| Library / Tipiṭaka / තිපිටක • Tipiṭaka / ධාතුකථාපාළි • Dhātukathāpāḷi |
13. තෙරසමනයො
13. Terasamanayo
13. අසඞ්‌ගහිතෙනසම්‌පයුත්‌තවිප්‌පයුත්‌තපදනිද්‌දෙසො
13. Asaṅgahitenasampayuttavippayuttapadaniddeso
448. රූපක්‌ඛන්‌ධෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තා? තෙ ධම්‌මා තීහි ඛන්‌ධෙහි සම්‌පයුත්‌තා; එකෙනායතනෙන එකාය ධාතුයා කෙහිචි සම්‌පයුත්‌තා. කතිහි විප්‌පයුත්‌තා? එකෙන ඛන්‌ධෙන දසහායතනෙහි දසහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
448. Rūpakkhandhena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
449. ධම්‌මායතනෙන යෙ ධම්‌මා… ධම්‌මධාතුයා යෙ ධම්‌මා… ඉත්‌ථින්‌ද්‍රියෙන යෙ ධම්‌මා… පුරිසින්‌ද්‍රියෙන යෙ ධම්‌මා… ජීවිතින්‌ද්‍රියෙන යෙ ධම්‌මා… විඤ්‌ඤාණපච්‌චයා නාමරූපෙන යෙ ධම්‌මා… අසඤ්‌ඤාභවෙන යෙ ධම්‌මා… එකවොකාරභවෙන යෙ ධම්‌මා… ජාතියා යෙ ධම්‌මා… ජරාය යෙ ධම්‌මා… මරණෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා…පෙ.… තෙ ධම්‌මා තීහි ඛන්‌ධෙහි සම්‌පයුත්‌තා; එකෙනායතනෙන එකාය ධාතුයා කෙහිචි සම්‌පයුත්‌තා. කතිහි විප්‌පයුත්‌තා? එකෙන ඛන්‌ධෙන දසහායතනෙහි දසහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
449. Dhammāyatanena ye dhammā… dhammadhātuyā ye dhammā… itthindriyena ye dhammā… purisindriyena ye dhammā… jīvitindriyena ye dhammā… viññāṇapaccayā nāmarūpena ye dhammā… asaññābhavena ye dhammā… ekavokārabhavena ye dhammā… jātiyā ye dhammā… jarāya ye dhammā… maraṇena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā…pe… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
450. අරූපභවෙන යෙ ධම්‌මා… නෙවසඤ්‌ඤානාසඤ්‌ඤාභවෙන යෙ ධම්‌මා… චතුවොකාරභවෙන යෙ ධම්‌මා… ඉද්‌ධිපාදෙන යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා , තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති ? නත්‌ථි? කතිහි විප්‌පයුත්‌තා? චතූහි ඛන්‌ධෙහි එකෙනායතනෙන සත්‌තහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
450. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… iddhipādena ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā , te dhammā katihi khandhehi katihāyatanehi katihi dhātūhi sampayuttāti ? Natthi? Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
451. කුසලෙහි ධම්‌මෙහි යෙ ධම්‌මා… අකුසලෙහි ධම්‌මෙහි යෙ ධම්‌මා… සුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… දුක්‌ඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… අදුක්‌ඛමසුඛාය වෙදනාය සම්‌පයුත්‌තෙහි ධම්‌මෙහි යෙ ධම්‌මා… විපාකෙහි ධම්‌මෙහි යෙ ධම්‌මා… විපාකධම්‌මධම්‌මෙහි යෙ ධම්‌මා… අනුපාදින්‌නඅනුපාදානියෙහි ධම්‌මෙහි යෙ ධම්‌මා… සංකිලිට්‌ඨසංකිලෙසිකෙහි ධම්‌මෙහි යෙ ධම්‌මා… අසංකිලිට්‌ඨඅසංකිලෙසිකෙහි ධම්‌මෙහි යෙ ධම්‌මා… සවිතක්‌කසවිචාරෙහි ධම්‌මෙහි යෙ ධම්‌මා… අවිතක්‌කවිචාරමත්‌තෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා… උපෙක්‌ඛාසහගතෙහි ධම්‌මෙහි යෙ ධම්‌මා… දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… ආචයගාමීහි ධම්‌මෙහි යෙ ධම්‌මා… අපචයගාමීහි ධම්‌මෙහි යෙ ධම්‌මා… සෙක්‌ඛෙහි ධම්‌මෙහි යෙ ධම්‌මා… අසෙක්‌ඛෙහි ධම්‌මෙහි යෙ ධම්‌මා… මහග්‌ගතෙහි ධම්‌මෙහි යෙ ධම්‌මා… අප්‌පමාණෙහි ධම්‌මෙහි යෙ ධම්‌මා… පරිත්‌තාරම්‌මණෙහි ධම්‌මෙහි යෙ ධම්‌මා… මහග්‌ගතාරම්‌මණෙහි ධම්‌මෙහි යෙ ධම්‌මා… අප්‌පමාණාරම්‌මණෙහි ධම්‌මෙහි යෙ ධම්‌මා… හීනෙහි ධම්‌මෙහි යෙ ධම්‌මා… පණීතෙහි ධම්‌මෙහි යෙ ධම්‌මා… මිච්‌ඡත්‌තනියතෙහි ධම්‌මෙහි යෙ ධම්‌මා… සම්‌මත්‌තනියතෙහි ධම්‌මෙහි යෙ ධම්‌මා… මග්‌ගාරම්‌මණෙහි ධම්‌මෙහි යෙ ධම්‌මා… මග්‌ගහෙතුකෙහි ධම්‌මෙහි යෙ ධම්‌මා… මග්‌ගාධිපතීහි ධම්‌මෙහි යෙ ධම්‌මා… අතීතාරම්‌මණෙහි ධම්‌මෙහි යෙ ධම්‌මා… අනාගතාරම්‌මණෙහි ධම්‌මෙහි යෙ ධම්‌මා… පච්‌චුප්‌පන්‌නාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තාරම්‌මණෙහි ධම්‌මෙහි යෙ ධම්‌මා… බහිද්‌ධාරම්‌මණෙහි ධම්‌මෙහි යෙ ධම්‌මා… අජ්‌ඣත්‌තබහිද්‌ධාරම්‌මණෙහි ධම්‌මෙහි යෙ ධම්‌මා… සහෙතුකෙහි ධම්‌මෙහි යෙ ධම්‌මා… හෙතුසම්‌පයුත්‌තෙහි ධම්‌මෙහි යෙ ධම්‌මා… සහෙතුකෙහි චෙව න ච හෙතූහි ධම්‌මෙහි යෙ ධම්‌මා… හෙතුසම්‌පයුත්‌තෙහි චෙව න ච හෙතූහි ධම්‌මෙහි යෙ ධම්‌මා… න හෙතුසහෙතුකෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති? නත්‌ථි. කතිහි විප්‌පයුත්‌තා? චතූහි ඛන්‌ධෙහි එකෙනායතනෙන සත්‌තහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
451. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā… adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā… vipākadhammadhammehi ye dhammā… anupādinnaanupādāniyehi dhammehi ye dhammā… saṃkiliṭṭhasaṃkilesikehi dhammehi ye dhammā… asaṃkiliṭṭhaasaṃkilesikehi dhammehi ye dhammā… savitakkasavicārehi dhammehi ye dhammā… avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā… appamāṇehi dhammehi ye dhammā… parittārammaṇehi dhammehi ye dhammā… mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… paṇītehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā… atītārammaṇehi dhammehi ye dhammā… anāgatārammaṇehi dhammehi ye dhammā… paccuppannārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā… ajjhattabahiddhārammaṇehi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… sahetukehi ceva na ca hetūhi dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
452. රූපීහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා… තෙ ධම්‌මා තීහි ඛන්‌ධෙහි සම්‌පයුත්‌තා; එකෙනායතනෙන එකාය ධාතුයා කෙහිචි සම්‌පයුත්‌තා. කතිහි විප්‌පයුත්‌තා? එකෙන ඛන්‌ධෙන දසහායතනෙහි දසහි ධාතූහි විප්‌පයුත්‌තා ; එකෙනායතනෙන එකාය ධාතුයා කෙහිචි විප්‌පයුත්‌තා.
