| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਅਸਙ੍ਕਮਨਪਟਿਸਨ੍ਦਹਨਪਞ੍ਹੋ
5. Asaṅkamanapaṭisandahanapañho
੫. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਨ ਚ ਸਙ੍ਕਮਤਿ ਪਟਿਸਨ੍ਦਹਤਿ ਚਾ’’ਤਿ? ‘‘ਆਮ, ਮਹਾਰਾਜ, ਨ ਚ ਸਙ੍ਕਮਤਿ ਪਟਿਸਨ੍ਦਹਤਿ ਚਾ’’ਤਿ। ‘‘ਕਥਂ, ਭਨ੍ਤੇ ਨਾਗਸੇਨ, ਨ ਚ ਸਙ੍ਕਮਤਿ ਪਟਿਸਨ੍ਦਹਤਿ ਚ, ਓਪਮ੍ਮਂ ਕਰੋਹੀ’’ਤਿ? ‘‘ਯਥਾ, ਮਹਾਰਾਜ, ਕੋਚਿਦੇવ ਪੁਰਿਸੋ ਪਦੀਪਤੋ ਪਦੀਪਂ ਪਦੀਪੇਯ੍ਯ, ਕਿਂਨੁ ਖੋ ਸੋ, ਮਹਾਰਾਜ, ਪਦੀਪੋ ਪਦੀਪਮ੍ਹਾ ਸਙ੍ਕਨ੍ਤੋ’’ਤਿ? ‘‘ਨ ਹਿ, ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ, ਨ ਚ ਸਙ੍ਕਮਤਿ ਪਟਿਸਨ੍ਦਹਤਿ ਚਾ’’ਤਿ।
5. Rājā āha ‘‘bhante nāgasena, na ca saṅkamati paṭisandahati cā’’ti? ‘‘Āma, mahārāja, na ca saṅkamati paṭisandahati cā’’ti. ‘‘Kathaṃ, bhante nāgasena, na ca saṅkamati paṭisandahati ca, opammaṃ karohī’’ti? ‘‘Yathā, mahārāja, kocideva puriso padīpato padīpaṃ padīpeyya, kiṃnu kho so, mahārāja, padīpo padīpamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cā’’ti.
‘‘ਭਿਯ੍ਯੋ ਓਪਮ੍ਮਂ ਕਰੋਹੀ’’ਤਿ। ‘‘ਅਭਿਜਾਨਾਸਿ ਨੁ, ਤ੍વਂ ਮਹਾਰਾਜ, ਦਹਰਕੋ ਸਨ੍ਤੋ ਸਿਲੋਕਾਚਰਿਯਸ੍ਸ ਸਨ੍ਤਿਕੇ ਕਿਞ੍ਚਿ ਸਿਲੋਕਂ ਗਹਿਤ’’ਨ੍ਤਿ? ‘‘ਆਮ, ਭਨ੍ਤੇ’’ਤਿ । ‘‘ਕਿਂਨੁ ਖੋ, ਮਹਾਰਾਜ, ਸੋ ਸਿਲੋਕੋ ਆਚਰਿਯਮ੍ਹਾ ਸਙ੍ਕਨ੍ਤੋ’’ਤਿ? ‘‘ਨ ਹਿ, ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ, ਨ ਚ ਸਙ੍ਕਮਤਿ ਪਟਿਸਨ੍ਦਹਤਿ ਚਾਤਿ।
‘‘Bhiyyo opammaṃ karohī’’ti. ‘‘Abhijānāsi nu, tvaṃ mahārāja, daharako santo silokācariyassa santike kiñci silokaṃ gahita’’nti? ‘‘Āma, bhante’’ti . ‘‘Kiṃnu kho, mahārāja, so siloko ācariyamhā saṅkanto’’ti? ‘‘Na hi, bhante’’ti. ‘‘Evameva kho, mahārāja, na ca saṅkamati paṭisandahati cāti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਅਸਙ੍ਕਮਨਪਟਿਸਨ੍ਦਹਨਪਞ੍ਹੋ ਪਞ੍ਚਮੋ।
Asaṅkamanapaṭisandahanapañho pañcamo.
