| Library / Tipiṭaka / திபிடக • Tipiṭaka / தா⁴துகதா²பாளி • Dhātukathāpāḷi |
13. தேரஸமனயோ
13. Terasamanayo
13. அஸங்க³ஹிதேனஸம்பயுத்தவிப்பயுத்தபத³னித்³தே³ஸோ
13. Asaṅgahitenasampayuttavippayuttapadaniddeso
448. ரூபக்க²ந்தே⁴ன யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தா? தே த⁴ம்மா தீஹி க²ந்தே⁴ஹி ஸம்பயுத்தா; ஏகேனாயதனேன ஏகாய தா⁴துயா கேஹிசி ஸம்பயுத்தா. கதிஹி விப்பயுத்தா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
448. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
449. த⁴ம்மாயதனேன யே த⁴ம்மா… த⁴ம்மதா⁴துயா யே த⁴ம்மா… இத்தி²ந்த்³ரியேன யே த⁴ம்மா… புரிஸிந்த்³ரியேன யே த⁴ம்மா… ஜீவிதிந்த்³ரியேன யே த⁴ம்மா… விஞ்ஞாணபச்சயா நாமரூபேன யே த⁴ம்மா… அஸஞ்ஞாப⁴வேன யே த⁴ம்மா… ஏகவோகாரப⁴வேன யே த⁴ம்மா… ஜாதியா யே த⁴ம்மா… ஜராய யே த⁴ம்மா… மரணேன யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா…பே॰… தே த⁴ம்மா தீஹி க²ந்தே⁴ஹி ஸம்பயுத்தா; ஏகேனாயதனேன ஏகாய தா⁴துயா கேஹிசி ஸம்பயுத்தா. கதிஹி விப்பயுத்தா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
449. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā… viññāṇapaccayā nāmarūpena ye dhammā… asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā…pe… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
450. அரூபப⁴வேன யே த⁴ம்மா… நேவஸஞ்ஞானாஸஞ்ஞாப⁴வேன யே த⁴ம்மா… சதுவோகாரப⁴வேன யே த⁴ம்மா… இத்³தி⁴பாதே³ன யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா , தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தாதி ? நத்தி²? கதிஹி விப்பயுத்தா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
450. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , te dhammā katihi khandhehi katihāyatanehi katihi dhātūhi sampayuttāti ? Natthi? Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
451. குஸலேஹி த⁴ம்மேஹி யே த⁴ம்மா… அகுஸலேஹி த⁴ம்மேஹி யே த⁴ம்மா… ஸுகா²ய வேத³னாய ஸம்பயுத்தேஹி த⁴ம்மேஹி யே த⁴ம்மா… து³க்கா²ய வேத³னாய ஸம்பயுத்தேஹி த⁴ம்மேஹி யே த⁴ம்மா… அது³க்க²மஸுகா²ய வேத³னாய ஸம்பயுத்தேஹி த⁴ம்மேஹி யே த⁴ம்மா… விபாகேஹி த⁴ம்மேஹி யே த⁴ம்மா… விபாகத⁴ம்மத⁴ம்மேஹி யே த⁴ம்மா… அனுபாதி³ன்னஅனுபாதா³னியேஹி த⁴ம்மேஹி யே த⁴ம்மா… ஸங்கிலிட்ட²ஸங்கிலேஸிகேஹி த⁴ம்மேஹி யே