๑๓. อสงฺคหิเตนสมฺปยุตฺตวิปฺปยุตฺตปทนิเทฺทโส

13. Asaṅgahitenasampayuttavippayuttapadaniddeso

๔๔๘. รูปกฺขเนฺธน เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตา? เต ธมฺมา ตีหิ ขเนฺธหิ สมฺปยุตฺตา; เอเกนายตเนน เอกาย ธาตุยา เกหิจิ สมฺปยุตฺตาฯ กติหิ วิปฺปยุตฺตา? เอเกน ขเนฺธน ทสหายตเนหิ ทสหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

448. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.

๔๔๙. ธมฺมายตเนน เย ธมฺมา… ธมฺมธาตุยา เย ธมฺมา… อิตฺถินฺทฺริเยน เย ธมฺมา… ปุริสินฺทฺริเยน เย ธมฺมา… ชีวิตินฺทฺริเยน เย ธมฺมา… วิญฺญาณปจฺจยา นามรูเปน เย ธมฺมา… อสญฺญาภเวน เย ธมฺมา… เอกโวการภเวน เย ธมฺมา… ชาติยา เย ธมฺมา… ชราย เย ธมฺมา… มรเณน เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา…เป.… เต ธมฺมา ตีหิ ขเนฺธหิ สมฺปยุตฺตา; เอเกนายตเนน เอกาย ธาตุยา เกหิจิ สมฺปยุตฺตาฯ กติหิ วิปฺปยุตฺตา? เอเกน ขเนฺธน ทสหายตเนหิ ทสหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

449. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā… viññāṇapaccayā nāmarūpena ye dhammā… asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā…pe… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.

๔๕๐. อรูปภเวน เย ธมฺมา… เนวสญฺญานาสญฺญาภเวน เย ธมฺมา… จตุโวการภเวน เย ธมฺมา… อิทฺธิปาเทน เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา , เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตาติ ? นตฺถิ? กติหิ วิปฺปยุตฺตา? จตูหิ ขเนฺธหิ เอเกนายตเนน สตฺตหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

450. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , te dhammā katihi khandhehi katihāyatanehi katihi dhātūhi sampayuttāti ? Natthi? Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.

