| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
5. පඤ්‌චමනයො
5. Pañcamanayo
5. අසඞ්‌ගහිතෙනඅසඞ්‌ගහිතපදනිද්‌දෙසො
5. Asaṅgahitenaasaṅgahitapadaniddeso
193. රූපක්‌ඛන්‌ධෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි අසඞ්‌ගහිතා? තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
193. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena ekenāyatanena sattahi dhātūhi asaṅgahitā.
194. වෙදනාක්‌ඛන්‌ධෙන යෙ ධම්‌මා… සඤ්‌ඤාක්‌ඛන්‌ධෙන යෙ ධම්‌මා… සඞ්‌ඛාරක්‌ඛන්‌ධෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
194. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
195. විඤ්‌ඤාණක්‌ඛන්‌ධෙන යෙ ධම්‌මා… මනායතනෙන යෙ ධම්‌මා… චක්‌ඛුවිඤ්‌ඤාණධාතුයා යෙ ධම්‌මා…පෙ.… මනොධාතුයා යෙ ධම්‌මා… මනොවිඤ්‌ඤාණධාතුයා යෙ ධම්‌මා… මනින්‌ද්‍රියෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතා.
195. Viññāṇakkhandhena ye dhammā… manāyatanena ye dhammā… cakkhuviññāṇadhātuyā ye dhammā…pe… manodhātuyā ye dhammā… manoviññāṇadhātuyā ye dhammā… manindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
196. චක්‌ඛායතනෙන යෙ ධම්‌මා…පෙ.… ඵොට්‌ඨබ්‌බායතනෙන යෙ ධම්‌මා… චක්‌ඛුධාතුයා යෙ ධම්‌මා…පෙ.… ඵොට්‌ඨබ්‌බධාතුයා යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
196. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
197. ධම්‌මායතනෙන යෙ ධම්‌මා… ධම්‌මධාතුයා යෙ ධම්‌මා… ඉත්‌ථින්‌ද්‍රියෙන යෙ ධම්‌මා… පුරිසින්‌ද්‍රියෙන යෙ ධම්‌මා… ජීවිතින්‌ද්‍රියෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
197. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
198. සමුදයසච්‌චෙන යෙ ධම්‌මා… මග්‌ගසච්‌චෙන යෙ ධම්‌මා… නිරොධසච්‌චෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
198. Samudayasaccena ye dhammā… maggasaccena ye dhammā… nirodhasaccena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
199. චක්‌ඛුන්‌ද්‍රියෙන යෙ ධම්‌මා…පෙ.… කායින්‌ද්‍රියෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
199. Cakkhundriyena ye dhammā…pe… kāyindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
200. සුඛින්‌ද්‍රියෙන යෙ ධම්‌මා… දුක්‌ඛින්‌ද්‍රියෙන යෙ ධම්‌මා… සොමනස්‌සින්‌ද්‍රියෙන යෙ ධම්‌මා… දොමනස්‌සින්‌ද්‍රියෙන යෙ ධම්‌මා… උපෙක්‌ඛින්‌ද්‍රියෙන යෙ ධම්‌මා… සද්‌ධින්‌ද්‍රියෙන යෙ ධම්‌මා… වීරියින්‌ද්‍රියෙන යෙ ධම්‌මා… සතින්‌ද්‍රියෙන යෙ ධම්‌මා… සමාධින්‌ද්‍රියෙන යෙ ධම්‌මා… පඤ්‌ඤින්‌ද්‍රියෙන යෙ ධම්‌මා… අනඤ්‌ඤාතඤ්‌ඤස්‌සාමීතින්‌ද්‍රියෙන යෙ ධම්‌මා… අඤ්‌ඤින්‌ද්‍රියෙන යෙ ධම්‌මා… අඤ්‌ඤාතාවින්‌ද්‍රියෙන යෙ ධම්‌මා… අවිජ්‌ජාය යෙ ධම්‌මා… අවිජ්‌ජාපච්‌චයා සඞ්‌ඛාරෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
200. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
201. සඞ්‌ඛාරපච්‌චයා විඤ්‌ඤාණෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතා.
