| Library / Tipiṭaka / တိပိဋက • Tipiṭaka / ဓာတုကထာပာဠိ • Dhātukathāpāḷi |
၃. တတိယနယော
3. Tatiyanayo
၃. အသင္ဂဟိတေနသင္ဂဟိတပဒနိဒ္ဒေသော
3. Asaṅgahitenasaṅgahitapadaniddeso
၁၇၉. ဝေဒနာက္ခန္ဓေန ယေ ဓမ္မာ။ သညာက္ခန္ဓေန ယေ ဓမ္မာ။ သင္ခာရက္ခန္ဓေန ယေ ဓမ္မာ။ သမုဒယသစ္စေန ယေ ဓမ္မာ။ မဂ္ဂသစ္စေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင္ဂဟိတာ? တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
179. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… samudayasaccena ye dhammā… maggasaccena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
၁၈၀. နိရောဓသစ္စေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
180. Nirodhasaccena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā catūhi khandhehi ekenāyatanena ekāya dhātuyā saṅgahitā.
၁၈၁. ဇီဝိတိန္ဒ္ရိယေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ အသင္ခတံ ခန္ဓတော ဌပေတ္ဝာ ဒ္ဝီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
181. Jīvitindriyena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā asaṅkhataṃ khandhato ṭhapetvā dvīhi khandhehi ekenāyatanena ekāya dhātuyā saṅgahitā.
၁၈၂. ဣတ္ထိန္ဒ္ရိယေန ယေ ဓမ္မာ။ ပုရိသိန္ဒ္ရိယေန ယေ ဓမ္မာ။ သုခိန္ဒ္ရိယေန ယေ ဓမ္မာ။ ဒုက္ခိန္ဒ္ရိယေန ယေ ဓမ္မာ။ သောမနသ္သိန္ဒ္ရိယေန ယေ ဓမ္မာ။ ဒောမနသ္သိန္ဒ္ရိယေန ယေ ဓမ္မာ။ ဥပေက္ခိန္ဒ္ရိယေန ယေ ဓမ္မာ။ သဒ္ဓိန္ဒ္ရိယေန ယေ ဓမ္မာ။ ဝီရိယိန္ဒ္ရိယေန ယေ ဓမ္မာ။ သတိန္ဒ္ရိယေန ယေ ဓမ္မာ။ သမာဓိန္ဒ္ရိယေန ယေ ဓမ္မာ။ ပညိန္ဒ္ရိယေန ယေ ဓမ္မာ။ အနညာတညသ္သာမီတိန္ဒ္ရိယေန ယေ ဓမ္မာ။ အညိန္ဒ္ရိယေန ယေ ဓမ္မာ။ အညာတာဝိန္ဒ္ရိယေန ယေ ဓမ္မာ။ အဝိဇ္ဇာယ ယေ ဓမ္မာ။ အဝိဇ္ဇာပစ္စယာ သင္ခာရေန ယေ ဓမ္မာ။ သဠာယတနပစ္စယာ ဖသ္သေန ယေ ဓမ္မာ။ ဖသ္သပစ္စယာ ဝေဒနာယ ယေ ဓမ္မာ။ ဝေဒနာပစ္စယာ တဏ္ဟာယ ယေ ဓမ္မာ။ တဏ္ဟာပစ္စယာ ဥပာဒာနေန ယေ ဓမ္မာ။ ကမ္မဘဝေန 1 ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
182. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… phassapaccayā vedanāya ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena 2 ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
၁၈၃. ဇာတိယာ ယေ ဓမ္မာ။ ဇရာယ ယေ ဓမ္မာ။ မရဏေန ယေ ဓမ္မာ။ ဈာနေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ အသင္ခတံ ခန္ဓတော ဌပေတ္ဝာ ဒ္ဝီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
183. Jātiyā ye dhammā… jarāya ye dhammā… maraṇena ye dhammā… jhānena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā asaṅkhataṃ khandhato ṭhapetvā dvīhi khandhehi ekenāyatanena ekāya dhātuyā saṅgahitā.
