| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аасанаббадиб̣ааханаад̣̇и
Āsanappaṭibāhanādi
316. д̇зна ко бана самаязна ан̃н̃ад̇арасса ааж̇ийвагасаавагасса махаамад̇д̇асса сан̇гхабхад̇д̇ам̣ ход̇и. ааяасмаа убананд̣̇о сагяабуд̇д̇о бажчаа ааг̇анд̇ваа виббагад̇абхож̇анам̣ аананд̇аригам̣ бхигкум̣ вудтаабзси. бхад̇д̇аг̇г̇ам̣ голаахалам̣ ахоси. ат̇а ко со махаамад̇д̇о уж̇жхааяад̇и кияяад̇и вибаажзд̇и – ‘‘гат̇ан̃хи наама саман̣аа сагяабуд̇д̇ияаа бажчаа ааг̇анд̇ваа виббагад̇абхож̇анам̣ аананд̇аригам̣ бхигкум̣ вудтаабзссанд̇и! бхад̇д̇аг̇г̇ам̣ голаахалам̣ ахоси. нану наама лаб̣бхаа ан̃н̃ад̇рааби нисиннзна яаавад̣̇ад̇т̇ам̣ бхун̃ж̇ид̇у’’нд̇и? ассосум̣ ко бхигкуу д̇асса махаамад̇д̇асса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о бажчаа ааг̇анд̇ваа виббагад̇абхож̇анам̣ аананд̇аригам̣ бхигкум̣ вудтаабзссад̇и! бхад̇д̇аг̇г̇ам̣ голаахалам̣ ахосий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ‘‘сажжам̣ гира д̇вам̣, убананд̣̇а, бажчаа ааг̇анд̇ваа виббагад̇абхож̇анам̣ аананд̇аригам̣ бхигкум̣ вудтаабзси, бхад̇д̇аг̇г̇ам̣ голаахалам̣ ахосий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇вам̣, могхабуриса, бажчаа ааг̇анд̇ваа виббагад̇абхож̇анам̣ аананд̇аригам̣ бхигкум̣ вудтаабзссаси? бхад̇д̇аг̇г̇ам̣ голаахалам̣ ахоси. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, виббагад̇абхож̇ано 1 бхигку вудтаабзд̇аб̣б̣о. яо вудтаабзяяа, аабад̇д̇и д̣̇уггадасса. сажз вудтаабзд̇и, баваарид̇о жа ход̇и, ‘г̇ажча уд̣̇агам̣ аахараа’д̇и вад̇д̇аб̣б̣о. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, саад̇хугам̣ сид̇т̇аани г̇илид̇ваа вуд̣дхад̇арасса бхигкуно аасанам̣ д̣̇аад̇аб̣б̣ам̣. на д̇взваахам̣, бхигкавз, гзнажи барияааязна вуд̣дхад̇арасса бхигкуно аасанам̣ бадиб̣аахид̇аб̣б̣анд̇и вад̣̇аами. яо бадиб̣аахзяяа, аабад̇д̇и д̣̇уггадассаад̇и’’.
316. Tena kho pana samayena aññatarassa ājīvakasāvakassa mahāmattassa saṅghabhattaṃ hoti. Āyasmā upanando sakyaputto pacchā āgantvā vippakatabhojanaṃ ānantarikaṃ bhikkhuṃ vuṭṭhāpesi. Bhattaggaṃ kolāhalaṃ ahosi. Atha kho so mahāmatto ujjhāyati khiyyati vipāceti – ‘‘kathañhi nāma samaṇā sakyaputtiyā pacchā āgantvā vippakatabhojanaṃ ānantarikaṃ bhikkhuṃ vuṭṭhāpessanti! Bhattaggaṃ kolāhalaṃ ahosi. Nanu nāma labbhā aññatrāpi nisinnena yāvadatthaṃ bhuñjitu’’nti? Assosuṃ kho bhikkhū tassa mahāmattassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto pacchā āgantvā vippakatabhojanaṃ ānantarikaṃ bhikkhuṃ vuṭṭhāpessati! Bhattaggaṃ kolāhalaṃ ahosī’’ti. Atha kho te bhikkhū bhagavato etamatthaṃ ārocesuṃ. ‘‘Saccaṃ kira tvaṃ, upananda, pacchā āgantvā vippakatabhojanaṃ ānantarikaṃ bhikkhuṃ vuṭṭhāpesi, bhattaggaṃ kolāhalaṃ ahosī’’ti? ‘‘Saccaṃ bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, pacchā āgantvā vippakatabhojanaṃ ānantarikaṃ bhikkhuṃ vuṭṭhāpessasi? Bhattaggaṃ kolāhalaṃ ahosi. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, vippakatabhojano 2 bhikkhu vuṭṭhāpetabbo. Yo vuṭṭhāpeyya, āpatti dukkaṭassa. Sace vuṭṭhāpeti, pavārito ca hoti, ‘gaccha udakaṃ āharā’ti vattabbo. Evañcetaṃ labhetha, iccetaṃ kusalaṃ. No ce labhetha, sādhukaṃ sitthāni gilitvā vuḍḍhatarassa bhikkhuno āsanaṃ dātabbaṃ. Na tvevāhaṃ, bhikkhave, kenaci pariyāyena vuḍḍhatarassa bhikkhuno āsanaṃ paṭibāhitabbanti vadāmi. Yo paṭibāheyya, āpatti dukkaṭassāti’’.
