| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[380] 5. аасан̇гаж̇аад̇агаван̣н̣анаа
[380] 5. Āsaṅkajātakavaṇṇanā
аасаавад̇ий наама лад̇аад̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. вад̇т̇у инд̣̇рияаж̇аад̇агз (ж̇аа. 1.8.60 аад̣̇аяо) аави бхависсад̇и. ид̇ха бана сад̇т̇аа д̇ам̣ бхигкум̣ ‘‘сажжам̣ гира д̇вам̣ угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гзна угган̣таабид̇осий’’д̇и вад̇ваа ‘‘бураан̣ад̣̇уд̇ияигааяа, бханд̇з’’д̇и вуд̇д̇з ‘‘бхигку зсаа ид̇т̇ий д̇уяхам̣ анад̇т̇агааригаа, буб̣б̣зби д̇вам̣ зд̇ам̣ ниссааяа жад̇уран̇г̇инисзнам̣ ж̇ахид̇ваа химаванд̇абад̣̇зсз маханд̇ам̣ д̣̇угкам̣ анубхаванд̇о д̇ийн̣и сам̣важчараани васий’’д̇и вад̇ваа ад̇ийд̇ам̣ аахари.
Āsāvatīnāma latāti idaṃ satthā jetavane viharanto purāṇadutiyikāpalobhanaṃ ārabbha kathesi. Vatthu indriyajātake (jā. 1.8.60 ādayo) āvi bhavissati. Idha pana satthā taṃ bhikkhuṃ ‘‘saccaṃ kira tvaṃ ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kena ukkaṇṭhāpitosī’’ti vatvā ‘‘purāṇadutiyikāya, bhante’’ti vutte ‘‘bhikkhu esā itthī tuyhaṃ anatthakārikā, pubbepi tvaṃ etaṃ nissāya caturaṅginisenaṃ jahitvā himavantapadese mahantaṃ dukkhaṃ anubhavanto tīṇi saṃvaccharāni vasī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасиг̇аамз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ уг̇г̇ахид̇асиббо исибаб̣б̣аж̇ж̇ам̣ баб̣б̣аж̇ид̇ваа ванамуулапалаахааро абхин̃н̃аа жа самаабад̇д̇ияо жа ниб̣б̣ад̇д̇зд̇ваа химаванд̇абад̣̇зсз васи. д̇асмим̣ гаалз зго бун̃н̃асамбанно сад̇д̇о д̇аавад̇им̣сабхаванад̇о жавид̇ваа д̇асмим̣ таанз бад̣̇умасарз згасмим̣ бад̣̇умаг̇аб̣бхз д̣̇ааригаа худ̇ваа ниб̣б̣ад̇д̇и, сзсабад̣̇умзсу бураан̣абхаавам̣ бад̇ваа бад̇анд̇зсуби д̇ам̣ махаагужчигам̣ худ̇ваа д̇идтад̇зва. д̇аабасо нахааяид̇ум̣ бад̣̇умасарам̣ г̇ад̇о д̇ам̣ д̣̇исваа ‘‘ан̃н̃зсу бад̣̇умзсу бад̇анд̇зсуби ид̣̇ам̣ махаагужчигам̣ худ̇ваа д̇идтад̇и, гим̣ ну ко гааран̣а’’нд̇и жинд̇зд̇ваа уд̣̇агасаадагам̣ ниваасзд̇ваа од̇аранд̇о г̇анд̇ваа д̇ам̣ бад̣̇умам̣ виварид̇ваа д̇ам̣ д̣̇ааригам̣ д̣̇исваа д̇хийд̇усан̃н̃ам̣ уббаад̣̇зд̇ваа бан̣н̣асаалам̣ аанзд̇ваа бадиж̇аг̇г̇и. саа абарабхааг̇з сол̣асавассигаа худ̇ваа абхируубаа ахоси уд̇д̇амаруубад̇хараа ад̇игганд̇аа маанусагаван̣н̣ам̣, абад̇д̇аа д̣̇зваван̣н̣ам̣. д̇ад̣̇аа сагго б̣од̇хисад̇д̇асса убадтаанам̣ ааг̇ажчад̇и, со д̇ам̣ д̣̇ааригам̣ д̣̇исваа ‘‘гуд̇о зсаа’’д̇и бужчид̇ваа лад̣̇д̇ханияаамам̣ суд̇ваа ‘‘имиссаа гим̣ лад̣̇д̇хум̣ ваддад̇ий’’д̇и бужчи. ‘‘ниваасадтаанам̣ вад̇т̇аалан̇гаарабхож̇анавид̇хаанам̣, маарисаа’’д̇и. со ‘‘саад̇ху, бханд̇з’’д̇и д̇ассаа васанадтаанасса аасаннз палигабаасаад̣̇ам̣ маабзд̇ваа д̣̇иб̣б̣асаяанад̣̇иб̣б̣авад̇т̇аалан̇гаарад̣̇иб̣б̣аннабаанаани маабзси.