452. Rūpīhi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā… te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā ; ekenāyatanena ekāya dhātuyā kehici vippayuttā.
453. අරූපීහි ධම්‌මෙහි යෙ ධම්‌මා… ලොකුත්‌තරෙහි ධම්‌මෙහි යෙ ධම්‌මා… අනාසවෙහි ධම්‌මෙහි යෙ ධම්‌මා… ආසවසම්‌පයුත්‌තෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි චෙව නො ච ආසවෙහි ධම්‌මෙහි යෙ ධම්‌මා… ආසවවිප්‌පයුත්‌තෙහි අනාසවෙහි ධම්‌මෙහි යෙ ධම්‌මා… අසංයොජනියෙහි ධම්‌මෙහි යෙ ධම්‌මා… අගන්‌ථනියෙහි ධම්‌මෙහි යෙ ධම්‌මා… අනොඝනියෙහි ධම්‌මෙහි යෙ ධම්‌මා… අයොගනියෙහි ධම්‌මෙහි යෙ ධම්‌මා… අනීවරණියෙහි ධම්‌මෙහි යෙ ධම්‌මා… අපරාමට්‌ඨෙහි ධම්‌මෙහි යෙ ධම්‌මා… පරාමාසසම්‌පයුත්‌තෙහි ධම්‌මෙහි යෙ ධම්‌මා… පරාමාසවිප්‌පයුත්‌තෙහි අපරාමට්‌ඨෙහි ධම්‌මෙහි යෙ ධම්‌මා… සාරම්‌මණෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති? නත්‌ථි. කතිහි විප්‌පයුත්‌තා? චතූහි ඛන්‌ධෙහි එකෙනායතනෙන සත්‌තහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
453. Arūpīhi dhammehi ye dhammā… lokuttarehi dhammehi ye dhammā… anāsavehi dhammehi ye dhammā… āsavasampayuttehi dhammehi ye dhammā… āsavavippayuttehi ceva no ca āsavehi dhammehi ye dhammā… āsavavippayuttehi anāsavehi dhammehi ye dhammā… asaṃyojaniyehi dhammehi ye dhammā… aganthaniyehi dhammehi ye dhammā… anoghaniyehi dhammehi ye dhammā… ayoganiyehi dhammehi ye dhammā… anīvaraṇiyehi dhammehi ye dhammā… aparāmaṭṭhehi dhammehi ye dhammā… parāmāsasampayuttehi dhammehi ye dhammā… parāmāsavippayuttehi aparāmaṭṭhehi dhammehi ye dhammā… sārammaṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
454. අනාරම්‌මණෙහි ධම්‌මෙහි යෙ ධම්‌මා… නො චිත්‌තෙහි ධම්‌මෙහි යෙ ධම්‌මා… චිත්‌තවිප්‌පයුත්‌තෙහි ධම්‌මෙහි යෙ ධම්‌මා … චිත්‌තවිසංසට්‌ඨෙහි ධම්‌මෙහි යෙ ධම්‌මා… චිත්‌තසමුට්‌ඨානෙහි ධම්‌මෙහි යෙ ධම්‌මා… චිත්‌තසහභූහි ධම්‌මෙහි යෙ ධම්‌මා… චිත්‌තානුපරිවත්‌තීහි ධම්‌මෙහි යෙ ධම්‌මා… බාහිරෙහි ධම්‌මෙහි යෙ ධම්‌මා… උපාදාධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තා? තෙ ධම්‌මා තීහි ඛන්‌ධෙහි සම්‌පයුත්‌තා; එකෙනායතනෙන එකාය ධාතුයා කෙහිචි සම්‌පයුත්‌තා. කතිහි විප්‌පයුත්‌තා? එකෙන ඛන්‌ධෙන දසහායතනෙහි දසහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
454. Anārammaṇehi dhammehi ye dhammā… no cittehi dhammehi ye dhammā… cittavippayuttehi dhammehi ye dhammā … cittavisaṃsaṭṭhehi dhammehi ye dhammā… cittasamuṭṭhānehi dhammehi ye dhammā… cittasahabhūhi dhammehi ye dhammā… cittānuparivattīhi dhammehi ye dhammā… bāhirehi dhammehi ye dhammā… upādādhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgena asaṅgahitā, te dhammā katihi khandhehi katihāyatanehi katihi dhātūhi sampayuttā? Te dhammā tīhi khandhehi sampayuttā; ekenāyatanena ekāya dhātuyā kehici sampayuttā. Katihi vippayuttā? Ekena khandhena dasahāyatanehi dasahi dhātūhi vippayuttā; ekenāyatanena ekāya dhātuyā kehici vippayuttā.
