| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੭. ਅਸਂવਾਸਨਿਦ੍ਦੇਸવਣ੍ਣਨਾ
27. Asaṃvāsaniddesavaṇṇanā
੧੯੮. ਉਕ੍ਖਿਤ੍ਤੋਤਿ ਕਮ੍ਮਨਾਨਾਸਂવਾਸਕਸਙ੍ਖਾਤੋ ਆਪਤ੍ਤਿਯਾ ਅਦਸ੍ਸਨੇ, ਅਪ੍ਪਟਿਕਮ੍ਮੇ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋ। ਅਨੁਪਸਮ੍ਪਨ੍ਨੋਤਿ ਸਿਕ੍ਖਮਾਨਸਾਮਣੇਰਸਾਮਣੇਰਿਸਿਕ੍ਖਾਪਚ੍ਚਕ੍ਖਾਤਸਙ੍ਖਾਤੋ ਅਨੁਪਸਮ੍ਪਨ੍ਨੋ। ਛਿਨ੍ਨਮੂਲਕੋਤਿ ਅਨ੍ਤਿਮવਤ੍ਥੁਅਜ੍ਝਾਪਨ੍ਨੋ। ਉਕ੍ਖਿਤ੍ਤਕੇਸੁ ‘‘ਧਮ੍ਮવਾਦਿਨੋ ਏਤੇ’’ਤਿ ਉਪ੍ਪਨ੍ਨਾਯ ਲਦ੍ਧਿਯਾ ਨਾਨਾਭੂਤੋ ਸਂવਾਸੋ ਏਤਸ੍ਸਾਤਿ ਨਾਨਾਸਂવਾਸੋ, ਉਕ੍ਖਿਤ੍ਤਾਨੁવਤ੍ਤਕਸਙ੍ਖਾਤੋ ਲਦ੍ਧਿਨਾਨਾਸਂવਾਸਕੋ। ਸੀਮਤੋ ਨਿਗ੍ਗਤਾ ਨਿਸ੍ਸੀਮਾ, ਸੀਮਨ੍ਤਰਿਕਾ ਬਹਿਸੀਮਾ ਚ, ਤਤ੍ਥ ਹਤ੍ਥਪਾਸੇ ਚੇਪਿ ਠਿਤੋ, ਸੀਮਾਨਾਨਾਸਂવਾਸਕੋ ਨਿਸ੍ਸੀਮਟ੍ਠਿਤੋ। વੇਹਾਯਸੇ ਆਕਾਸੇ ਠਿਤੋ વੇਹਾਯਸਣ੍ਠਿਤੋ ਬਿਨ੍ਦਾਗਮੇਨ। ਤਤ੍ਥ ‘‘ਨਾਨਾਸਂવਾਸੋ ਚਾ’’ਤਿਆਦਿਨਾ ਸਮਾਹਾਰਦ੍વਨ੍ਦੇਪਿ ਕ੍વਚਿ ਨਪੁਂਸਕਲਿਙ੍ਗਂ ਬ੍ਯਭਿਚਰਤੀਤਿ ਨਪੁਂਸਕਤ੍ਤਾਭਾવੋ ਯਥਾ ‘‘ਮਗ੍ਗਾਮਗ੍ਗੋ’’ਤਿ। ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾਤਿ ਅਯਂ ਤਿવਿਧੋਪਿ ਸਂવਾਸੋ ਨਾਮ। ਸੋ ਯੇਸਂ ਨਤ੍ਥਿ, ਤੇ ਅਸਂવਾਸਾ। ਏਤੇ ਹਤ੍ਥਪਾਸਤੋ ਬਹਿਕਰਣવਸੇਨ વਜ੍ਜੇਤਬ੍ਬਾ। ਏਤੇਸੁ ਹਿ ਤਿવਿਧੇ ਉਕ੍ਖਿਤ੍ਤਕੇ ਸਤਿ ਉਪੋਸਥਾਦਿਕਂ ਕਮ੍ਮਂ ਕਰੋਨ੍ਤਸ੍ਸ ਪਾਚਿਤ੍ਤਿਯਂ, ਇਤਰੇਸੁ ਦੁਕ੍ਕਟਨ੍ਤਿ।
198.Ukkhittoti kammanānāsaṃvāsakasaṅkhāto āpattiyā adassane, appaṭikamme, pāpikāya diṭṭhiyā appaṭinissagge ukkhittako. Anupasampannoti sikkhamānasāmaṇerasāmaṇerisikkhāpaccakkhātasaṅkhāto anupasampanno. Chinnamūlakoti antimavatthuajjhāpanno. Ukkhittakesu ‘‘dhammavādino ete’’ti uppannāya laddhiyā nānābhūto saṃvāso etassāti nānāsaṃvāso, ukkhittānuvattakasaṅkhāto laddhinānāsaṃvāsako. Sīmato niggatā nissīmā, sīmantarikā bahisīmā ca, tattha hatthapāse cepi ṭhito, sīmānānāsaṃvāsako nissīmaṭṭhito. Vehāyase ākāse ṭhito vehāyasaṇṭhito bindāgamena. Tattha ‘‘nānāsaṃvāso cā’’tiādinā samāhāradvandepi kvaci napuṃsakaliṅgaṃ byabhicaratīti napuṃsakattābhāvo yathā ‘‘maggāmaggo’’ti. Ekakammaṃ ekuddeso samasikkhatāti ayaṃ tividhopi saṃvāso nāma. So yesaṃ natthi, te asaṃvāsā. Ete hatthapāsato bahikaraṇavasena vajjetabbā. Etesu hi tividhe ukkhittake sati uposathādikaṃ kammaṃ karontassa pācittiyaṃ, itaresu dukkaṭanti.
ਅਸਂવਾਸਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Asaṃvāsaniddesavaṇṇanā niṭṭhitā.