Atīte bārāṇasiyaṃ brahmadatte rajjaṃ kārente bodhisatto kāsigāme brāhmaṇakule nibbattitvā vayappatto takkasilāyaṃ uggahitasippo isipabbajjaṃ pabbajitvā vanamūlaphalāhāro abhiññā ca samāpattiyo ca nibbattetvā himavantapadese vasi. Tasmiṃ kāle eko puññasampanno satto tāvatiṃsabhavanato cavitvā tasmiṃ ṭhāne padumasare ekasmiṃ padumagabbhe dārikā hutvā nibbatti, sesapadumesu purāṇabhāvaṃ patvā patantesupi taṃ mahākucchikaṃ hutvā tiṭṭhateva. Tāpaso nahāyituṃ padumasaraṃ gato taṃ disvā ‘‘aññesu padumesu patantesupi idaṃ mahākucchikaṃ hutvā tiṭṭhati, kiṃ nu kho kāraṇa’’nti cintetvā udakasāṭakaṃ nivāsetvā otaranto gantvā taṃ padumaṃ vivaritvā taṃ dārikaṃ disvā dhītusaññaṃ uppādetvā paṇṇasālaṃ ānetvā paṭijaggi. Sā aparabhāge soḷasavassikā hutvā abhirūpā ahosi uttamarūpadharā atikkantā mānusakavaṇṇaṃ, apattā devavaṇṇaṃ. Tadā sakko bodhisattassa upaṭṭhānaṃ āgacchati, so taṃ dārikaṃ disvā ‘‘kuto esā’’ti pucchitvā laddhaniyāmaṃ sutvā ‘‘imissā kiṃ laddhuṃ vaṭṭatī’’ti pucchi. ‘‘Nivāsaṭṭhānaṃ vatthālaṅkārabhojanavidhānaṃ, mārisā’’ti. So ‘‘sādhu, bhante’’ti tassā vasanaṭṭhānassa āsanne phalikapāsādaṃ māpetvā dibbasayanadibbavatthālaṅkāradibbannapānāni māpesi.
со баасаад̣̇о д̇ассаа абхируханагаалз од̇арид̇ваа бхуумияам̣ бад̇идтаад̇и, абхирул̣хагаалз лан̇гхид̇ваа аагаасз д̇идтад̇и. саа б̣од̇хисад̇д̇асса вад̇д̇абадивад̇д̇ам̣ гурумаанаа баасаад̣̇з васад̇и. д̇амзго ванажараго д̣̇исваа ‘‘аяам̣, во бханд̇з, гим̣ ход̇ий’’д̇и бужчид̇ваа ‘‘д̇хийд̇аа мз’’д̇и суд̇ваа б̣аараан̣асим̣ г̇анд̇ваа ‘‘д̣̇зва, маяаа химаванд̇абад̣̇зсз зваруубаа наама згасса д̇аабасасса д̇хийд̇аа д̣̇идтаа’’д̇и ран̃н̃о аарожзси. д̇ам̣ суд̇ваа со саванасам̣саг̇г̇зна б̣аж̇жхид̇ваа ванажарагам̣ маг̇г̇ад̣̇зсагам̣ гад̇ваа жад̇уран̇г̇инияаа сзнааяа д̇ам̣ таанам̣ г̇анд̇ваа канд̇хааваарам̣ ниваасаабзд̇ваа ванажарагам̣ аад̣̇ааяа амажжаг̇ан̣абаривуд̇о ассамабад̣̇ам̣ бависид̇ваа махаасад̇д̇ам̣ ванд̣̇ид̇ваа згаманд̇ам̣ нисинно ‘‘бханд̇з, ид̇т̇ияо наама б̣рахмажарияасса малам̣, д̇умхаагам̣ д̇хийд̇арам̣ ахам̣ бадиж̇аг̇г̇иссаамий’’д̇и ааха. б̣од̇хисад̇д̇о бана ‘‘гим̣ ну ко зд̇асмим̣ бад̣̇умз’’д̇и аасан̇гам̣ гад̇ваа уд̣̇агам̣ од̇арид̇ваа аанийд̇абхаавзна д̇ассаа гумааригааяа аасан̇гаад̇и наамам̣ агааси. со д̇ам̣ рааж̇аанам̣ ‘‘имам̣ г̇ахзд̇ваа г̇ажчаа’’д̇и уж̇угам̣ авад̇ваа ‘‘махаарааж̇а, имааяа гумааригааяа наамам̣ ж̇аананд̇о г̇ан̣хид̇ваа г̇ажчаа’’д̇и ааха. ‘‘д̇умхзхи гат̇ид̇з н̃ассаами, бханд̇з’’д̇и. ‘‘ахам̣ д̇з на гат̇зми, д̇вам̣ ад̇д̇ано бан̃н̃ааб̣алзна наамам̣ ж̇аананд̇ова г̇ахзд̇ваа яаахий’’д̇и. со ‘‘саад̇хуу’’д̇и самбадижчид̇ваа д̇ад̇о бадтааяа амажжзхи сад̣̇д̇хим̣ ‘‘гиннаамаа ну ко зсаа’’д̇и наамам̣ убад̇хаарзд̇и. со яаани д̣̇уж̇ж̇аанаани наамаани, д̇аани гид̇д̇зд̇ваа ‘‘асугаа наама бхависсад̇ий’’д̇и б̣од̇хисад̇д̇зна сад̣̇д̇хим̣ гат̇зд̇и. б̣од̇хисад̇д̇о ‘‘на звам̣наамаа’’д̇и бадигкибад̇и.
So pāsādo tassā abhiruhanakāle otaritvā bhūmiyaṃ patiṭṭhāti, abhiruḷhakāle laṅghitvā ākāse tiṭṭhati. Sā bodhisattassa vattapaṭivattaṃ kurumānā pāsāde vasati. Tameko vanacarako disvā ‘‘ayaṃ, vo bhante, kiṃ hotī’’ti pucchitvā ‘‘dhītā me’’ti sutvā bārāṇasiṃ gantvā ‘‘deva, mayā himavantapadese evarūpā nāma ekassa tāpasassa dhītā diṭṭhā’’ti rañño ārocesi. Taṃ sutvā so savanasaṃsaggena bajjhitvā vanacarakaṃ maggadesakaṃ katvā caturaṅginiyā senāya taṃ ṭhānaṃ gantvā khandhāvāraṃ nivāsāpetvā vanacarakaṃ ādāya amaccagaṇaparivuto assamapadaṃ pavisitvā mahāsattaṃ vanditvā ekamantaṃ nisinno ‘‘bhante, itthiyo nāma brahmacariyassa malaṃ, tumhākaṃ dhītaraṃ ahaṃ paṭijaggissāmī’’ti āha. Bodhisatto pana ‘‘kiṃ nu kho etasmiṃ padume’’ti āsaṅkaṃ katvā udakaṃ otaritvā ānītabhāvena tassā kumārikāya āsaṅkāti nāmaṃ akāsi. So taṃ rājānaṃ ‘‘imaṃ gahetvā gacchā’’ti ujukaṃ avatvā ‘‘mahārāja, imāya kumārikāya nāmaṃ jānanto gaṇhitvā gacchā’’ti āha. ‘‘Tumhehi kathite ñassāmi, bhante’’ti. ‘‘Ahaṃ te na kathemi, tvaṃ attano paññābalena nāmaṃ jānantova gahetvā yāhī’’ti. So ‘‘sādhū’’ti sampaṭicchitvā tato paṭṭhāya amaccehi saddhiṃ ‘‘kinnāmā nu kho esā’’ti nāmaṃ upadhāreti. So yāni dujjānāni nāmāni, tāni kittetvā ‘‘asukā nāma bhavissatī’’ti bodhisattena saddhiṃ katheti. Bodhisatto ‘‘na evaṃnāmā’’ti paṭikkhipati.
ран̃н̃о жа наамам̣ убад̇хаарзнд̇асса сам̣важчаро ад̇ийд̇о. д̇ад̣̇аа хад̇т̇иассамануссз сийхаад̣̇аяо ваал̣аа г̇ан̣ханд̇и, д̣̇ийгхаж̇аад̇игабарибант̇о ход̇и, магкигабарибант̇о ход̇и, сийд̇зна гиламид̇ваа б̣ахуу мануссаа маранд̇и. ат̇а рааж̇аа гуж̇жхид̇ваа ‘‘гим̣ мз зд̇ааяаа’’д̇и б̣од̇хисад̇д̇асса гат̇зд̇ваа бааяааси. аасан̇гаа гумааригаа д̇ам̣ д̣̇ивасам̣ палигаваад̇абаанам̣ виварид̇ваа ад̇д̇аанам̣ д̣̇ассзнд̇ий адтааси. рааж̇аа д̇ам̣ д̣̇исваа ‘‘маяам̣ д̇ава наамам̣ ж̇аанид̇ум̣ на саггома, д̇вам̣ химаванд̇зязва васа, маяам̣ г̇амиссаамаа’’д̇и ааха. ‘‘гахам̣, махаарааж̇а, г̇ажчанд̇о маад̣̇исам̣ ид̇т̇им̣ лабхиссаси, мама важанам̣ сун̣аахи, д̇аавад̇им̣сад̣̇звалогз жид̇д̇алад̇ааванз аасаавад̇ий наама лад̇аа ад̇т̇и, д̇ассаа паласса аб̣бханд̇арз д̣̇иб̣б̣абаанам̣ ниб̣б̣ад̇д̇ам̣, д̇ам̣ згаваарам̣ бивид̇ваа жад̇д̇ааро маасз мад̇д̇аа худ̇ваа д̣̇иб̣б̣асаяанз саяанд̇и, саа бана вассасахассзна палад̇и, сураасон̣д̣аа д̣̇звабуд̇д̇аа ‘ид̇о палам̣ лабхиссаамаа’д̇и д̣̇иб̣б̣абаанабибаасам̣ ад̇хиваасзд̇ваа вассасахассам̣ ниб̣ад̣̇д̇хам̣ г̇анд̇ваа д̇ам̣ лад̇ам̣ ‘арог̇аа ну ко’д̇и ологзнд̇и, д̇вам̣ бана згасам̣важчарзнзва угган̣тид̇о, аасаапалавад̇ий наама сукаа, маа угган̣тий’’д̇и вад̇ваа д̇иссо г̇аат̇аа абхааси –
Rañño ca nāmaṃ upadhārentassa saṃvaccharo atīto. Tadā hatthiassamanusse sīhādayo vāḷā gaṇhanti, dīghajātikaparipantho hoti, makkhikaparipantho hoti, sītena kilamitvā bahū manussā maranti. Atha rājā kujjhitvā ‘‘kiṃ me etāyā’’ti bodhisattassa kathetvā pāyāsi. Āsaṅkā kumārikā taṃ divasaṃ phalikavātapānaṃ vivaritvā attānaṃ dassentī aṭṭhāsi. Rājā taṃ disvā ‘‘mayaṃ tava nāmaṃ jānituṃ na sakkoma, tvaṃ himavanteyeva vasa, mayaṃ gamissāmā’’ti āha. ‘‘Kahaṃ, mahārāja, gacchanto mādisaṃ itthiṃ labhissasi, mama vacanaṃ suṇāhi, tāvatiṃsadevaloke cittalatāvane āsāvatī nāma latā atthi, tassā phalassa abbhantare dibbapānaṃ nibbattaṃ, taṃ ekavāraṃ pivitvā cattāro māse mattā hutvā dibbasayane sayanti, sā pana vassasahassena phalati, surāsoṇḍā devaputtā ‘ito phalaṃ labhissāmā’ti dibbapānapipāsaṃ adhivāsetvā vassasahassaṃ nibaddhaṃ gantvā taṃ lataṃ ‘arogā nu kho’ti olokenti, tvaṃ pana ekasaṃvacchareneva ukkaṇṭhito, āsāphalavatī nāma sukhā, mā ukkaṇṭhī’’ti vatvā tisso gāthā abhāsi –
26.
26.
‘‘аасаавад̇ий наама лад̇аа, ж̇аад̇аа жид̇д̇алад̇ааванз;
‘‘Āsāvatī nāma latā, jātā cittalatāvane;
д̇ассаа вассасахассзна, згам̣ ниб̣б̣ад̇д̇ад̇з палам̣.
Tassā vassasahassena, ekaṃ nibbattate phalaṃ.
27.
27.
‘‘д̇ам̣ д̣̇зваа баяирубаасанд̇и, д̇аава д̣̇уурапалам̣ сад̇им̣;
‘‘Taṃ devā payirupāsanti, tāva dūraphalaṃ satiṃ;
аасийсзва д̇увам̣ рааж̇а, аасаа палавад̇ий сукаа.
Āsīseva tuvaṃ rāja, āsā phalavatī sukhā.
28.
28.
‘‘аасийсад̇зва со багкий, аасийсад̇зва со д̣̇иж̇о;
‘‘Āsīsateva so pakkhī, āsīsateva so dijo;
д̇асса жаасаа самиж̇жхад̇и, д̇аава д̣̇уураг̇ад̇аа сад̇ий;
Tassa cāsā samijjhati, tāva dūragatā satī;
аасийсзва д̇увам̣ рааж̇а, аасаа палавад̇ий сукаа’’д̇и.
Āsīseva tuvaṃ rāja, āsā phalavatī sukhā’’ti.
д̇ад̇т̇а аасаавад̇ийд̇и звам̣наамигаа. саа хи яасмаа д̇ассаа палз аасаа уббаж̇ж̇ад̇и, д̇асмаа зд̇ам̣ наамам̣ лабхад̇и. жид̇д̇алад̇ааванзд̇и звам̣наамагз уяяаанз. д̇асмим̣ гира уяяаанз д̇ин̣аругкалад̇аад̣̇ийнам̣ бабхаа д̇ад̇т̇а бавидтабавидтаанам̣ д̣̇звад̇аанам̣ сарийраван̣н̣ам̣ жид̇д̇ам̣ гарод̇и, д̇знасса ‘‘жид̇д̇алад̇аавана’’нд̇и наамам̣ ж̇аад̇ам̣. баяирубаасанд̇ийд̇и бунаббунам̣ убзнд̇и. аасийсзваад̇и аасийсаахиязва бад̇т̇зхиязва, маа аасажчзд̣̇ам̣ гарохийд̇и.
Tattha āsāvatīti evaṃnāmikā. Sā hi yasmā tassā phale āsā uppajjati, tasmā etaṃ nāmaṃ labhati. Cittalatāvaneti evaṃnāmake uyyāne. Tasmiṃ kira uyyāne tiṇarukkhalatādīnaṃ pabhā tattha paviṭṭhapaviṭṭhānaṃ devatānaṃ sarīravaṇṇaṃ cittaṃ karoti, tenassa ‘‘cittalatāvana’’nti nāmaṃ jātaṃ. Payirupāsantīti punappunaṃ upenti. Āsīsevāti āsīsāhiyeva patthehiyeva, mā āsacchedaṃ karohīti.
рааж̇аа д̇ассаа гат̇ааяа б̣аж̇жхид̇ваа буна амажжз саннибаад̇аабзд̇ваа д̣̇асанаамагам̣ гаарзд̇ваа наамам̣ г̇авзсанд̇о абарамби сам̣важчарам̣ васи. д̇ассаа д̣̇асанаамагамби наамам̣ наахоси, ‘‘асугаа наамаа’’д̇и вуд̇д̇з б̣од̇хисад̇д̇о бадигкибад̇зва. буна рааж̇аа ‘‘гим̣ мз имааяаа’’д̇и д̇уран̇г̇ам̣ ааруяха бааяааси. сааби буна ваад̇абаанз тад̇ваа ад̇д̇аанам̣ д̣̇ассзси. рааж̇аа ‘‘д̇идта д̇вам̣, маяам̣ г̇амиссаамаа’’д̇и ааха. ‘‘гасмаа яааси, махаарааж̇аа’’д̇и? ‘‘д̇ава наамам̣ ж̇аанид̇ум̣ на саггомий’’д̇и. ‘‘махаарааж̇а, гасмаа наамам̣ на ж̇ааниссаси, аасаа наама асамиж̇жханагаа наама над̇т̇и, зго гира б̣аго баб̣б̣ад̇амуд̣̇д̇хани тид̇о ад̇д̇анаа бад̇т̇ид̇ам̣ лабхи, д̇вам̣ гасмаа на лабхиссаси, ад̇хиваасзхи, махаарааж̇аа’’д̇и. зго гира б̣аго згасмим̣ бад̣̇умасарз г̇ожарам̣ г̇ахзд̇ваа уббад̇ид̇ваа баб̣б̣ад̇амад̇т̇агз нилийяи. со д̇ам̣ д̣̇ивасам̣ д̇ад̇т̇зва васид̇ваа бунад̣̇ивасз жинд̇зси ‘‘ахам̣ имасмим̣ баб̣б̣ад̇амад̇т̇агз сукам̣ нисинно, сажз ид̇о анод̇арид̇ваа зд̇т̇зва нисинно г̇ожарам̣ г̇ахзд̇ваа баанийяам̣ бивид̇ваа имам̣ д̣̇ивасам̣ васзяяам̣, бхад̣̇рагам̣ вад̇а ассаа’’д̇и. ат̇а д̇ам̣ д̣̇ивасамзва сагго д̣̇зварааж̇аа асураниммат̇анам̣ гад̇ваа д̇аавад̇им̣сабхаванз д̣̇звиссарияам̣ лад̣̇д̇хаа жинд̇зси ‘мама д̇аава манорат̇о мад̇т̇агам̣ бад̇д̇о, ад̇т̇и ну ко ан̃н̃о гожи абарибун̣н̣аманорат̇о’д̇и убад̇хаарзнд̇о д̇ам̣ д̣̇исваа ‘имасса манорат̇ам̣ мад̇т̇агам̣ баабзссаамий’д̇и б̣агасса нисиннадтаанад̇о авид̣̇уурз згаа над̣̇ий ад̇т̇и, д̇ам̣ над̣̇им̣ огхабун̣н̣ам̣ гад̇ваа баб̣б̣ад̇амад̇т̇агзна бзсзси. соби б̣аго д̇ад̇т̇зва нисинно мажчз каад̣̇ид̇ваа баанийяам̣ бивид̇ваа д̇ам̣ д̣̇ивасам̣ д̇ад̇т̇зва васи, уд̣̇агамби бхассид̇ваа г̇ад̇ам̣. ‘‘звам̣, махаарааж̇а, б̣агоби д̇аава ад̇д̇ано аасаапалам̣ лабхи, гим̣ д̇вам̣ на лабхиссасий’’д̇и вад̇ваа ‘‘аасийсад̇зваа’’д̇иаад̣̇имааха.
Rājā tassā kathāya bajjhitvā puna amacce sannipātāpetvā dasanāmakaṃ kāretvā nāmaṃ gavesanto aparampi saṃvaccharaṃ vasi. Tassā dasanāmakampi nāmaṃ nāhosi, ‘‘asukā nāmā’’ti vutte bodhisatto paṭikkhipateva. Puna rājā ‘‘kiṃ me imāyā’’ti turaṅgaṃ āruyha pāyāsi. Sāpi puna vātapāne ṭhatvā attānaṃ dassesi. Rājā ‘‘tiṭṭha tvaṃ, mayaṃ gamissāmā’’ti āha. ‘‘Kasmā yāsi, mahārājā’’ti? ‘‘Tava nāmaṃ jānituṃ na sakkomī’’ti. ‘‘Mahārāja, kasmā nāmaṃ na jānissasi, āsā nāma asamijjhanakā nāma natthi, eko kira bako pabbatamuddhani ṭhito attanā patthitaṃ labhi, tvaṃ kasmā na labhissasi, adhivāsehi, mahārājā’’ti. Eko kira bako ekasmiṃ padumasare gocaraṃ gahetvā uppatitvā pabbatamatthake nilīyi. So taṃ divasaṃ tattheva vasitvā punadivase cintesi ‘‘ahaṃ imasmiṃ pabbatamatthake sukhaṃ nisinno, sace ito anotaritvā ettheva nisinno gocaraṃ gahetvā pānīyaṃ pivitvā imaṃ divasaṃ vaseyyaṃ, bhadrakaṃ vata assā’’ti. Atha taṃ divasameva sakko devarājā asuranimmathanaṃ katvā tāvatiṃsabhavane devissariyaṃ laddhā cintesi ‘mama tāva manoratho matthakaṃ patto, atthi nu kho añño koci aparipuṇṇamanoratho’ti upadhārento taṃ disvā ‘imassa manorathaṃ matthakaṃ pāpessāmī’ti bakassa nisinnaṭṭhānato avidūre ekā nadī atthi, taṃ nadiṃ oghapuṇṇaṃ katvā pabbatamatthakena pesesi. Sopi bako tattheva nisinno macche khāditvā pānīyaṃ pivitvā taṃ divasaṃ tattheva vasi, udakampi bhassitvā gataṃ. ‘‘Evaṃ, mahārāja, bakopi tāva attano āsāphalaṃ labhi, kiṃ tvaṃ na labhissasī’’ti vatvā ‘‘āsīsatevā’’tiādimāha.
д̇ад̇т̇а аасийсад̇зваад̇и аасийсад̇иязва бад̇т̇зд̇иязва. багкийд̇и багкзхи яуд̇д̇ад̇ааяа багкий. д̣̇вигкад̇д̇ум̣ ж̇аад̇ад̇ааяа д̣̇иж̇о. д̇аава д̣̇уураг̇ад̇аа сад̇ийд̇и баб̣б̣ад̇амад̇т̇агад̇о мажчаанан̃жа уд̣̇агасса жа д̣̇уурабхаавам̣ басса, звам̣ д̣̇уураг̇ад̇аа самаанаа саггасса аанубхаавзна б̣агасса аасаа бууриязваад̇и.
Tattha āsīsatevāti āsīsatiyeva patthetiyeva. Pakkhīti pakkhehi yuttatāya pakkhī. Dvikkhattuṃ jātatāya dijo. Tāva dūragatā satīti pabbatamatthakato macchānañca udakassa ca dūrabhāvaṃ passa, evaṃ dūragatā samānā sakkassa ānubhāvena bakassa āsā pūriyevāti.
ат̇а рааж̇аа д̇ассаа гат̇ам̣ суд̇ваа руубз б̣аж̇жхид̇ваа гат̇ааяа аллийно г̇анд̇ум̣ асаггонд̇о амажжз саннибаад̇зд̇ваа сад̇анаамам̣ гаарзси, сад̇анаамавасзна наамам̣ г̇авзсад̇обисса ан̃н̃ам̣ сам̣важчарам̣ ад̇ийд̇ам̣ . со д̇ин̣н̣ам̣ сам̣важчараанам̣ ажжаязна б̣од̇хисад̇д̇ам̣ убасан̇гамид̇ваа сад̇анаамавасзна ‘‘асугаа наама бхависсад̇ий’’д̇и бужчи. ‘‘на ж̇аанааси, махаарааж̇аа’’д̇и. со ‘‘г̇амиссаама д̣̇аани маяа’’нд̇и б̣од̇хисад̇д̇ам̣ ванд̣̇ид̇ваа бааяааси. аасан̇гаа гумааригаа жа буна палигаваад̇абаанам̣ ниссааяа тид̇аава. рааж̇аа д̇ам̣ д̣̇исваа ‘‘д̇вам̣ ажча, маяам̣ г̇амиссаамаа’’д̇и ааха. ‘‘гасмаа, махаарааж̇аа’’д̇и. ‘‘д̇вам̣ мам̣ важанзнзва санд̇аббзси, на жа гаамарад̇ияаа, д̇ава мад̇хураважанзна б̣аж̇жхид̇ваа васанд̇асса мама д̇ийн̣и сам̣важчараани ад̇игганд̇аани, ид̣̇аани г̇амиссаамий’’д̇и имаа г̇аат̇аа ааха –
Atha rājā tassā kathaṃ sutvā rūpe bajjhitvā kathāya allīno gantuṃ asakkonto amacce sannipātetvā satanāmaṃ kāresi, satanāmavasena nāmaṃ gavesatopissa aññaṃ saṃvaccharaṃ atītaṃ . So tiṇṇaṃ saṃvaccharānaṃ accayena bodhisattaṃ upasaṅkamitvā satanāmavasena ‘‘asukā nāma bhavissatī’’ti pucchi. ‘‘Na jānāsi, mahārājā’’ti. So ‘‘gamissāma dāni maya’’nti bodhisattaṃ vanditvā pāyāsi. Āsaṅkā kumārikā ca puna phalikavātapānaṃ nissāya ṭhitāva. Rājā taṃ disvā ‘‘tvaṃ accha, mayaṃ gamissāmā’’ti āha. ‘‘Kasmā, mahārājā’’ti. ‘‘Tvaṃ maṃ vacaneneva santappesi, na ca kāmaratiyā, tava madhuravacanena bajjhitvā vasantassa mama tīṇi saṃvaccharāni atikkantāni, idāni gamissāmī’’ti imā gāthā āha –
29.
29.
‘‘самбзси ко мам̣ ваажааяа, на жа самбзси гаммунаа;
‘‘Sampesi kho maṃ vācāya, na ca sampesi kammunā;
маалаа сзрзяяагассзва, ван̣н̣аванд̇аа аг̇анд̇хигаа.
Mālā sereyyakasseva, vaṇṇavantā agandhikā.
30.
30.
‘‘апалам̣ мад̇хурам̣ ваажам̣, яо мид̇д̇зсу багуб̣б̣ад̇и;
‘‘Aphalaṃ madhuraṃ vācaṃ, yo mittesu pakubbati;
ад̣̇ад̣̇ам̣ ависсаж̇ам̣ бхог̇ам̣, санд̇хи д̇знасса ж̇ийрад̇и.
Adadaṃ avissajaṃ bhogaṃ, sandhi tenassa jīrati.
31.
31.
‘‘яан̃хи гаяираа д̇ан̃хи вад̣̇з, яам̣ на гаяираа на д̇ам̣ вад̣̇з;
‘‘Yañhi kayirā tañhi vade, yaṃ na kayirā na taṃ vade;
агаронд̇ам̣ бхаасамаанам̣, бариж̇аананд̇и бан̣д̣ид̇аа.
Akarontaṃ bhāsamānaṃ, parijānanti paṇḍitā.
32.
32.
‘‘б̣алан̃жа вад̇а мз кийн̣ам̣, баат̇зяяан̃жа на виж̇ж̇ад̇и;
‘‘Balañca vata me khīṇaṃ, pātheyyañca na vijjati;
сан̇гз баан̣уубарод̇хааяа, ханд̣̇а д̣̇аани важ̇аамаха’’нд̇и.
Saṅke pāṇūparodhāya, handa dāni vajāmaha’’nti.
д̇ад̇т̇а самбзсийд̇и санд̇аббзси бийн̣зси. сзрзяяагассаад̇и суван̣н̣агуран̣д̣агасса. д̣̇зсанаасийсамзвзд̇ам̣, яам̣гин̃жи бана суван̣н̣агуран̣д̣агаж̇аяасуманаад̣̇игам̣ ан̃н̃амби бубпам̣ ван̣н̣асамбаннам̣ аг̇анд̇хагам̣, саб̣б̣ам̣ д̇ам̣ санд̇хааязвамааха. ван̣н̣аванд̇аа аг̇анд̇хигаад̇и яат̇аа сзрзяяагаад̣̇ийнам̣ маалаа ван̣н̣аванд̇ад̇ааяа д̣̇ассанзна д̇аббзд̇и, аг̇анд̇хад̇ааяа г̇анд̇хзна на д̇аббзд̇и, звам̣ д̇вамби д̣̇ассанзна бияаважанзна жа санд̇аббзси, на гаммунаад̇и д̣̇ийбзд̇и. ад̣̇ад̣̇анд̇и бхад̣̇д̣̇з, яо ‘‘имам̣ наама во бхог̇ам̣ д̣̇ассаамий’’д̇и мад̇хураважанзна вад̇ваа д̇ам̣ бхог̇ам̣ ад̣̇ад̣̇анд̇о ависсаж̇ж̇знд̇о гзвалам̣ мад̇хураважанамзва гарод̇и, д̇зна сад̣̇д̇хим̣ асса мид̇д̇асса санд̇хи ж̇ийрад̇и, мид̇д̇асант̇аво на гхадийяад̇и. баат̇зяяан̃жаад̇и бхад̣̇д̣̇з, маяхам̣ д̇ава мад̇хураважанзна б̣аж̇жхид̇ваа д̇ийн̣и сам̣важчараани васанд̇ассзва хад̇т̇иассарат̇абад̇д̇исан̇каад̇ам̣ б̣алан̃жа кийн̣ам̣, мануссаанам̣ бхад̇д̇авзд̇анасан̇каад̇ам̣ баат̇зяяан̃жа над̇т̇и. сан̇гз баан̣уубарод̇хааяаад̇и сваахам̣ ид̇хзва ад̇д̇ано ж̇ийвид̇авинаасам̣ аасан̇гаами, ханд̣̇а д̣̇аанаахам̣ г̇ажчаамийд̇и.
Tattha sampesīti santappesi pīṇesi. Sereyyakassāti suvaṇṇakuraṇḍakassa. Desanāsīsamevetaṃ, yaṃkiñci pana suvaṇṇakuraṇḍakajayasumanādikaṃ aññampi pupphaṃ vaṇṇasampannaṃ agandhakaṃ, sabbaṃ taṃ sandhāyevamāha. Vaṇṇavantā agandhikāti yathā sereyyakādīnaṃ mālā vaṇṇavantatāya dassanena tappeti, agandhatāya gandhena na tappeti, evaṃ tvampi dassanena piyavacanena ca santappesi, na kammunāti dīpeti. Adadanti bhadde, yo ‘‘imaṃ nāma vo bhogaṃ dassāmī’’ti madhuravacanena vatvā taṃ bhogaṃ adadanto avissajjento kevalaṃ madhuravacanameva karoti, tena saddhiṃ assa mittassa sandhi jīrati, mittasanthavo na ghaṭīyati. Pātheyyañcāti bhadde, mayhaṃ tava madhuravacanena bajjhitvā tīṇi saṃvaccharāni vasantasseva hatthiassarathapattisaṅkhātaṃ balañca khīṇaṃ, manussānaṃ bhattavetanasaṅkhātaṃ pātheyyañca natthi. Saṅke pāṇūparodhāyāti svāhaṃ idheva attano jīvitavināsaṃ āsaṅkāmi, handa dānāhaṃ gacchāmīti.
