| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
аасанаббадиб̣ааханаад̣̇игат̇аа
Āsanappaṭibāhanādikathā
316. виббагад̇абхож̇анзнаад̇и зд̇т̇а виббагад̇асад̣̇д̣̇о анидтид̇абарияааяод̇и ааха ‘‘анидтид̇з бхож̇анз’’д̇и. багирияид̇т̇а, багирияиссад̇з ваа багад̇ам̣, на багад̇ам̣ виббагад̇анд̇и виг̇г̇ахо гаад̇аб̣б̣о, ад̇т̇ад̇о бана ‘‘гарияамаано анидтид̇о’’д̇и вуд̇д̇ам̣ ход̇и. зд̇т̇аад̇и таанз. ад̇исамийбанд̇и бхун̃ж̇амаанасса бхигкусса ад̇иаасаннам̣. д̇ассаад̇и бхун̃ж̇амаанасса бхигкусса. бивид̇ваа ваад̇и яааг̇ум̣ бивид̇ваа ваа. каад̣̇ид̇ваа ваад̇и каж̇ж̇агам̣ каад̣̇ид̇ваа ваа. рид̇д̇ахад̇т̇амбийд̇и д̇ужчахад̇т̇амби. бисад̣̇д̣̇зна аамисахад̇т̇ам̣ бана баг̇зваад̇и д̣̇ассзд̇и. хийд̇и сажжам̣, яасмаа ваа. сод̇и рид̇д̇ахад̇т̇о бхигку.
316.Vippakatabhojanenāti ettha vippakatasaddo aniṭṭhitapariyāyoti āha ‘‘aniṭṭhite bhojane’’ti. Pakiriyittha, pakiriyissate vā pakataṃ, na pakataṃ vippakatanti viggaho kātabbo, atthato pana ‘‘kariyamāno aniṭṭhito’’ti vuttaṃ hoti. Etthāti ṭhāne. Atisamīpanti bhuñjamānassa bhikkhussa atiāsannaṃ. Tassāti bhuñjamānassa bhikkhussa. Pivitvā vāti yāguṃ pivitvā vā. Khāditvā vāti khajjakaṃ khāditvā vā. Rittahatthampīti tucchahatthampi. Pisaddena āmisahatthaṃ pana pagevāti dasseti. Hīti saccaṃ, yasmā vā. Soti rittahattho bhikkhu.
аабад̇д̇инд̇и д̣̇уггадаабад̇д̇им̣. яанд̇и виббагад̇абхож̇анам̣ бхигкум̣. сод̇и бажчаа ааг̇ад̇о бхигку. аяан̃жа бхигкууд̇и виббагад̇абхож̇ано аяан̃жа бхигку. д̇знаад̇и виббагад̇абхож̇анзна навагзна ваа вуд̣дхад̇арзна ваа бхигкунаа. гим̣ навагзна вуд̣дхад̇арам̣ аан̣аабзд̇ум̣ ваддад̇ийд̇и ааха ‘‘вуд̣дхад̇арам̣ хий’’д̇иаад̣̇и. хийд̇и сажжам̣, яасмаа ваа. сод̇и вуд̣дхад̇аро бхигку. д̇ад̇од̇и уд̣̇агам̣ аахараабзд̇ум̣ аан̣ад̇д̇ид̇о. яанд̇и гаммам̣.
Āpattinti dukkaṭāpattiṃ. Yanti vippakatabhojanaṃ bhikkhuṃ. Soti pacchā āgato bhikkhu. Ayañca bhikkhūti vippakatabhojano ayañca bhikkhu. Tenāti vippakatabhojanena navakena vā vuḍḍhatarena vā bhikkhunā. Kiṃ navakena vuḍḍhataraṃ āṇāpetuṃ vaṭṭatīti āha ‘‘vuḍḍhataraṃ hī’’tiādi. Hīti saccaṃ, yasmā vā. Soti vuḍḍhataro bhikkhu. Tatoti udakaṃ āharāpetuṃ āṇattito. Yanti kammaṃ.
яод̇и бхигку. ‘‘зваруубассаа’’д̇и бад̣̇зна д̇асса нияаманам̣ взд̣̇ид̇аб̣б̣ам̣. гаасасса кзл̣амаллагам̣ табзд̇аб̣б̣ам̣. бхаг̇анд̣̇араад̇исаараанам̣ важжагабаалам̣ табзд̇аб̣б̣ам̣ . ан̃н̃зсам̣ ан̃н̃аани табзд̇аб̣б̣аани хонд̇и. д̇зна вуд̇д̇ам̣ ‘‘кзл̣а…бз… хонд̇ий’’д̇и. яасмим̣д̇и яасмим̣ г̇илаанз. яоби бхзсаж̇ж̇ам̣ гарод̇ийд̇и самб̣анд̇хо. лзсагаббзнаад̇и зд̇т̇а лзсагаббасад̣̇д̣̇аанам̣ ад̇т̇ад̇о згад̇д̇аа вуд̇д̇ам̣ ‘‘аббагзна сийсааб̣аад̇хаад̣̇имад̇д̇знаа’’д̇и. бхигкуу г̇ан̣зд̇ваад̇и зд̇т̇а г̇ан̣ам̣ н̃ад̇ваад̇и д̣̇ассзнд̇о ааха ‘‘барижчзд̣̇ам̣ н̃ад̇ваа’’д̇и. д̇ад̇т̇а ‘‘барижчзд̣̇а’’нд̇и иминаа г̇ан̣асад̣̇д̣̇асса ад̇хиббааяад̇т̇ам̣ д̣̇ассзд̇и. ‘‘н̃ад̇ваа’’д̇и иминаа ид̇хаад̇уяаа ад̇т̇ам̣ д̣̇ассзд̇и.
Yoti bhikkhu. ‘‘Evarūpassā’’ti padena tassa niyamanaṃ veditabbaṃ. Kāsassa kheḷamallakaṃ ṭhapetabbaṃ. Bhagandaraatisārānaṃ vaccakapālaṃ ṭhapetabbaṃ . Aññesaṃ aññāni ṭhapetabbāni honti. Tena vuttaṃ ‘‘kheḷa…pe… hontī’’ti. Yasmiṃti yasmiṃ gilāne. Yopi bhesajjaṃ karotīti sambandho. Lesakappenāti ettha lesakappasaddānaṃ atthato ekattā vuttaṃ ‘‘appakena sīsābādhādimattenā’’ti. Bhikkhū gaṇetvāti ettha gaṇaṃ ñatvāti dassento āha ‘‘paricchedaṃ ñatvā’’ti. Tattha ‘‘pariccheda’’nti iminā gaṇasaddassa adhippāyatthaṃ dasseti. ‘‘Ñatvā’’ti iminā idhātuyā atthaṃ dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / аасанаббадиб̣ааханаад̣̇и • Āsanappaṭibāhanādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / аасанаббадиб̣ааханаад̣̇игат̇аа • Āsanappaṭibāhanādikathā