455. අනුපාදානියෙහි ධම්‌මෙහි යෙ ධම්‌මා… උපාදානසම්‌පයුත්‌තෙහි ධම්‌මෙහි යෙ ධම්‌මා… උපාදානසම්‌පයුත්‌තෙහි චෙව නො ච උපාදානෙහි ධම්‌මෙහි යෙ ධම්‌මා… උපාදානවිප්‌පයුත්‌තෙහි අනුපාදානියෙහි ධම්‌මෙහි යෙ ධම්‌මා… අසංකිලෙසිකෙහි ධම්‌මෙහි යෙ ධම්‌මා… අසංකිලිට්‌ඨෙහි ධම්‌මෙහි යෙ ධම්‌මා… කිලෙසසම්‌පයුත්‌තෙහි ධම්‌මෙහි යෙ ධම්‌මා… සංකිලිට්‌ඨෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසසම්‌පයුත්‌තෙහි චෙව නො ච කිලෙසෙහි ධම්‌මෙහි යෙ ධම්‌මා… කිලෙසවිප්‌පයුත්‌තෙහි අසංකිලෙසිකෙහි ධම්‌මෙහි යෙ ධම්‌මා… දස්‌සනෙන පහාතබ්‌බෙහි ධම්‌මෙහි යෙ ධම්‌මා… භාවනාය පහාතබ්‌බෙහි ධම්‌මෙහි යෙ ධම්‌මා… දස්‌සනෙන පහාතබ්‌බහෙතුකෙහි ධම්‌මෙහි යෙ ධම්‌මා… භාවනාය පහාතබ්‌බහෙතුකෙහි ධම්‌මෙහි යෙ ධම්‌මා… සවිතක්‌කෙහි ධම්‌මෙහි යෙ ධම්‌මා… සවිචාරෙහි ධම්‌මෙහි යෙ ධම්‌මා… සප්‌පීතිකෙහි ධම්‌මෙහි යෙ ධම්‌මා… පීතිසහගතෙහි ධම්‌මෙහි යෙ ධම්‌මා… සුඛසහගතෙහි ධම්‌මෙහි යෙ ධම්‌මා… උපෙක්‌ඛාසහගතෙහි ධම්‌මෙහි යෙ ධම්‌මා… න කාමාවචරෙහි ධම්‌මෙහි යෙ ධම්‌මා… රූපාවචරෙහි ධම්‌මෙහි යෙ ධම්‌මා… අරූපාවචරෙහි ධම්‌මෙහි යෙ ධම්‌මා… අපරියාපන්‌නෙහි ධම්‌මෙහි යෙ ධම්‌මා… නිය්‍යානිකෙහි ධම්‌මෙහි යෙ ධම්‌මා … නියතෙහි ධම්‌මෙහි යෙ ධම්‌මා… අනුත්‌තරෙහි ධම්‌මෙහි යෙ ධම්‌මා… සරණෙහි ධම්‌මෙහි යෙ ධම්‌මා ඛන්‌ධසඞ්‌ගහෙන අසඞ්‌ගහිතා ආයතනසඞ්‌ගහෙන අසඞ්‌ගහිතා ධාතුසඞ්‌ගහෙන අසඞ්‌ගහිතා, තෙ ධම්‌මා කතිහි ඛන්‌ධෙහි කතිහායතනෙහි කතිහි ධාතූහි සම්‌පයුත්‌තාති? නත්‌ථි. කතිහි විප්‌පයුත්‌තා? චතූහි ඛන්‌ධෙහි එකෙනායතනෙන සත්‌තහි ධාතූහි විප්‌පයුත්‌තා; එකෙනායතනෙන එකාය ධාතුයා කෙහිචි විප්‌පයුත්‌තා.
