| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਆਸਨਪ੍ਪਟਿਬਾਹਨਾਦਿ
Āsanappaṭibāhanādi
੩੧੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਆਜੀવਕਸਾવਕਸ੍ਸ ਮਹਾਮਤ੍ਤਸ੍ਸ ਸਙ੍ਘਭਤ੍ਤਂ ਹੋਤਿ। ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਚ੍ਛਾ ਆਗਨ੍ਤ੍વਾ વਿਪ੍ਪਕਤਭੋਜਨਂ ਆਨਨ੍ਤਰਿਕਂ ਭਿਕ੍ਖੁਂ વੁਟ੍ਠਾਪੇਸਿ। ਭਤ੍ਤਗ੍ਗਂ ਕੋਲਾਹਲਂ ਅਹੋਸਿ। ਅਥ ਖੋ ਸੋ ਮਹਾਮਤ੍ਤੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਪਚ੍ਛਾ ਆਗਨ੍ਤ੍વਾ વਿਪ੍ਪਕਤਭੋਜਨਂ ਆਨਨ੍ਤਰਿਕਂ ਭਿਕ੍ਖੁਂ વੁਟ੍ਠਾਪੇਸ੍ਸਨ੍ਤਿ! ਭਤ੍ਤਗ੍ਗਂ ਕੋਲਾਹਲਂ ਅਹੋਸਿ। ਨਨੁ ਨਾਮ ਲਬ੍ਭਾ ਅਞ੍ਞਤ੍ਰਾਪਿ ਨਿਸਿਨ੍ਨੇਨ ਯਾવਦਤ੍ਥਂ ਭੁਞ੍ਜਿਤੁ’’ਨ੍ਤਿ? ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਮਹਾਮਤ੍ਤਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ વਿਪਾਚੇਨ੍ਤਸ੍ਸ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਚ੍ਛਾ ਆਗਨ੍ਤ੍વਾ વਿਪ੍ਪਕਤਭੋਜਨਂ ਆਨਨ੍ਤਰਿਕਂ ਭਿਕ੍ਖੁਂ વੁਟ੍ਠਾਪੇਸ੍ਸਤਿ! ਭਤ੍ਤਗ੍ਗਂ ਕੋਲਾਹਲਂ ਅਹੋਸੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਸਚ੍ਚਂ ਕਿਰ ਤ੍વਂ, ਉਪਨਨ੍ਦ, ਪਚ੍ਛਾ ਆਗਨ੍ਤ੍વਾ વਿਪ੍ਪਕਤਭੋਜਨਂ ਆਨਨ੍ਤਰਿਕਂ ਭਿਕ੍ਖੁਂ વੁਟ੍ਠਾਪੇਸਿ, ਭਤ੍ਤਗ੍ਗਂ ਕੋਲਾਹਲਂ ਅਹੋਸੀ’’ਤਿ? ‘‘ਸਚ੍ਚਂ ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ‘‘ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਪਚ੍ਛਾ ਆਗਨ੍ਤ੍વਾ વਿਪ੍ਪਕਤਭੋਜਨਂ ਆਨਨ੍ਤਰਿਕਂ ਭਿਕ੍ਖੁਂ વੁਟ੍ਠਾਪੇਸ੍ਸਸਿ? ਭਤ੍ਤਗ੍ਗਂ ਕੋਲਾਹਲਂ ਅਹੋਸਿ। ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, વਿਪ੍ਪਕਤਭੋਜਨੋ 1 ਭਿਕ੍ਖੁ વੁਟ੍ਠਾਪੇਤਬ੍ਬੋ। ਯੋ વੁਟ੍ਠਾਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਸਚੇ વੁਟ੍ਠਾਪੇਤਿ, ਪવਾਰਿਤੋ ਚ ਹੋਤਿ, ‘ਗਚ੍ਛ ਉਦਕਂ ਆਹਰਾ’ਤਿ વਤ੍ਤਬ੍ਬੋ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਸਾਧੁਕਂ ਸਿਤ੍ਥਾਨਿ ਗਿਲਿਤ੍વਾ વੁਡ੍ਢਤਰਸ੍ਸ ਭਿਕ੍ਖੁਨੋ ਆਸਨਂ ਦਾਤਬ੍ਬਂ। ਨ ਤ੍વੇવਾਹਂ, ਭਿਕ੍ਖવੇ, ਕੇਨਚਿ ਪਰਿਯਾਯੇਨ વੁਡ੍ਢਤਰਸ੍ਸ ਭਿਕ੍ਖੁਨੋ ਆਸਨਂ ਪਟਿਬਾਹਿਤਬ੍ਬਨ੍ਤਿ વਦਾਮਿ। ਯੋ ਪਟਿਬਾਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ’’।
316. Tena kho pana samayena aññatarassa ājīvakasāvakassa mahāmattassa saṅghabhattaṃ hoti. Āyasmā upanando sakyaputto pacchā āgantvā vippakatabhojanaṃ ānantarikaṃ bhikkhuṃ vuṭṭhāpesi. Bhattaggaṃ kolāhalaṃ ahosi. Atha kho so mahāmatto ujjhāyati khiyyati vipāceti – ‘‘kathañhi nāma samaṇā sakyaputtiyā