| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੭. ਅਸਂવਾਸਿਕਨਿਦ੍ਦੇਸવਣ੍ਣਨਾ
27. Asaṃvāsikaniddesavaṇṇanā
੧੯੮. ਉਕ੍ਖਿਤ੍ਤੋਤਿ ਆਪਤ੍ਤਿਯਾ ਅਦਸ੍ਸਨੇ, ਅਪ੍ਪਟਿਕਮ੍ਮੇ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ વਾ ਉਕ੍ਖਿਤ੍ਤਕੋਤਿ ਤਿવਿਧੋਪਿ ਇਧ ਉਕ੍ਖਿਤ੍ਤੋ ਗਹਿਤੋ। ਅਨੁਪਸਮ੍ਪਨ੍ਨੋਤਿ ਇਮਿਨਾ ਸਿਕ੍ਖਮਾਨਸਾਮਣੇਰਸਾਮਣੇਰੀਸਿਕ੍ਖਾਪਚ੍ਚਕ੍ਖਾਤਕਾ ਗਹਿਤਾਤਿ વੇਦਿਤਬ੍ਬਾ। ਛਿਨ੍ਨਮੂਲਕੋ ਨਾਮ ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕੋ। ਨਾਨਾਸਂવਾਸੋਤਿ ਲਦ੍ਧਿਨਾਨਾਸਂવਾਸਕੋ। ‘‘ਨਾਨਾਸੀਮਾਯ ਠਿਤਚਤੁਤ੍ਥੋ ਕਮ੍ਮਂ ਕਰੇਯ੍ਯ, ਇਦ੍ਧਿਯਾ વੇਹਾਸੇ ਠਿਤਚਤੁਤ੍ਥੋ ਕਮ੍ਮਂ ਕਰੇਯ੍ਯ, ਅਕਮ੍ਮਂ ਨ ਚ ਕਰਣੀਯ’’ਨ੍ਤਿ ਹਿ વੁਤ੍ਤਤ੍ਤਾ ਇਮੇਪਿ ‘‘ਅਸਂવਾਸਿਕਾ’’ਤਿ વੁਤ੍ਤਾ। ਏਤੇਸੁ ਪਨ ਉਕ੍ਖਿਤ੍ਤਕੇਹਿ ਸਦ੍ਧਿਂ ਉਪੋਸਥਾਦੀਨਿ ਕਰੋਨ੍ਤੋ ਪਾਚਿਤ੍ਤਿਯਂ ਆਪਜ੍ਜਤਿ। ਨਿਸ੍ਸੀਮਟ੍ਠવੇਹਾਸਟ੍ਠੇਹਿ ਕਰੋਨ੍ਤਸ੍ਸ ਕਮ੍ਮਂ ਕੁਪ੍ਪਤਿ, ਦੁਕ੍ਕਟਞ੍ਚ ਹੋਤਿ, ਇਤਰੇਹਿ ਦੁਕ੍ਕਟਂ। ਅਸਂવਾਸਿਕવਿਨਿਚ੍ਛਯੋ।
198.Ukkhittoti āpattiyā adassane, appaṭikamme, pāpikāya diṭṭhiyā appaṭinissagge vā ukkhittakoti tividhopi idha ukkhitto gahito. Anupasampannoti iminā sikkhamānasāmaṇerasāmaṇerīsikkhāpaccakkhātakā gahitāti veditabbā. Chinnamūlako nāma antimavatthuṃ ajjhāpannako. Nānāsaṃvāsoti laddhinānāsaṃvāsako. ‘‘Nānāsīmāya ṭhitacatuttho kammaṃ kareyya, iddhiyā vehāse ṭhitacatuttho kammaṃ kareyya, akammaṃ na ca karaṇīya’’nti hi vuttattā imepi ‘‘asaṃvāsikā’’ti vuttā. Etesu pana ukkhittakehi saddhiṃ uposathādīni karonto pācittiyaṃ āpajjati. Nissīmaṭṭhavehāsaṭṭhehi karontassa kammaṃ kuppati, dukkaṭañca hoti, itarehi dukkaṭaṃ. Asaṃvāsikavinicchayo.
ਅਸਂવਾਸਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Asaṃvāsikaniddesavaṇṇanā niṭṭhitā.
