| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
15. баннарасамаваг̇г̇о
15. Pannarasamavaggo
(154) 10. асан̃н̃асад̇д̇убигагат̇аа
(154) 10. Asaññasattupikakathā
735. сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаад̇и? ааманд̇аа. ад̇т̇и сан̃н̃аавзд̣̇аяид̇анирод̇хам̣ самаабаннасса алобхо гусаламуулам̣ , ад̣̇осо гусаламуулам̣, амохо гусаламуулам̣, сад̣̇д̇хаа вийрияам̣ сад̇и самаад̇хи бан̃н̃аад̇и? на хзвам̣ вад̇д̇аб̣б̣з…бз… над̇т̇и сан̃н̃аавзд̣̇аяид̇анирод̇хам̣ самаабаннасса алобхо гусаламуулам̣ , ад̣̇осо гусаламуулам̣…бз… бан̃н̃аад̇и? ааманд̇аа. хан̃жи над̇т̇и сан̃н̃аавзд̣̇аяид̇анирод̇хам̣ самаабаннасса алобхо гусаламуулам̣, ад̣̇осо гусаламуулам̣, амохо гусаламуулам̣, сад̣̇д̇хаа вийрияам̣ сад̇и самаад̇хи бан̃н̃аа, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаа’’д̇и.
735. Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ, amoho kusalamūlaṃ, saddhā vīriyaṃ sati samādhi paññāti? Na hevaṃ vattabbe…pe… natthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ…pe… paññāti? Āmantā. Hañci natthi saññāvedayitanirodhaṃ samāpannassa alobho kusalamūlaṃ, adoso kusalamūlaṃ, amoho kusalamūlaṃ, saddhā vīriyaṃ sati samādhi paññā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаад̇и? ааманд̇аа. ад̇т̇и сан̃н̃аавзд̣̇аяид̇анирод̇хам̣ самаабаннасса пассо взд̣̇анаа сан̃н̃аа жзд̇анаа жид̇д̇анд̇и? на хзвам̣ вад̇д̇аб̣б̣з…бз… над̇т̇и сан̃н̃аавзд̣̇аяид̇анирод̇хам̣ самаабаннасса пассо взд̣̇анаа сан̃н̃аа жзд̇анаа жид̇д̇анд̇и? ааманд̇аа. апассагасса маг̇г̇абхааванаа…бз… ажид̇д̇агасса маг̇г̇абхааванаад̇и? на хзвам̣ вад̇д̇аб̣б̣з…бз… нану сапассагасса маг̇г̇абхааванаа…бз… сажид̇д̇агасса маг̇г̇абхааванаад̇и? ааманд̇аа. хан̃жи сапассагасса маг̇г̇абхааванаа…бз… сажид̇д̇агасса маг̇г̇абхааванаа, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаа’’д̇и.
Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa phasso vedanā saññā cetanā cittanti? Na hevaṃ vattabbe…pe… natthi saññāvedayitanirodhaṃ samāpannassa phasso vedanā saññā cetanā cittanti? Āmantā. Aphassakassa maggabhāvanā…pe… acittakassa maggabhāvanāti? Na hevaṃ vattabbe…pe… nanu saphassakassa maggabhāvanā…pe… sacittakassa maggabhāvanāti? Āmantā. Hañci saphassakassa maggabhāvanā…pe… sacittakassa maggabhāvanā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаад̇и? ааманд̇аа. яз гзжи сан̃н̃аавзд̣̇аяид̇анирод̇хам̣ самаабаж̇ж̇анд̇и, саб̣б̣з д̇з асан̃н̃асад̇д̇убигаад̇и? на хзвам̣ вад̇д̇аб̣б̣з…бз….
Saññāvedayitanirodhasamāpatti asaññasattupikāti? Āmantā. Ye keci saññāvedayitanirodhaṃ samāpajjanti, sabbe te asaññasattupikāti? Na hevaṃ vattabbe…pe….
736. на вад̇д̇аб̣б̣ам̣ – ‘‘сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаа’’д̇и? ааманд̇аа. нану ид̇хааби асан̃н̃ий д̇ад̇рааби асан̃н̃ийд̇и? ааманд̇аа. хан̃жи ид̇хааби асан̃н̃ий д̇ад̇рааби асан̃н̃ий, д̇зна вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаа’’д̇и.
736. Na vattabbaṃ – ‘‘saññāvedayitanirodhasamāpatti asaññasattupikā’’ti? Āmantā. Nanu idhāpi asaññī tatrāpi asaññīti? Āmantā. Hañci idhāpi asaññī tatrāpi asaññī, tena vata re vattabbe – ‘‘saññāvedayitanirodhasamāpatti asaññasattupikā’’ti.
асан̃н̃асад̇д̇убигагат̇аа нидтид̇аа.
Asaññasattupikakathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 10. асан̃н̃асад̇д̇убигаагат̇ааван̣н̣анаа • 10. Asaññasattupikākathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. асан̃н̃асад̇д̇убигаагат̇ааван̣н̣анаа • 10. Asaññasattupikākathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. асан̃н̃асад̇д̇убигаагат̇ааван̣н̣анаа • 10. Asaññasattupikākathāvaṇṇanā
