| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৫. পন্নরসমৰগ্গো
15. Pannarasamavaggo
(১৫৪) ১০. অসঞ্ঞসত্তুপিককথা
(154) 10. Asaññasattupikakathā
৭৩৫. সঞ্ঞাৰেদযিতনিরোধসমাপত্তি অসঞ্ঞসত্তুপিকাতি? আমন্তা। অত্থি সঞ্ঞাৰেদযিতনিরোধং সমাপন্নস্স অলোভো কুসলমূলং , অদোসো কুসলমূলং, অমোহো কুসলমূলং, সদ্ধা ৰীরিযং সতি সমাধি পঞ্ঞাতি? ন হেৰং ৰত্তব্বে…পে॰… নত্থি সঞ্ঞাৰেদযিতনিরোধং সমাপন্নস্স অলোভো কুসলমূলং , অদোসো কুসলমূলং…পে॰… পঞ্ঞাতি? আমন্তা। হঞ্চি নত্থি সঞ্ঞাৰেদযিতনিরোধং সমাপন্নস্স অলোভো কুসলমূলং, অদোসো কুসলমূলং, অমোহো কুসলমূলং, সদ্ধা ৰীরিযং সতি সমাধি পঞ্ঞা, নো চ ৰত রে ৰত্তব্বে – ‘‘সঞ্ঞাৰেদযিতনিরোধসমাপত্তি অসঞ্ঞসত্তুপিকা’’তি।
735. Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ, amoho kusalamūlaṃ, saddhā vīriyaṃ sati samādhi paññāti? Na hevaṃ vattabbe…pe… natthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ…pe… paññāti? Āmantā. Hañci natthi saññāvedayitanirodhaṃ samāpannassa alobho kusalamūlaṃ, adoso kusalamūlaṃ, amoho kusalamūlaṃ, saddhā vīriyaṃ sati samādhi paññā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
সঞ্ঞাৰেদযিতনিরোধসমাপত্তি অসঞ্ঞসত্তুপিকাতি? আমন্তা। অত্থি সঞ্ঞাৰেদযিতনিরোধং সমাপন্নস্স ফস্সো ৰেদনা সঞ্ঞা চেতনা চিত্তন্তি? ন হেৰং ৰত্তব্বে…পে॰… নত্থি সঞ্ঞাৰেদযিতনিরোধং সমাপন্নস্স ফস্সো ৰেদনা সঞ্ঞা চেতনা চিত্তন্তি? আমন্তা। অফস্সকস্স মগ্গভাৰনা…পে॰… অচিত্তকস্স মগ্গভাৰনাতি? ন হেৰং ৰত্তব্বে…পে॰… ননু সফস্সকস্স মগ্গভাৰনা…পে॰… সচিত্তকস্স মগ্গভাৰনাতি? আমন্তা। হঞ্চি সফস্সকস্স মগ্গভাৰনা…পে॰… সচিত্তকস্স মগ্গভাৰনা, নো চ ৰত রে ৰত্তব্বে – ‘‘সঞ্ঞাৰেদযিতনিরোধসমাপত্তি অসঞ্ঞসত্তুপিকা’’তি।
Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa phasso vedanā saññā cetanā cittanti? Na hevaṃ vattabbe…pe… natthi saññāvedayitanirodhaṃ samāpannassa phasso vedanā saññā cetanā cittanti? Āmantā. Aphassakassa maggabhāvanā…pe… acittakassa maggabhāvanāti? Na hevaṃ vattabbe…pe… nanu saphassakassa maggabhāvanā…pe… sacittakassa maggabhāvanāti? Āmantā. Hañci saphassakassa maggabhāvanā…pe… sacittakassa maggabhāvanā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
সঞ্ঞাৰেদযিতনিরোধসমাপত্তি অসঞ্ঞসত্তুপিকাতি? আমন্তা। যে কেচি সঞ্ঞাৰেদযিতনিরোধং সমাপজ্জন্তি, সব্বে তে অসঞ্ঞসত্তুপিকাতি? ন হেৰং ৰত্তব্বে…পে॰…।
Saññāvedayitanirodhasamāpatti asaññasattupikāti? Āmantā. Ye keci saññāvedayitanirodhaṃ samāpajjanti, sabbe te asaññasattupikāti? Na hevaṃ vattabbe…pe….
৭৩৬. ন ৰত্তব্বং – ‘‘সঞ্ঞাৰেদযিতনিরোধসমাপত্তি অসঞ্ঞসত্তুপিকা’’তি? আমন্তা। ননু ইধাপি অসঞ্ঞী তত্রাপি অসঞ্ঞীতি? আমন্তা। হঞ্চি ইধাপি অসঞ্ঞী তত্রাপি অসঞ্ঞী, তেন ৰত রে ৰত্তব্বে – ‘‘সঞ্ঞাৰেদযিতনিরোধসমাপত্তি অসঞ্ঞসত্তুপিকা’’তি।
736. Na vattabbaṃ – ‘‘saññāvedayitanirodhasamāpatti asaññasattupikā’’ti? Āmantā. Nanu idhāpi asaññī tatrāpi asaññīti? Āmantā. Hañci idhāpi asaññī tatrāpi asaññī, tena vata re vattabbe – ‘‘saññāvedayitanirodhasamāpatti asaññasattupikā’’ti.
অসঞ্ঞসত্তুপিককথা নিট্ঠিতা।
Asaññasattupikakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. অসঞ্ঞসত্তুপিকাকথাৰণ্ণনা • 10. Asaññasattupikākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১০. অসঞ্ঞসত্তুপিকাকথাৰণ্ণনা • 10. Asaññasattupikākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১০. অসঞ্ঞসত্তুপিকাকথাৰণ্ণনা • 10. Asaññasattupikākathāvaṇṇanā
