| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਦੁਤਿਯવਗ੍ਗੋ
2. Dutiyavaggo
੨੩-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ
23-33. Asaṅkhatasuttādivaṇṇanā
੩੭੭-੪੦੯. ਤਤ੍ਥ ਚ ਨਤ੍ਥਿ ਏਤ੍ਥ ਤਣ੍ਹਾਸਙ੍ਖਾਤਂ ਨਤਂ, ਨਤ੍ਥਿ ਏਤਸ੍ਮਿਂ વਾ ਅਧਿਗਤੇ ਪੁਗ੍ਗਲਭਾવੋਤਿ ਅਨਤਂ। ਅਨਾਸવਨ੍ਤਿ ਏਤ੍ਥਾਪਿ ਏਸੇવ ਨਯੋ। ਸਚ੍ਚਧਮ੍ਮਤਾਯ ਸਚ੍ਚਂ। વਟ੍ਟਦੁਕ੍ਖਤੋ ਪਾਰਮੇਤੀਤਿ ਪਾਰਂ। ਸਣ੍ਹਟ੍ਠੇਨਾਤਿ ਸੁਖੁਮਟ੍ਠੇਨ ਨਿਪੁਣਂ। ਤਤੋ ਏવ ਦੁਦ੍ਦਸਤਾਯ। ਅਜਜ੍ਜਰਂ ਨਿਚ੍ਚਸਭਾવਤ੍ਤਾ। ਨਤ੍ਥਿ ਏਤਸ੍ਸ ਨਿਦਸ੍ਸਨਨ੍ਤਿ વਾ ਅਨਿਦਸ੍ਸਨਂ। ਏਤਸ੍ਮਿਂ ਅਧਿਗਤੇ ਨਤ੍ਥਿ ਸਂਸਾਰੇ। ਪਪਞ੍ਚਨ੍ਤਿ વਾ ਨਿਪ੍ਪਪਞ੍ਚਂ।
377-409. Tattha ca natthi ettha taṇhāsaṅkhātaṃ nataṃ, natthi etasmiṃ vā adhigate puggalabhāvoti anataṃ. Anāsavanti etthāpi eseva nayo. Saccadhammatāya saccaṃ. Vaṭṭadukkhato pārametīti pāraṃ. Saṇhaṭṭhenāti sukhumaṭṭhena nipuṇaṃ. Tato eva duddasatāya. Ajajjaraṃ niccasabhāvattā. Natthi etassa nidassananti vā anidassanaṃ. Etasmiṃ adhigate natthi saṃsāre. Papañcanti vā nippapañcaṃ.
ਏਤਸ੍ਮਿਂ ਅਧਿਗਤੇ ਪੁਗ੍ਗਲਸ੍ਸ ਮਰਣਂ ਨਤ੍ਥੀਤਿ વਾ ਅਮਤਂ। ਅਤਪ੍ਪਕਟ੍ਠੇਨ વਾ ਪਣੀਤਂ। ਸੁਖਹੇਤੁਤਾਯ વਾ ਸਿવਂ। ਤਣ੍ਹਾ ਖੀਯਨ੍ਤਿ ਏਤ੍ਥਾਤਿ ਤਣ੍ਹਕ੍ਖਯਂ।
Etasmiṃ adhigate puggalassa maraṇaṃ natthīti vā amataṃ. Atappakaṭṭhena vā paṇītaṃ. Sukhahetutāya vā sivaṃ. Taṇhā khīyanti etthāti taṇhakkhayaṃ.