๔๕๑. กุสเลหิ ธเมฺมหิ เย ธมฺมา… อกุสเลหิ ธเมฺมหิ เย ธมฺมา… สุขาย เวทนาย สมฺปยุเตฺตหิ ธเมฺมหิ เย ธมฺมา… ทุกฺขาย เวทนาย สมฺปยุเตฺตหิ ธเมฺมหิ เย ธมฺมา… อทุกฺขมสุขาย เวทนาย สมฺปยุเตฺตหิ ธเมฺมหิ เย ธมฺมา… วิปาเกหิ ธเมฺมหิ เย ธมฺมา… วิปากธมฺมธเมฺมหิ เย ธมฺมา… อนุปาทินฺนอนุปาทานิเยหิ ธเมฺมหิ เย ธมฺมา… สํกิลิฎฺฐสํกิเลสิเกหิ ธเมฺมหิ เย ธมฺมา… อสํกิลิฎฺฐอสํกิเลสิเกหิ ธเมฺมหิ เย ธมฺมา… สวิตกฺกสวิจาเรหิ ธเมฺมหิ เย ธมฺมา… อวิตกฺกวิจารมเตฺตหิ ธเมฺมหิ เย ธมฺมา… ปีติสหคเตหิ ธเมฺมหิ เย ธมฺมา… สุขสหคเตหิ ธเมฺมหิ เย ธมฺมา… อุเปกฺขาสหคเตหิ ธเมฺมหิ เย ธมฺมา… ทสฺสเนน ปหาตเพฺพหิ ธเมฺมหิ เย ธมฺมา… ภาวนาย ปหาตเพฺพหิ ธเมฺมหิ เย ธมฺมา… ทสฺสเนน ปหาตพฺพเหตุเกหิ ธเมฺมหิ เย ธมฺมา… ภาวนาย ปหาตพฺพเหตุเกหิ ธเมฺมหิ เย ธมฺมา… อาจยคามีหิ ธเมฺมหิ เย ธมฺมา… อปจยคามีหิ ธเมฺมหิ เย ธมฺมา… เสเกฺขหิ ธเมฺมหิ เย ธมฺมา… อเสเกฺขหิ ธเมฺมหิ เย ธมฺมา… มหคฺคเตหิ ธเมฺมหิ เย ธมฺมา… อปฺปมาเณหิ ธเมฺมหิ เย ธมฺมา… ปริตฺตารมฺมเณหิ ธเมฺมหิ เย ธมฺมา… มหคฺคตารมฺมเณหิ ธเมฺมหิ เย ธมฺมา… อปฺปมาณารมฺมเณหิ ธเมฺมหิ เย ธมฺมา… หีเนหิ ธเมฺมหิ เย ธมฺมา… ปณีเตหิ ธเมฺมหิ เย ธมฺมา… มิจฺฉตฺตนิยเตหิ ธเมฺมหิ เย ธมฺมา… สมฺมตฺตนิยเตหิ ธเมฺมหิ เย ธมฺมา… มคฺคารมฺมเณหิ ธเมฺมหิ เย ธมฺมา… มคฺคเหตุเกหิ ธเมฺมหิ เย ธมฺมา… มคฺคาธิปตีหิ ธเมฺมหิ เย ธมฺมา… อตีตารมฺมเณหิ ธเมฺมหิ เย ธมฺมา… อนาคตารมฺมเณหิ ธเมฺมหิ เย ธมฺมา… ปจฺจุปฺปนฺนารมฺมเณหิ ธเมฺมหิ เย ธมฺมา… อชฺฌตฺตารมฺมเณหิ ธเมฺมหิ เย ธมฺมา… พหิทฺธารมฺมเณหิ ธเมฺมหิ เย ธมฺมา… อชฺฌตฺตพหิทฺธารมฺมเณหิ ธเมฺมหิ เย ธมฺมา… สเหตุเกหิ ธเมฺมหิ เย ธมฺมา… เหตุสมฺปยุเตฺตหิ ธเมฺมหิ เย ธมฺมา… สเหตุเกหิ เจว น จ เหตูหิ ธเมฺมหิ เย ธมฺมา… เหตุสมฺปยุเตฺตหิ เจว น จ เหตูหิ ธเมฺมหิ เย ธมฺมา… น เหตุสเหตุเกหิ ธเมฺมหิ เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตาติ? นตฺถิฯ กติหิ วิปฺปยุตฺตา? จตูหิ ขเนฺธหิ เอเกนายตเนน สตฺตหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

451. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccuppannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.

๔๕๒. รูปีหิ ธเมฺมหิ เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา… เต ธมฺมา ตีหิ ขเนฺธหิ สมฺปยุตฺตา; เอเกนายตเนน เอกาย ธาตุยา เกหิจิ สมฺปยุตฺตาฯ กติหิ วิปฺปยุตฺตา? เอเกน ขเนฺธน ทสหายตเนหิ ทสหิ ธาตูหิ วิปฺปยุตฺตา ; เอเกนายตเนน เอกาย ธาตุยา เกหิจิ วิปฺปยุตฺตาฯ

452. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā ; ekenāyatanena ekāya dhātuyā kehici vippayuttā.