pacchā āgantvā vippakatabhojanaṃ ānantarikaṃ bhikkhuṃ vuṭṭhāpessanti! Bhattaggaṃ kolāhalaṃ ahosi. Nanu nāma labbhā aññatrāpi nisinnena yāvadatthaṃ bhuñjitu’’nti? Assosuṃ kho bhikkhū tassa mahāmattassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto pacchā āgantvā vippakatabhojanaṃ ānantarikaṃ bhikkhuṃ vuṭṭhāpessati! Bhattaggaṃ kolāhalaṃ ahosī’’ti. Atha kho te bhikkhū bhagavato etamatthaṃ ārocesuṃ. ‘‘Saccaṃ kira tvaṃ, upananda, pacchā āgantvā vippakatabhojanaṃ ānantarikaṃ bhikkhuṃ vuṭṭhāpesi, bhattaggaṃ kolāhalaṃ ahosī’’ti? ‘‘Saccaṃ bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, pacchā āgantvā vippakatabhojanaṃ ānantarikaṃ bhikkhuṃ vuṭṭhāpessasi? Bhattaggaṃ kolāhalaṃ ahosi. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, vippakatabhojano 2 bhikkhu vuṭṭhāpetabbo. Yo vuṭṭhāpeyya, āpatti dukkaṭassa. Sace vuṭṭhāpeti, pavārito ca hoti, ‘gaccha udakaṃ āharā’ti vattabbo. Evañcetaṃ labhetha, iccetaṃ kusalaṃ. No ce labhetha, sādhukaṃ sitthāni gilitvā vuḍḍhatarassa bhikkhuno āsanaṃ dātabbaṃ. Na tvevāhaṃ, bhikkhave, kenaci pariyāyena vuḍḍhatarassa bhikkhuno āsanaṃ paṭibāhitabbanti vadāmi. Yo paṭibāheyya, āpatti dukkaṭassāti’’.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਗਿਲਾਨੇ ਭਿਕ੍ਖੂ વੁਟ੍ਠਾਪੇਨ੍ਤਿ। ਗਿਲਾਨਾ ਏવਂ વਦੇਨ੍ਤਿ – ‘‘ਨ ਮਯਂ, ਆવੁਸੋ, ਸਕ੍ਕੋਮ વੁਟ੍ਠਾਤੁਂ, ਗਿਲਾਨਾਮ੍ਹਾ’’ਤਿ। ‘‘ਮਯਂ ਆਯਸ੍ਮਨ੍ਤੇ વੁਟ੍ਠਾਪੇਸ੍ਸਾਮਾ’’ਤਿ ਪਰਿਗ੍ਗਹੇਤ੍વਾ વੁਟ੍ਠਾਪੇਤ੍વਾ ਠਿਤਕੇ ਮੁਞ੍ਚਨ੍ਤਿ। ਗਿਲਾਨਾ ਮੁਚ੍ਛਿਤਾ ਪਪਤਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ । ‘‘ਨ, ਭਿਕ੍ਖવੇ, ਗਿਲਾਨੋ વੁਟ੍ਠਾਪੇਤਬ੍ਬੋ। ਯੋ વੁਟ੍ਠਾਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena chabbaggiyā bhikkhū gilāne bhikkhū vuṭṭhāpenti. Gilānā evaṃ vadenti – ‘‘na mayaṃ, āvuso, sakkoma vuṭṭhātuṃ, gilānāmhā’’ti. ‘‘Mayaṃ āyasmante vuṭṭhāpessāmā’’ti pariggahetvā vuṭṭhāpetvā ṭhitake muñcanti. Gilānā mucchitā papatanti. Bhagavato etamatthaṃ ārocesuṃ . ‘‘Na, bhikkhave, gilāno vuṭṭhāpetabbo. Yo vuṭṭhāpeyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ‘ਗਿਲਾਨਾ ਮਯਮ੍ਹਾ ਅવੁਟ੍ਠਾਪਨੀਯਾ’ਤਿ વਰਸੇਯ੍ਯਾਯੋ ਪਲਿਬੁਦ੍ਧੇਨ੍ਤਿ 3। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨਸ੍ਸ ਪਤਿਰੂਪਂ ਸੇਯ੍ਯਂ ਦਾਤੁ’’ਨ੍ਤਿ।