д̇зна ко бана самаязна чаб̣б̣аг̇г̇ияаа бхигкуу г̇илаанз бхигкуу вудтаабзнд̇и. г̇илаанаа звам̣ вад̣̇знд̇и – ‘‘на маяам̣, аавусо, саггома вудтаад̇ум̣, г̇илаанаамхаа’’д̇и. ‘‘маяам̣ ааяасманд̇з вудтаабзссаамаа’’д̇и бариг̇г̇ахзд̇ваа вудтаабзд̇ваа тид̇агз мун̃жанд̇и. г̇илаанаа мужчид̇аа бабад̇анд̇и. бхаг̇авад̇о зд̇амад̇т̇ам̣ аарожзсум̣ . ‘‘на, бхигкавз, г̇илаано вудтаабзд̇аб̣б̣о. яо вудтаабзяяа, аабад̇д̇и д̣̇уггадассаа’’д̇и.
Tena kho pana samayena chabbaggiyā bhikkhū gilāne bhikkhū vuṭṭhāpenti. Gilānā evaṃ vadenti – ‘‘na mayaṃ, āvuso, sakkoma vuṭṭhātuṃ, gilānāmhā’’ti. ‘‘Mayaṃ āyasmante vuṭṭhāpessāmā’’ti pariggahetvā vuṭṭhāpetvā ṭhitake muñcanti. Gilānā mucchitā papatanti. Bhagavato etamatthaṃ ārocesuṃ . ‘‘Na, bhikkhave, gilāno vuṭṭhāpetabbo. Yo vuṭṭhāpeyya, āpatti dukkaṭassā’’ti.
д̇зна ко бана самаязна чаб̣б̣аг̇г̇ияаа бхигкуу ‘г̇илаанаа маяамхаа авудтаабанийяаа’д̇и варасзяяааяо балиб̣уд̣̇д̇хзнд̇и 3. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, г̇илаанасса бад̇ируубам̣ сзяяам̣ д̣̇аад̇у’’нд̇и.
Tena kho pana samayena chabbaggiyā bhikkhū ‘gilānā mayamhā avuṭṭhāpanīyā’ti varaseyyāyo palibuddhenti 4. Bhagavato etamatthaṃ ārocesuṃ. ‘‘Anujānāmi, bhikkhave, gilānassa patirūpaṃ seyyaṃ dātu’’nti.
д̇зна ко бана самаязна чаб̣б̣аг̇г̇ияаа бхигкуу лзсагаббзна сзнаасанам̣ бадиб̣ааханд̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, лзсагаббзна сзнаасанам̣ бадиб̣аахид̇аб̣б̣ам̣. яо бадиб̣аахзяяа, аабад̇д̇и д̣̇уггадассаа’’д̇и.
Tena kho pana samayena chabbaggiyā bhikkhū lesakappena senāsanaṃ paṭibāhanti. Bhagavato etamatthaṃ ārocesuṃ. ‘‘Na, bhikkhave, lesakappena senāsanaṃ paṭibāhitabbaṃ. Yo paṭibāheyya, āpatti dukkaṭassā’’ti.
