| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਆਸਨਪ੍ਪਟਿਬਾਹਨਾਦਿਕਥਾ
Āsanappaṭibāhanādikathā
੩੧੬. વਿਪ੍ਪਕਤਭੋਜਨੇਨਾਤਿ ਏਤ੍ਥ વਿਪ੍ਪਕਤਸਦ੍ਦੋ ਅਨਿਟ੍ਠਿਤਪਰਿਯਾਯੋਤਿ ਆਹ ‘‘ਅਨਿਟ੍ਠਿਤੇ ਭੋਜਨੇ’’ਤਿ। ਪਕਿਰਿਯਿਤ੍ਥ, ਪਕਿਰਿਯਿਸ੍ਸਤੇ વਾ ਪਕਤਂ, ਨ ਪਕਤਂ વਿਪ੍ਪਕਤਨ੍ਤਿ વਿਗ੍ਗਹੋ ਕਾਤਬ੍ਬੋ, ਅਤ੍ਥਤੋ ਪਨ ‘‘ਕਰਿਯਮਾਨੋ ਅਨਿਟ੍ਠਿਤੋ’’ਤਿ વੁਤ੍ਤਂ ਹੋਤਿ। ਏਤ੍ਥਾਤਿ ਠਾਨੇ। ਅਤਿਸਮੀਪਨ੍ਤਿ ਭੁਞ੍ਜਮਾਨਸ੍ਸ ਭਿਕ੍ਖੁਸ੍ਸ ਅਤਿਆਸਨ੍ਨਂ। ਤਸ੍ਸਾਤਿ ਭੁਞ੍ਜਮਾਨਸ੍ਸ ਭਿਕ੍ਖੁਸ੍ਸ। ਪਿવਿਤ੍વਾ વਾਤਿ ਯਾਗੁਂ ਪਿવਿਤ੍વਾ વਾ। ਖਾਦਿਤ੍વਾ વਾਤਿ ਖਜ੍ਜਕਂ ਖਾਦਿਤ੍વਾ વਾ। ਰਿਤ੍ਤਹਤ੍ਥਮ੍ਪੀਤਿ ਤੁਚ੍ਛਹਤ੍ਥਮ੍ਪਿ। ਪਿਸਦ੍ਦੇਨ ਆਮਿਸਹਤ੍ਥਂ ਪਨ ਪਗੇવਾਤਿ ਦਸ੍ਸੇਤਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਸੋਤਿ ਰਿਤ੍ਤਹਤ੍ਥੋ ਭਿਕ੍ਖੁ।
316.Vippakatabhojanenāti ettha vippakatasaddo aniṭṭhitapariyāyoti āha ‘‘aniṭṭhite bhojane’’ti. Pakiriyittha, pakiriyissate vā pakataṃ, na pakataṃ vippakatanti viggaho kātabbo, atthato pana ‘‘kariyamāno aniṭṭhito’’ti vuttaṃ hoti. Etthāti ṭhāne. Atisamīpanti bhuñjamānassa bhikkhussa atiāsannaṃ. Tassāti bhuñjamānassa bhikkhussa. Pivitvā vāti yāguṃ pivitvā vā. Khāditvā vāti khajjakaṃ khāditvā vā. Rittahatthampīti tucchahatthampi. Pisaddena āmisahatthaṃ pana pagevāti dasseti. Hīti saccaṃ, yasmā vā. Soti rittahattho bhikkhu.
ਆਪਤ੍ਤਿਨ੍ਤਿ ਦੁਕ੍ਕਟਾਪਤ੍ਤਿਂ। ਯਨ੍ਤਿ વਿਪ੍ਪਕਤਭੋਜਨਂ ਭਿਕ੍ਖੁਂ। ਸੋਤਿ ਪਚ੍ਛਾ ਆਗਤੋ ਭਿਕ੍ਖੁ। ਅਯਞ੍ਚ ਭਿਕ੍ਖੂਤਿ વਿਪ੍ਪਕਤਭੋਜਨੋ ਅਯਞ੍ਚ ਭਿਕ੍ਖੁ। ਤੇਨਾਤਿ વਿਪ੍ਪਕਤਭੋਜਨੇਨ ਨવਕੇਨ વਾ વੁਡ੍ਢਤਰੇਨ વਾ ਭਿਕ੍ਖੁਨਾ। ਕਿਂ ਨવਕੇਨ વੁਡ੍ਢਤਰਂ ਆਣਾਪੇਤੁਂ વਟ੍ਟਤੀਤਿ ਆਹ ‘‘વੁਡ੍ਢਤਰਂ ਹੀ’’ਤਿਆਦਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਸੋਤਿ વੁਡ੍ਢਤਰੋ ਭਿਕ੍ਖੁ। ਤਤੋਤਿ ਉਦਕਂ ਆਹਰਾਪੇਤੁਂ ਆਣਤ੍ਤਿਤੋ। ਯਨ੍ਤਿ ਕਮ੍ਮਂ।
Āpattinti dukkaṭāpattiṃ. Yanti vippakatabhojanaṃ bhikkhuṃ. Soti pacchā āgato bhikkhu. Ayañca bhikkhūti vippakatabhojano ayañca bhikkhu. Tenāti vippakatabhojanena navakena vā vuḍḍhatarena vā bhikkhunā. Kiṃ navakena vuḍḍhataraṃ āṇāpetuṃ vaṭṭatīti āha ‘‘vuḍḍhataraṃ hī’’tiādi. Hīti saccaṃ, yasmā vā. Soti vuḍḍhataro bhikkhu. Tatoti udakaṃ āharāpetuṃ āṇattito. Yanti kammaṃ.
