| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๕. ปนฺนรสมวโคฺค
15. Pannarasamavaggo
(๑๕๔) ๑๐. อสญฺญสตฺตุปิกกถา
(154) 10. Asaññasattupikakathā
๗๓๕. สญฺญาเวทยิตนิโรธสมาปตฺติ อสญฺญสตฺตุปิกาติ? อามนฺตาฯ อตฺถิ สญฺญาเวทยิตนิโรธํ สมาปนฺนสฺส อโลโภ กุสลมูลํ , อโทโส กุสลมูลํ, อโมโห กุสลมูลํ, สทฺธา วีริยํ สติ สมาธิ ปญฺญาติ? น เหวํ วตฺตเพฺพ…เป.… นตฺถิ สญฺญาเวทยิตนิโรธํ สมาปนฺนสฺส อโลโภ กุสลมูลํ , อโทโส กุสลมูลํ…เป.… ปญฺญาติ? อามนฺตาฯ หญฺจิ นตฺถิ สญฺญาเวทยิตนิโรธํ สมาปนฺนสฺส อโลโภ กุสลมูลํ, อโทโส กุสลมูลํ, อโมโห กุสลมูลํ, สทฺธา วีริยํ สติ สมาธิ ปญฺญา, โน จ วต เร วตฺตเพฺพ – ‘‘สญฺญาเวทยิตนิโรธสมาปตฺติ อสญฺญสตฺตุปิกา’’ติฯ
735. Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ, amoho kusalamūlaṃ, saddhā vīriyaṃ sati samādhi paññāti? Na hevaṃ vattabbe…pe… natthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ…pe… paññāti? Āmantā. Hañci natthi saññāvedayitanirodhaṃ samāpannassa alobho kusalamūlaṃ, adoso kusalamūlaṃ, amoho kusalamūlaṃ, saddhā vīriyaṃ sati samādhi paññā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
สญฺญาเวทยิตนิโรธสมาปตฺติ อสญฺญสตฺตุปิกาติ? อามนฺตาฯ อตฺถิ สญฺญาเวทยิตนิโรธํ สมาปนฺนสฺส ผโสฺส เวทนา สญฺญา เจตนา จิตฺตนฺติ? น เหวํ วตฺตเพฺพ…เป.… นตฺถิ สญฺญาเวทยิตนิโรธํ สมาปนฺนสฺส ผโสฺส เวทนา สญฺญา เจตนา จิตฺตนฺติ? อามนฺตาฯ อผสฺสกสฺส มคฺคภาวนา…เป.… อจิตฺตกสฺส มคฺคภาวนาติ? น เหวํ วตฺตเพฺพ…เป.… นนุ สผสฺสกสฺส มคฺคภาวนา…เป.… สจิตฺตกสฺส มคฺคภาวนาติ? อามนฺตาฯ หญฺจิ สผสฺสกสฺส มคฺคภาวนา…เป.… สจิตฺตกสฺส มคฺคภาวนา, โน จ วต เร วตฺตเพฺพ – ‘‘สญฺญาเวทยิตนิโรธสมาปตฺติ อสญฺญสตฺตุปิกา’’ติฯ
Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa phasso vedanā saññā cetanā cittanti? Na hevaṃ vattabbe…pe… natthi saññāvedayitanirodhaṃ samāpannassa phasso vedanā saññā cetanā cittanti? Āmantā. Aphassakassa maggabhāvanā…pe… acittakassa maggabhāvanāti? Na hevaṃ vattabbe…pe… nanu saphassakassa maggabhāvanā…pe… sacittakassa maggabhāvanāti? Āmantā. Hañci saphassakassa maggabhāvanā…pe… sacittakassa maggabhāvanā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
สญฺญาเวทยิตนิโรธสมาปตฺติ อสญฺญสตฺตุปิกาติ? อามนฺตาฯ เย เกจิ สญฺญาเวทยิตนิโรธํ สมาปชฺชนฺติ, สเพฺพ เต อสญฺญสตฺตุปิกาติ? น เหวํ วตฺตเพฺพ…เป.…ฯ
Saññāvedayitanirodhasamāpatti asaññasattupikāti? Āmantā. Ye keci saññāvedayitanirodhaṃ samāpajjanti, sabbe te asaññasattupikāti? Na hevaṃ vattabbe…pe….
๗๓๖. น วตฺตพฺพํ – ‘‘สญฺญาเวทยิตนิโรธสมาปตฺติ อสญฺญสตฺตุปิกา’’ติ? อามนฺตาฯ นนุ อิธาปิ อสญฺญี ตตฺราปิ อสญฺญีติ? อามนฺตาฯ หญฺจิ อิธาปิ อสญฺญี ตตฺราปิ อสญฺญี, เตน วต เร วตฺตเพฺพ – ‘‘สญฺญาเวทยิตนิโรธสมาปตฺติ อสญฺญสตฺตุปิกา’’ติฯ
736. Na vattabbaṃ – ‘‘saññāvedayitanirodhasamāpatti asaññasattupikā’’ti? Āmantā. Nanu idhāpi asaññī tatrāpi asaññīti? Āmantā. Hañci idhāpi asaññī tatrāpi asaññī, tena vata re vattabbe – ‘‘saññāvedayitanirodhasamāpatti asaññasattupikā’’ti.
อสญฺญสตฺตุปิกกถา นิฎฺฐิตาฯ
Asaññasattupikakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๐. อสญฺญสตฺตุปิกากถาวณฺณนา • 10. Asaññasattupikākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๐. อสญฺญสตฺตุปิกากถาวณฺณนา • 10. Asaññasattupikākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๐. อสญฺญสตฺตุปิกากถาวณฺณนา • 10. Asaññasattupikākathāvaṇṇanā