201. Saṅkhārapaccayā viññāṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
202. විඤ්‌ඤාණපච්‌චයා නාමරූපෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
202. Viññāṇapaccayā nāmarūpena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
203. නාමරූපපච්‌චයා සළායතනෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා තීහි ඛන්‌ධෙහි එකෙනායතනෙන එකාය ධාතුයා අසඞ්‌ගහිතා.
203. Nāmarūpapaccayā saḷāyatanena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
204. සළායතනපච්‌චයා ඵස්‌සෙන යෙ ධම්‌මා… ඵස්‌සපච්‌චයා වෙදනාය යෙ ධම්‌මා… වෙදනාපච්‌චයා තණ්‌හාය යෙ ධම්‌මා… තණ්‌හාපච්‌චයා උපාදානෙන යෙ ධම්‌මා… කම්‌මභවෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
204. Saḷāyatanapaccayā phassena ye dhammā… phassapaccayā vedanāya ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
205. අරූපභවෙන යෙ ධම්‌මා… නෙවසඤ්‌ඤානාසඤ්‌ඤාභවෙන යෙ ධම්‌මා … චතුවොකාරභවෙන යෙ ධම්‌මා… ඉද්‌ධිපාදෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
205. Arūpabhavena ye dhammā… nevasaññānāsaññābhavena ye dhammā … catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
206. අසඤ්‌ඤාභවෙන යෙ ධම්‌මා… එකවොකාරභවෙන යෙ ධම්‌මා… ජාතියා යෙ ධම්‌මා… ජරාය යෙ ධම්‌මා… මරණෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා , තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
206. Asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
207. පරිදෙවෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
207. Paridevena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
208. සොකෙන යෙ ධම්‌මා… දුක්‌ඛෙන යෙ ධම්‌මා… දොමනස්‌සෙන යෙ ධම්‌මා… උපායාසෙන යෙ ධම්‌මා… සතිපට්‌ඨානෙන යෙ ධම්‌මා… සම්‌මප්‌පධානෙන යෙ ධම්‌මා… ඣානෙන යෙ ධම්‌මා… අප්‌පමඤ්‌ඤාය යෙ ධම්‌මා… පඤ්‌චහි ඉන්‌ද්‍රියෙහි යෙ ධම්‌මා… පඤ්‌චහි බලෙහි යෙ ධම්‌මා… සත්‌තහි බොජ්‌ඣඞ්‌ගෙහි යෙ ධම්‌මා… අරියෙන අට්‌ඨඞ්‌ගිකෙන මග්‌ගෙන යෙ ධම්‌මා… ඵස්‌සෙන යෙ ධම්‌මා… වෙදනාය යෙ ධම්‌මා… සඤ්‌ඤාය යෙ ධම්‌මා… චෙතනාය යෙ ධම්‌මා… අධිමොක්‌ඛෙන යෙ ධම්‌මා … මනසිකාරෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
208. Sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… vedanāya ye dhammā… saññāya ye dhammā… cetanāya ye dhammā… adhimokkhena ye dhammā … manasikārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
209. චිත්‌තෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතා.