๔๕๓. อรูปีหิ ธเมฺมหิ เย ธมฺมา… โลกุตฺตเรหิ ธเมฺมหิ เย ธมฺมา… อนาสเวหิ ธเมฺมหิ เย ธมฺมา… อาสวสมฺปยุเตฺตหิ ธเมฺมหิ เย ธมฺมา… อาสววิปฺปยุเตฺตหิ เจว โน จ อาสเวหิ ธเมฺมหิ เย ธมฺมา… อาสววิปฺปยุเตฺตหิ อนาสเวหิ ธเมฺมหิ เย ธมฺมา… อสํโยชนิเยหิ ธเมฺมหิ เย ธมฺมา… อคนฺถนิเยหิ ธเมฺมหิ เย ธมฺมา… อโนฆนิเยหิ ธเมฺมหิ เย ธมฺมา… อโยคนิเยหิ ธเมฺมหิ เย ธมฺมา… อนีวรณิเยหิ ธเมฺมหิ เย ธมฺมา… อปรามเฎฺฐหิ ธเมฺมหิ เย ธมฺมา… ปรามาสสมฺปยุเตฺตหิ ธเมฺมหิ เย ธมฺมา… ปรามาสวิปฺปยุเตฺตหิ อปรามเฎฺฐหิ ธเมฺมหิ เย ธมฺมา… สารมฺมเณหิ ธเมฺมหิ เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตาติ? นตฺถิฯ กติหิ วิปฺปยุตฺตา? จตูหิ ขเนฺธหิ เอเกนายตเนน สตฺตหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

453. Arūpīhi dhammehi ye dhammā… lokuttarehi dhammehi ye dhammā… anāsavehi dhammehi ye dhammā… āsavasampayuttehi dhammehi ye dhammā… āsavavippayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā… asaṃyojaniyehi dhammehi ye dhammā… aganthaniyehi dhammehi ye dhammā… anoghaniyehi dhammehi ye dhammā… ayoganiyehi dhammehi ye dhammā… anīvaraṇiyehi dhammehi ye dhammā… aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.

๔๕๔. อนารมฺมเณหิ ธเมฺมหิ เย ธมฺมา… โน จิเตฺตหิ ธเมฺมหิ เย ธมฺมา… จิตฺตวิปฺปยุเตฺตหิ ธเมฺมหิ เย ธมฺมา … จิตฺตวิสํสเฎฺฐหิ ธเมฺมหิ เย ธมฺมา… จิตฺตสมุฎฺฐาเนหิ ธเมฺมหิ เย ธมฺมา… จิตฺตสหภูหิ ธเมฺมหิ เย ธมฺมา… จิตฺตานุปริวตฺตีหิ ธเมฺมหิ เย ธมฺมา… พาหิเรหิ ธเมฺมหิ เย ธมฺมา… อุปาทาธเมฺมหิ เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสเงฺคน อสงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตา? เต ธมฺมา ตีหิ ขเนฺธหิ สมฺปยุตฺตา; เอเกนายตเนน เอกาย ธาตุยา เกหิจิ สมฺปยุตฺตาฯ กติหิ วิปฺปยุตฺตา? เอเกน ขเนฺธน ทสหายตเนหิ ทสหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

454. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā … cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.