455. Anupādāniyehi dhammehi ye dhammā… upādānasampayuttehi dhammehi ye dhammā… upādānasampayuttehi ceva no ca upādānehi dhammehi ye dhammā… upādānavippayuttehi anupādāniyehi dhammehi ye dhammā… asaṃkilesikehi dhammehi ye dhammā… asaṃkiliṭṭhehi dhammehi ye dhammā… kilesasampayuttehi dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesasampayuttehi ceva no ca kilesehi dhammehi ye dhammā… kilesavippayuttehi asaṃkilesikehi dhammehi ye dhammā… dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… savitakkehi dhammehi ye dhammā… savicārehi dhammehi ye dhammā… sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā… upekkhāsahagatehi dhammehi ye dhammā… na kāmāvacarehi dhammehi ye dhammā… rūpāvacarehi dhammehi ye dhammā… arūpāvacarehi dhammehi ye dhammā… apariyāpannehi dhammehi ye dhammā… niyyānikehi dhammehi ye dhammā … niyatehi dhammehi ye dhammā… anuttarehi dhammehi ye dhammā… saraṇehi dhammehi ye dhammā khandhasaṅgahena asaṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi sampayuttāti? Natthi. Katihi vippayuttā? Catūhi khandhehi ekenāyatanena sattahi dhātūhi vippayuttā; ekenāyatanena ekāya dhātuyā kehici vippayuttā.
රූපඤ්‌ච ධම්‌මායතනං ධම්‌මධාතු, ඉත්‌ථිපුමං ජීවිතං නාමරූපං;
Rūpañca dhammāyatanaṃ dhammadhātu, itthipumaṃ jīvitaṃ nāmarūpaṃ;
ද්‌වෙ භවා ජාතිජරා මච්‌චුරූපං, අනාරම්‌මණං නො චිත්‌තං චිත්‌තෙන විප්‌පයුත්‌තං.
Dve bhavā jātijarā maccurūpaṃ, anārammaṇaṃ no cittaṃ cittena vippayuttaṃ.
විසංසට්‌ඨං සමුට්‌ඨානසහභු, අනුපරිවත්‌ති බාහිරං උපාදා;
Visaṃsaṭṭhaṃ samuṭṭhānasahabhu, anuparivatti bāhiraṃ upādā;
ද්‌වෙ විසයො එසනයො සුබුද්‌ධොති.
Dve visayo esanayo subuddhoti.
අසඞ්‌ගහිතෙනසම්‌පයුත්‌තවිප්‌පයුත්‌තපදනිද්‌දෙසො තෙරසමො.
Asaṅgahitenasampayuttavippayuttapadaniddeso terasamo.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 13. තෙරසමනයො අසඞ්‌ගහිතෙනසම්‌පයුත්‌තවිප්‌පයුත්‌තපදවණ්‌ණනා • 13. Terasamanayo asaṅgahitenasampayuttavippayuttapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 13. තෙරසමනයො අසඞ්‌ගහිතෙනසම්‌පයුත්‌තවිප්‌පයුත්‌තපදවණ්‌ණනා • 13. Terasamanayo asaṅgahitenasampayuttavippayuttapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 13. තෙරසමනයො අසඞ්‌ගහිතෙනසම්‌පයුත්‌තවිප්‌පයුත්‌තපදවණ්‌ණනා • 13. Terasamanayo asaṅgahitenasampayuttavippayuttapadavaṇṇanā
