| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. ආසනසන්‌ථවිකත්‌ථෙරඅපදානං
6. Āsanasanthavikattheraapadānaṃ
26.
26.
‘‘චෙතියං උත්‌තමං නාම, සිඛිනො ලොකබන්‌ධුනො;
‘‘Cetiyaṃ uttamaṃ nāma, sikhino lokabandhuno;
අරඤ්‌ඤෙ ඉරීණෙ වනෙ, අන්‌ධාහිණ්‌ඩාමහං තදා.
Araññe irīṇe vane, andhāhiṇḍāmahaṃ tadā.
27.
27.
‘‘පවනා නික්‌ඛමන්‌තෙන, දිට්‌ඨං සීහාසනං මයා;
‘‘Pavanā nikkhamantena, diṭṭhaṃ sīhāsanaṃ mayā;
28.
28.
‘‘දිවසභාගං ථවිත්‌වාන, බුද්‌ධං ලොකග්‌ගනායකං;
‘‘Divasabhāgaṃ thavitvāna, buddhaṃ lokagganāyakaṃ;
හට්‌ඨො හට්‌ඨෙන චිත්‌තෙන, ඉමං වාචං උදීරයිං.
Haṭṭho haṭṭhena cittena, imaṃ vācaṃ udīrayiṃ.
29.
29.
‘‘‘නමො තෙ පුරිසාජඤ්‌ඤ, නමො තෙ පුරිසුත්‌තම;
‘‘‘Namo te purisājañña, namo te purisuttama;
සබ්‌බඤ්‌ඤූසි මහාවීර, ලොකජෙට්‌ඨ නරාසභ’.
Sabbaññūsi mahāvīra, lokajeṭṭha narāsabha’.
30.
30.
‘‘අභිත්‌ථවිත්‌වා සිඛිනං, නිමිත්‌තකරණෙනහං;
‘‘Abhitthavitvā sikhinaṃ, nimittakaraṇenahaṃ;
ආසනං අභිවාදෙත්‌වා, පක්‌කාමිං උත්‌තරාමුඛො.
Āsanaṃ abhivādetvā, pakkāmiṃ uttarāmukho.
31.
31.
‘‘එකත්‌තිංසෙ ඉතො කප්‌පෙ, යං ථවිං වදතං වරං;
‘‘Ekattiṃse ito kappe, yaṃ thaviṃ vadataṃ varaṃ;
දුග්‌ගතිං නාභිජානාමි, ථොමනාය ඉදං ඵලං.
Duggatiṃ nābhijānāmi, thomanāya idaṃ phalaṃ.
32.
32.
‘‘සත්‌තවීසෙ ඉතො කප්‌පෙ, අතුලා සත්‌ත ආසු තෙ;
‘‘Sattavīse ito kappe, atulā satta āsu te;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
33.
33.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ආසනසන්‌ථවිකො 3 ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā āsanasanthaviko 4 thero imā gāthāyo abhāsitthāti.
ආසනසන්‌ථවිකත්‌ථෙරස්‌සාපදානං ඡට්‌ඨං.
Āsanasanthavikattherassāpadānaṃ chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ආරක්‌ඛදායකත්‌ථෙරඅපදානාදිවණ්‌ණනා • 1-10. Ārakkhadāyakattheraapadānādivaṇṇanā
