| Library / Tipiṭaka / ཏིཔིཊཀ • Tipiṭaka / དྷཱཏུཀཐཱཔཱལི༹ • Dhātukathāpāḷi |
༥. པཉྩམནཡོ
5. Pañcamanayo
༥. ཨསངྒཧིཏེནཨསངྒཧིཏཔདནིདྡེསོ
5. Asaṅgahitenaasaṅgahitapadaniddeso
༡༩༣. རཱུཔཀྑནྡྷེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཨསངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
193. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena ekenāyatanena sattahi dhātūhi asaṅgahitā.
༡༩༤. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
194. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༡༩༥. ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ… ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ॰… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ… མནིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།
195. Viññāṇakkhandhena ye dhammā… manāyatanena ye dhammā… cakkhuviññāṇadhātuyā ye dhammā…pe… manodhātuyā ye dhammā… manoviññāṇadhātuyā ye dhammā… manindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
༡༩༦. ཙཀྑཱཡཏནེན ཡེ དྷམྨཱ…པེ॰… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ…པེ॰… ཕོཊྛབྦདྷཱཏུཡཱ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།
196. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
༡༩༧. དྷམྨཱཡཏནེན ཡེ དྷམྨཱ… དྷམྨདྷཱཏུཡཱ ཡེ དྷམྨཱ… ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… ཛཱིཝིཏིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
197. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
༡༩༨. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ… ནིརོདྷསཙྩེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
198. Samudayasaccena ye dhammā… maggasaccena ye dhammā… nirodhasaccena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༡༩༩. ཙཀྑུནྡྲིཡེན ཡེ དྷམྨཱ…པེ॰… ཀཱཡིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།
199. Cakkhundriyena ye dhammā…pe… kāyindriyena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
༢༠༠. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ… ཨུཔེཀྑིནྡྲིཡེན ཡེ དྷམྨཱ… སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
200. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༠༡. སངྑཱརཔཙྩཡཱ ཝིཉྙཱཎེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།
201. Saṅkhārapaccayā viññāṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
༢༠༢. ཝིཉྙཱཎཔཙྩཡཱ ནཱམརཱུཔེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
202. Viññāṇapaccayā nāmarūpena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
༢༠༣. ནཱམརཱུཔཔཙྩཡཱ སལཱ༹ཡཏནེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།
203. Nāmarūpapaccayā saḷāyatanena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
༢༠༤. སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
204. Saḷāyatanapaccayā phassena ye dhammā… phassapaccayā vedanāya ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༠༥. ཨརཱུཔབྷཝེན ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ … ཙཏུཝོཀཱརབྷཝེན ཡེ དྷམྨཱ… ཨིདྡྷིཔཱདེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
205. Arūpabhavena ye dhammā… nevasaññānāsaññābhavena ye dhammā … catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༠༦. ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… ཛཱཏིཡཱ ཡེ དྷམྨཱ… ཛརཱཡ ཡེ དྷམྨཱ… མརཎེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ , ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
206. Asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
༢༠༧. པརིདེཝེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།
207. Paridevena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
༢༠༨. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཛྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ … མནསིཀཱརེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
208. Sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… vedanāya ye dhammā… saññāya ye dhammā… cetanāya ye dhammā… adhimokkhena ye dhammā … manasikārena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༠༩. ཙིཏྟེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།
209. Cittena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
༡. ཏིཀཾ
1. Tikaṃ
༢༡༠. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ… སུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཝིཔཱཀེཧི དྷམྨེཧི ཡེ དྷམྨཱ… ཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣཨནུཔཱདཱནིཡེཧི དྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི དྷམྨེཧི ཡེ དྷམྨཱ… སཝིཏཀྐསཝིཙཱརེཧི དྷམྨེཧི ཡེ དྷམྨཱ… ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… ཨཱཙཡགཱམཱིཧི དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ… ཨཔྤམཱཎེཧི དྷམྨེཧི ཡེ དྷམྨཱ… པརིཏྟཱརམྨཎེཧི དྷམྨེཧི ཡེ དྷམྨཱ… མཧགྒཏཱརམྨཎེཧི དྷམྨེཧི ཡེ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ… ཨཏཱིཏཱརམྨཎེཧི དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ… པཙྩུཔནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
210. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccupannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༡༡. སནིདསྶནསཔྤཊིགྷེཧི དྷམྨེཧི ཡེ དྷམྨཱ… ཨནིདསྶནསཔྤཊིགྷེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ །
