| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. асанаб̣од̇хияад̇т̇зраабад̣̇аанаван̣н̣анаа
10. Asanabodhiyattheraapadānavaṇṇanā
ж̇аад̇ияаа сад̇д̇авассоханд̇иаад̣̇игам̣ ааяасмад̇о асанаб̣од̇хияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз ан̃н̃ад̇арасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сукаббад̇д̇о саасанз басанно асанаб̣од̇хид̇о палам̣ г̇ахзд̇ваа д̇ад̇о вудтид̇аб̣од̇хид̇арун̣з г̇ахзд̇ваа б̣од̇хим̣ робзси, яат̇аа на винассад̇и д̇ат̇аа уд̣̇агаасин̃жанаад̣̇игаммзна рагкид̇ваа бууж̇зси. со д̇зна бун̃н̃зна д̣̇звамануссзсу самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о барибаггасамбхаарад̇д̇аа сад̇д̇авассигова самаано баб̣б̣аж̇ид̇ваа кураг̇г̇зязва арахад̇д̇ам̣ баабун̣и, бураагад̇абун̃н̃анаамзна асанаб̣од̇хияад̇т̇зрод̇и баагадо.
Jātiyā sattavassohantiādikaṃ āyasmato asanabodhiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle aññatarasmiṃ kulagehe nibbatto vuddhippatto sukhappatto sāsane pasanno asanabodhito phalaṃ gahetvā tato vuṭṭhitabodhitaruṇe gahetvā bodhiṃ ropesi, yathā na vinassati tathā udakāsiñcanādikammena rakkhitvā pūjesi. So tena puññena devamanussesu sampattiyo anubhavitvā imasmiṃ buddhuppāde kulagehe nibbatto paripakkasambhārattā sattavassikova samāno pabbajitvā khuraggeyeva arahattaṃ pāpuṇi, purākatapuññanāmena asanabodhiyattheroti pākaṭo.
78. со буб̣б̣асамбхаарамануссарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ж̇аад̇ияаа сад̇д̇авассоханд̇иаад̣̇имааха. д̇ад̇т̇а ж̇аад̇ияаад̇и маад̇уг̇аб̣бхад̇о нигканд̇агаалад̇о бадтааяаад̇и ад̇т̇о. сад̇д̇авассо барибун̣н̣асарад̣̇о ахам̣ логанааяагам̣ д̇иссам̣ бхаг̇аванд̇ам̣ ад̣̇д̣̇асанд̇и самб̣анд̇хо. басаннажид̇д̇о суманод̇и багаарзна басаннаанаалул̣ид̇аавигамбид̇ажид̇д̇о, сумано сунд̣̇арамано соманассасахаг̇ад̇ажид̇д̇од̇и ад̇т̇о.
78. So pubbasambhāramanussaritvā somanassajāto pubbacaritāpadānaṃ pakāsento jātiyā sattavassohantiādimāha. Tattha jātiyāti mātugabbhato nikkhantakālato paṭṭhāyāti attho. Sattavasso paripuṇṇasarado ahaṃ lokanāyakaṃ tissaṃ bhagavantaṃ addasanti sambandho. Pasannacitto sumanoti pakārena pasannaanāluḷitaavikampitacitto, sumano sundaramano somanassasahagatacittoti attho.
79. д̇иссассаахам̣ бхаг̇авад̇од̇и д̇игкад̇д̇ум̣ ж̇аад̇од̇и д̇иссо, со маад̇уг̇аб̣бхад̇о, мануссаж̇аад̇ид̇о, бан̃жагканд̇хад̇о жа муд̇д̇о худ̇ваа ж̇аад̇о ниб̣б̣ад̇д̇о б̣уд̣̇д̇хо ж̇аад̇од̇и ад̇т̇о. д̇асса д̇иссасса бхаг̇авад̇о д̇аад̣̇ино, логаж̇здтасса асанаб̣од̇хим̣ уд̇д̇амам̣ робаяинд̇и самб̣анд̇хо.
79.Tissassāhaṃ bhagavatoti tikkhattuṃ jātoti tisso, so mātugabbhato, manussajātito, pañcakkhandhato ca mutto hutvā jāto nibbatto buddho jātoti attho. Tassa tissassa bhagavato tādino, lokajeṭṭhassa asanabodhiṃ uttamaṃ ropayinti sambandho.
80. асано наамад̇хзяязнаад̇и наамабан̃н̃ад̇д̇ияаа наамасан̃н̃ааяа асано наама асанаругко б̣од̇хи ахосийд̇и ад̇т̇о. д̇харан̣ийрухабаад̣̇абод̇и валлиругкабаб̣б̣ад̇аг̇ан̇г̇аасааг̇араад̣̇аяо д̇хаарзд̇ийд̇и д̇харан̣ий, гаа саа? бат̇авий, д̇ассам̣ рухад̇и бад̇идтахад̇ийд̇и д̇харан̣ийрухо, баад̣̇зна бивад̇ийд̇и баад̣̇або, баад̣̇асан̇каад̇зна муулзна син̃жид̇од̣̇агам̣ бивад̇и ааборасам̣ синзхам̣ д̇хаарзд̇ийд̇и ад̇т̇о. д̇харан̣ийрухо жа со баад̣̇або жаад̇и д̇харан̣ийрухабаад̣̇або, д̇ам̣ уд̇д̇амам̣ асанам̣ б̣од̇хим̣ бан̃жа вассаани барижарим̣ босзсинд̇и ад̇т̇о.
80.Asano nāmadheyyenāti nāmapaññattiyā nāmasaññāya asano nāma asanarukkho bodhi ahosīti attho. Dharaṇīruhapādapoti vallirukkhapabbatagaṅgāsāgarādayo dhāretīti dharaṇī, kā sā? Pathavī, tassaṃ ruhati patiṭṭhahatīti dharaṇīruho, pādena pivatīti pādapo, pādasaṅkhātena mūlena siñcitodakaṃ pivati āporasaṃ sinehaṃ dhāretīti attho. Dharaṇīruho ca so pādapo cāti dharaṇīruhapādapo, taṃ uttamaṃ asanaṃ bodhiṃ pañca vassāni paricariṃ posesinti attho.
81. бубпид̇ам̣ баад̣̇абам̣ д̣̇исваад̇и д̇ам̣ маяаа босид̇ам̣ асанаб̣од̇хиругкам̣ бубпид̇ам̣ ажчараяог̇г̇абхууд̇абубпад̇д̇аа аб̣бхуд̇ам̣ ломахам̣сагаран̣ам̣ д̣̇исваа сагам̣ гаммам̣ ад̇д̇ано гаммам̣ багид̇д̇знд̇о багаарзна гат̇аяанд̇о б̣уд̣̇д̇хасздтасса санд̇игам̣ аг̇амаасинд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
81.Pupphitaṃ pādapaṃ disvāti taṃ mayā positaṃ asanabodhirukkhaṃ pupphitaṃ accharayoggabhūtapupphattā abbhutaṃ lomahaṃsakaraṇaṃ disvā sakaṃkammaṃ attano kammaṃ pakittento pakārena kathayanto buddhaseṭṭhassa santikaṃ agamāsinti attho. Sesaṃ sabbattha uttānatthamevāti.
асанаб̣од̇хияад̇т̇зраабад̣̇аанаван̣н̣анаа самад̇д̇аа.
Asanabodhiyattheraapadānavaṇṇanā samattā.
чадтаваг̇г̇аван̣н̣анаа самад̇д̇аа.
Chaṭṭhavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. асанаб̣од̇хияад̇т̇зраабад̣̇аанам̣ • 10. Asanabodhiyattheraapadānaṃ