Tena kho pana samayena chabbaggiyā bhikkhū ‘gilānā mayamhā avuṭṭhāpanīyā’ti varaseyyāyo palibuddhenti 4. Bhagavato etamatthaṃ ārocesuṃ. ‘‘Anujānāmi, bhikkhave, gilānassa patirūpaṃ seyyaṃ dātu’’nti.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਲੇਸਕਪ੍ਪੇਨ ਸੇਨਾਸਨਂ ਪਟਿਬਾਹਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਨ, ਭਿਕ੍ਖવੇ, ਲੇਸਕਪ੍ਪੇਨ ਸੇਨਾਸਨਂ ਪਟਿਬਾਹਿਤਬ੍ਬਂ। ਯੋ ਪਟਿਬਾਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena chabbaggiyā bhikkhū lesakappena senāsanaṃ paṭibāhanti. Bhagavato etamatthaṃ ārocesuṃ. ‘‘Na, bhikkhave, lesakappena senāsanaṃ paṭibāhitabbaṃ. Yo paṭibāheyya, āpatti dukkaṭassā’’ti.
5 ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਅਞ੍ਞਤਰਂ ਪਚ੍ਚਨ੍ਤਿਮਂ ਮਹਾવਿਹਾਰਂ ਪਟਿਸਙ੍ਖਰੋਨ੍ਤਿ – ‘ਇਧ ਮਯਂ વਸ੍ਸਂ વਸਿਸ੍ਸਾਮਾ’ਤਿ। ਅਦ੍ਦਸਂਸੁ 6 ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ વਿਹਾਰਂ 7 ਪਟਿਸਙ੍ਖਰੋਨ੍ਤੇ। ਦਿਸ੍વਾਨ ਏવਮਾਹਂਸੁ – ‘‘ਇਮੇ, ਆવੁਸੋ, ਸਤ੍ਤਰਸવਗ੍ਗਿਯਾ ਭਿਕ੍ਖੂ વਿਹਾਰਂ ਪਟਿਸਙ੍ਖਰੋਨ੍ਤਿ। ਹਨ੍ਦ ਨੇ વੁਟ੍ਠਾਪੇਸ੍ਸਾਮਾ’’ਤਿ। ਏਕਚ੍ਚੇ ਏવਮਾਹਂਸੁ – ‘‘ਆਗਮੇਥਾવੁਸੋ, ਯਾવ ਪਟਿਸਙ੍ਖਰੋਨ੍ਤਿ, ਪਟਿਸਙ੍ਖਤੇ વੁਟ੍ਠਾਪੇਸ੍ਸਾਮਾ’’ਤਿ। ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਏਤਦવੋਚੁਂ – ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ। ‘‘ਨਨੁ, ਆવੁਸੋ, ਪਟਿਕਚ੍ਚੇવ ਆਚਿਕ੍ਖਿਤਬ੍ਬਂ? ਮਯਞ੍ਚਞ੍ਞਂ ਪਟਿਸਙ੍ਖਰੇਯ੍ਯਾਮਾ’’ਤਿ। ‘‘ਨਨੁ, ਆવੁਸੋ, ਸਙ੍ਘਿਕੋ વਿਹਾਰੋ’’ਤਿ? ‘‘ਆਮਾવੁਸੋ, ਸਙ੍ਘਿਕੋ વਿਹਾਰੋ’’ਤਿ। ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ। ‘‘ਮਹਲ੍ਲਕੋ, ਆવੁਸੋ, વਿਹਾਰੋ; ਤੁਮ੍ਹੇਪਿ વਸਥ, ਮਯਮ੍ਪਿ વਸਿਸ੍ਸਾਮਾ’’ਤਿ। ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ ਕੁਪਿਤਾ ਅਨਤ੍ਤਮਨਾ ਗੀવਾਯਂ ਗਹੇਤ੍વਾ ਨਿਕ੍ਕਡ੍ਢਨ੍ਤਿ। ਤੇ ਨਿਕ੍ਕਡ੍ਢਿਯਮਾਨਾ ਰੋਦਨ੍ਤਿ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਰੋਦਥਾ’’ਤਿ? ‘‘ਇਮੇ, ਆવੁਸੋ, ਛਬ੍ਬਗ੍ਗਿਯਾ ਭਿਕ੍ਖੂ ਕੁਪਿਤਾ ਅਨਤ੍ਤਮਨਾ ਅਮ੍ਹੇ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਨ੍ਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਕੁਪਿਤਾ ਅਨਤ੍ਤਮਨਾ ਭਿਕ੍ਖੂ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਤੁਮ੍ਹੇ ਭਿਕ੍ਖવੇ, ਕੁਪਿਤਾ ਅਨਤ੍ਤਮਨਾ ਸਙ੍ਘਿਕਾ વਿਹਾਰਾ ਭਿਕ੍ਖੂ ਨਿਕ੍ਕਡ੍ਢਥਾ’’ਤਿ? ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, ਕੁਪਿਤੇਨ ਅਨਤ੍ਤਮਨੇਨ ਭਿਕ੍ਖੁ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਿਤਬ੍ਬੋ। ਯੋ ਨਿਕ੍ਕਡ੍ਢੇਯ੍ਯ, ਯਥਾਧਮ੍ਮੋ ਕਾਰੇਤਬ੍ਬੋ। ਅਨੁਜਾਨਾਮਿ, ਭਿਕ੍ਖવੇ, ਸੇਨਾਸਨਂ ਗਾਹੇਤੁ’’ਨ੍ਤਿ।
8 Tena kho pana samayena sattarasavaggiyā bhikkhū aññataraṃ paccantimaṃ mahāvihāraṃ paṭisaṅkharonti – ‘idha mayaṃ vassaṃ vasissāmā’ti. Addasaṃsu 9 kho chabbaggiyā bhikkhū sattarasavaggiye bhikkhū vihāraṃ 10 paṭisaṅkharonte. Disvāna evamāhaṃsu – ‘‘ime, āvuso, sattarasavaggiyā bhikkhū vihāraṃ paṭisaṅkharonti. Handa ne vuṭṭhāpessāmā’’ti. Ekacce evamāhaṃsu – ‘‘āgamethāvuso, yāva paṭisaṅkharonti, paṭisaṅkhate vuṭṭhāpessāmā’’ti. Atha kho chabbaggiyā bhikkhū sattarasavaggiye bhikkhū etadavocuṃ – ‘‘uṭṭhethāvuso, amhākaṃ vihāro pāpuṇātī’’ti. ‘‘Nanu, āvuso, paṭikacceva ācikkhitabbaṃ? Mayañcaññaṃ paṭisaṅkhareyyāmā’’ti. ‘‘Nanu, āvuso, saṅghiko vihāro’’ti? ‘‘Āmāvuso, saṅghiko vihāro’’ti. ‘‘Uṭṭhethāvuso, amhākaṃ vihāro pāpuṇātī’’ti. ‘‘Mahallako, āvuso, vihāro; tumhepi vasatha, mayampi vasissāmā’’ti. ‘‘Uṭṭhethāvuso, amhākaṃ vihāro pāpuṇātī’’ti kupitā anattamanā gīvāyaṃ gahetvā nikkaḍḍhanti. Te nikkaḍḍhiyamānā rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū kupitā anattamanā amhe saṅghikā vihārā nikkaḍḍhantī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū kupitā anattamanā bhikkhū saṅghikā vihārā nikkaḍḍhissantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, tumhe bhikkhave, kupitā anattamanā saṅghikā vihārā bhikkhū nikkaḍḍhathā’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, kupitena anattamanena bhikkhu saṅghikā vihārā nikkaḍḍhitabbo. Yo nikkaḍḍheyya, yathādhammo kāretabbo. Anujānāmi, bhikkhave, senāsanaṃ gāhetu’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਆਸਨਪ੍ਪਟਿਬਾਹਨਾਦਿਕਥਾ • Āsanappaṭibāhanādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਆਸਨਪ੍ਪਟਿਬਾਹਨਾਦਿਕਥਾ • Āsanappaṭibāhanādikathā
