| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੫. ਪਨ੍ਨਰਸਮવਗ੍ਗੋ
15. Pannarasamavaggo
(੧੫੪) ੧੦. ਅਸਞ੍ਞਸਤ੍ਤੁਪਿਕਕਥਾ
(154) 10. Asaññasattupikakathā
੭੩੫. ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾਤਿ? ਆਮਨ੍ਤਾ। ਅਤ੍ਥਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਅਲੋਭੋ ਕੁਸਲਮੂਲਂ , ਅਦੋਸੋ ਕੁਸਲਮੂਲਂ, ਅਮੋਹੋ ਕੁਸਲਮੂਲਂ, ਸਦ੍ਧਾ વੀਰਿਯਂ ਸਤਿ ਸਮਾਧਿ ਪਞ੍ਞਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਅਲੋਭੋ ਕੁਸਲਮੂਲਂ , ਅਦੋਸੋ ਕੁਸਲਮੂਲਂ…ਪੇ॰… ਪਞ੍ਞਾਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਅਲੋਭੋ ਕੁਸਲਮੂਲਂ, ਅਦੋਸੋ ਕੁਸਲਮੂਲਂ, ਅਮੋਹੋ ਕੁਸਲਮੂਲਂ, ਸਦ੍ਧਾ વੀਰਿਯਂ ਸਤਿ ਸਮਾਧਿ ਪਞ੍ਞਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾ’’ਤਿ।
735. Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ, amoho kusalamūlaṃ, saddhā vīriyaṃ sati samādhi paññāti? Na hevaṃ vattabbe…pe… natthi saññāvedayitanirodhaṃ samāpannassa alobho kusalamūlaṃ , adoso kusalamūlaṃ…pe… paññāti? Āmantā. Hañci natthi saññāvedayitanirodhaṃ samāpannassa alobho kusalamūlaṃ, adoso kusalamūlaṃ, amoho kusalamūlaṃ, saddhā vīriyaṃ sati samādhi paññā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾਤਿ? ਆਮਨ੍ਤਾ। ਅਤ੍ਥਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਫਸ੍ਸੋ વੇਦਨਾ ਸਞ੍ਞਾ ਚੇਤਨਾ ਚਿਤ੍ਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਫਸ੍ਸੋ વੇਦਨਾ ਸਞ੍ਞਾ ਚੇਤਨਾ ਚਿਤ੍ਤਨ੍ਤਿ? ਆਮਨ੍ਤਾ। ਅਫਸ੍ਸਕਸ੍ਸ ਮਗ੍ਗਭਾવਨਾ…ਪੇ॰… ਅਚਿਤ੍ਤਕਸ੍ਸ ਮਗ੍ਗਭਾવਨਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਸਫਸ੍ਸਕਸ੍ਸ ਮਗ੍ਗਭਾવਨਾ…ਪੇ॰… ਸਚਿਤ੍ਤਕਸ੍ਸ ਮਗ੍ਗਭਾવਨਾਤਿ? ਆਮਨ੍ਤਾ। ਹਞ੍ਚਿ ਸਫਸ੍ਸਕਸ੍ਸ ਮਗ੍ਗਭਾવਨਾ…ਪੇ॰… ਸਚਿਤ੍ਤਕਸ੍ਸ ਮਗ੍ਗਭਾવਨਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾ’’ਤਿ।
Saññāvedayitanirodhasamāpatti asaññasattupikāti? Āmantā. Atthi saññāvedayitanirodhaṃ samāpannassa phasso vedanā saññā cetanā cittanti? Na hevaṃ vattabbe…pe… natthi saññāvedayitanirodhaṃ samāpannassa phasso vedanā saññā cetanā cittanti? Āmantā. Aphassakassa maggabhāvanā…pe… acittakassa maggabhāvanāti? Na hevaṃ vattabbe…pe… nanu saphassakassa maggabhāvanā…pe… sacittakassa maggabhāvanāti? Āmantā. Hañci saphassakassa maggabhāvanā…pe… sacittakassa maggabhāvanā, no ca vata re vattabbe – ‘‘saññāvedayitanirodhasamāpatti asaññasattupikā’’ti.
ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾਤਿ? ਆਮਨ੍ਤਾ। ਯੇ ਕੇਚਿ ਸਞ੍ਞਾવੇਦਯਿਤਨਿਰੋਧਂ ਸਮਾਪਜ੍ਜਨ੍ਤਿ, ਸਬ੍ਬੇ ਤੇ ਅਸਞ੍ਞਸਤ੍ਤੁਪਿਕਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Saññāvedayitanirodhasamāpatti asaññasattupikāti? Āmantā. Ye keci saññāvedayitanirodhaṃ samāpajjanti, sabbe te asaññasattupikāti? Na hevaṃ vattabbe…pe….
੭੩੬. ਨ વਤ੍ਤਬ੍ਬਂ – ‘‘ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾ’’ਤਿ? ਆਮਨ੍ਤਾ। ਨਨੁ ਇਧਾਪਿ ਅਸਞ੍ਞੀ ਤਤ੍ਰਾਪਿ ਅਸਞ੍ਞੀਤਿ? ਆਮਨ੍ਤਾ। ਹਞ੍ਚਿ ਇਧਾਪਿ ਅਸਞ੍ਞੀ ਤਤ੍ਰਾਪਿ ਅਸਞ੍ਞੀ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾ’’ਤਿ।
736. Na vattabbaṃ – ‘‘saññāvedayitanirodhasamāpatti asaññasattupikā’’ti? Āmantā. Nanu idhāpi asaññī tatrāpi asaññīti? Āmantā. Hañci idhāpi asaññī tatrāpi asaññī, tena vata re vattabbe – ‘‘saññāvedayitanirodhasamāpatti asaññasattupikā’’ti.
ਅਸਞ੍ਞਸਤ੍ਤੁਪਿਕਕਥਾ ਨਿਟ੍ਠਿਤਾ।
Asaññasattupikakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ • 10. Asaññasattupikākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ • 10. Asaññasattupikākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ • 10. Asaññasattupikākathāvaṇṇanā