၁၈၄. သောကေန ယေ ဓမ္မာ။ ဒုက္ခေန ယေ ဓမ္မာ။ ဒောမနသ္သေန ယေ ဓမ္မာ။ ဥပာယာသေန ယေ ဓမ္မာ။ သတိပဋ္ဌာနေန ယေ ဓမ္မာ။ သမ္မပ္ပဓာနေန ယေ ဓမ္မာ။ အပ္ပမညာယ ယေ ဓမ္မာ။ ပဉ္စဟိ ဣန္ဒ္ရိယေဟိ ယေ ဓမ္မာ။ ပဉ္စဟိ ဗလေဟိ ယေ ဓမ္မာ။ သတ္တဟိ ဗောဇ္ဈင္ဂေဟိ ယေ ဓမ္မာ။ အရိယေန အဋ္ဌင္ဂိကေန မဂ္ဂေန ယေ ဓမ္မာ။ ဖသ္သေန ယေ ဓမ္မာ။ ဝေဒနာယ ယေ ဓမ္မာ။ သညာယ ယေ ဓမ္မာ။ စေတနာယ ယေ ဓမ္မာ။ အဓိမောက္ခေန ယေ ဓမ္မာ။ မနသိကာရေန ယေ ဓမ္မာ။ ဟေတူဟိ ဓမ္မေဟိ ယေ ဓမ္မာ။ ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ။ ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
184. Sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… vedanāya ye dhammā… saññāya ye dhammā… cetanāya ye dhammā… adhimokkhena ye dhammā… manasikārena ye dhammā… hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
၁၈၅. အပ္ပစ္စယေဟိ ဓမ္မေဟိ ယေ ဓမ္မာ။ အသင္ခတေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
185. Appaccayehi dhammehi ye dhammā… asaṅkhatehi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā catūhi khandhehi ekenāyatanena ekāya dhātuyā saṅgahitā.
၁၈၆. အာသဝေဟိ ဓမ္မေဟိ ယေ ဓမ္မာ။ အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ။ အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
186. Āsavehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā… te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
၁၈၇. သံယောဇနေဟိ ။ ဂန္ထေဟိ။ ဩဃေဟိ။ ယောဂေဟိ။ နီဝရဏေဟိ။ ပရာမာသေဟိ ဓမ္မေဟိ ယေ ဓမ္မာ။ ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
187. Saṃyojanehi … ganthehi… oghehi… yogehi… nīvaraṇehi… parāmāsehi dhammehi ye dhammā… parāmāsehi ceva parāmaṭṭhehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā… te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
၁၈၈. စေတသိကေဟိ ဓမ္မေဟိ ယေ ဓမ္မာ။ စိတ္တသမ္ပယုတ္တေဟိ ဓမ္မေဟိ ယေ ဓမ္မာ။ စိတ္တသံသဋ္ဌေဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ အသင္ခတံ ခန္ဓတော ဌပေတ္ဝာ ဧကေန ခန္ဓေန ဧကေနာယတနေန ဧကာယ ဓာတုယာ သင္ဂဟိတာ။
188. Cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā asaṅkhataṃ khandhato ṭhapetvā ekena khandhena ekenāyatanena ekāya dhātuyā saṅgahitā.
၁၈၉. စိတ္တသဟဘူမိ ဓမ္မေဟိ ယေ ဓမ္မာ။ စိတ္တာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ။ပေ.။ တေ ဓမ္မာ န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
189. Cittasahabhūmi dhammehi ye dhammā… cittānuparivattīhi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā…pe… te dhammā na kehici khandhehi ekenāyatanena ekāya dhātuyā saṅgahitā.
၁၉၀. ဥပာဒာနေဟိ ဓမ္မေဟိ ယေ ဓမ္မာ။ ကိလေသေဟိ ဓမ္မေဟိ ယေ ဓမ္မာ။ ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန သင္ဂဟိတာ ဓာတုသင္ဂဟေန သင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင္ဂဟိတာ? တေ ဓမ္မာ အသင္ခတံ ခန္ဓတော ဌပေတ္ဝာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင္ဂဟိတာ။
190. Upādānehi dhammehi ye dhammā… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā asaṅkhataṃ khandhato ṭhapetvā tīhi khandhehi ekenāyatanena ekāya dhātuyā saṅgahitā.
တယော ခန္ဓာ တထာ သစ္စာ၊ ဣန္ဒ္ရိယာနိ စ သောဠသ။
Tayo khandhā tathā saccā, indriyāni ca soḷasa;
ပဒာနိ ပစ္စယာကာရေ၊ စုဒ္ဒသူပရိ စုဒ္ဒသ။
Padāni paccayākāre, cuddasūpari cuddasa.
သမတိံသ ပဒာ ဟောန္တိ၊ ဂောစ္ဆကေသု ဒသသ္ဝထ။
Samatiṃsa padā honti, gocchakesu dasasvatha;
အသင္ဂဟိတေနသင္ဂဟိတပဒနိဒ္ဒေသော တတိယော။
Asaṅgahitenasaṅgahitapadaniddeso tatiyo.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၃. တတိယနယော အသင္ဂဟိတေနသင္ဂဟိတပဒဝဏ္ဏနာ • 3. Tatiyanayo asaṅgahitenasaṅgahitapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. တတိယနယော အသင္ဂဟိတေနသင္ဂဟိတပဒဝဏ္ဏနာ • 3. Tatiyanayo asaṅgahitenasaṅgahitapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၃. တတိယနယော အသင္ဂဟိတေနသင္ဂဟိတပဒဝဏ္ဏနာ • 3. Tatiyanayo asaṅgahitenasaṅgahitapadavaṇṇanā