209. Cittena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
1. තිකං
1. Tikaṃ
210. කුසලෙහි ධම්‌මෙහි යෙ ධම්‌මා… අකුසලෙහි ධම්‌මෙහි යෙ ධම්‌මා… සුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… දුක්‌ඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… අදුක්‌ඛමසුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… විපාකෙහි ධම්‌මෙහි යෙ ධම්‌මා… විපාකධම්‌මධම්‌මෙහි යෙ ධම්‌මා… අනුපාදින්‌නඅනුපාදානියෙහි ධම්‌මෙහි යෙ ධම්‌මා… සංකිලිට්‌ඨසංකිලෙසිකෙහි ධම්‌මෙහි යෙ ධම්‌මා… අසංකිලිට්‌ඨඅසංකිලෙසිකෙහි ධම්‌මෙහි යෙ ධම්‌මා… සවිතක්‌කසවිචාරෙහි ධම්‌මෙහි යෙ ධම්‌මා… අවිතක්‌කවිචාරමත්‌තෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා… උපෙක්‌ඛාසහගතෙහි ධම්‌මෙහි යෙ ධම්‌මා… දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… ආචයගාමීහි ධම්‌මෙහි යෙ ධම්‌මා… අපචයගාමීහි ධම්‌මෙහි යෙ ධම්‌මා… සෙක්‌ඛෙහි ධම්‌මෙහි යෙ ධම්‌මා… අසෙක්‌ඛෙහි ධම්‌මෙහි යෙ ධම්‌මා… මහග්‌ගතෙහි ධම්‌මෙහි යෙ ධම්‌මා… අප්‌පමාණෙහි ධම්‌මෙහි යෙ ධම්‌මා… පරිත්‌තාරම්‌මණෙහි ධම්‌මෙහි යෙ ධම්‌මා… මහග්‌ගතාරම්‌මණෙහි ධම්‌මෙහි යෙ ධම්‌මා… අප්‌පමාණාරම්‌මණෙහි ධම්‌මෙහි යෙ ධම්‌මා… හීනෙහි ධම්‌මෙහි යෙ ධම්‌මා… පණීතෙහි ධම්‌මෙහි යෙ ධම්‌මා… මිච්‌ඡත්‌තනියතෙහි ධම්‌මෙහි යෙ ධම්‌මා… සම්‌මත්‌තනියතෙහි ධම්‌මෙහි යෙ ධම්‌මා… මග්‌ගාරම්‌මණෙහි ධම්‌මෙහි යෙ ධම්‌මා… මග්‌ගහෙතුකෙහි ධම්‌මෙහි යෙ ධම්‌මා… මග්‌ගාධිපතීහි ධම්‌මෙහි යෙ ධම්‌මා… අතීතාරම්‌මණෙහි ධම්‌මෙහි යෙ ධම්‌මා… අනාගතාරම්‌මණෙහි ධම්‌මෙහි යෙ ධම්‌මා… පච්‌චුපන්‌නාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තාරම්‌මණෙහි ධම්‌මෙහි යෙ ධම්‌මා… බහිද්‌ධාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තබහිද්‌ධාරම්‌මණෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
210. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccupannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
211. සනිදස්‌සනසප්‌පටිඝෙහි ධම්‌මෙහි යෙ ධම්‌මා… අනිදස්‌සනසප්‌පටිඝෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා .
211. Sanidassanasappaṭighehi dhammehi ye dhammā… anidassanasappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā .
2. දුකං
2. Dukaṃ
212. හෙතූහි ධම්‌මෙහි යෙ ධම්‌මා… හෙතූහි චෙව සහෙතුකෙහි ච ධම්‌මෙහි යෙ ධම්‌මා… හෙතූහි චෙව හෙතුසම්‌පයුත්‌තෙහි ච ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
212. Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
213. සහෙතුකෙහි ධම්‌මෙහි යෙ ධම්‌මා… හෙතුසම්‌පයුත්‌තෙහි ධම්‌මෙහි යෙ ධම්‌මා… සහෙතුකෙහි චෙව න ච හෙතූහි ධම්‌මෙහි යෙ ධම්‌මා… හෙතුසම්‌පයුත්‌තෙහි චෙව න ච හෙතූහි ධම්‌මෙහි යෙ ධම්‌මා… න හෙතුසහෙතුකෙහි 1 ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
213. Sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi 2 dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
214. අප්‌පච්‌චයෙහි ධම්‌මෙහි යෙ ධම්‌මා… අසඞ්‌ඛතෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
214. Appaccayehi dhammehi ye dhammā… asaṅkhatehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
215. සනිදස්‌සනෙහි ධම්‌මෙහි යෙ ධම්‌මා… සප්‌පටිඝෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි ද්‌වීහායතනෙහි අට්‌ඨහි ධාතූහි අසඞ්‌ගහිතා.