ਅਞ੍ਞਸ੍ਸ ਤਾਦਿਸਸ੍ਸ ਅਭਾવਤੋ વਿਮ੍ਹਾਪਨੀਯਤਾਯ ਅਭੂਤਮੇવਾਤਿ। ਕੁਤੋਚਿ ਪਚ੍ਚਯਤੋ ਅਨਿਬ੍ਬਤ੍ਤਮੇવ ਹੁਤ੍વਾ ਭੂਤਂ વਿਜ੍ਜਮਾਨਂ। ਤੇਨਾਹ ‘‘ਅਜਾਤਂ ਹੁਤ੍વਾ ਅਤ੍ਥੀ’’ਤਿ। ਨਤ੍ਥਿ ਏਤ੍ਥ ਦੁਕ੍ਖਨ੍ਤਿ ਨਿਦ੍ਦੁਕ੍ਖਂ, ਤਸ੍ਸ ਭਾવੋ ਨਿਦ੍ਦੁਕ੍ਖਤ੍ਤਂ। ਤਸ੍ਮਾ ਅਨੀਤਿਕਂ ਈਤਿਰਹਿਤਂ। વਾਨਂ વੁਚ੍ਚਤਿ ਤਣ੍ਹਾ, ਤਦਭਾવੇਨ ਨਿਬ੍ਬਾਨਂ। ਬ੍ਯਾਬਜ੍ਝਂ વੁਚ੍ਚਤਿ ਦੁਕ੍ਖਂ, ਤਦਭਾવੇਨ ਅਬ੍ਯਾਬਜ੍ਝਂ। ਪਰਮਤ੍ਥਤੋ ਸਚ੍ਚਤੋ ਸੁਦ੍ਧਿਭਾવੇਨ। ਕਾਮਾ ਏવ ਪੁਥੁਜ੍ਜਨੇਹਿ ਅਲ੍ਲੀਯਿਤਬ੍ਬਤੋ ਆਲਯਾ। ਏਸ ਨਯੋ ਸੇਸੇਸੁਪਿ। ਪਤਿਟ੍ਠਟ੍ਠੇਨਾਤਿ ਪਤਿਟ੍ਠਾਭਾવੇਨ વਟ੍ਟਦੁਕ੍ਖਤੋ ਮੁਚ੍ਚਿਤੁਕਾਮਾਨਂ ਦੀਪਸਦਿਸਂ ਓਘੇਹਿ ਅਨਜ੍ਝੋਤ੍ਥਰਣੀਯਤ੍ਤਾ। ਅਲ੍ਲੀਯਿਤਬ੍ਬਯੁਤ੍ਤਟ੍ਠੇਨਾਤਿ ਅਲ੍ਲੀਯਿਤੁਂ ਅਰਹਭਾવਤੋ। ਤਾਯਨਟ੍ਠੇਨਾਤਿ ਸਪਰਤਾਯਨਟ੍ਠੇਨ। ਭਯਸਰਣਟ੍ਠੇਨਾਤਿ ਭਯਸ੍ਸ ਹਿਂਸਨਟ੍ਠੇਨ। ਸੇਟ੍ਠਂ ਉਤ੍ਤਮਂ। ਗਤੀਤਿ ਗਨ੍ਧਬ੍ਬਟ੍ਠਾਨਂ।
Aññassa tādisassa abhāvato vimhāpanīyatāya abhūtamevāti. Kutoci paccayato anibbattameva hutvā bhūtaṃ vijjamānaṃ. Tenāha ‘‘ajātaṃ hutvā atthī’’ti. Natthi ettha dukkhanti niddukkhaṃ, tassa bhāvo niddukkhattaṃ. Tasmā anītikaṃ ītirahitaṃ. Vānaṃ vuccati taṇhā, tadabhāvena nibbānaṃ. Byābajjhaṃ vuccati dukkhaṃ, tadabhāvena abyābajjhaṃ. Paramatthato saccato suddhibhāvena. Kāmā eva puthujjanehi allīyitabbato ālayā. Esa nayo sesesupi. Patiṭṭhaṭṭhenāti patiṭṭhābhāvena vaṭṭadukkhato muccitukāmānaṃ dīpasadisaṃ oghehi anajjhottharaṇīyattā. Allīyitabbayuttaṭṭhenāti allīyituṃ arahabhāvato. Tāyanaṭṭhenāti saparatāyanaṭṭhena. Bhayasaraṇaṭṭhenāti bhayassa hiṃsanaṭṭhena. Seṭṭhaṃ uttamaṃ. Gatīti gandhabbaṭṭhānaṃ.
ਅਸਙ੍ਖਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Asaṅkhatasuttādivaṇṇanā niṭṭhitā.
ਅਸਙ੍ਖਤਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Asaṅkhatasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਅਸਙ੍ਖਤਸੁਤ੍ਤਂ • 1. Asaṅkhatasuttaṃ
੨. ਅਨਤਸੁਤ੍ਤਂ • 2. Anatasuttaṃ
੩-੩੨. ਅਨਾਸવਾਦਿਸੁਤ੍ਤਂ • 3-32. Anāsavādisuttaṃ
੩੩. ਪਰਾਯਨਸੁਤ੍ਤਂ • 33. Parāyanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 1-33. Asaṅkhatasuttādivaṇṇanā