த⁴ம்மா… அஸங்கிலிட்ட²அஸங்கிலேஸிகேஹி த⁴ம்மேஹி யே த⁴ம்மா… ஸவிதக்கஸவிசாரேஹி த⁴ம்மேஹி யே த⁴ம்மா… அவிதக்கவிசாரமத்தேஹி த⁴ம்மேஹி யே த⁴ம்மா… பீதிஸஹக³தேஹி த⁴ம்மேஹி யே த⁴ம்மா… ஸுக²ஸஹக³தேஹி த⁴ம்மேஹி யே த⁴ம்மா… உபெக்கா²ஸஹக³தேஹி த⁴ம்மேஹி யே த⁴ம்மா… த³ஸ்ஸனேன பஹாதப்³பே³ஹி த⁴ம்மேஹி யே த⁴ம்மா… பா⁴வனாய பஹாதப்³பே³ஹி த⁴ம்மேஹி யே த⁴ம்மா… த³ஸ்ஸனேன பஹாதப்³ப³ஹேதுகேஹி த⁴ம்மேஹி யே த⁴ம்மா… பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா… ஆசயகா³மீஹி த⁴ம்மேஹி யே த⁴ம்மா… அபசயகா³மீஹி த⁴ம்மேஹி யே த⁴ம்மா… ஸெக்கே²ஹி த⁴ம்மேஹி யே த⁴ம்மா… அஸெக்கே²ஹி த⁴ம்மேஹி யே த⁴ம்மா… மஹக்³க³தேஹி த⁴ம்மேஹி யே த⁴ம்மா… அப்பமாணேஹி த⁴ம்மேஹி யே த⁴ம்மா… பரித்தாரம்மணேஹி த⁴ம்மேஹி யே த⁴ம்மா… மஹக்³க³தாரம்மணேஹி த⁴ம்மேஹி யே த⁴ம்மா… அப்பமாணாரம்மணேஹி த⁴ம்மேஹி யே த⁴ம்மா… ஹீனேஹி த⁴ம்மேஹி யே த⁴ம்மா… பணீதேஹி த⁴ம்மேஹி யே த⁴ம்மா… மிச்ச²த்தனியதேஹி த⁴ம்மேஹி யே த⁴ம்மா… ஸம்மத்தனியதேஹி த⁴ம்மேஹி யே த⁴ம்மா… மக்³கா³ரம்மணேஹி த⁴ம்மேஹி யே த⁴ம்மா… மக்³க³ஹேதுகேஹி த⁴ம்மேஹி யே த⁴ம்மா… மக்³கா³தி⁴பதீஹி த⁴ம்மேஹி யே த⁴ம்மா… அதீதாரம்மணேஹி த⁴ம்மேஹி யே த⁴ம்மா… அனாக³தாரம்மணேஹி த⁴ம்மேஹி யே த⁴ம்மா… பச்சுப்பன்னாரம்மணேஹி த⁴ம்மேஹி யே த⁴ம்மா… அஜ்ஜ²த்தாரம்மணேஹி த⁴ம்மேஹி யே த⁴ம்மா… ப³ஹித்³தா⁴ரம்மணேஹி த⁴ம்மேஹி யே த⁴ம்மா… அஜ்ஜ²த்தப³ஹித்³தா⁴ரம்மணேஹி த⁴ம்மேஹி யே த⁴ம்மா… ஸஹேதுகேஹி த⁴ம்மேஹி யே த⁴ம்மா… ஹேதுஸம்பயுத்தேஹி த⁴ம்மேஹி யே த⁴ம்மா… ஸஹேதுகேஹி சேவ ந ச ஹேதூஹி த⁴ம்மேஹி யே த⁴ம்மா… ஹேதுஸம்பயுத்தேஹி சேவ ந ச ஹேதூஹி த⁴ம்மேஹி யே த⁴ம்மா… ந ஹேதுஸஹேதுகேஹி த⁴ம்மேஹி யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தாதி? நத்தி². கதிஹி விப்பயுத்தா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
451. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccuppannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
452. ரூபீஹி த⁴ம்மேஹி யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா… தே த⁴ம்மா தீஹி க²ந்தே⁴ஹி ஸம்பயுத்தா; ஏகேனாயதனேன ஏகாய தா⁴துயா கேஹிசி ஸம்பயுத்தா. கதிஹி விப்பயுத்தா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி விப்பயுத்தா ; ஏகேனாயதனேன ஏகாய தா⁴துயா கேஹிசி விப்பயுத்தா.
452. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā ; ekenāyatanena ekāya dhātuyā kehici vippayuttā.
