| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๒. ทุติยวโคฺค
2. Dutiyavaggo
๑-๓๓. อสงฺขตสุตฺตาทิวณฺณนา
1-33. Asaṅkhatasuttādivaṇṇanā
๓๗๗-๔๐๙. กาเย กายานุปสฺสีติอาทีสุ ยํ วตฺตพฺพํ, ตํ ปรโต วกฺขามฯ
377-409.Kāyekāyānupassītiādīsu yaṃ vattabbaṃ, taṃ parato vakkhāma.
อนตนฺติอาทีสุ ตณฺหานติยา อภาเวน อนตํฯ จตุนฺนํ อาสวานํ อภาเวน อนาสวํฯ ปรมตฺถสจฺจตาย สจฺจํฯ วฎฺฎสฺส ปรภาคเฎฺฐน ปารํฯ สณฺหเฎฺฐน นิปุณํฯ สุฎฺฐุ ทุทฺทสตาย สุทุทฺทสํฯ ชราย อชริตตฺตา อชชฺชรํฯ ถิรเฎฺฐน ธุวํฯ อปลุชฺชนตาย อปโลกิตํฯ จกฺขุวิญฺญาเณน อปสฺสิตพฺพตฺตา อนิทสฺสนํฯ ตณฺหามานทิฎฺฐิปปญฺจานํ อภาเวน นิปฺปปญฺจํฯ
Anatantiādīsu taṇhānatiyā abhāvena anataṃ. Catunnaṃ āsavānaṃ abhāvena anāsavaṃ. Paramatthasaccatāya saccaṃ. Vaṭṭassa parabhāgaṭṭhena pāraṃ. Saṇhaṭṭhena nipuṇaṃ. Suṭṭhu duddasatāya sududdasaṃ. Jarāya ajaritattā ajajjaraṃ. Thiraṭṭhena dhuvaṃ. Apalujjanatāya apalokitaṃ. Cakkhuviññāṇena apassitabbattā anidassanaṃ. Taṇhāmānadiṭṭhipapañcānaṃ abhāvena nippapañcaṃ.
สนฺตภาวเฎฺฐน สนฺตํฯ มรณาภาเวน อมตํฯ อุตฺตมเฎฺฐน ปณีตํฯ สสฺสิริกเฎฺฐน สิวํฯ นิรุปทฺทวตาย เขมํฯ ตณฺหากฺขยสฺส ปจฺจยตฺตา ตณฺหกฺขยํฯ
Santabhāvaṭṭhena santaṃ. Maraṇābhāvena amataṃ. Uttamaṭṭhena paṇītaṃ. Sassirikaṭṭhena sivaṃ. Nirupaddavatāya khemaṃ. Taṇhākkhayassa paccayattā taṇhakkhayaṃ.
วิมฺหาปนียเฎฺฐน อจฺฉรํ ปหริตพฺพยุตฺตกนฺติ อจฺฉริยํฯ อภูตเมว ภูตํ อชาตํ หุตฺวา อตฺถีติ วา อพฺภุตํฯ นิทฺทุกฺขตฺตา อนีติกํฯ นิทฺทุกฺขสภาวตฺตา อนีติกธมฺมํฯ วานาภาเวน นิพฺพานํฯ พฺยาพชฺฌาภาเวเนว อพฺยาพชฺฌํฯ วิราคาธิคมสฺส ปจฺจยโต วิราคํฯ ปรมตฺถสุทฺธิตาย สุทฺธิฯ ตีหิ ภเวหิ มุตฺตตาย มุตฺติฯ กามาลยานํ อภาเวน อนาลยํฯ ปติฎฺฐเฎฺฐน ทีปํฯ อลฺลียิตพฺพยุตฺตเฎฺฐน เลณํฯ ตายนเฎฺฐน ตาณํฯ ภยสรณเฎฺฐน สรณํ, ภยนาสนนฺติ อโตฺถฯ ปรํ อยนํ คติ ปติฎฺฐาติ ปรายณํฯ เสสเมตฺถ วุตฺตนยเมวาติฯ
Vimhāpanīyaṭṭhena accharaṃ paharitabbayuttakanti acchariyaṃ. Abhūtameva bhūtaṃ ajātaṃ hutvā atthīti vā abbhutaṃ. Niddukkhattā anītikaṃ. Niddukkhasabhāvattā anītikadhammaṃ. Vānābhāvena nibbānaṃ. Byābajjhābhāveneva abyābajjhaṃ. Virāgādhigamassa paccayato virāgaṃ. Paramatthasuddhitāya suddhi. Tīhi bhavehi muttatāya mutti. Kāmālayānaṃ abhāvena anālayaṃ. Patiṭṭhaṭṭhena dīpaṃ. Allīyitabbayuttaṭṭhena leṇaṃ. Tāyanaṭṭhena tāṇaṃ. Bhayasaraṇaṭṭhena saraṇaṃ, bhayanāsananti attho. Paraṃ ayanaṃ gati patiṭṭhāti parāyaṇaṃ. Sesamettha vuttanayamevāti.
อสงฺขตสํยุตฺตวณฺณนา นิฎฺฐิตาฯ
Asaṅkhatasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๑. อสงฺขตสุตฺตํ • 1. Asaṅkhatasuttaṃ
๒. อนตสุตฺตํ • 2. Anatasuttaṃ
๓-๓๒. อนาสวาทิสุตฺตํ • 3-32. Anāsavādisuttaṃ
๓๓. ปรายนสุตฺตํ • 33. Parāyanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒๓-๓๓. อสงฺขตสุตฺตาทิวณฺณนา • 23-33. Asaṅkhatasuttādivaṇṇanā
