| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၁. အသညကထာဝဏ္ဏနာ
11. Asaññakathāvaṇṇanā
၃၈၁. ဣဒာနိ အသညကထာ နာမ ဟောတိ။ တတ္ထ ယေသံ ‘‘သင္ခာရပစ္စယာ ဝိညာဏ’’န္တိ ဝစနတော ဝိနာ ဝိညာဏေန ပဋိသန္ဓိ နာမ နတ္ထိ။ ‘‘သညုပ္ပာဒာ စ ပန တေ ဒေဝာ တမ္ဟာ ကာယာ စဝန္တီ’’တိ ဝစနတော အသညသတ္တာနမ္ပိ စုတိပဋိသန္ဓိက္ခဏေ သညာ အတ္ထီတိ လဒ္ဓိ, သေယ္ယထာပိ ဧတရဟိ အန္ဓကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ တတော နံ သကဝာဒီ ‘‘ကိံ တေ တံ ဌာနံ သညာဘဝော’’တိအာဒီဟိ စောဒေတုံ သညာဘဝော သညာဂတီတိအာဒိမာဟ။ တံ သဗ္ဗံ တတော ပရဉ္စ ပာဠိနယေနေဝ ဝေဒိတဗ္ဗန္တိ။
381. Idāni asaññakathā nāma hoti. Tattha yesaṃ ‘‘saṅkhārapaccayā viññāṇa’’nti vacanato vinā viññāṇena paṭisandhi nāma natthi. ‘‘Saññuppādā ca pana te devā tamhā kāyā cavantī’’ti vacanato asaññasattānampi cutipaṭisandhikkhaṇe saññā atthīti laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Tato naṃ sakavādī ‘‘kiṃ te taṃ ṭhānaṃ saññābhavo’’tiādīhi codetuṃ saññābhavo saññāgatītiādimāha. Taṃ sabbaṃ tato parañca pāḷinayeneva veditabbanti.
အသညကထာဝဏ္ဏနာ။
Asaññakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၃၁) ၁၁. အသညကထာ • (31) 11. Asaññakathā