аасан̇гаа гумааригаа ран̃н̃о важанам̣ суд̇ваа ‘‘махаарааж̇а, д̇вам̣ маяхам̣ наамам̣ ж̇аанааси, д̇аяаа вуд̇д̇амзва мама наамам̣, ид̣̇ам̣ мз бид̇у гат̇зд̇ваа мам̣ г̇ан̣хид̇ваа яаахий’’д̇и ран̃н̃аа сад̣̇д̇хим̣ саллабанд̇ий ааха –
Āsaṅkā kumārikā rañño vacanaṃ sutvā ‘‘mahārāja, tvaṃ mayhaṃ nāmaṃ jānāsi, tayā vuttameva mama nāmaṃ, idaṃ me pitu kathetvā maṃ gaṇhitvā yāhī’’ti raññā saddhiṃ sallapantī āha –
33.
33.
‘‘зд̇ад̣̇зва хи мз наамам̣, яам̣наамасми рат̇зсабха;
‘‘Etadeva hi me nāmaṃ, yaṃnāmasmi rathesabha;
ааг̇амзхи махаарааж̇а, бид̇арам̣ ааманд̇аяаамаха’’нд̇и.
Āgamehi mahārāja, pitaraṃ āmantayāmaha’’nti.
д̇ассад̇т̇о – яам̣наамаа ахам̣ асми, д̇ам̣ зд̇ам̣ аасан̇гаад̇взва мама нааманд̇и.
Tassattho – yaṃnāmā ahaṃ asmi, taṃ etaṃ āsaṅkātveva mama nāmanti.
д̇ам̣ суд̇ваа рааж̇аа б̣од̇хисад̇д̇асса санд̇игам̣ г̇анд̇ваа ‘‘бханд̇з, д̇умхаагам̣ д̇хийд̇аа аасан̇гаа наамаа’’д̇и ааха. ‘‘наамам̣ н̃аад̇агаалад̇о бадтааяа д̇ам̣ г̇ахзд̇ваа г̇ажча, махаарааж̇аа’’д̇и. со махаасад̇д̇ам̣ ванд̣̇ид̇ваа палигавимаанад̣̇ваарам̣ ааг̇анд̇ваа ааха – ‘‘бхад̣̇д̣̇з, бид̇арааби д̇з маяхам̣ д̣̇иннаа, зхи д̣̇аани г̇амиссаамаа’’д̇и. ‘‘ааг̇амзхи, махаарааж̇а, бид̇арам̣ ааманд̇аяаамаха’’нд̇и баасаад̣̇аа од̇арид̇ваа махаасад̇д̇ам̣ ванд̣̇ид̇ваа род̣̇ид̇ваа камаабзд̇ваа ран̃н̃о санд̇игам̣ ааг̇ад̇аа. рааж̇аа д̇ам̣ г̇ахзд̇ваа б̣аараан̣асим̣ г̇анд̇ваа буд̇д̇ад̇хийд̇аахи вад̣дханд̇о бияасам̣ваасам̣ васи. б̣од̇хисад̇д̇о абарихийнаж̇жхаано б̣рахмалогз уббаж̇ж̇и.
Taṃ sutvā rājā bodhisattassa santikaṃ gantvā ‘‘bhante, tumhākaṃ dhītā āsaṅkā nāmā’’ti āha. ‘‘Nāmaṃ ñātakālato paṭṭhāya taṃ gahetvā gaccha, mahārājā’’ti. So mahāsattaṃ vanditvā phalikavimānadvāraṃ āgantvā āha – ‘‘bhadde, pitarāpi te mayhaṃ dinnā, ehi dāni gamissāmā’’ti. ‘‘Āgamehi, mahārāja, pitaraṃ āmantayāmaha’’nti pāsādā otaritvā mahāsattaṃ vanditvā roditvā khamāpetvā rañño santikaṃ āgatā. Rājā taṃ gahetvā bārāṇasiṃ gantvā puttadhītāhi vaḍḍhanto piyasaṃvāsaṃ vasi. Bodhisatto aparihīnajjhāno brahmaloke uppajji.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа аасан̇гаа гумааригаа бураан̣ад̣̇уд̇ияигаа ахоси, рааж̇аа угган̣тид̇абхигку, д̇аабасо бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā āsaṅkā kumārikā purāṇadutiyikā ahosi, rājā ukkaṇṭhitabhikkhu, tāpaso pana ahameva ahosinti.
аасан̇гаж̇аад̇агаван̣н̣анаа бан̃жамаа.
Āsaṅkajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 380. аасан̇гаж̇аад̇агам̣ • 380. Āsaṅkajātakaṃ
