| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аасанаббадиб̣ааханабадигкзбам̣
Āsanappaṭibāhanapaṭikkhepaṃ
313. д̇зна ко бана самаязна мануссаа сан̇гхам̣ уд̣̇д̣̇исса ман̣д̣абз бадияаад̣̇знд̇и, сант̇арз бадияаад̣̇знд̇и, огаасз бадияаад̣̇знд̇и. чаб̣б̣аг̇г̇ияаанам̣ бхигкуунам̣ анд̇зваасигаа бхигкуу – ‘сан̇гхиган̃н̃зва бхаг̇авад̇аа яат̇аавуд̣дхам̣ анун̃н̃аад̇ам̣ , но уд̣̇д̣̇иссагад̇а’нд̇и б̣уд̣̇д̇хаббамукасса сан̇гхасса бурад̇о бурад̇о г̇анд̇ваа ман̣д̣абзби бариг̇г̇ан̣ханд̇и, сант̇арзби бариг̇г̇ан̣ханд̇и, огаасзби бариг̇г̇ан̣ханд̇и – ид̣̇ам̣ амхаагам̣ убаж̇жхааяаанам̣ бхависсад̇и, ид̣̇ам̣ амхаагам̣ аажарияаанам̣ бхависсад̇и, ид̣̇ам̣ амхаагам̣ бхависсад̇ийд̇и. ат̇а ко ааяасмаа саарибуд̇д̇о б̣уд̣̇д̇хаббамукасса сан̇гхасса бидтид̇о бидтид̇о г̇анд̇ваа ман̣д̣абзсу бариг̇г̇ахид̇зсу, сант̇арзсу бариг̇г̇ахид̇зсу, огаасзсу бариг̇г̇ахид̇зсу, огаасам̣ алабхамаано ан̃н̃ад̇арасмим̣ ругкамуулз нисийд̣̇и. ат̇а ко бхаг̇аваа рад̇д̇ияаа бажжуусасамаяам̣ бажжудтааяа уггааси. ааяасмааби саарибуд̇д̇о уггааси. ‘‘го зд̇т̇аа’’д̇и? ‘‘ахам̣, бхаг̇аваа, саарибуд̇д̇о’’д̇и. ‘‘гисса д̇вам̣, саарибуд̇д̇а, ид̇ха нисинно’’д̇и? ат̇а ко ааяасмаа саарибуд̇д̇о бхаг̇авад̇о зд̇амад̇т̇ам̣ аарожзси. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, чаб̣б̣аг̇г̇ияаанам̣ бхигкуунам̣ анд̇зваасигаа бхигкуу – ‘сан̇гхиган̃н̃зва бхаг̇авад̇аа яат̇аавуд̣дхам̣ анун̃н̃аад̇ам̣, но уд̣̇д̣̇иссагад̇а’нд̇и б̣уд̣̇д̇хаббамукасса сан̇гхасса бурад̇о бурад̇о г̇анд̇ваа ман̣д̣абз бариг̇г̇ан̣ханд̇и, сант̇арз бариг̇г̇ан̣ханд̇и, огаасз бариг̇г̇ан̣ханд̇и – ид̣̇ам̣ амхаагам̣ убаж̇жхааяаанам̣ бхависсад̇и, ид̣̇ам̣ амхаагам̣ аажарияаанам̣ бхависсад̇и, ид̣̇ам̣ амхаагам̣ бхависсад̇ий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, уд̣̇д̣̇иссагад̇амби яат̇аавуд̣дхам̣ бадиб̣аахзд̇аб̣б̣ам̣. яо бадиб̣аахзяяа, аабад̇д̇и д̣̇уггадассаа’’д̇и.
313. Tena kho pana samayena manussā saṅghaṃ uddissa maṇḍape paṭiyādenti, santhare paṭiyādenti, okāse paṭiyādenti. Chabbaggiyānaṃ bhikkhūnaṃ antevāsikā bhikkhū – ‘saṅghikaññeva bhagavatā yathāvuḍḍhaṃ anuññātaṃ , no uddissakata’nti buddhappamukhassa saṅghassa purato purato gantvā maṇḍapepi pariggaṇhanti, santharepi pariggaṇhanti, okāsepi pariggaṇhanti – idaṃ amhākaṃ upajjhāyānaṃ bhavissati, idaṃ amhākaṃ ācariyānaṃ bhavissati, idaṃ amhākaṃ bhavissatīti. Atha kho āyasmā sāriputto buddhappamukhassa saṅghassa piṭṭhito piṭṭhito gantvā maṇḍapesu pariggahitesu, santharesu pariggahitesu, okāsesu pariggahitesu, okāsaṃ alabhamāno aññatarasmiṃ rukkhamūle nisīdi. Atha kho bhagavā rattiyā paccūsasamayaṃ paccuṭṭhāya ukkāsi. Āyasmāpi sāriputto ukkāsi. ‘‘Ko etthā’’ti? ‘‘Ahaṃ, bhagavā, sāriputto’’ti. ‘‘Kissa tvaṃ, sāriputta, idha nisinno’’ti? Atha kho āyasmā sāriputto bhagavato etamatthaṃ ārocesi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, chabbaggiyānaṃ bhikkhūnaṃ antevāsikā bhikkhū – ‘saṅghikaññeva bhagavatā yathāvuḍḍhaṃ anuññātaṃ, no uddissakata’nti buddhappamukhassa saṅghassa purato purato gantvā maṇḍape pariggaṇhanti, santhare pariggaṇhanti, okāse pariggaṇhanti – idaṃ amhākaṃ upajjhāyānaṃ bhavissati, idaṃ amhākaṃ ācariyānaṃ bhavissati, idaṃ amhākaṃ bhavissatī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, uddissakatampi yathāvuḍḍhaṃ paṭibāhetabbaṃ. Yo paṭibāheyya, āpatti dukkaṭassā’’ti.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аасанаббадиб̣ааханаад̣̇игат̇ааван̣н̣анаа • Āsanappaṭibāhanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
