| Library / Tipiṭaka / তিপিটক • Tipiṭaka / ধাতুকথাপাল়ি • Dhātukathāpāḷi |
১৩. তেরসমনযো
13. Terasamanayo
১৩. অসঙ্গহিতেনসম্পযুত্তৰিপ্পযুত্তপদনিদ্দেসো
13. Asaṅgahitenasampayuttavippayuttapadaniddeso
৪৪৮. রূপক্খন্ধেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা। কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
448. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
৪৪৯. ধম্মাযতনেন যে ধম্মা… ধম্মধাতুযা যে ধম্মা… ইত্থিন্দ্রিযেন যে ধম্মা… পুরিসিন্দ্রিযেন যে ধম্মা… জীৰিতিন্দ্রিযেন যে ধম্মা… ৰিঞ্ঞাণপচ্চযা নামরূপেন যে ধম্মা… অসঞ্ঞাভৰেন যে ধম্মা… একৰোকারভৰেন যে ধম্মা… জাতিযা যে ধম্মা… জরায যে ধম্মা… মরণেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা…পে॰… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা। কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
449. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā… viññāṇapaccayā nāmarūpena ye dhammā… asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā…pe… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
৪৫০. অরূপভৰেন যে ধম্মা… নেৰসঞ্ঞানাসঞ্ঞাভৰেন যে ধম্মা… চতুৰোকারভৰেন যে ধম্মা… ইদ্ধিপাদেন যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা , তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি ? নত্থি? কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
450. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , te dhammā katihi khandhehi katihāyatanehi katihi dhātūhi sampayuttāti ? Natthi? Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
৪৫১. কুসলেহি ধম্মেহি যে ধম্মা… অকুসলেহি ধম্মেহি যে ধম্মা… সুখায ৰেদনায সম্পযুত্তেহি ধম্মেহি যে ধম্মা… দুক্খায ৰেদনায সম্পযুত্তেহি ধম্মেহি যে ধম্মা… অদুক্খমসুখায ৰেদনায সম্পযুত্তেহি ধম্মেহি যে ধম্মা… ৰিপাকেহি ধম্মেহি যে ধম্মা… ৰিপাকধম্মধম্মেহি যে ধম্মা… অনুপাদিন্নঅনুপাদানিযেহি ধম্মেহি যে ধম্মা… সংকিলিট্ঠসংকিলেসিকেহি ধম্মেহি যে ধম্মা… অসংকিলিট্ঠঅসংকিলেসিকেহি ধম্মেহি যে ধম্মা… সৰিতক্কসৰিচারেহি ধম্মেহি যে ধম্মা… অৰিতক্কৰিচারমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… আচযগামীহি ধম্মেহি যে ধম্মা… অপচযগামীহি ধম্মেহি যে ধম্মা… সেক্খেহি ধম্মেহি যে ধম্মা… অসেক্খেহি ধম্মেহি যে ধম্মা… মহগ্গতেহি ধম্মেহি যে ধম্মা… অপ্পমাণেহি ধম্মেহি যে ধম্মা… পরিত্তারম্মণেহি ধম্মেহি যে ধম্মা… মহগ্গতারম্মণেহি ধম্মেহি যে ধম্মা… অপ্পমাণারম্মণেহি ধম্মেহি যে ধম্মা… হীনেহি ধম্মেহি যে ধম্মা… পণীতেহি ধম্মেহি যে ধম্মা… মিচ্ছত্তনিযতেহি ধম্মেহি যে ধম্মা… সম্মত্তনিযতেহি ধম্মেহি যে ধম্মা… মগ্গারম্মণেহি ধম্মেহি যে ধম্মা… মগ্গহেতুকেহি ধম্মেহি যে ধম্মা… মগ্গাধিপতীহি ধম্মেহি যে ধম্মা… অতীতারম্মণেহি ধম্মেহি যে ধম্মা… অনাগতারম্মণেহি ধম্মেহি যে ধম্মা… পচ্চুপ্পন্নারম্মণেহি ধম্মেহি যে ধম্মা… অজ্ঝত্তারম্মণেহি ধম্মেহি যে ধম্মা… বহিদ্ধারম্মণেহি ধম্মেহি যে ধম্মা… অজ্ঝত্তবহিদ্ধারম্মণেহি ধম্মেহি যে ধম্মা… সহেতুকেহি ধম্মেহি যে ধম্মা… হেতুসম্পযুত্তেহি ধম্মেহি যে ধম্মা… সহেতুকেহি চেৰ ন চ হেতূহি ধম্মেহি যে ধম্মা… হেতুসম্পযুত্তেহি চেৰ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি। কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
451. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccuppannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
৪৫২. রূপীহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা… তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা। কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা ; একেনাযতনেন একায ধাতুযা কেহিচি ৰিপ্পযুত্তা।
452. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā ; ekenāyatanena ekāya dhātuyā kehici vippayuttā.
