| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
27. அஸங்வாஸனித்³தே³ஸவண்ணனா
27. Asaṃvāsaniddesavaṇṇanā
198. உக்கி²த்தோதி கம்மனானாஸங்வாஸகஸங்கா²தோ ஆபத்தியா அத³ஸ்ஸனே, அப்படிகம்மே, பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ. அனுபஸம்பன்னோதி ஸிக்க²மானஸாமணேரஸாமணேரிஸிக்கா²பச்சக்கா²தஸங்கா²தோ அனுபஸம்பன்னோ. சி²ன்னமூலகோதி அந்திமவத்து²அஜ்ஜா²பன்னோ. உக்கி²த்தகேஸு ‘‘த⁴ம்மவாதி³னோ ஏதே’’தி உப்பன்னாய லத்³தி⁴யா நானாபூ⁴தோ ஸங்வாஸோ ஏதஸ்ஸாதி நானாஸங்வாஸோ, உக்கி²த்தானுவத்தகஸங்கா²தோ லத்³தி⁴னானாஸங்வாஸகோ. ஸீமதோ நிக்³க³தா நிஸ்ஸீமா, ஸீமந்தரிகா ப³ஹிஸீமா ச, தத்த² ஹத்த²பாஸே சேபி டி²தோ, ஸீமானானாஸங்வாஸகோ நிஸ்ஸீமட்டி²தோ. வேஹாயஸே ஆகாஸே டி²தோ வேஹாயஸண்டி²தோ பி³ந்தா³க³மேன. தத்த² ‘‘நானாஸங்வாஸோ சா’’திஆதி³னா ஸமாஹாரத்³வந்தே³பி க்வசி நபுங்ஸகலிங்க³ங் ப்³யபி⁴சரதீதி நபுங்ஸகத்தாபா⁴வோ யதா² ‘‘மக்³கா³மக்³கோ³’’தி. ஏககம்மங் ஏகுத்³தே³ஸோ ஸமஸிக்க²தாதி அயங் திவிதோ⁴பி ஸங்வாஸோ நாம. ஸோ யேஸங் நத்தி², தே அஸங்வாஸா. ஏதே ஹத்த²பாஸதோ ப³ஹிகரணவஸேன வஜ்ஜேதப்³பா³. ஏதேஸு ஹி திவிதே⁴ உக்கி²த்தகே ஸதி உபோஸதா²தி³கங் கம்மங் கரொந்தஸ்ஸ பாசித்தியங், இதரேஸு து³க்கடந்தி.
198.Ukkhittoti kammanānāsaṃvāsakasaṅkhāto āpattiyā adassane, appaṭikamme, pāpikāya diṭṭhiyā appaṭinissagge ukkhittako. Anupasampannoti sikkhamānasāmaṇerasāmaṇerisikkhāpaccakkhātasaṅkhāto anupasampanno. Chinnamūlakoti antimavatthuajjhāpanno. Ukkhittakesu ‘‘dhammavādino ete’’ti uppannāya laddhiyā nānābhūto saṃvāso etassāti nānāsaṃvāso, ukkhittānuvattakasaṅkhāto laddhinānāsaṃvāsako. Sīmato niggatā nissīmā, sīmantarikā bahisīmā ca, tattha hatthapāse cepi ṭhito, sīmānānāsaṃvāsako nissīmaṭṭhito. Vehāyase ākāse ṭhito vehāyasaṇṭhito bindāgamena. Tattha ‘‘nānāsaṃvāso cā’’tiādinā samāhāradvandepi kvaci napuṃsakaliṅgaṃ byabhicaratīti napuṃsakattābhāvo yathā ‘‘maggāmaggo’’ti. Ekakammaṃ ekuddeso samasikkhatāti ayaṃ tividhopi saṃvāso nāma. So yesaṃ natthi, te asaṃvāsā. Ete hatthapāsato bahikaraṇavasena vajjetabbā. Etesu hi tividhe ukkhittake sati uposathādikaṃ kammaṃ karontassa pācittiyaṃ, itaresu dukkaṭanti.
அஸங்வாஸனித்³தே³ஸவண்ணனா நிட்டி²தா.
Asaṃvāsaniddesavaṇṇanā niṭṭhitā.
