| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
11. අසඤ්‌ඤකථාවණ්‌ණනා
11. Asaññakathāvaṇṇanā
381. ඉදානි අසඤ්‌ඤකථා නාම හොති. තත්‌ථ යෙසං ‘‘සඞ්‌ඛාරපච්‌චයා විඤ්‌ඤාණ’’න්‌ති වචනතො විනා විඤ්‌ඤාණෙන පටිසන්‌ධි නාම නත්‌ථි. ‘‘සඤ්‌ඤුප්‌පාදා ච පන තෙ දෙවා තම්‌හා කායා චවන්‌තී’’ති වචනතො අසඤ්‌ඤසත්‌තානම්‌පි චුතිපටිසන්‌ධික්‌ඛණෙ සඤ්‌ඤා අත්‌ථීති ලද්‌ධි, සෙය්‍යථාපි එතරහි අන්‌ධකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. තතො නං සකවාදී ‘‘කිං තෙ තං ඨානං සඤ්‌ඤාභවො’’තිආදීහි චොදෙතුං සඤ්‌ඤාභවො සඤ්‌ඤාගතීතිආදිමාහ. තං සබ්‌බං තතො පරඤ්‌ච පාළිනයෙනෙව වෙදිතබ්‌බන්‌ති.
381. Idāni asaññakathā nāma hoti. Tattha yesaṃ ‘‘saṅkhārapaccayā viññāṇa’’nti vacanato vinā viññāṇena paṭisandhi nāma natthi. ‘‘Saññuppādā ca pana te devā tamhā kāyā cavantī’’ti vacanato asaññasattānampi cutipaṭisandhikkhaṇe saññā atthīti laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Tato naṃ sakavādī ‘‘kiṃ te taṃ ṭhānaṃ saññābhavo’’tiādīhi codetuṃ saññābhavo saññāgatītiādimāha. Taṃ sabbaṃ tato parañca pāḷinayeneva veditabbanti.
අසඤ්‌ඤකථාවණ්‌ණනා.
Asaññakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (31) 11. අසඤ්‌ඤකථා • (31) 11. Asaññakathā