5 д̇зна ко бана самаязна сад̇д̇арасаваг̇г̇ияаа бхигкуу ан̃н̃ад̇арам̣ бажжанд̇имам̣ махаавихаарам̣ бадисан̇каронд̇и – ‘ид̇ха маяам̣ вассам̣ васиссаамаа’д̇и. ад̣̇д̣̇асам̣су 6 ко чаб̣б̣аг̇г̇ияаа бхигкуу сад̇д̇арасаваг̇г̇ияз бхигкуу вихаарам̣ 7 бадисан̇каронд̇з. д̣̇исваана звамаахам̣су – ‘‘имз, аавусо, сад̇д̇арасаваг̇г̇ияаа бхигкуу вихаарам̣ бадисан̇каронд̇и. ханд̣̇а нз вудтаабзссаамаа’’д̇и. згажжз звамаахам̣су – ‘‘ааг̇амзт̇аавусо, яаава бадисан̇каронд̇и, бадисан̇кад̇з вудтаабзссаамаа’’д̇и. ат̇а ко чаб̣б̣аг̇г̇ияаа бхигкуу сад̇д̇арасаваг̇г̇ияз бхигкуу зд̇ад̣̇авожум̣ – ‘‘удтзт̇аавусо, амхаагам̣ вихааро баабун̣аад̇ий’’д̇и. ‘‘нану, аавусо, бадигажжзва аажигкид̇аб̣б̣ам̣? маяан̃жан̃н̃ам̣ бадисан̇карзяяаамаа’’д̇и. ‘‘нану, аавусо, сан̇гхиго вихааро’’д̇и? ‘‘аамаавусо, сан̇гхиго вихааро’’д̇и. ‘‘удтзт̇аавусо, амхаагам̣ вихааро баабун̣аад̇ий’’д̇и. ‘‘махаллаго, аавусо, вихааро; д̇умхзби васат̇а, маяамби васиссаамаа’’д̇и. ‘‘удтзт̇аавусо, амхаагам̣ вихааро баабун̣аад̇ий’’д̇и губид̇аа анад̇д̇аманаа г̇ийвааяам̣ г̇ахзд̇ваа ниггад̣дханд̇и. д̇з ниггад̣дхияамаанаа род̣̇анд̇и. бхигкуу звамаахам̣су – ‘‘гисса д̇умхз, аавусо, род̣̇ат̇аа’’д̇и? ‘‘имз, аавусо, чаб̣б̣аг̇г̇ияаа бхигкуу губид̇аа анад̇д̇аманаа амхз сан̇гхигаа вихаараа ниггад̣дханд̇ий’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу губид̇аа анад̇д̇аманаа бхигкуу сан̇гхигаа вихаараа ниггад̣дхиссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, д̇умхз бхигкавз, губид̇аа анад̇д̇аманаа сан̇гхигаа вихаараа бхигкуу ниггад̣дхат̇аа’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, губид̇зна анад̇д̇аманзна бхигку сан̇гхигаа вихаараа ниггад̣дхид̇аб̣б̣о. яо ниггад̣дхзяяа, яат̇аад̇хаммо гаарзд̇аб̣б̣о. ануж̇аанаами, бхигкавз, сзнаасанам̣ г̇аахзд̇у’’нд̇и.
8 Tena kho pana samayena sattarasavaggiyā bhikkhū aññataraṃ paccantimaṃ mahāvihāraṃ paṭisaṅkharonti – ‘idha mayaṃ vassaṃ vasissāmā’ti. Addasaṃsu 9 kho chabbaggiyā bhikkhū sattarasavaggiye bhikkhū vihāraṃ 10 paṭisaṅkharonte. Disvāna evamāhaṃsu – ‘‘ime, āvuso, sattarasavaggiyā bhikkhū vihāraṃ paṭisaṅkharonti. Handa ne vuṭṭhāpessāmā’’ti. Ekacce evamāhaṃsu – ‘‘āgamethāvuso, yāva paṭisaṅkharonti, paṭisaṅkhate vuṭṭhāpessāmā’’ti. Atha kho chabbaggiyā bhikkhū sattarasavaggiye bhikkhū etadavocuṃ – ‘‘uṭṭhethāvuso, amhākaṃ vihāro pāpuṇātī’’ti. ‘‘Nanu, āvuso, paṭikacceva ācikkhitabbaṃ? Mayañcaññaṃ paṭisaṅkhareyyāmā’’ti. ‘‘Nanu, āvuso, saṅghiko vihāro’’ti? ‘‘Āmāvuso, saṅghiko vihāro’’ti. ‘‘Uṭṭhethāvuso, amhākaṃ vihāro pāpuṇātī’’ti. ‘‘Mahallako, āvuso, vihāro; tumhepi vasatha, mayampi vasissāmā’’ti. ‘‘Uṭṭhethāvuso, amhākaṃ vihāro pāpuṇātī’’ti kupitā anattamanā gīvāyaṃ gahetvā nikkaḍḍhanti. Te nikkaḍḍhiyamānā rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū kupitā anattamanā amhe saṅghikā vihārā nikkaḍḍhantī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū kupitā anattamanā bhikkhū saṅghikā vihārā nikkaḍḍhissantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, tumhe bhikkhave, kupitā anattamanā saṅghikā vihārā bhikkhū nikkaḍḍhathā’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, kupitena anattamanena bhikkhu saṅghikā vihārā nikkaḍḍhitabbo. Yo nikkaḍḍheyya, yathādhammo kāretabbo. Anujānāmi, bhikkhave, senāsanaṃ gāhetu’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / аасанаббадиб̣ааханаад̣̇игат̇аа • Āsanappaṭibāhanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / аасанаббадиб̣ааханаад̣̇игат̇аа • Āsanappaṭibāhanādikathā