๔๕๕. อนุปาทานิเยหิ ธเมฺมหิ เย ธมฺมา… อุปาทานสมฺปยุเตฺตหิ ธเมฺมหิ เย ธมฺมา… อุปาทานสมฺปยุเตฺตหิ เจว โน จ อุปาทาเนหิ ธเมฺมหิ เย ธมฺมา… อุปาทานวิปฺปยุเตฺตหิ อนุปาทานิเยหิ ธเมฺมหิ เย ธมฺมา… อสํกิเลสิเกหิ ธเมฺมหิ เย ธมฺมา… อสํกิลิเฎฺฐหิ ธเมฺมหิ เย ธมฺมา… กิเลสสมฺปยุเตฺตหิ ธเมฺมหิ เย ธมฺมา… สํกิลิเฎฺฐหิ เจว โน จ กิเลเสหิ ธเมฺมหิ เย ธมฺมา… กิเลสสมฺปยุเตฺตหิ เจว โน จ กิเลเสหิ ธเมฺมหิ เย ธมฺมา… กิเลสวิปฺปยุเตฺตหิ อสํกิเลสิเกหิ ธเมฺมหิ เย ธมฺมา… ทสฺสเนน ปหาตเพฺพหิ ธเมฺมหิ เย ธมฺมา… ภาวนาย ปหาตเพฺพหิ ธเมฺมหิ เย ธมฺมา… ทสฺสเนน ปหาตพฺพเหตุเกหิ ธเมฺมหิ เย ธมฺมา… ภาวนาย ปหาตพฺพเหตุเกหิ ธเมฺมหิ เย ธมฺมา… สวิตเกฺกหิ ธเมฺมหิ เย ธมฺมา… สวิจาเรหิ ธเมฺมหิ เย ธมฺมา… สปฺปีติเกหิ ธเมฺมหิ เย ธมฺมา… ปีติสหคเตหิ ธเมฺมหิ เย ธมฺมา… สุขสหคเตหิ ธเมฺมหิ เย ธมฺมา… อุเปกฺขาสหคเตหิ ธเมฺมหิ เย ธมฺมา… น กามาวจเรหิ ธเมฺมหิ เย ธมฺมา… รูปาวจเรหิ ธเมฺมหิ เย ธมฺมา… อรูปาวจเรหิ ธเมฺมหิ เย ธมฺมา… อปริยาปเนฺนหิ ธเมฺมหิ เย ธมฺมา… นิยฺยานิเกหิ ธเมฺมหิ เย ธมฺมา … นิยเตหิ ธเมฺมหิ เย ธมฺมา… อนุตฺตเรหิ ธเมฺมหิ เย ธมฺมา… สรเณหิ ธเมฺมหิ เย ธมฺมา ขนฺธสงฺคเหน อสงฺคหิตา อายตนสงฺคเหน อสงฺคหิตา ธาตุสงฺคเหน อสงฺคหิตา, เต ธมฺมา กติหิ ขเนฺธหิ กติหายตเนหิ กติหิ ธาตูหิ สมฺปยุตฺตาติ? นตฺถิฯ กติหิ วิปฺปยุตฺตา? จตูหิ ขเนฺธหิ เอเกนายตเนน สตฺตหิ ธาตูหิ วิปฺปยุตฺตา; เอเกนายตเนน เอกาย ธาตุยา เกหิจิ วิปฺปยุตฺตาฯ

455. Anupādāniyehi dhammehi ye dhammā… upādānasampayuttehi dhammehi ye dhammā… upādānasampayuttehi ceva no ca upādānehi dhammehi ye dhammā… upādānavippayuttehi anupādāniyehi dhammehi ye dhammā… asaṃkilesikehi dhammehi ye dhammā… asaṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā … niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.

รูปญฺจ ธมฺมายตนํ ธมฺมธาตุ, อิตฺถิปุมํ ชีวิตํ นามรูปํ;

Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;

เทฺว ภวา ชาติชรา มจฺจุรูปํ, อนารมฺมณํ โน จิตฺตํ จิเตฺตน วิปฺปยุตฺตํฯ

Dve bhavā jātijarā maccurūpaṃ, anārammaṇaṃ no cittaṃ cittena vippayuttaṃ.

วิสํสฎฺฐํ สมุฎฺฐานสหภุ, อนุปริวตฺติ พาหิรํ อุปาทา;

Visaṃsaṭṭhaṃ samuṭṭhānasahabhu, anuparivatti bāhiraṃ upādā;

เทฺว วิสโย เอสนโย สุพุโทฺธติฯ

Dve visayo esanayo subuddhoti.

อสงฺคหิเตนสมฺปยุตฺตวิปฺปยุตฺตปทนิเทฺทโส เตรสโมฯ

Asaṅgahitenasampayuttavippayuttapadaniddeso terasamo.

Next: ๑๔. จุทฺทสมนโย • 14. Cuddasamanayo

Related texts:

อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา • 13. Terasamanayo asaṅgahitenasampayuttavippayuttapadavaṇṇanā

ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา • 13. Terasamanayo asaṅgahitenasampayuttavippayuttapadavaṇṇanā

ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา • 13. Terasamanayo asaṅgahitenasampayuttavippayuttapadavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact