| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
27. அஸங்வாஸிகனித்³தே³ஸவண்ணனா
27. Asaṃvāsikaniddesavaṇṇanā
198. உக்கி²த்தோதி ஆபத்தியா அத³ஸ்ஸனே, அப்படிகம்மே, பாபிகாய தி³ட்டி²யா அப்படினிஸ்ஸக்³கே³ வா உக்கி²த்தகோதி திவிதோ⁴பி இத⁴ உக்கி²த்தோ க³ஹிதோ. அனுபஸம்பன்னோதி இமினா ஸிக்க²மானஸாமணேரஸாமணேரீஸிக்கா²பச்சக்கா²தகா க³ஹிதாதி வேதி³தப்³பா³. சி²ன்னமூலகோ நாம அந்திமவத்து²ங் அஜ்ஜா²பன்னகோ. நானாஸங்வாஸோதி லத்³தி⁴னானாஸங்வாஸகோ. ‘‘நானாஸீமாய டி²தசதுத்தோ² கம்மங் கரெய்ய, இத்³தி⁴யா வேஹாஸே டி²தசதுத்தோ² கம்மங் கரெய்ய, அகம்மங் ந ச கரணீய’’ந்தி ஹி வுத்தத்தா இமேபி ‘‘அஸங்வாஸிகா’’தி வுத்தா. ஏதேஸு பன உக்கி²த்தகேஹி ஸத்³தி⁴ங் உபோஸதா²தீ³னி கரொந்தோ பாசித்தியங் ஆபஜ்ஜதி. நிஸ்ஸீமட்ட²வேஹாஸட்டே²ஹி கரொந்தஸ்ஸ கம்மங் குப்பதி, து³க்கடஞ்ச ஹோதி, இதரேஹி து³க்கடங். அஸங்வாஸிகவினிச்ச²யோ.
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
அஸங்வாஸிகனித்³தே³ஸவண்ணனா நிட்டி²தா.
Asaṃvāsikaniddesavaṇṇanā niṭṭhitā.
