| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. асан̇гаманабадисанд̣̇аханабан̃хо
5. Asaṅkamanapaṭisandahanapañho
5. рааж̇аа ааха ‘‘бханд̇з нааг̇асзна, на жа сан̇гамад̇и бадисанд̣̇ахад̇и жаа’’д̇и? ‘‘аама, махаарааж̇а, на жа сан̇гамад̇и бадисанд̣̇ахад̇и жаа’’д̇и. ‘‘гат̇ам̣, бханд̇з нааг̇асзна, на жа сан̇гамад̇и бадисанд̣̇ахад̇и жа, обаммам̣ гарохий’’д̇и? ‘‘яат̇аа, махаарааж̇а, гожид̣̇зва бурисо бад̣̇ийбад̇о бад̣̇ийбам̣ бад̣̇ийбзяяа, гим̣ну ко со, махаарааж̇а, бад̣̇ийбо бад̣̇ийбамхаа сан̇ганд̇о’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, на жа сан̇гамад̇и бадисанд̣̇ахад̇и жаа’’д̇и.
5. Rājā āha ‘‘bhante nāgasena, na ca saṅkamati paṭisandahati cā’’ti? ‘‘Āma, mahārāja, na ca saṅkamati paṭisandahati cā’’ti. ‘‘Kathaṃ, bhante nāgasena, na ca saṅkamati paṭisandahati ca, opammaṃ karohī’’ti? ‘‘Yathā, mahārāja, kocideva puriso padīpato padīpaṃ padīpeyya, kiṃnu kho so, mahārāja, padīpo padīpamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cā’’ti.
‘‘бхияяо обаммам̣ гарохий’’д̇и. ‘‘абхиж̇аанааси ну, д̇вам̣ махаарааж̇а, д̣̇ахараго санд̇о силогаажарияасса санд̇игз гин̃жи силогам̣ г̇ахид̇а’’нд̇и? ‘‘аама, бханд̇з’’д̇и . ‘‘гим̣ну ко, махаарааж̇а, со силого аажарияамхаа сан̇ганд̇о’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, на жа сан̇гамад̇и бадисанд̣̇ахад̇и жаад̇и.
‘‘Bhiyyo opammaṃ karohī’’ti. ‘‘Abhijānāsi nu, tvaṃ mahārāja, daharako santo silokācariyassa santike kiñci silokaṃ gahita’’nti? ‘‘Āma, bhante’’ti . ‘‘Kiṃnu kho, mahārāja, so siloko ācariyamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cāti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
асан̇гаманабадисанд̣̇аханабан̃хо бан̃жамо.
Asaṅkamanapaṭisandahanapañho pañcamo.
