| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౫. అసఙ్కమనపటిసన్దహనపఞ్హో
5. Asaṅkamanapaṭisandahanapañho
౫. రాజా ఆహ ‘‘భన్తే నాగసేన, న చ సఙ్కమతి పటిసన్దహతి చా’’తి? ‘‘ఆమ, మహారాజ, న చ సఙ్కమతి పటిసన్దహతి చా’’తి. ‘‘కథం, భన్తే నాగసేన, న చ సఙ్కమతి పటిసన్దహతి చ, ఓపమ్మం కరోహీ’’తి? ‘‘యథా, మహారాజ, కోచిదేవ పురిసో పదీపతో పదీపం పదీపేయ్య, కింను ఖో సో, మహారాజ, పదీపో పదీపమ్హా సఙ్కన్తో’’తి? ‘‘న హి, భన్తే’’తి. ‘‘ఏవమేవ ఖో, మహారాజ, న చ సఙ్కమతి పటిసన్దహతి చా’’తి.
5. Rājā āha ‘‘bhante nāgasena, na ca saṅkamati paṭisandahati cā’’ti? ‘‘Āma, mahārāja, na ca saṅkamati paṭisandahati cā’’ti. ‘‘Kathaṃ, bhante nāgasena, na ca saṅkamati paṭisandahati ca, opammaṃ karohī’’ti? ‘‘Yathā, mahārāja, kocideva puriso padīpato padīpaṃ padīpeyya, kiṃnu kho so, mahārāja, padīpo padīpamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cā’’ti.
‘‘భియ్యో ఓపమ్మం కరోహీ’’తి. ‘‘అభిజానాసి ను, త్వం మహారాజ, దహరకో సన్తో సిలోకాచరియస్స సన్తికే కిఞ్చి సిలోకం గహిత’’న్తి? ‘‘ఆమ, భన్తే’’తి . ‘‘కింను ఖో, మహారాజ, సో సిలోకో ఆచరియమ్హా సఙ్కన్తో’’తి? ‘‘న హి, భన్తే’’తి. ‘‘ఏవమేవ ఖో, మహారాజ, న చ సఙ్కమతి పటిసన్దహతి చాతి.
‘‘Bhiyyo opammaṃ karohī’’ti. ‘‘Abhijānāsi nu, tvaṃ mahārāja, daharako santo silokācariyassa santike kiñci silokaṃ gahita’’nti? ‘‘Āma, bhante’’ti . ‘‘Kiṃnu kho, mahārāja, so siloko ācariyamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cāti.
‘‘కల్లోసి, భన్తే నాగసేనా’’తి.
‘‘Kallosi, bhante nāgasenā’’ti.
అసఙ్కమనపటిసన్దహనపఞ్హో పఞ్చమో.
Asaṅkamanapaṭisandahanapañho pañcamo.