215. Sanidassanehi dhammehi ye dhammā… sappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
216. රූපීහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
216. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
217. අරූපීහි ධම්‌මෙහි යෙ ධම්‌මා… ලොකුත්‌තරෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
217. Arūpīhi dhammehi ye dhammā… lokuttarehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
218. ආසවෙහි ධම්‌මෙහි යෙ ධම්‌මා… ආසවෙහි චෙව සාසවෙහි ච ධම්‌මෙහි යෙ ධම්‌මා… ආසවෙහි චෙව ආසවසම්‌පයුත්‌තෙහි ච ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
218. Āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
219. අනාසවෙහි ධම්‌මෙහි යෙ ධම්‌මා… ආසවසම්‌පයුත්‌තෙහි ධම්‌මෙහි යෙ ධම්‌මා… ආසවසම්‌පයුත්‌තෙහි චෙව නො ච ආසවෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි අනාසවෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
219. Anāsavehi dhammehi ye dhammā… āsavasampayuttehi dhammehi ye dhammā… āsavasampayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
220. සංයොජනෙහි ධම්‌මෙහි යෙ ධම්‌මා… ගන්‌ථෙහි ධම්‌මෙහි යෙ ධම්‌මා… ඔඝෙහි ධම්‌මෙහි යෙ ධම්‌මා… යොගෙහි ධම්‌මෙහි යෙ ධම්‌මා… නීවරණෙහි ධම්‌මෙහි යෙ ධම්‌මා… පරාමාසෙහි ධම්‌මෙහි යෙ ධම්‌මා… පරාමාසෙහි චෙව පරාමට්‌ඨෙහි ච ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
220. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsehi ceva parāmaṭṭhehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
221. අපරාමට්‌ඨෙහි ධම්‌මෙහි යෙ ධම්‌මා… පරාමාසසම්‌පයුත්‌තෙහි ධම්‌මෙහි යෙ ධම්‌මා… පරාමාසවිප්‌පයුත්‌තෙහි අපරාමට්‌ඨෙහි ධම්‌මෙහි යෙ ධම්‌මා… සාරම්‌මණෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා , තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
221. Aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
222. අනාරම්‌මණෙහි ධම්‌මෙහි යෙ ධම්‌මා… නො චිත්‌තෙහි ධම්‌මෙහි යෙ ධම්‌මා… චිත්‌තවිප්‌පයුත්‌තෙහි ධම්‌මෙහි යෙ ධම්‌මා… චිත්‌තවිසංසට්‌ඨෙහි ධම්‌මෙහි යෙ ධම්‌මා… චිත්‌තසමුට්‌ඨානෙහි ධම්‌මෙහි යෙ ධම්‌මා… චිත්‌තසහභූහි ධම්‌මෙහි යෙ ධම්‌මා… චිත්‌තානුපරිවත්‌තීහි ධම්‌මෙහි යෙ ධම්‌මා… බාහිරෙහි ධම්‌මෙහි යෙ ධම්‌මා… උපාදාධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා එකෙන ඛන්‌ධෙන එකෙනායතනෙන සත්‌තහි ධාතූහි අසඞ්‌ගහිතා.
222. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā… cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
223. චිත්‌තෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා චතූහි ඛන්‌ධෙහි එකාදසහායතනෙහි එකාදසහි ධාතූහි අසඞ්‌ගහිතා.
223. Cittehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
224. චෙතසිකෙහි ධම්‌මෙහි යෙ ධම්‌මා… චිත්‌තසම්‌පයුත්‌තෙහි ධම්‌මෙහි යෙ ධම්‌මා… චිත්‌තසංසට්‌ඨෙහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානෙහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානසහභූහි ධම්‌මෙහි යෙ ධම්‌මා… චිත්‌තසංසට්‌ඨසමුට්‌ඨානානුපරිවත්‌තීහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
224. Cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
225. අජ්‌ඣත්‌තිකෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා තෙහි ධම්‌මෙහි යෙ ධම්‌මා…පෙ.… තෙ ධම්‌මා තීහි ඛන්‌ධෙහි එකෙනායතනෙන එකාය ධාතුයා අසඞ්‌ගහිතා.
225. Ajjhattikehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
226. උපාදානෙහි ධම්‌මෙහි යෙ ධම්‌මා… කිලෙසෙහි ධම්‌මෙහි යෙ ධම්‌මා… කිලෙසෙහි චෙව සංකිලෙසිකෙහි ච ධම්‌මෙහි යෙ ධම්‌මා… කිලෙසෙහි චෙව සංකිලිට්‌ඨෙහි ච ධම්‌මෙහි යෙ ධම්‌මා… කිලෙසෙහි චෙව කිලෙසසම්‌පයුත්‌තෙහි ච ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා…පෙ.… තෙ ධම්‌මා ද්‌වීහි ඛන්‌ධෙහි එකාදසහායතනෙහි සත්‌තරසහි ධාතූහි අසඞ්‌ගහිතා.
226. Upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
227. අසංකිලෙසිකෙහි ධම්‌මෙහි යෙ ධම්‌මා… සංකිලිට්‌ඨෙහි ධම්‌මෙහි යෙ ධම්‌මා… කිලෙසසම්‌පයුත්‌තෙහි ධම්‌මෙහි යෙ ධම්‌මා… සංකිලිට්‌ඨෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසසම්‌පයුත්‌තෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසවිප්‌පයුත්‌තෙහි අසංකිලෙසිකෙහි ධම්‌මෙහි යෙ ධම්‌මා… දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… සවිතක්‌කෙහි ධම්‌මෙහි යෙ ධම්‌මා… සවිචාරෙහි ධම්‌මෙහි යෙ ධම්‌මා… සප්‌පීතිකෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා… උපෙක්‌ඛාසහගතෙහි ධම්‌මෙහි යෙ ධම්‌මා… න කාමාවචරෙහි ධම්‌මෙහි යෙ ධම්‌මා… රූපාවචරෙහි ධම්‌මෙහි යෙ ධම්‌මා… අරූපාවචරෙහි ධම්‌මෙහි යෙ ධම්‌මා… අපරියාපන්‌නෙහි ධම්‌මෙහි යෙ ධම්‌මා… නිය්‍යානිකෙහි ධම්‌මෙහි යෙ ධම්‌මා… නියතෙහි ධම්‌මෙහි යෙ ධම්‌මා… අනුත්‌තරෙහි ධම්‌මෙහි යෙ ධම්‌මා… සරණෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි අසඞ්‌ගහිතා? තෙ ධම්‌මා එකෙන ඛන්‌ධෙන දසහායතනෙහි දසහි ධාතූහි අසඞ්‌ගහිතා.
227. Asaṃkilesikehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā… niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena dasahāyatanehi dasahi dhātūhi asaṅgahitā.
රූපඤ්‌ච ධම්‌මායතනං ධම්‌මධාතු, ඉත්‌ථිපුමං ජීවිතං නාමරූපං;
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
ද්‌වෙ භවා ජාති ජරා මච්‌චුරූපං, අනාරම්‌මණං නො චිත්‌තං චිත්‌තෙන විප්‌පයුත්‌තං.
Dve bhavā jāti jarā maccurūpaṃ, anārammaṇaṃ no cittaṃ cittena vippayuttaṃ.
විසංසට්‌ඨං සමුට්‌ඨාන-සහභු අනුපරිවත්‌ති;
Visaṃsaṭṭhaṃ samuṭṭhāna-sahabhu anuparivatti;
අසඞ්‌ගහිතෙනඅසඞ්‌ගහිතපදනිද්‌දෙසො පඤ්‌චමො.
Asaṅgahitenaasaṅgahitapadaniddeso pañcamo.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 5. පඤ්‌චමනයො අසඞ්‌ගහිතෙනඅසඞ්‌ගහිතපදවණ්‌ණනා • 5. Pañcamanayo asaṅgahitenaasaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 5. පඤ්‌චමනයො අසඞ්‌ගහිතෙනඅසඞ්‌ගහිතපදවණ්‌ණනා • 5. Pañcamanayo asaṅgahitenaasaṅgahitapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. පඤ්‌චමනයො අසඞ්‌ගහිතෙනඅසඞ්‌ගහිතපදවණ්‌ණනා • 5. Pañcamanayo asaṅgahitenaasaṅgahitapadavaṇṇanā
