| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਆਸਨਪ੍ਪਟਿਬਾਹਨਾਦਿਕਥਾ
Āsanappaṭibāhanādikathā
੩੧੬. વਿਪ੍ਪਕਤਭੋਜਨੋਤਿ ਅਨ੍ਤਰਘਰੇ વਾ વਿਹਾਰੇ વਾ ਅਰਞ੍ਞੇ વਾ ਯਤ੍ਥ ਕਤ੍ਥਚਿ ਭੁਞ੍ਜਮਾਨੋ ਭਿਕ੍ਖੁ ਅਨਿਟ੍ਠਿਤੇ ਭੋਜਨੇ ਨ વੁਟ੍ਠਾਪੇਤਬ੍ਬੋ। ਅਨ੍ਤਰਘਰੇ ਪਚ੍ਛਾ ਆਗਤੇਨ ਭਿਕ੍ਖਂ ਗਹੇਤ੍વਾ ਗਨ੍ਤਬ੍ਬਂ। ਸਚੇ ਮਨੁਸ੍ਸਾ વਾ ਭਿਕ੍ਖੂ વਾ ‘‘ਪવਿਸਥਾ’’ਤਿ વਦਨ੍ਤਿ, ‘‘ਮਯਿ ਪવਿਸਨ੍ਤੇ ਭਿਕ੍ਖੂ ਉਟ੍ਠਹਿਸ੍ਸਨ੍ਤੀ’’ਤਿ વਤ੍ਤਬ੍ਬਂ। ‘‘ਏਥ, ਭਨ੍ਤੇ, ਆਸਨਂ ਅਤ੍ਥੀ’’ਤਿ વੁਤ੍ਤੇਨ ਪਨ ਪવਿਸਿਤਬ੍ਬਂ। ਸਚੇ ਕੋਚਿ ਕਿਞ੍ਚਿ ਨ વਦਤਿ, ਆਸਨਸਾਲਂ ਗਨ੍ਤ੍વਾ ਅਤਿਸਮੀਪਂ ਅਗਨ੍ਤ੍વਾ ਸਭਾਗਟ੍ਠਾਨੇ ਠਾਤਬ੍ਬਂ। ਓਕਾਸੇ ਕਤੇ ‘‘ਪવਿਸਥਾ’’ਤਿ વੁਤ੍ਤੇਨ ਪਨ ਪવਿਸਿਤਬ੍ਬਂ। ਸਚੇ ਪਨ ਯਂ ਆਸਨਂ ਤਸ੍ਸ ਪਾਪੁਣਾਤਿ, ਤਤ੍ਥ ਅਭੁਞ੍ਜਨ੍ਤੋ ਭਿਕ੍ਖੁ ਨਿਸਿਨ੍ਨੋ ਹੋਤਿ, ਤਂ ਉਟ੍ਠਾਪੇਤੁਂ વਟ੍ਟਤਿ। ਯਾਗੁਖਜ੍ਜਕਾਦੀਸੁ ਪਨ ਯਂਕਿਞ੍ਚਿ ਪਿવਿਤ੍વਾ વਾ ਖਾਦਿਤ੍વਾ વਾ ਯਾવ ਅਞ੍ਞੋ ਆਗਚ੍ਛਤਿ, ਤਾવ ਨਿਸਿਨ੍ਨਂ ਰਿਤ੍ਤਹਤ੍ਥਮ੍ਪਿ વੁਟ੍ਠਾਪੇਤੁਂ ਨ વਟ੍ਟਤਿ। વਿਪ੍ਪਕਤਭੋਜਨੋਯੇવ ਹਿ ਸੋ ਹੋਤਿ।
316.Vippakatabhojanoti antaraghare vā vihāre vā araññe vā yattha katthaci bhuñjamāno bhikkhu aniṭṭhite bhojane na vuṭṭhāpetabbo. Antaraghare pacchā āgatena bhikkhaṃ gahetvā gantabbaṃ. Sace manussā vā bhikkhū vā ‘‘pavisathā’’ti vadanti, ‘‘mayi pavisante bhikkhū uṭṭhahissantī’’ti vattabbaṃ. ‘‘Etha, bhante, āsanaṃ atthī’’ti vuttena pana pavisitabbaṃ. Sace koci kiñci na vadati, āsanasālaṃ gantvā atisamīpaṃ agantvā sabhāgaṭṭhāne ṭhātabbaṃ. Okāse kate ‘‘pavisathā’’ti vuttena pana pavisitabbaṃ. Sace pana yaṃ āsanaṃ tassa pāpuṇāti, tattha abhuñjanto bhikkhu nisinno hoti, taṃ uṭṭhāpetuṃ vaṭṭati. Yāgukhajjakādīsu pana yaṃkiñci pivitvā vā khāditvā vā yāva añño āgacchati, tāva nisinnaṃ rittahatthampi vuṭṭhāpetuṃ na vaṭṭati. Vippakatabhojanoyeva hi so hoti.
