| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
10. அஸஞ்ஞஸத்துபிகாகதா²வண்ணனா
10. Asaññasattupikākathāvaṇṇanā
735. இதா³னி அஸஞ்ஞஸத்துபிகாகதா² நாம ஹோதி. தத்த² ஸஞ்ஞாவிராக³வஸேன பவத்தபா⁴வனா அஸஞ்ஞஸமாபத்திபி நிரோத⁴ஸமாபத்திபி ஸஞ்ஞாவேத³யிதனிரோத⁴ஸமாபத்தி நாம. இதி த்³வே ஸஞ்ஞாவேத³யிதனிரோத⁴ஸமாபத்தியோ லோகியா ச லோகுத்தரா ச. தத்த² லோகியா புது²ஜ்ஜனஸ்ஸ அஸஞ்ஞஸத்துபிகா ஹோதி, லோகுத்தரா அரியானங், ஸா ச நாஸஞ்ஞஸத்துபிகா. இமங் பன விபா⁴க³ங் அகத்வா அவிஸேஸேன ஸஞ்ஞாவேத³யிதனிரோத⁴ஸமாபத்தி அஸஞ்ஞஸத்துபிகாதி யேஸங் லத்³தி⁴, ஸெய்யதா²பி ஹேதுவாதா³னங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் யஸ்மா அஸஞ்ஞஸமாபத்திங் ஸமாபன்னஸ்ஸ அலோபா⁴த³யோ அத்தி², ந நிரோத⁴ஸமாபத்திங், தஸ்மா தேஸங் வஸேன சோதே³துங் அத்தீ²திஆதி³மாஹ.
735. Idāni asaññasattupikākathā nāma hoti. Tattha saññāvirāgavasena pavattabhāvanā asaññasamāpattipi nirodhasamāpattipi saññāvedayitanirodhasamāpatti nāma. Iti dve saññāvedayitanirodhasamāpattiyo lokiyā ca lokuttarā ca. Tattha lokiyā puthujjanassa asaññasattupikā hoti, lokuttarā ariyānaṃ, sā ca nāsaññasattupikā. Imaṃ pana vibhāgaṃ akatvā avisesena saññāvedayitanirodhasamāpatti asaññasattupikāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
736. இதா⁴பி அஸஞ்ஞீதி பஞ்ஹே இத⁴ ஸஞ்ஞாவிராக³வஸேன ஸமாபன்னத்தா அஸஞ்ஞிதா அனுஞ்ஞாதா, தத்ராபி அஸஞ்ஞஸத்தேனேவ. தஸ்மா இமங் படிஞ்ஞங் க³ஹெத்வா லத்³தி⁴ங் பதிட்ட²பெந்தேன ச²லேன பதிட்டா²பிதா ஹோதி. இத⁴ வா நிரோத⁴ஸமாபத்திங் ஸந்தா⁴ய அஸஞ்ஞிதா அனுஞ்ஞாதா. தத்ராபி இதோ சுதஸ்ஸ அனாகா³மினோ நிரோத⁴ஸமாபத்திமேவ தஸ்மாபி இமாய படிஞ்ஞாய பதிட்டா²பிதா லத்³தி⁴ அப்பதிட்டி²தாயேவாதி.
736. Idhāpi asaññīti pañhe idha saññāvirāgavasena samāpannattā asaññitā anuññātā, tatrāpi asaññasatteneva. Tasmā imaṃ paṭiññaṃ gahetvā laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya asaññitā anuññātā. Tatrāpi ito cutassa anāgāmino nirodhasamāpattimeva tasmāpi imāya paṭiññāya patiṭṭhāpitā laddhi appatiṭṭhitāyevāti.
அஸஞ்ஞஸத்துபிகாகதா²வண்ணனா.
Asaññasattupikākathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (154) 10. அஸஞ்ஞஸத்துபிககதா² • (154) 10. Asaññasattupikakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. அஸஞ்ஞஸத்துபிகாகதா²வண்ணனா • 10. Asaññasattupikākathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. அஸஞ்ஞஸத்துபிகாகதா²வண்ணனா • 10. Asaññasattupikākathāvaṇṇanā