৪৫৩. অরূপীহি ধম্মেহি যে ধম্মা… লোকুত্তরেহি ধম্মেহি যে ধম্মা… অনাসৰেহি ধম্মেহি যে ধম্মা… আসৰসম্পযুত্তেহি ধম্মেহি যে ধম্মা… আসৰৰিপ্পযুত্তেহি চেৰ নো চ আসৰেহি ধম্মেহি যে ধম্মা… আসৰৰিপ্পযুত্তেহি অনাসৰেহি ধম্মেহি যে ধম্মা… অসংযোজনিযেহি ধম্মেহি যে ধম্মা… অগন্থনিযেহি ধম্মেহি যে ধম্মা… অনোঘনিযেহি ধম্মেহি যে ধম্মা… অযোগনিযেহি ধম্মেহি যে ধম্মা… অনীৰরণিযেহি ধম্মেহি যে ধম্মা… অপরামট্ঠেহি ধম্মেহি যে ধম্মা… পরামাসসম্পযুত্তেহি ধম্মেহি যে ধম্মা… পরামাসৰিপ্পযুত্তেহি অপরামট্ঠেহি ধম্মেহি যে ধম্মা… সারম্মণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি। কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
453. Arūpīhi dhammehi ye dhammā… lokuttarehi dhammehi ye dhammā… anāsavehi dhammehi ye dhammā… āsavasampayuttehi dhammehi ye dhammā… āsavavippayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā… asaṃyojaniyehi dhammehi ye dhammā… aganthaniyehi dhammehi ye dhammā… anoghaniyehi dhammehi ye dhammā… ayoganiyehi dhammehi ye dhammā… anīvaraṇiyehi dhammehi ye dhammā… aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
৪৫৪. অনারম্মণেহি ধম্মেহি যে ধম্মা… নো চিত্তেহি ধম্মেহি যে ধম্মা… চিত্তৰিপ্পযুত্তেহি ধম্মেহি যে ধম্মা … চিত্তৰিসংসট্ঠেহি ধম্মেহি যে ধম্মা… চিত্তসমুট্ঠানেহি ধম্মেহি যে ধম্মা… চিত্তসহভূহি ধম্মেহি যে ধম্মা… চিত্তানুপরিৰত্তীহি ধম্মেহি যে ধম্মা… বাহিরেহি ধম্মেহি যে ধম্মা… উপাদাধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা। কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
454. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā … cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
৪৫৫. অনুপাদানিযেহি ধম্মেহি যে ধম্মা… উপাদানসম্পযুত্তেহি ধম্মেহি যে ধম্মা… উপাদানসম্পযুত্তেহি চেৰ নো চ উপাদানেহি ধম্মেহি যে ধম্মা… উপাদানৰিপ্পযুত্তেহি অনুপাদানিযেহি ধম্মেহি যে ধম্মা… অসংকিলেসিকেহি ধম্মেহি যে ধম্মা… অসংকিলিট্ঠেহি ধম্মেহি যে ধম্মা… কিলেসসম্পযুত্তেহি ধম্মেহি যে ধম্মা… সংকিলিট্ঠেহি চেৰ নো চ কিলেসেহি ধম্মেহি যে ধম্মা… কিলেসসম্পযুত্তেহি চেৰ নো চ কিলেসেহি ধম্মেহি যে ধম্মা… কিলেসৰিপ্পযুত্তেহি অসংকিলেসিকেহি ধম্মেহি যে ধম্মা… দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… সৰিতক্কেহি ধম্মেহি যে ধম্মা… সৰিচারেহি ধম্মেহি যে ধম্মা… সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা… উপেক্খাসহগতেহি ধম্মেহি যে ধম্মা… ন কামাৰচরেহি ধম্মেহি যে ধম্মা… রূপাৰচরেহি ধম্মেহি যে ধম্মা… অরূপাৰচরেহি ধম্মেহি যে ধম্মা… অপরিযাপন্নেহি ধম্মেহি যে ধম্মা… নিয্যানিকেহি ধম্মেহি যে ধম্মা … নিযতেহি ধম্মেহি যে ধম্মা… অনুত্তরেহি ধম্মেহি যে ধম্মা… সরণেহি ধম্মেহি যে ধম্মা খন্ধসঙ্গহেন অসঙ্গহিতা আযতনসঙ্গহেন অসঙ্গহিতা ধাতুসঙ্গহেন অসঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি। কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা।
455. Anupādāniyehi dhammehi ye dhammā… upādānasampayuttehi dhammehi ye dhammā… upādānasampayuttehi ceva no ca upādānehi dhammehi ye dhammā… upādānavippayuttehi anupādāniyehi dhammehi ye dhammā… asaṃkilesikehi dhammehi ye dhammā… asaṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā … niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
রূপঞ্চ ধম্মাযতনং ধম্মধাতু, ইত্থিপুমং জীৰিতং নামরূপং।
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
দ্ৰে ভৰা জাতিজরা মচ্চুরূপং, অনারম্মণং নো চিত্তং চিত্তেন ৰিপ্পযুত্তং॥
Dve bhavā jātijarā maccurūpaṃ, anārammaṇaṃ no cittaṃ cittena vippayuttaṃ.
ৰিসংসট্ঠং সমুট্ঠানসহভু, অনুপরিৰত্তি বাহিরং উপাদা।
Visaṃsaṭṭhaṃ samuṭṭhānasahabhu, anuparivatti bāhiraṃ upādā;
দ্ৰে ৰিসযো এসনযো সুবুদ্ধোতি॥
Dve visayo esanayo subuddhoti.
অসঙ্গহিতেনসম্পযুত্তৰিপ্পযুত্তপদনিদ্দেসো তেরসমো।
Asaṅgahitenasampayuttavippayuttapadaniddeso terasamo.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা • 13. Terasamanayo asaṅgahitenasampayuttavippayuttapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা • 13. Terasamanayo asaṅgahitenasampayuttavippayuttapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা • 13. Terasamanayo asaṅgahitenasampayuttavippayuttapadavaṇṇanā