453. அரூபீஹி த⁴ம்மேஹி யே த⁴ம்மா… லோகுத்தரேஹி த⁴ம்மேஹி யே த⁴ம்மா… அனாஸவேஹி த⁴ம்மேஹி யே த⁴ம்மா… ஆஸவஸம்பயுத்தேஹி த⁴ம்மேஹி யே த⁴ம்மா… ஆஸவவிப்பயுத்தேஹி சேவ நோ ச ஆஸவேஹி த⁴ம்மேஹி யே த⁴ம்மா… ஆஸவவிப்பயுத்தேஹி அனாஸவேஹி த⁴ம்மேஹி யே த⁴ம்மா… அஸங்யோஜனியேஹி த⁴ம்மேஹி யே த⁴ம்மா… அக³ந்த²னியேஹி த⁴ம்மேஹி யே த⁴ம்மா… அனோக⁴னியேஹி த⁴ம்மேஹி யே த⁴ம்மா… அயோக³னியேஹி த⁴ம்மேஹி யே த⁴ம்மா… அனீவரணியேஹி த⁴ம்மேஹி யே த⁴ம்மா… அபராமட்டே²ஹி த⁴ம்மேஹி யே த⁴ம்மா… பராமாஸஸம்பயுத்தேஹி த⁴ம்மேஹி யே த⁴ம்மா… பராமாஸவிப்பயுத்தேஹி அபராமட்டே²ஹி த⁴ம்மேஹி யே த⁴ம்மா… ஸாரம்மணேஹி த⁴ம்மேஹி யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தாதி? நத்தி². கதிஹி விப்பயுத்தா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
453. Arūpīhi dhammehi ye dhammā… lokuttarehi dhammehi ye dhammā… anāsavehi dhammehi ye dhammā… āsavasampayuttehi dhammehi ye dhammā… āsavavippayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā… asaṃyojaniyehi dhammehi ye dhammā… aganthaniyehi dhammehi ye dhammā… anoghaniyehi dhammehi ye dhammā… ayoganiyehi dhammehi ye dhammā… anīvaraṇiyehi dhammehi ye dhammā… aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
454. அனாரம்மணேஹி த⁴ம்மேஹி யே த⁴ம்மா… நோ சித்தேஹி த⁴ம்மேஹி யே த⁴ம்மா… சித்தவிப்பயுத்தேஹி த⁴ம்மேஹி யே த⁴ம்மா … சித்தவிஸங்ஸட்டே²ஹி த⁴ம்மேஹி யே த⁴ம்மா… சித்தஸமுட்டா²னேஹி த⁴ம்மேஹி யே த⁴ம்மா… சித்தஸஹபூ⁴ஹி த⁴ம்மேஹி யே த⁴ம்மா… சித்தானுபரிவத்தீஹி த⁴ம்மேஹி யே த⁴ம்மா… பா³ஹிரேஹி த⁴ம்மேஹி யே த⁴ம்மா… உபாதா³த⁴ம்மேஹி யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்கே³ன அஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தா? தே த⁴ம்மா தீஹி க²ந்தே⁴ஹி ஸம்பயுத்தா; ஏகேனாயதனேன ஏகாய தா⁴துயா கேஹிசி ஸம்பயுத்தா. கதிஹி விப்பயுத்தா? ஏகேன க²ந்தே⁴ன த³ஸஹாயதனேஹி த³ஸஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
454. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā … cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
