̣̇игажаваро’’д̇и. ат̇а ваа гасамб̣у вужжад̇и д̇инд̇агун̣абагасадам̣ уд̣̇агам̣, имасмин̃жа саасанз д̣̇уссийло наама ж̇иг̇ужчанийяад̇д̇аа д̇инд̇агун̣абауд̣̇агасад̣̇исо, д̇асмаа гасамб̣у вияа ж̇аад̇од̇и гасамб̣уж̇аад̇о. логуд̇д̇арад̇хаммаубаниссаяасса над̇т̇ид̇ааяаад̇и яад̇т̇а бад̇идтид̇зна саггаа бхавзяяа арахад̇д̇ам̣ лад̣̇д̇хум̣, д̇ассаа бад̇идтааяа бхиннад̇д̇аа вуд̇д̇ам̣. махаасийласмим̣ барибуурагаарид̇ааяаад̇и яад̇т̇а бад̇идтид̇зна саггаа бхавзяяа арахад̇д̇ам̣ баабун̣ид̇ум̣, д̇асмим̣ барибуурагаарид̇ааяа.
Evaṃpaṭiññoti salākaggahaṇādīsu ‘‘kittakā vihāre samaṇā’’ti gaṇanāya āraddhāya ‘‘ahampi samaṇo, ahampi samaṇo’’ti paṭiññaṃ datvā salākaggahaṇādīni karotīti samaṇo ahanti evaṃsamaṇappaṭiñño. Sumbhakapattadhareti mattikāpattadhare. Pūtinā kammenāti saṃkiliṭṭhakammena, nigguṇatāya vā guṇasāravirahitattā antopūti. Kasambukacavaro jāto sañjāto assāti kasambujātoti āha ‘‘sañjātarāgādikacavaro’’ti. Atha vā kasambu vuccati tintakuṇapakasaṭaṃ udakaṃ, imasmiñca sāsane dussīlo nāma jigucchanīyattā tintakuṇapaudakasadiso, tasmā kasambu viya jātoti kasambujāto. Lokuttaradhammaupanissayassa natthitāyāti yattha patiṭṭhitena sakkā bhaveyya arahattaṃ laddhuṃ, tassā patiṭṭhāya bhinnattā vuttaṃ. Mahāsīlasmiṃ paripūrakāritāyāti yattha patiṭṭhitena sakkā bhaveyya arahattaṃ pāpuṇituṃ, tasmiṃ paripūrakāritāya.
аасам̣сасуд̇д̇аван̣н̣анаа нидтид̇аа.
Āsaṃsasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. аасам̣сасуд̇д̇ам̣ • 3. Āsaṃsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. аасам̣сасуд̇д̇аван̣н̣анаа • 3. Āsaṃsasuttavaṇṇanā