211. Sanidassanasappaṭighehi dhammehi ye dhammā… anidassanasappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā .
༢. དུཀཾ
2. Dukaṃ
༢༡༢. ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
212. Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༡༣. སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི 1 དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
213. Sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi 2 dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༡༤. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
214. Appaccayehi dhammehi ye dhammā… asaṅkhatehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༡༥. སནིདསྶནེཧི དྷམྨེཧི ཡེ དྷམྨཱ… སཔྤཊིགྷེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ།
215. Sanidassanehi dhammehi ye dhammā… sappaṭighehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
༢༡༦. རཱུཔཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
216. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
༢༡༧. ཨརཱུཔཱིཧི དྷམྨེཧི ཡེ དྷམྨཱ… ལོཀུཏྟརེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
217. Arūpīhi dhammehi ye dhammā… lokuttarehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༡༨. ཨཱསཝེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
218. Āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༡༩. ཨནཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
219. Anāsavehi dhammehi ye dhammā… āsavasampayuttehi dhammehi ye dhammā… āsavasampayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༢༠. སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
220. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsehi ceva parāmaṭṭhehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༢༡. ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ… སཱརམྨཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ , ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
221. Aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , tehi dhammehi ye dhammā…pe… te dhammā ekena khandhena dasahāyatanehi dasahi dhātūhi asaṅgahitā.
༢༢༢. ཨནཱརམྨཎེཧི དྷམྨེཧི ཡེ དྷམྨཱ… ནོ ཙིཏྟེཧི དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ… ཙིཏྟཝིསཾསཊྛེཧི དྷམྨེཧི ཡེ དྷམྨཱ… ཙིཏྟསམུཊྛཱནེཧི དྷམྨེཧི ཡེ དྷམྨཱ… ཙིཏྟསཧབྷཱུཧི དྷམྨེཧི ཡེ དྷམྨཱ… ཙིཏྟཱནུཔརིཝཏྟཱིཧི དྷམྨེཧི ཡེ དྷམྨཱ… བཱཧིརེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ།
222. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā… cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā ekena khandhena ekenāyatanena sattahi dhātūhi asaṅgahitā.
༢༢༣. ཙིཏྟེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ།
223. Cittehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā catūhi khandhehi ekādasahāyatanehi ekādasahi dhātūhi asaṅgahitā.
༢༢༤. ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
224. Cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༢༥. ཨཛ྄ཛྷཏྟིཀེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ།
225. Ajjhattikehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā tehi dhammehi ye dhammā…pe… te dhammā tīhi khandhehi ekenāyatanena ekāya dhātuyā asaṅgahitā.
༢༢༦. ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ॰… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ།
226. Upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā…pe… te dhammā dvīhi khandhehi ekādasahāyatanehi sattarasahi dhātūhi asaṅgahitā.
༢༢༧. ཨསཾཀིལེསིཀེཧི དྷམྨེཧི ཡེ དྷམྨཱ… སཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ… སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… ན ཀཱམཱཝཙརེཧི དྷམྨེཧི ཡེ དྷམྨཱ… རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ… ནིཡཏེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ… སརཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཨསངྒཧིཏཱ? ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ།
227. Asaṃkilesikehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā… niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, tehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā ekena khandhena dasahāyatanehi dasahi dhātūhi asaṅgahitā.
རཱུཔཉྩ དྷམྨཱཡཏནཾ དྷམྨདྷཱཏུ, ཨིཏྠིཔུམཾ ཛཱིཝིཏཾ ནཱམརཱུཔཾ།
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
དྭེ བྷཝཱ ཛཱཏི ཛརཱ མཙྩུརཱུཔཾ, ཨནཱརམྨཎཾ ནོ ཙིཏྟཾ ཙིཏྟེན ཝིཔྤཡུཏྟཾ༎
Dve bhavā jāti jarā maccurūpaṃ, anārammaṇaṃ no cittaṃ cittena vippayuttaṃ.
ཝིསཾསཊྛཾ སམུཊྛཱན-སཧབྷུ ཨནུཔརིཝཏྟི།
Visaṃsaṭṭhaṃ samuṭṭhāna-sahabhu anuparivatti;
ཨསངྒཧིཏེནཨསངྒཧིཏཔདནིདྡེསོ པཉྩམོ།
Asaṅgahitenaasaṅgahitapadaniddeso pañcamo.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. པཉྩམནཡོ ཨསངྒཧིཏེནཨསངྒཧིཏཔདཝཎྞནཱ • 5. Pañcamanayo asaṅgahitenaasaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༥. པཉྩམནཡོ ཨསངྒཧིཏེནཨསངྒཧིཏཔདཝཎྞནཱ • 5. Pañcamanayo asaṅgahitenaasaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༥. པཉྩམནཡོ ཨསངྒཧིཏེནཨསངྒཧིཏཔདཝཎྞནཱ • 5. Pañcamanayo asaṅgahitenaasaṅgahitapadavaṇṇanā
