| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияаваг̇г̇о
2. Dutiyavaggo
1-33. асан̇кад̇асуд̇д̇аад̣̇иван̣н̣анаа
1-33. Asaṅkhatasuttādivaṇṇanā
377-409. гааяз гааяаанубассийд̇иаад̣̇ийсу яам̣ вад̇д̇аб̣б̣ам̣, д̇ам̣ барад̇о вагкаама.
377-409.Kāyekāyānupassītiādīsu yaṃ vattabbaṃ, taṃ parato vakkhāma.
анад̇анд̇иаад̣̇ийсу д̇ан̣хаанад̇ияаа абхаавзна анад̇ам̣. жад̇уннам̣ аасаваанам̣ абхаавзна анаасавам̣. барамад̇т̇асажжад̇ааяа сажжам̣. ваддасса барабхааг̇адтзна баарам̣. сан̣хадтзна нибун̣ам̣. судту д̣̇уд̣̇д̣̇асад̇ааяа суд̣̇уд̣̇д̣̇асам̣. ж̇арааяа аж̇арид̇ад̇д̇аа аж̇аж̇ж̇арам̣. т̇ирадтзна д̇хувам̣. абалуж̇ж̇анад̇ааяа абалогид̇ам̣. жагкувин̃н̃аан̣зна абассид̇аб̣б̣ад̇д̇аа анид̣̇ассанам̣. д̇ан̣хаамаанад̣̇идтибабан̃жаанам̣ абхаавзна ниббабан̃жам̣.
Anatantiādīsu taṇhānatiyā abhāvena anataṃ. Catunnaṃ āsavānaṃ abhāvena anāsavaṃ. Paramatthasaccatāya saccaṃ. Vaṭṭassa parabhāgaṭṭhena pāraṃ. Saṇhaṭṭhena nipuṇaṃ. Suṭṭhu duddasatāya sududdasaṃ. Jarāya ajaritattā ajajjaraṃ. Thiraṭṭhena dhuvaṃ. Apalujjanatāya apalokitaṃ. Cakkhuviññāṇena apassitabbattā anidassanaṃ. Taṇhāmānadiṭṭhipapañcānaṃ abhāvena nippapañcaṃ.
санд̇абхаавадтзна санд̇ам̣. маран̣аабхаавзна амад̇ам̣. уд̇д̇амадтзна бан̣ийд̇ам̣. сассиригадтзна сивам̣. нирубад̣̇д̣̇авад̇ааяа кзмам̣. д̇ан̣хаагкаяасса бажжаяад̇д̇аа д̇ан̣хагкаяам̣.
Santabhāvaṭṭhena santaṃ. Maraṇābhāvena amataṃ. Uttamaṭṭhena paṇītaṃ. Sassirikaṭṭhena sivaṃ. Nirupaddavatāya khemaṃ. Taṇhākkhayassa paccayattā taṇhakkhayaṃ.
вимхаабанийяадтзна ажчарам̣ бахарид̇аб̣б̣аяуд̇д̇аганд̇и ажчарияам̣. абхууд̇амзва бхууд̇ам̣ аж̇аад̇ам̣ худ̇ваа ад̇т̇ийд̇и ваа аб̣бхуд̇ам̣. нид̣̇д̣̇угкад̇д̇аа анийд̇игам̣. нид̣̇д̣̇угкасабхаавад̇д̇аа анийд̇игад̇хаммам̣. ваанаабхаавзна ниб̣б̣аанам̣. б̣яааб̣аж̇жхаабхаавзнзва аб̣яааб̣аж̇жхам̣. вирааг̇аад̇хиг̇амасса бажжаяад̇о вирааг̇ам̣. барамад̇т̇асуд̣̇д̇хид̇ааяа суд̣̇д̇хи. д̇ийхи бхавзхи муд̇д̇ад̇ааяа муд̇д̇и. гаамаалаяаанам̣ абхаавзна анаалаяам̣. бад̇идтадтзна д̣̇ийбам̣. аллийяид̇аб̣б̣аяуд̇д̇адтзна лзн̣ам̣. д̇ааяанадтзна д̇аан̣ам̣. бхаяасаран̣адтзна саран̣ам̣, бхаяанаасананд̇и ад̇т̇о. барам̣ аяанам̣ г̇ад̇и бад̇идтаад̇и барааяан̣ам̣. сзсамзд̇т̇а вуд̇д̇анаяамзваад̇и.
Vimhāpanīyaṭṭhena accharaṃ paharitabbayuttakanti acchariyaṃ. Abhūtameva bhūtaṃ ajātaṃ hutvā atthīti vā abbhutaṃ. Niddukkhattā anītikaṃ. Niddukkhasabhāvattā anītikadhammaṃ. Vānābhāvena nibbānaṃ. Byābajjhābhāveneva abyābajjhaṃ. Virāgādhigamassa paccayato virāgaṃ. Paramatthasuddhitāya suddhi. Tīhi bhavehi muttatāya mutti. Kāmālayānaṃ abhāvena anālayaṃ. Patiṭṭhaṭṭhena dīpaṃ. Allīyitabbayuttaṭṭhena leṇaṃ. Tāyanaṭṭhena tāṇaṃ. Bhayasaraṇaṭṭhena saraṇaṃ, bhayanāsananti attho. Paraṃ ayanaṃ gati patiṭṭhāti parāyaṇaṃ. Sesamettha vuttanayamevāti.
асан̇кад̇асам̣яуд̇д̇аван̣н̣анаа нидтид̇аа.
Asaṅkhatasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. асан̇кад̇асуд̇д̇ам̣ • 1. Asaṅkhatasuttaṃ
2. анад̇асуд̇д̇ам̣ • 2. Anatasuttaṃ
3-32. анаасаваад̣̇исуд̇д̇ам̣ • 3-32. Anāsavādisuttaṃ
33. барааяанасуд̇д̇ам̣ • 33. Parāyanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 23-33. асан̇кад̇асуд̇д̇аад̣̇иван̣н̣анаа • 23-33. Asaṅkhatasuttādivaṇṇanā
