| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๒๗. อสํวาสิกนิเทฺทสวณฺณนา
27. Asaṃvāsikaniddesavaṇṇanā
๑๙๘. อุกฺขิโตฺตติ อาปตฺติยา อทสฺสเน, อปฺปฎิกเมฺม, ปาปิกาย ทิฎฺฐิยา อปฺปฎินิสฺสเคฺค วา อุกฺขิตฺตโกติ ติวิโธปิ อิธ อุกฺขิโตฺต คหิโตฯ อนุปสมฺปโนฺนติ อิมินา สิกฺขมานสามเณรสามเณรีสิกฺขาปจฺจกฺขาตกา คหิตาติ เวทิตพฺพาฯ ฉินฺนมูลโก นาม อนฺติมวตฺถุํ อชฺฌาปนฺนโกฯ นานาสํวาโสติ ลทฺธินานาสํวาสโกฯ ‘‘นานาสีมาย ฐิตจตุโตฺถ กมฺมํ กเรยฺย, อิทฺธิยา เวหาเส ฐิตจตุโตฺถ กมฺมํ กเรยฺย, อกมฺมํ น จ กรณีย’’นฺติ หิ วุตฺตตฺตา อิเมปิ ‘‘อสํวาสิกา’’ติ วุตฺตาฯ เอเตสุ ปน อุกฺขิตฺตเกหิ สทฺธิํ อุโปสถาทีนิ กโรโนฺต ปาจิตฺติยํ อาปชฺชติฯ นิสฺสีมฎฺฐเวหาสเฎฺฐหิ กโรนฺตสฺส กมฺมํ กุปฺปติ, ทุกฺกฎญฺจ โหติ, อิตเรหิ ทุกฺกฎํฯ อสํวาสิกวินิจฺฉโยฯ
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
อสํวาสิกนิเทฺทสวณฺณนา นิฎฺฐิตาฯ
Asaṃvāsikaniddesavaṇṇanā niṭṭhitā.