ਯੋਤਿ ਭਿਕ੍ਖੁ। ‘‘ਏવਰੂਪਸ੍ਸਾ’’ਤਿ ਪਦੇਨ ਤਸ੍ਸ ਨਿਯਮਨਂ વੇਦਿਤਬ੍ਬਂ। ਕਾਸਸ੍ਸ ਖੇਲ਼ਮਲ੍ਲਕਂ ਠਪੇਤਬ੍ਬਂ। ਭਗਨ੍ਦਰਅਤਿਸਾਰਾਨਂ વਚ੍ਚਕਪਾਲਂ ਠਪੇਤਬ੍ਬਂ । ਅਞ੍ਞੇਸਂ ਅਞ੍ਞਾਨਿ ਠਪੇਤਬ੍ਬਾਨਿ ਹੋਨ੍ਤਿ। ਤੇਨ વੁਤ੍ਤਂ ‘‘ਖੇਲ਼…ਪੇ॰… ਹੋਨ੍ਤੀ’’ਤਿ। ਯਸ੍ਮਿਂਤਿ ਯਸ੍ਮਿਂ ਗਿਲਾਨੇ। ਯੋਪਿ ਭੇਸਜ੍ਜਂ ਕਰੋਤੀਤਿ ਸਮ੍ਬਨ੍ਧੋ। ਲੇਸਕਪ੍ਪੇਨਾਤਿ ਏਤ੍ਥ ਲੇਸਕਪ੍ਪਸਦ੍ਦਾਨਂ ਅਤ੍ਥਤੋ ਏਕਤ੍ਤਾ વੁਤ੍ਤਂ ‘‘ਅਪ੍ਪਕੇਨ ਸੀਸਾਬਾਧਾਦਿਮਤ੍ਤੇਨਾ’’ਤਿ। ਭਿਕ੍ਖੂ ਗਣੇਤ੍વਾਤਿ ਏਤ੍ਥ ਗਣਂ ਞਤ੍વਾਤਿ ਦਸ੍ਸੇਨ੍ਤੋ ਆਹ ‘‘ਪਰਿਚ੍ਛੇਦਂ ਞਤ੍વਾ’’ਤਿ। ਤਤ੍ਥ ‘‘ਪਰਿਚ੍ਛੇਦ’’ਨ੍ਤਿ ਇਮਿਨਾ ਗਣਸਦ੍ਦਸ੍ਸ ਅਧਿਪ੍ਪਾਯਤ੍ਥਂ ਦਸ੍ਸੇਤਿ। ‘‘ਞਤ੍વਾ’’ਤਿ ਇਮਿਨਾ ਇਧਾਤੁਯਾ ਅਤ੍ਥਂ ਦਸ੍ਸੇਤਿ।
Yoti bhikkhu. ‘‘Evarūpassā’’ti padena tassa niyamanaṃ veditabbaṃ. Kāsassa kheḷamallakaṃ ṭhapetabbaṃ. Bhagandaraatisārānaṃ vaccakapālaṃ ṭhapetabbaṃ . Aññesaṃ aññāni ṭhapetabbāni honti. Tena vuttaṃ ‘‘kheḷa…pe… hontī’’ti. Yasmiṃti yasmiṃ gilāne. Yopi bhesajjaṃ karotīti sambandho. Lesakappenāti ettha lesakappasaddānaṃ atthato ekattā vuttaṃ ‘‘appakena sīsābādhādimattenā’’ti. Bhikkhū gaṇetvāti ettha gaṇaṃ ñatvāti dassento āha ‘‘paricchedaṃ ñatvā’’ti. Tattha ‘‘pariccheda’’nti iminā gaṇasaddassa adhippāyatthaṃ dasseti. ‘‘Ñatvā’’ti iminā idhātuyā atthaṃ dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਆਸਨਪ੍ਪਟਿਬਾਹਨਾਦਿ • Āsanappaṭibāhanādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਆਸਨਪ੍ਪਟਿਬਾਹਨਾਦਿਕਥਾ • Āsanappaṭibāhanādikathā