455. அனுபாதா³னியேஹி த⁴ம்மேஹி யே த⁴ம்மா… உபாதா³னஸம்பயுத்தேஹி த⁴ம்மேஹி யே த⁴ம்மா… உபாதா³னஸம்பயுத்தேஹி சேவ நோ ச உபாதா³னேஹி த⁴ம்மேஹி யே த⁴ம்மா… உபாதா³னவிப்பயுத்தேஹி அனுபாதா³னியேஹி த⁴ம்மேஹி யே த⁴ம்மா… அஸங்கிலேஸிகேஹி த⁴ம்மேஹி யே த⁴ம்மா… அஸங்கிலிட்டே²ஹி த⁴ம்மேஹி யே த⁴ம்மா… கிலேஸஸம்பயுத்தேஹி த⁴ம்மேஹி யே த⁴ம்மா… ஸங்கிலிட்டே²ஹி சேவ நோ ச கிலேஸேஹி த⁴ம்மேஹி யே த⁴ம்மா… கிலேஸஸம்பயுத்தேஹி சேவ நோ ச கிலேஸேஹி த⁴ம்மேஹி யே த⁴ம்மா… கிலேஸவிப்பயுத்தேஹி அஸங்கிலேஸிகேஹி த⁴ம்மேஹி யே த⁴ம்மா… த³ஸ்ஸனேன பஹாதப்³பே³ஹி த⁴ம்மேஹி யே த⁴ம்மா… பா⁴வனாய பஹாதப்³பே³ஹி த⁴ம்மேஹி யே த⁴ம்மா… த³ஸ்ஸனேன பஹாதப்³ப³ஹேதுகேஹி த⁴ம்மேஹி யே த⁴ம்மா… பா⁴வனாய பஹாதப்³ப³ஹேதுகேஹி த⁴ம்மேஹி யே த⁴ம்மா… ஸவிதக்கேஹி த⁴ம்மேஹி யே த⁴ம்மா… ஸவிசாரேஹி த⁴ம்மேஹி யே த⁴ம்மா… ஸப்பீதிகேஹி த⁴ம்மேஹி யே த⁴ம்மா… பீதிஸஹக³தேஹி த⁴ம்மேஹி யே த⁴ம்மா… ஸுக²ஸஹக³தேஹி த⁴ம்மேஹி யே த⁴ம்மா… உபெக்கா²ஸஹக³தேஹி த⁴ம்மேஹி யே த⁴ம்மா… ந காமாவசரேஹி த⁴ம்மேஹி யே த⁴ம்மா… ரூபாவசரேஹி த⁴ம்மேஹி யே த⁴ம்மா… அரூபாவசரேஹி த⁴ம்மேஹி யே த⁴ம்மா… அபரியாபன்னேஹி த⁴ம்மேஹி யே த⁴ம்மா… நிய்யானிகேஹி த⁴ம்மேஹி யே த⁴ம்மா … நியதேஹி த⁴ம்மேஹி யே த⁴ம்மா… அனுத்தரேஹி த⁴ம்மேஹி யே த⁴ம்மா… ஸரணேஹி த⁴ம்மேஹி யே த⁴ம்மா க²ந்த⁴ஸங்க³ஹேன அஸங்க³ஹிதா ஆயதனஸங்க³ஹேன அஸங்க³ஹிதா தா⁴துஸங்க³ஹேன அஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸம்பயுத்தாதி? நத்தி². கதிஹி விப்பயுத்தா? சதூஹி க²ந்தே⁴ஹி ஏகேனாயதனேன ஸத்தஹி தா⁴தூஹி விப்பயுத்தா; ஏகேனாயதனேன ஏகாய தா⁴துயா கேஹிசி விப்பயுத்தா.
455. Anupādāniyehi dhammehi ye dhammā… upādānasampayuttehi dhammehi ye dhammā… upādānasampayuttehi ceva no ca upādānehi dhammehi ye dhammā… upādānavippayuttehi anupādāniyehi dhammehi ye dhammā… asaṃkilesikehi dhammehi ye dhammā… asaṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā … niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
ரூபஞ்ச த⁴ம்மாயதனங் த⁴ம்மதா⁴து, இத்தி²புமங் ஜீவிதங் நாமரூபங்;
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
த்³வே ப⁴வா ஜாதிஜரா மச்சுரூபங், அனாரம்மணங் நோ சித்தங் சித்தேன விப்பயுத்தங்.
Dve bhavā jātijarā maccurūpaṃ, anārammaṇaṃ no cittaṃ cittena vippayuttaṃ.
விஸங்ஸட்ட²ங் ஸமுட்டா²னஸஹபு⁴, அனுபரிவத்தி பா³ஹிரங் உபாதா³;
Visaṃsaṭṭhaṃ samuṭṭhānasahabhu, anuparivatti bāhiraṃ upādā;
த்³வே விஸயோ ஏஸனயோ ஸுபு³த்³தோ⁴தி.
Dve visayo esanayo subuddhoti.
அஸங்க³ஹிதேனஸம்பயுத்தவிப்பயுத்தபத³னித்³தே³ஸோ தேரஸமோ.
Asaṅgahitenasampayuttavippayuttapadaniddeso terasamo.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