ਸਚੇ વੁਟ੍ਠਾਪੇਤੀਤਿ ਸਚੇ ਆਪਤ੍ਤਿਂ ਅਤਿਕ੍ਕਮਿਤ੍વਾਪਿ વੁਟ੍ਠਾਪੇਤਿਯੇવ। ਪવਾਰਿਤੋ ਚ ਹੋਤੀਤਿ ਯਂ ਸੋ વੁਟ੍ਠਾਪੇਤਿ, ਅਯਞ੍ਚ ਭਿਕ੍ਖੁ ਪવਾਰਿਤੋ ਚ ਹੋਤਿ, ਤੇਨ વਤ੍ਤਬ੍ਬੋ – ‘‘ਗਚ੍ਛ ਉਦਕਂ ਆਹਰਾਹੀ’’ਤਿ। વੁਡ੍ਢਤਰਞ੍ਹਿ ਭਿਕ੍ਖੁਂ ਆਣਾਪੇਤੁਂ ਇਦਮੇવ ਏਕਂ ਠਾਨਨ੍ਤਿ। ਸਚੇ ਸੋ ਉਦਕਮ੍ਪਿ ਨ ਆਹਰਤਿ, ਤਤੋ ਯਞ੍ਚ ਨવਕਤਰੇਨ ਕਤ੍ਤਬ੍ਬਂ, ਤਂ ਦਸ੍ਸੇਨ੍ਤੋ ‘‘ਸਾਧੁਕਂ ਸਿਤ੍ਥਾਨੀ’’ਤਿਆਦਿਮਾਹ।
Sace vuṭṭhāpetīti sace āpattiṃ atikkamitvāpi vuṭṭhāpetiyeva. Pavārito ca hotīti yaṃ so vuṭṭhāpeti, ayañca bhikkhu pavārito ca hoti, tena vattabbo – ‘‘gaccha udakaṃ āharāhī’’ti. Vuḍḍhatarañhi bhikkhuṃ āṇāpetuṃ idameva ekaṃ ṭhānanti. Sace so udakampi na āharati, tato yañca navakatarena kattabbaṃ, taṃ dassento ‘‘sādhukaṃ sitthānī’’tiādimāha.
ਗਿਲਾਨਸ੍ਸ ਪਤਿਰੂਪਂ ਸੇਯ੍ਯਨ੍ਤਿ ਏਤ੍ਥ ਯੋ ਕਾਸਭਗਨ੍ਦਰਾਤਿਸਾਰਾਦੀਹਿ ਗਿਲਾਨੋ ਹੋਤਿ, ਖੇਲ਼ਮਲ੍ਲਕવਚ੍ਚਕਪਾਲਾਦੀਨਿ ਠਪੇਤਬ੍ਬਾਨਿ ਹੋਨ੍ਤਿ। ਕੁਟ੍ਠਿ વਾ ਹੋਤਿ, ਸੇਨਾਸਨਂ ਦੂਸੇਤਿ; ਏવਰੂਪਸ੍ਸ ਹੇਟ੍ਠਾਪਾਸਾਦਪਣ੍ਣਸਾਲਾਦੀਸੁ ਅਞ੍ਞਤਰਂ ਏਕਮਨ੍ਤਂ ਸੇਨਾਸਨਂ ਦਾਤਬ੍ਬਂ। ਯਸ੍ਮਿਂ વਸਨ੍ਤੇ ਸੇਨਾਸਨਂ ਨ ਦੁਸ੍ਸਤਿ, ਤਸ੍ਸ વਰਸੇਯ੍ਯਾਪਿ ਦਾਤਬ੍ਬਾવ। ਯੋਪਿ ਸਿਨੇਹਪਾਨવਿਰੇਚਨਨਤ੍ਥੁਕਮ੍ਮਾਦੀਸੁ ਯਂਕਿਞ੍ਚਿ ਭੇਸਜ੍ਜਂ ਕਰੋਤਿ, ਸਬ੍ਬੋ ਸੋ ਗਿਲਾਨੋਯੇવ, ਤਸ੍ਸਾਪਿ ਸਲ੍ਲਕ੍ਖੇਤ੍વਾ ਪਤਿਰੂਪਂ ਸੇਨਾਸਨਂ ਦਾਤਬ੍ਬਂ । ਲੇਸਕਪ੍ਪੇਨਾਤਿ ਅਪ੍ਪਕੇਨ ਸੀਸਾਬਾਧਾਦਿਮਤ੍ਤੇਨ। ਭਿਕ੍ਖੂ ਗਣੇਤ੍વਾਤਿ ‘‘ਏਤ੍ਤਕਾ ਨਾਮ ਭਿਕ੍ਖੂ’’ਤਿ વਿਹਾਰੇ ਭਿਕ੍ਖੂਨਂ ਪਰਿਚ੍ਛੇਦਂ ਞਤ੍વਾ।
Gilānassa patirūpaṃ seyyanti ettha yo kāsabhagandarātisārādīhi gilāno hoti, kheḷamallakavaccakapālādīni ṭhapetabbāni honti. Kuṭṭhi vā hoti, senāsanaṃ dūseti; evarūpassa heṭṭhāpāsādapaṇṇasālādīsu aññataraṃ ekamantaṃ senāsanaṃ dātabbaṃ. Yasmiṃ vasante senāsanaṃ na dussati, tassa varaseyyāpi dātabbāva. Yopi sinehapānavirecananatthukammādīsu yaṃkiñci bhesajjaṃ karoti, sabbo so gilānoyeva, tassāpi sallakkhetvā patirūpaṃ senāsanaṃ dātabbaṃ . Lesakappenāti appakena sīsābādhādimattena. Bhikkhūgaṇetvāti ‘‘ettakā nāma bhikkhū’’ti vihāre bhikkhūnaṃ paricchedaṃ ñatvā.
ਆਸਨਪ੍ਪਟਿਬਾਹਨਾਦਿਕਥਾ ਨਿਟ੍ਠਿਤਾ।
Āsanappaṭibāhanādikathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਆਸਨਪ੍ਪਟਿਬਾਹਨਾਦਿ • Āsanappaṭibāhanādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਆਸਨਪ੍ਪਟਿਬਾਹਨਾਦਿਕਥਾ • Āsanappaṭibāhanādikathā
